靠得住粥麵小館 (奧海城二期)

呢間餐廳座落於鐵路站連接既奧海城商場，並且大家想去巴士站時都必經呢間餐廳落去，就喺連接天橋既轉彎位。地理位置十分優良。



今日係同幾個朋友一齊黎食lunch，我搭鐵，佢地搭巴士，咁呢間舖自然就係中間位啦。入去係完全唔洗等位架，因為地方都夠大，而且冇乜人等。

我叫左一個鰻魚炒飯，作為一個重口味人士，個人認為係偏淡既，唔係好食得出有鹹味，同埋肉唔太多，食完都唔係太充實既感覺。



飲品方面，叫左熱既薏米水，諗住大熱天時去下濕，覺得都唔錯，料都多，但係要加10蚊。整體黎講，呢間餐廳都偏貴。