影片
更多
2008-08-18
62 瀏覽
中四中五的中文及數學阿sir風趣幽默, 果陣讀書好開心, 成班同學同阿sir成日一起出來食下飯飲下野, 嘻嘻哈哈, 直到離開校園都無間斷過, 不管幾忙, 每年都會約埋出來食幾次飯, 但十幾個人既聚會, 每次就時間都要成個月才成行, 今次我地數學阿sir打電話約大家出來聚舊, 當然要出席啦, 話晒前幾次我都係就唔到時間無出席, 大家約左今日於青葉晚飯, 呢間酒樓我地巳食過多次, 價錢合理質數都唔差.七點準時去到, 巳有兩位同學到左, 大家打過招呼後都互相講下自己近況, 跟住嚴sir來到, 一見到我就話: 嘩, 你食左防腐劑呀? 咁多年都係咁既樣既? 哈哈~~呢個嚴sir呀, 咁多年都係咁風趣, 同學們繼續來到, 以前的女孩一個個都巳成家立室, 有些還拖兒帶女, 真係好熱鬧, 點了成枱餸, 有個同學帶了支紅酒黎, 大家一邊飲酒一邊閒話家常, 印象中各樣餸都唔錯, 最深刻的是燒腩仔, 真係好好味, 冬瓜盅都好足料, 好正~~不得不讚的是佢地既服務都幾好, 不時幫我地換碟, 大家食飽佢地主動黎收埋, 同埋上埋糖水, 還同我地講: 上埋糖水俾你地, 你地可以繼續慢慢傾~~ 還滿足晒我地要求, 俾
七點準時去到, 巳有兩位同學到左, 大家打過招呼後都互相講下自己近況, 跟住嚴sir來到, 一見到我就話: 嘩, 你食左防腐劑呀? 咁多年都係咁既樣既? 哈哈~~呢個嚴sir呀, 咁多年都係咁風趣, 同學們繼續來到, 以前的女孩一個個都巳成家立室, 有些還拖兒帶女, 真係好熱鬧, 點了成枱餸, 有個同學帶了支紅酒黎, 大家一邊飲酒一邊閒話家常, 印象中各樣餸都唔錯, 最深刻的是燒腩仔, 真係好好味, 冬瓜盅都好足料, 好正~~
不得不讚的是佢地既服務都幾好, 不時幫我地換碟, 大家食飽佢地主動黎收埋, 同埋上埋糖水, 還同我地講: 上埋糖水俾你地, 你地可以繼續慢慢傾~~ 還滿足晒我地要求, 俾晒三種糖水我地, 最好味係紅豆沙, 起晒沙又唔太甜, 芝麻糊同椰汁西米露就一般.
呢晚大家都傾得好開心, 中途嚴sir還落去又買多支紅酒上來, 佢丫~~還係咁好杯中物, 不過好彩佢都知飲酒所以無開車黎~
埋單唔駛八百蚊, 真係食得開心, 飲得開懷, 我諗下次聚會我地多數都會黎番呢度, 始終對呢間酒樓有信心, 咁多年黎好多時都會約在此, 每次都盡興而回~
期待下次的聚會~
張貼