靠得住粥麵小館 (奧海城二期)

營業中

休息中

第二次幫襯，今次嗌咗以下食物：1. 心肝寶貝粥- 配料係：厚切豬潤 + 帶子，唔係講笑，個帶子真係又鮮甜又好味唔痴牙，豬潤亦係厚切冇花假，個粥底靚及正，我食唔出有落味精（起碼食完唔會勁頸渴），成碗粥我真係俾足一百分，因為真係粥同配料都勁好味👍👍2. 鹹肉糭- 好食，足料😋😋3. 紅油水餃- 呢個味道反而麻麻哋價錢：我哋下午茶時段幫襯，不過我哋冇嗌到tea set, 不過3樣食物加埋都只需$13x多元，以質素嚟計，呢個正價一啲都唔貴，真係好推介大家去幫襯👍👍

本身訂咗位同老闆飲茶，但係落雨唯有去商場食飯，點知另一間酒樓又齋入訂位客。全部Walk in客呆等。谷鬼氣就過咗去對面食粥。平時真係好少lunch出去外面食飯，原來呢間粥舖而家多咗好多選擇。又可以配小食，最鍾意可以自由配搭，唔使限住曬。咁就叫咗個艇仔粥配一份牛肉，本身想食蠔仔，但係驚自己腸胃唔好都係無配。點解想食艇仔粥，其實係想食碎牛，但係𢳂嘅時候好似冇覺，反而有啲好似鴨肉絲嘅物體。OMG!最怕嘅艇仔粥落魚片，不過好彩佢啲魚片都唔腥又唔係同埋冇骨，又處理得幾好。啲牛肉唔係肥牛，係滑牛咁款，但係又唔會好多油落去醃。補償返冇得食碎牛㗎心願。個粥底都唔會太稀，就算撩咗好多羮最尾都唔會水。同事嗌咗扣肉飯，老闆同大老闆就叫咗炒麵，望落去都幾吸引，下次出街食晏又可以多個選擇。

外賣兩碗皮蛋瘦肉粥同埋一碗鹽焗雞粥，竟然水多過粥，小朋友仲以為係雞湯，點解唔可以落多啲米？點解啲職員咁都可以俾客？之前堂食過都唔係咁，今次外賣真係離譜得很，唔會再食！

今日一個人去附近吃早餐，來到這間全港有多間分店的「靠得住」。它曾獲得米芝蓮之選的粥店！餐廳主要供應各式粥、麵、糭等傳統中菜。這間分店環境不錯，使用QR code點單，但服務員態度一般。餐廳的茶是蘋果紅茶，雖然要加$3，但個人覺得是值得的，因為真的很好喝！他的粥品每日新鮮熬製，是採用魚湯作粥底。所以有一份魚的鮮甜味道作粥底。今日叫了皮蛋瘦肉粥（走青），粥分量不少，而且很綿，很清甜！吃完很暖胃。另外，配以很嫩滑的混醬腸粉，真的很不錯啊！

這晚點了以下三款食物：豉油王乳鴿：有肉汁，肉質嫩滑，味道好。蝦球帶子炒西蘭花：蝦球有六隻，帶子有四隻，都很大隻，爽口彈牙，但鮮味不太突出，西蘭花翠綠，整體味道不錯。水餃撈麵：水餃四隻，個頭不大，但內饀滿滿，麵爽口彈牙沒有鹼水味，正！下次再來，乳鴿必吃。

呢間餐廳座落於鐵路站連接既奧海城商場，並且大家想去巴士站時都必經呢間餐廳落去，就喺連接天橋既轉彎位。地理位置十分優良。今日係同幾個朋友一齊黎食lunch，我搭鐵，佢地搭巴士，咁呢間舖自然就係中間位啦。入去係完全唔洗等位架，因為地方都夠大，而且冇乜人等。我叫左一個鰻魚炒飯，作為一個重口味人士，個人認為係偏淡既，唔係好食得出有鹹味，同埋肉唔太多，食完都唔係太充實既感覺。飲品方面，叫左熱既薏米水，諗住大熱天時去下濕，覺得都唔錯，料都多，但係要加10蚊。整體黎講，呢間餐廳都偏貴。

