青葉海鮮酒家 (昌泰街)

營業中

休息中

是日荃灣半天遊, 約了客吃午飯, 在這間酒樓飲茶, 台灣店名, 但粵式菜, 與客吃飯, 不便拍照, 只影了單張, 叫了一個午市套餐, 只$98, 包二款點心, 一款小菜, 一款飯類, 點心一: 香菇雞包仔, 尚算軟熟, 材料有蝦和肉和東菇, 肉比較實, 蝦沒有味道, 東菇只我兩小粒, 點心二: 鮮竹牛肉球, 肉質肥瘦適中, 但偏乾身, 小菜: 涼瓜排骨煲, 涼失淋, 排骨瘦, 十分熱上枱, 好味! 飯: 福建炒飯, 材料十足, 飯乾身, 味略淡, 二人剛好! 總括而言, 不錯的一餐, 將來會再幫襯!

喜愛片皮鴨, 無奈二人晚飯心知不能吃完, 只好作罷. 終於等到一行5 人, 能一親香澤 ~片皮鴨二吃, 菜膽扒時蔬, 京蔥爆牛肉, 粉絲肉蟹煲, 荷葉飯片皮鴨有齊應有配料, 一塊鴨皮差不多剛好配一塊薄餅皮, 最後只剩三塊鴨皮. 吃北京人家, 薄餅皮嚴重不足, 店方要我們另外order薄餅皮.. 薄餅皮包上鴨片連些鴨肉, 加上青瓜, 大蔥, 甜醬~ 豐腴美味!! 只是現在間間酒家出品啲片皮鴨都夾有不少肥膏, 不捨也要提醒自己適可而止... 京蔥爆牛肉 牛肉柔軟是泡油後的好處, 下得十分多京蔥粉絲肉蟹煲 十分足料, 足足有二隻蟹 !! 推介!! 不過粉絲過油, 可能是用煲上怕粘底, 但也就是下得太過份, 用慢火花多少少時間就唔使噤重手!菜膽扒時蔬 上菜時顯得頗為失色, 有少少hea ....片皮鴨第二吃 是加入苦瓜, 豆豉醬同煮. 不過不失. 一致建議加米粉炆, 效果也會不錯.到尾聲荷葉飯, 飯身粒粒分明帶有少許濕氣柔軟, 加入真蝦仁, 香菇, 蛋, 菜頭, 鴨肉碎粒. 香氣撲鼻. 不愛吃飯的我也幹掉了2 碗! 連最後送的紅, 綠豆沙也好, 足料紅豆沙有陳皮西米少許, 綠豆沙亦見有很

呢度每晚都有特價扁皮鴨$68..冬瓜盅$28..指定小菜$8.8以上3樣每抬任選一款我選了扁皮鴨加一個3百幾的套餐.套餐有燒鵝拼燒腩例牌.一煲竹笙翅.蒸青斑.任選小菜2款我選了西籣花鮮魷.魚香笳子煲扁皮鴨味道一般切的功夫麻麻切得超厚粉皮太爛可以唔選這款不過68是但啦燒鵝唔及燒腩咁好食Ｄ燒腩好新鮮皮夠脆.煲翅只係Ｄ散翅分量小小再打個生粉水食吓口感姐.咁平我無期望啖啖翅呢蒸青斑好新鮮蒸得剛好夠滑呢個最正去街市買條呢個size青斑都要60元呢度超抵西蘭花無乜特別但Ｄ鮮魷炒得剛剛熟好似食刺身咁鮮味爽口魚香笳子煲無乜特別同出面任何食市一樣好油我不喜這個連埋白飯汔水加一茶芥5個人5佰伶服務我認為男的服務員比女的禮貌得多見3個有禮服務好的都是男的尤其帶眼鏡高級Ｄ個位

下午打算 tea 完再上玄園學園 ... 落車就是旦揀左呢間.....一到門口 , 自行上1樓 ... 原來無人帶台自己隨便答台的 ....坐下來好一會都未找到呀姐開茶 , 最後還是自己走去找人開卡開茶...論食物及價錢 , 可以叫做好抵而且都好味 , 但招呼真係欠奉 , 到最後還找不到 staff 埋單 , 自己去收銀找數...... 真係似 food court =.=

服務超差特別係有個女員工, 其他人好似唔係好關自己事咁.上菜好慢, 仲有賣完唔話我地知, 只係自己Cancel左張單就算. 直到我地追單先話比我地知賣完再想Order的時候, 個女員工真係好冇禮貌！叫我地等等得唔得呀? (超冇禮貌)Order完, 等左好耐都未有得食, 我地要求Cancel還未到的餸. 馬上結帳走人....食左7碗飯, 3個餸, 同埋一肚氣 - 多謝成為$360....

