青椰

營業中

休息中

剛好是填補啟德欠缺東南亞菜的一塊，始終是新開中的新開，清一色卡位舒適度無可排剔。雖說要直奔頂層4樓，唯13:20已要gulu 取票，預等10分鐘左右坐坐吓，有點似曾熟悉，醒起似樂富那家蒲羅，甚至餐牌的排版、選項也類近，同時又帶點蘇山的feel。抱持觀望態度，所以點難以失敗的海鮮摻摻。模樣、味道幾乎在蒲羅吃的一樣，3隻沙白蜆、2隻蝦均屬新鮮，半隻烚蛋輕微溏心，介乎微辣至小辣之間。辣肉碎煎蛋飯需要改良，好處是肉碎頗多，與白飯是3比2份量，2片大生菜墊底；壞處是似乎炒不均勻，鹽份下手太重亦呈現部份肉碎作咸，而整體肉碎調味不算辣倒偏酸，還好那隻脆邊太陽蛋未至於失色。未及蘇山，貼近蒲羅。

新開嘅商場無咩嘢食，唯獨呢間大放異彩！環境舒服，有空間感，職員貼心提醒卡位有一級樓梯要小心，服務態度好好。生蝦刺身好新鮮，第一件連辣椒蒜片食，雖然好味但辣椒太辣，所以只好我就飛走片辣椒淨係食蒜片&生蝦。雞肉串燒大大串，配合沙嗲汁非常惹味。牛柳牛丸湯河，呢個牛柳超有驚喜，大片同埋牛味好香，又唔韌，河粉都煮得剛剛好，有啲彈牙。咖央多士，呢個就一般，多士有斑蘭味幾香，可惜牛油無夾滿片多士，同埋上臺已經唔熱，失色。整體黎講食物質素高，坐得舒服，會再黎！

服務整體係ok 冇問題 但啲食物真心差 肉骨茶似用豉油加水開 菠蘿炒飯就得3-4啖但成百幾蚊仲要食唔到有菠蘿肉 食咗人均百150左右但每樣食物都係平均地難食 可能我唔好彩 就當交智商稅 唔會有下次

隨住啓德體育園準備正式啟用，啟德零售館已有吾少連鎖食肆進駐。小編今次就帶大家黎到啟德，同大家介紹其中一間連鎖星馬菜一 青椰🌟古順化湯檬 $72一碗有齊牛展、牛丸、扎肉、扎蹄，份量都算比得幾大方幾扺食🤤👍🏻🌟斑蘭咖哋多士 $32斑蘭多士炸得幾脆身，帶小小咖哋醬香氣🤤👍🏻🌟娘惹炸鮮奶 $22炸得金黃酥脆，鮮奶餡亦幾香甜🤤👍🏻📍青椰地址：啟德體育園啟德零售館2 4樓M2-403號舖#啟德 #青椰 #留港消費 #覓食啟德 #食在啟德 #為食關注組 #啟德食乜好 #娘惹炸鮮奶 #古順化湯檬 #啟德體育園 #香港美食地圖 #斑蘭咖哋多士 #九十後行到邊食到邊#HKIG #HKIGER #HONGKONGFOODIE

位於九龍城啟德零售館24樓M2-403號舖🌟L305 新加坡海鮮喇沙摻摻🌟(午追)S01 斑蘭咖也多士即叫即製、外層香脆鮮牛油和班蘭醬融化在多士中香氣四溢、甜度適中要趁熱食🌟P05C 凍桔仔話梅水老爸讚佢飲品做得好好🌟P14 朱古力牛油果沙冰 (少甜)叫少甜個刻服務員話佢地已經係做到好少甜佢最後都係幫我落少甜牛油果味重一杯已經好飽肚有點少少可惜🥲想叫芒果糯米飯但佢 sold out， 只好下次再試啦p.s. 2-3人同 3-4人的飛點解吾係按黎的時間叫飛而係已多人數的飛叫先2個人足足等左成30 mins 先有位

青椰九龍城啟德零售館2, 4樓M2-403號舖經開啟德，老友推介地道東南亞菜，環境舒適，食材新鮮，果然冇介紹錯。😸班蘭咖吔多士即叫即製，外層香脆，鮮牛油和班蘭醬融化在多士中，香氣四溢，甜度適中，趁熱食好正！😻青椰小食拼盤拼盤有雞肉串、燒大蝦、越式春卷和鹹蛋黃魚皮。大廚即叫即製，雞肉串口感煙韌，肉汁豐富，醃製得恰到好處。燒大蝦醬汁辣度適中，蝦肉新鮮彈牙。春卷外層香脆，餡料新鮮，配料有豬肉、香菇、粉絲和蘿蔔，加酸辣醬汁效果更佳。鹹蛋黃魚皮好邪惡，香濃的蛋黃汁佈滿香脆的魚皮，大滿足！🤤💖芒果冰配芒果雪糕香濃的芒果沙冰，香甜的芒果雪糕，冰底夠凍，雙重享受。😚凍香茅鮮橙茶新鮮香茅和新鮮橙肉，茶膽香濃，又香又甜，醒腦提神。😍青椰 環境舒適氣氛好，食材新鮮高質，小食拼盤正，侍應服務態度好，還會再來。😎🤘🏻