今日過來奧海城睇戲, 支持一下, 見未夠鐘要找地方醫下肚😅 今日落大雨💦天氣涼左d, 不如去吃碗粥暖下胃😻, 上次咸肉粽加粥食唔晒😛今次唔敢再叫😆, 中午有唔同午餐, 今次我揀左魚鮫粥配銀芽炒麵, 唔想食內臟亦唔想食肉, 魚會健康d, 無敢肥😜而且魚鮫唔係成日有, QR code落單, 粥我揀左走蔥同走薑, 炒麵也可以走芽走韭菜, 不過兩樣我都食, 所以無走到, 等左一陣麵先送來, 都唔細碟, 亦炒得好靚, 不過表面看到有d油, 食下先, 食落又唔係好油, 而且係熱, 有芽菜和韭菜, 所以都好香🤗有d麵硬左, 味道也ok, 但底部我無食了🤣 再等左一陣魚粥也到, 食啖粥先, 粥底好香😚😋份量也唔少, 今次d魚唔腥, d魚鮫可能有煎過, 所以表面有d金黃色, 食落又幾香👍🤩 好彩早一步入左座, 之後見到排隊😛 整體味道唔錯, 不過可能真係太忙, 未有比杯水給我, 因為其實有加一服務費😅

大角咀似乎冇乜有質素嘅粥品店可以選擇，就嚟咗「靠得住」。有一排冇嚟，已經變成手機落單，好方便！😯今日叫咗個套餐：🔸客家鹽焗雞粥🔸略鹹，食完覺得好口渴。不過，抵讚嘅係雞件大大件，夠嫩滑，冇乜骨，啱晒鍾意食啖啖肉嘅人🤭🔸銀芽炒麵🔸非常鍾意呢度嘅炒麵，事關面身軟硬度剛好，唔似坊間炒得太腍，又唔會太油膩，份量適中。可惜，唔夠熱🤔其實呢度嘅粥品，普遍都係鹹，如果可以改善啲方面真係冇得彈👍🏻

未來過依間, 想試下, 食点粥易入口d, QR code落單, 由於時間尚早, 不算好多人, 比安排坐單人卡位, 突然想食咸肉粽, 叫左只來食下, 唔係好耐就送到, 味道唔錯, 不過我個人認為入面d香料落得重手左d, 我覺得可以淡味返少少😅, 我將入面舊肉夾晒出來, 不過佢入面只咸蛋黃好正好香👍,到食晒只粽, 碗豬潤魚腩粥先送到, 我揀左走青😅, 先食啖粥, 好清甜, 佢哋話用魚湯煲粥🤔, 食舊豬潤, 都算爽脆😋😋, 食一舊魚腩, 依舊可能不是太新鮮, 食落有少少腥🙊, 我將d魚腩皮同肥的部分也夾晒出來, 另外二舊魚腩就無腥味, 可能有点煎過, 所以食落比較香😋👍, 由於碗粥都好大碗, 但狀態不太好的我, 都係食左半碗左右, 已經唔想食了😅😅可能下次再去, 食一碗粥已經好夠🤣🤣

今年第一頓羊腩煲，是在這間「靠得住粥麵小館」分店吃的。吃的是午餐，來到這小館的時候才剛剛中午十二時，想不到竟然已有這個包括「古法枝竹羊肉煲配唐生菜」和「金銀蒜粉絲蒸開邊蝦」在內的「秋冬滋補組合」（$268）可以吃。雖然不是更寒冷的冬夜，但冬日裡的氣溫仍然甚低，只得十度多些，吃一個暖笠笠的羊腩煲暖暖胃仍是甚好。先說羊腩煲，羊腩大概有七至八件左右，肉都幾多，不會骨大肉少，而且羊腩都幾肥美，配以濃郁惹味的湯汁，讓一整年沒吃過羊腩煲的我相當滿足。至於其他配料，索汁的枝竹、冬菇、馬蹄等物，加上份量都算幾多的唐生菜，也讓這羊腩煲變得更加好味。約有五至六隻蝦的「金銀蒜粉絲蒸開邊蝦」也是惹味之物，大量的金銀蒜加上醬油，正是美味之源，不過蝦沒挑蝦腸，需要自己挑出污穢之物，就不太好，而且最佳配角的粉絲不夠多，也令我覺得不太夠喉。單吃羊腩煲和開邊蝦當然不夠，怎麼說也要來碗白飯吧！另叫的「茉莉香米白飯」（$10）軟硬適中，把羊腩煲的惹味湯汁澆上飯面吃，特別好味。還點了「時令燉湯」，是「杏汁白肺湯」（$38）。這湯湯味不錯，除豬肺外，還有少許瘦肉，才四十元不到，都算幾抵飲。今年的第一頓羊腩煲，就是這樣嚐過了。