老實講，我親戚就係ｄ街坊，差唔多日日都黎食，所以我可以話係由細食到大的，亦冇得選擇．食物方面，午市點心是OK的，但未去到好好食的地步，煎蘿蔔糕係我的唯一推介．晚市問題就大了，佢ｄ野食其實都好油好肥膩，好似鎮江骨，炸海鮮卷等等，樣樣都好油，試過有次叫魷魚蒸肉餅，都可以見到成層油係肉餅上面．海鮮方面都可以接受，雪花蚌幾好食，但蒸魚就差差差！佢ｄ汁好奇怪，總係有ｄ腥味，搞到條魚有D臭，我細個俾ｄ大人逼我就唯有硬食，大個左就好堅決死都唔肯再食依度D魚．晚市唯一好食的，就係雪花蚌同清炒西蘭花，不過炒西蘭花，大家都識啦係咪？服務方面，之前都講過，我係度由細食到大，D舊員工真係幾好，服務態度唔錯，不過最近依五，六年請左D新人就好差，特別係女員工，成日錯手倒瀉野都算，仲要唔執乾淨ｄ枱櫈，記得有次有個女員工見張枱污糟，佢一手掃D污糟野落地，仲跌埋落張櫈度，佢咪又一手掃張櫈囉，仲以為我見唔倒，叫我快ｄ坐低落張污糟櫈，我o個下真係嬲到想即刻走！另外，我地有次成差不多20個人去食團年飯之類，咁多人，有個女員工就俾左張細細地的枱俾我地擺野，但後來又因為唔夠枱用要攞返．OK FINE，我冇話唔俾你喎，我已經即刻起

星期六來了這裏飲茶,我都唔係第一次嚟架啦,不過朋友話好味所以再嚟,下午約2點都不用等位,幾好,等朋友到左先叫野食,叫左幾個點心,薄撐,煎芋絲餅,咸水角,鳯爪,千層馬拉糕,牛肉,奶皇包,粉果.咸水角好香口好脆,好味,鳯爪一般,好多汁好結,芋絲餅都好味喎,不太過火,剛剛好,薄撐都係一樣.馬拉糕都好味,不太甜幾軟林林呀.牛肉OK,呢間酒樓都幾大有兩層架,食物的價錢係下午茶小點10.8起,都幾抵呀.坐坐下就開始多人,我們三大兩小,仕應服務都幾好,好快幫我地加水.

估唔到咁快又為呢間酒家寫食評, 中秋佳節, 家家食團圓飯, 奶奶早一個星期巳交代我訂位一家人食餐飯, 本來要求訂新花, 但因為上次係呢度食過好好味既燒腩仔一路念念不忘, 所以決定團圓夜係呢度食, 要佢地要試試~訂左八點半, 特登早少少上去拿位, 好彩等左一個字到就安排到我地, 但坐二樓, 樓底比一樓低, 隔離枱一家係度高談闊論, 好嘈~一行六人點左個四人餐, 再加三樣餸(當然唔少得燒腩仔啦), 好快就有碟燒腩仔上枱, 質素如往, 皮好脆好香, 肉好嫩滑, 點少少糖食真係食完一件又一件, 其它人都讚好, 其它菜陸續上枱, 海鮮卷唔錯, 雖然入面唔多見海鮮影, 但炸粉唔厚, 我都食左二大件; 咕嚕肉好好味, 不過份量真係好少, 弟婦還打趣話幾粒肉係碟入面蕩來蕩去, 我想再食時巳清碟; 套餐中的翅我無試過, 唔知味道如何, 但其它餸都整得好味, 不過條魚就等左好耐都沒見踪影, 個侍應以為我地食晒來收野, 我地話條魚都沒游上枱, 佢地先即刻去催廚房,全部餸都係熱辣辣上枱, 要等一陣先放得入口, 而且味道好好, 大家都好滿意~最後個侍應上埋碟生果盤, 我問佢: 請問套餐中既精美甜品係咩? " 無

中四中五的中文及數學阿sir風趣幽默, 果陣讀書好開心, 成班同學同阿sir成日一起出來食下飯飲下野, 嘻嘻哈哈, 直到離開校園都無間斷過, 不管幾忙, 每年都會約埋出來食幾次飯, 但十幾個人既聚會, 每次就時間都要成個月才成行, 今次我地數學阿sir打電話約大家出來聚舊, 當然要出席啦, 話晒前幾次我都係就唔到時間無出席, 大家約左今日於青葉晚飯, 呢間酒樓我地巳食過多次, 價錢合理質數都唔差.七點準時去到, 巳有兩位同學到左, 大家打過招呼後都互相講下自己近況, 跟住嚴sir來到, 一見到我就話: 嘩, 你食左防腐劑呀? 咁多年都係咁既樣既? 哈哈~~呢個嚴sir呀, 咁多年都係咁風趣, 同學們繼續來到, 以前的女孩一個個都巳成家立室, 有些還拖兒帶女, 真係好熱鬧, 點了成枱餸, 有個同學帶了支紅酒黎, 大家一邊飲酒一邊閒話家常, 印象中各樣餸都唔錯, 最深刻的是燒腩仔, 真係好好味, 冬瓜盅都好足料, 好正~~不得不讚的是佢地既服務都幾好, 不時幫我地換碟, 大家食飽佢地主動黎收埋, 同埋上埋糖水, 還同我地講: 上埋糖水俾你地, 你地可以繼續慢慢傾~~ 還滿足晒我地要求, 俾