啟德體育園內零售館的店舖已陸陸續續開業，雖然店舖都是熟口熟面的牌子，但商場又新又乾淨又闊落，令人感覺舒暢。新商場怎少得食店呢！和朋友來到2號零售館4樓的「青椰」食晚飯，店舖光猛開揚，窗明機淨，座位寛闊舒適。餐牌上的食物總類也很多。《河內手切牛柳、牛肉丸湯河》$96牛柳片薄切，軟腍味鮮甜，放入滾湯淥一淥很快就變色，熟度剛好。牛肉丸彈牙味濃。《古法巴生肉骨茶》$88肉骨茶有火熱著上枱，有三條大骨，還有豆卜和腐竹。肉骨條煮得軟腍入味，湯底味道較清，還有半條香脆的油炸鬼。《青椰越式炸春卷》$56春卷脆卜卜，包著生菜食更爽脆《芝麻燒餅》$42燒餅內裡包滿黑芝麻餡料，外面鋪滿白芝麻，非常蘇香。

啟德體育園以及零售館，最近越嚟越多人去，而我當然去朝聖一下，順便覓食啦！今次挑選了一間越泰菜，環境裝修用上東南亞最喜歡的木調，座位之間有少許距離，整體感覺悠閒舒服。 ⦁烤豬肉檬（奧巴馬粉）$86豬肉烤得金黃酥脆，肉質鮮嫩多汁，整體味道濃郁，而且口感豐富。最後上網search咩叫奧巴馬粉，原來是奧巴馬去了河內食的一款菜式。😅😅 ⦁青椰小食拼盤 $108小食拼盤豐富，包括雞肉串、烤大蝦、越式春卷、鹹蛋黃魚皮。雞肉串醬汁入味，肉質嫩滑。🦐烤大蝦鮮美多汁，有種焦香的感覺。越式春卷皮薄餡多，搭配酸甜醬汁，口感清爽。最後鹹蛋黃魚皮味道偏濃郁，有種意想不到的驚喜😍。 ⦁河內椰青慢燉扣肉 $118扣肉燉得入味，配上椰青🥥的清香，肉質柔嫩，入口即化！ 

早排同姨姨去了啟德體育園附近覓食，估唔到啟德呢個新商場進駐了不少多國口味的餐廳，最後我哋跟咗姨姨去食「青椰」。餐廳以東南亞菜式為主，用上不少東南亞配料，食物濃郁惹味。而且餐廳裝修風格富有東南亞度假風，不論朋友聚餐或是家庭聚會都是一個不錯的選擇。 ⦁香茅烤豬頸肉 $78肉質嫩滑，香茅香氣滲入豬頸肉，搭配特製醬汁，味道濃郁而不油膩。 ⦁泰式青咖哩軟殼蟹 $128軟殼蟹炸得金黃酥脆，搭配微辣的青咖喱，味道濃郁之餘，亦食出咖喱味道層次分明，與鮮甜的蟹肉搭配，令整道菜更加開胃。⦁馬來炒貴刁 $98濃郁嘅香料同椰漿炒製而成，貴刁吸收醬汁味道，食起來又香又滑，忍不住食完一口又一口！ 

放咗工之後，偶然路過啟德，見到青椰，充滿東南亞特色嘅裝修第一時間吸引咗我。入面舖頭環境乾淨整潔，服務員態度好好，望住菜單繁多的菜式，就好期待揀咗幾款鋪頭推薦嘅「招牌菜」。我同個friend嗌咗新加坡海鮮摻摻麵，充滿泰國風情嘅辣肉碎煎蛋飯，仲叫咗一碟小食，斑斕牛油多士，叫咗兩杯色彩繽紛嘅嘢飲，分別係朱古力牛油果沙冰同埋斑斕芒芒特飲。摻摻麵入面有唔同嘅海鮮同埋配料，配料好多非常有誠意，喇沙味好香，麵非常彈牙。辣肉碎煎蛋飯香辣可口，非常開胃，辣得來又唔會好過分，令我一口接一口地食。特別推介斑蘭多士，層次豐富外面係被焗到香脆的斑蘭多士，塗上綿密的蜜糖，入口即溶嘅牛油，呢三種味道互相襯托， 十分惹味，甜而不膩。