今日下午同朋友行奧海城，行到下午有啲肚餓，見有間靠得住，即管入去醫肚啦，我們叫了白灼鱔球👍好新鮮好爽口，鹽焗雞去骨好正👍雲吞麵他們用一個金色嘅壺加入熱湯落麵裏服務員話啲面會爽啲好味啲👍另外叫了一個竹笙椰子雞鍋，他們好細心有一個漏斗給我們計時，還有一個隔熱嘅類似手套，一個滅火器，又有一小布員工話開煲蓋時用，這間店好細心，員工都好親切，整體上👍滿意，下次一定介紹給朋友，果然冇改錯名（靠得住）

上次喺Yoho食完靠得住好滿意，晚上同屋企人行奧海城，到食飯時間留意到又有靠得住，見到門口有個大廣告羊腩煲配蒜蓉開邊蒸蝦$268配生菜添，好吸引，所以就入咗去裏面食，仍然冇令到我失望，羊腩煲好好味，蒜蓉開邊蝦啲蝦好大隻，仲配埋清爽嘅灼生菜。如果去酒樓食肯定唔止這個價錢👍😋😋😋但係質素可以同酒樓媲美下次會再試下其他嘢食👍

這幾年我和幾位朋友經常定期光顧此分店，食物質素尚可，環境不錯，一向服務態度亦不錯，只是間中一兩位較一般，仍可接受。此店可以掃QR code點餐，但手機字體太小，所以少用，同時需要收加一服務費，个人更覺得不值得用以往我去光顧都不用排隊，今天因為國慶假期7折優惠，中午需在門外排隊約20分鈡才能入座。值得一讚是其中一位職員有留意在門外排隊的人龍(餐廳沒有取籌/登記入座服務)，確保冇人打尖。我們4人入座後，因為人多，侍應較忙，所以我打算用QR code點餐，但掃了幾次，仍未能進入點餐系統。唯有叫侍應點餐，可是該名中年女侍應一埋枱就黑口黑面地説：「要d乜？快d講」，朋友們都嚇到o晒咀，點完4味菜之後，侍應亦未有核對order，一言不發就得咗去！已經一肚氣。幾分鈡後，打算加單，另一女侍應埋枱，又係黑口黑面，不過佢就話：「唔好講住，部机(侍應手持的點餐机)好慢，講完一樣到一樣，慢慢講！」以為去咗差館落口供。點解咁奇怪，一个叫我快d講，一个叫我慢慢講。好似我去招呼佢地似d!後來再問第一位中年女侍應取幾隻碗及匙子，今次仲完全冇反應，根本唔知佢聽唔聽到，完全感受到乜嘢叫做《聽到唔代表要應你》，幾分鈡後感受

天氣好熱，口淡淡冇咩胃口想食下粥，見到門面靠得住幾吸引下，入左去試。入面環境OK，坐得幾舒服，我地叫左拆骨鮮雞粥+珍珠蠔仔粥+銀芽炒面+混醬腸粉~~呢個真係要講，個雞粥真係好好好好味，佢地既自家魚湯粥底再配合雞既鮮味，味道超級match!!!!口感非常柔軟，成碗粥的味道非常濃郁，非常美味。 佢唔同我地平時出去食既雞粥，佢成碗粥真係好有鮮雞味，色香味俱全，性價比好高，超級推薦!!而佢既珍珠蠔仔粥，可能因為食完雞粥，就覺得味道冇咩特別，但佢用料真係幾足，珍珠蠔口感幾彈牙，只係可能魚湯+蠔仔，會有D腥。而銀芽炒面+混醬腸粉同出面食既都差唔多，不過佢地既賣相真係幾好。飲品方面，我地叫左凍豆漿同薏米水，都OK。埋單兩個人食左$154，其實都食左幾多野下。入黎既時候明明無咩胃口，但除左蠔仔粥外其他食物都差唔多食晒食完出面開始要排隊啦，我見呢間都幾多一家大細落黎食。如果你喜歡吃雞粥，我強烈推薦你來這家餐廳試試。 呢張係下午茶menu~ 下午茶時段係2:00-6:00pm~

一直都覺得依間野嘅雞粥同炒麵好好食，咁岩今日去嘅時候2點鐘，可以開始點下午茶，所以比平時優惠得多，雞粥炒麵餐$58。除左上面講果兩樣，佢個炸豬扒客飯都相當之好味， 可惜d 姐姐話已經無再做客飯了。價錢方面，可能因為有米芝蓮嘅加持，佢真係唔平，平時正常時段d粥粉麵餐都要成$70蚊左右, 但係以味道黎計，我就覺得相當之值得。因為佢個雞粥真係超好食，連我本身唔鍾意食粥嘅人，每次都會主動點雞粥，所以如果未食過，一定要試下。