當晚, 不知誰人建議去青葉, 一家我約有十三年沒有光顧的酒家,平日飲茶、吃飯, 一定不會想起它!星期五晚上7:30, 一樓全場只有約三分一的客人.又不知誰人建議打邊爐 ……見湯底、食物的價錢多數由十多至四十多元, 不算太貴, 是但! 打就打啦!落了單, 才四週打量一下, 糟糕! 全場只有我們一檯四大兩小的食客打邊爐,大家不其然面面相覤, 心想……大鑊!當然, 結果一如標題, 是一次驚喜!但大家千萬不要有太大的憧憬, 打邊爐, 每碟廿多元的貨色, 你想怎樣?只求食物新鮮, 份量合理已很不錯, 這些, 青葉絕對做到了!加上環境清靜 ( 我想, 青葉的老闆可不大喜歡…… )已令我們六人喜出望外 ( 可能因為之前的期望太低! )我們點了十一碟普通大路的食物 , 三罐汽水, 兩支細啤酒, 兩碗白飯, 再加一碟78元的例牌燒腩 ( 好貴, 但好味! )埋單435元, 仲有兩款免費糖水選擇, O晒K啦! 與其去稻香等一餐, 青葉絕對可以一試!

星期一閒日8:00p.m.去食晚飯,上到去得六,七枱客。冇乜人去....啉住實麻麻地....之後我点了2件招牌菜煎龍躉扒($45一件)...龍躉扒肉質雪白又有口感,但都幾細件,兩個人叫一塊都ok冬瓜盅$88.....足料清甜葱爆牛柳$55.....幾好味又大碟特價菜什菌炒帶子$38.....帶子超細粒糖水送紅豆沙......超級勁正、唔稀、小甜、加入黑欏米,無得"彈"

今朝偷懶無去physical...同老公休閒地落街食早餐, 經過好彩, 好多人...行下行下, 原本打算去翠華, 但我又好想飲茶, 記得呢間酒樓於年前裝修後都未幫襯過....於是搏一搏!搭lift 上到第二層無咩人, 心想是否味道麻麻, 星期天只有幾張- 多數是老人家!我們首先叫了叉燒腸, 皮較好彩的稍為厚, 但都唔錯! 千層馬拉糕, (my favourite), 中間的奶皇是橙色的, 有怕怕, 但食落好鬆軟, 無大榮華好味, 不過都合格! 雞包仔, 呢個皮就硬, 雞肉一舊舊, 勉強啦!再黎多轉....鳳爪排骨飯, 我只吃了兩隻腳指同一舊排骨, 夠味! 腿茸豆苗餃, 腿茸變了蝦粒, 仲好, 蝦粒好彈牙, 美中不足是餃皮有爛了!食吃再望菜牌...原來假日中點$15.8, 大點$19.8, 特點$21.8, 比平時所有點心一律十蚊以下, 唔怪得之咁少人啦!環境不差, 但侍應服務有點粗魯, 語氣好街坊, 埋單要自己走落一樓, 亦唔expect 大家會俾貼士!

坦白說若非朋友提議到青葉, 真的沒有留意那裡會有一間酒家。講門面, 留心一看是光鮮新淨的, 但真的令我莝以聯想到酒樓呢!原來酒家有兩層, 而且面積不少, 而且可能是新裝修, 透出酒家少有的新淨感覺。我們主要叫點心為主, 因朋友們發辦。叫的點心的數量相當驚人, 蝦餃, 燒賣, 豆苗餃, 鯪魚球, 腸粉, 叉燒包, 奶皇包, 麻蓉包, 潮州粉果等等(在此不盡錄)。談談我較有印象的點心, 奶皇包質素不錯, 但未能令我有一再回味的衝動, 麻蓉包則較為遜色, 不太香之餘, 麻蓉亦未夠香滑, 而蝦餃, 燒賣, 腸粉均相當有水準!我們後來亦叫了蕾沙湯丸作甜點, 蕾沙湯丸皮太厚, 質素一般。論裝潢陳設, 這裡始終較新算是相當不錯, 碗碟杯等算新淨, 加上服務也算殷勤, 整體感覺良好, 唯點心等上菜時間較久, 看官若是午飯等則要看著時間。坦白說荃灣好的酒樓不多, 好的也不太「就腳」, 這裡會是荃灣飲茶的一個不錯選擇!!

有進步,佢服務及環境都比裝修前好好多,有早茶,下午茶特價,價錢中上啦,更新用電腦order即叫即做,食到4:00都有客入座;食物有傳統芝麻糯米糍,流沙麻茸包,墨魚餅,生滾粥...食物和價錢成正比OK;較有趣係該酒家用惠康購物車運碗碟,百佳車好似大啲好用啲,佢真夠搞笑

What's an awful restaurant!!!!!???????早幾年，我成家健健全全的去那兒食飯，我們叫咗幾個餸，包括酥炸生，誰知不到零晨2:30，我的母親就...其後，睡得甜密的我也就開始發作......結果，我們倆整晚連胃液也全吐了出來......那時，幸好得到支持最久的爸爸照顧，我們才得到一煲粥水填填肚......