今日又去啟德體育園行個圈，今次主要集中行零售館2號，這座館比較高有四層，見很多新食肆還在裝修，最後我們到了4樓的青椰食咗個星加坡下午茶。它的下午茶比其他同類餐廳有更大特色。仁當牛肉餅（$62）檳城蝦湯麵摻摻（$68）泰式醉貓炒手工卷粉（$82）以上三款下午茶餐都有冷熱飲品送。熱馬來奶茶熱桔仔話梅水菠蘿冰紅茶另外我們追加一份馬拉盞炒龍角豆（$56）。牛肉餅外皮香脆，內餡是濃郁的仁當拉絲肉醬，椰奶香氣與微辣完美融合，每一口都充滿東南亞風味，非常好味。 蝦麵湯底濃郁鮮甜，配料豐富，大蝦新鮮飽滿，還帶有濃郁蝦膏香味。「醉貓」指的是這道菜以泰式微辣醬料調味，風味濃郁。手工卷粉口感紮實滑嫩，極具特色。龍角豆脆嫩爽口，用鹹香的馬拉盞來炒，香氣十足。

我約好友去啟德體育園遊覽，順道去位於九龍城啟德承啟道38-39號啟德體育園啟德零售館2,4樓M2-403號舖的《青椰》用膳，環境舒適，東南亞風格裝潢，坐得舒服。我點左個 青椰海南雞飯 $68，小食係娘惹流心南瓜丸（4粒）$26，餐飲係 凍桔仔話梅水（跟餐）；好友點左個 泰式青咖哩雞飯 $62，餐飲係 熱南洋白咖啡（跟餐）；另外點左個 仁當牛肉烤餅 $62，餐飲係 菠蘿冰茶（跟餐）。青椰海南雞的雞肉嫩滑好味，油飯好食；泰式青咖哩雞飯的咖哩香濃，伴著泰式蕃茄，好特色好味；仁當牛肉烤餅好香脆，餡料牛肉味濃好食；娘惹流心南瓜丸香口好味；菠蘿冰茶有碎菠蘿，茶底清涼。

餐廳：青椰地點：九龍城啟德體育園菜式：越泰菜餐牌：下午茶套餐有18款主食，有粉有飯有多士等等，包飲品6選1，可以加錢升級飲品，或者追加小食。青椰海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配4片爽口青瓜。油飯好香，暖暖地上枱，都大大碗。跟有一碗蔥花蟲草花雞湯，好濃雞味，真係有蟲草花食。河內手切牛柳湯河 $72 另加一越式湯河配牛柳真係少見，牛柳真係生住上枱，自己用個熱湯整熟，都好嫩口，又唔肥，份量好足。河粉份量多，好滑溜，都可以選檬粉。個湯好清。加有芽菜，蔥花，洋蔥圈，芫荽同脆脆，可以加添清新同少少香脆口感。仲有一大件淋淋白蘿蔔。另上辣椒粒同青檸比你自己調味。香茅烤豬頸肉 加$42 另加一香茅烤豬頸肉一共八件，熱辣辣上枱，燒得外脆內嫩，口感同味道都唔錯，豬味夠濃。墊有少少生菜絲同酸白紅蘿蔔絲解膩。跟餐飲品都有幾款揀。菠蘿冰茶 跟餐菠蘿冰茶好少見，茶味中帶適量菠蘿汁味，唔錯唔錯，下底仲有好多香甜菠蘿果肉，面頭加上一片薄荷葉。芒果冰配芒果雪糕 跟餐加$8芒果冰配芒果雪糕大大杯，滑溜芒果冰加上一球芒果雪糕，味道唔假，

於星期六中午光顧，有午市套餐包飲品，也有粉面飯頗多選擇，也可用廿零蚊追加小食。 我點了古順化豬頸肉湯檬$76+ 檳城蝦湯麵摻摻🦐🦐🦐🦐🦐🦐🦐🦐$82 。豬頸肉湯檬湯底只是暖，湯唔夠熱影響口感； 另外蝦湯麵夠熱，蝦也新鮮無霉，唯2個湯底都唔夠濃， 表現中規中矩😐😐😐😐😐😐。反而附送的香茅橙茶🍊🍊🍊有原枝香茅，茶底濃不甜，一讚！ 菠蘿🍍🍍🍍冰茶不甜也不錯，2杯附送飲料意外成為主角！服務也好，待應有細心提醒有高一級的樓梯。總體來說，希望可改善湯底質素，或可下次試試飯類。

呢間東南亞菜餐廳位於啟德零售館2 四樓，同層只有一個快將開幕嘅playhouse同床褥店，所以人流較少，但嘢食同服務都唔錯，仲有唔少特色菜式，值得推介河內椰青慢燉扣肉 $118用椰青水慢煮豬腩肉，油膩感因為椰青水清甜而大減，食多幾件都唔膩，咁大個椰青入面扣肉份量十足，另外都有豆卜索晒汁好好味，椰青肉夠晒林輕易可以刮出嚟，送飯一流（白飯一碗$15）仁當牛肉烤餅 $78感覺有啲似墨西哥quesadillas，敲到香脆嘅外皮包住芝士同牛肉，芝士拉絲好邪惡，牛肉都幾香口烤豬肉檬（奧巴馬粉） $86我係見到英文名bun cha以前喺河內食過嘅一款面，唔多越南餐廳有，係將乾嘅粉浸落熱湯，呢個版本個湯係微辣，同我喺河內食嘅清甜款式唔同，豬肉略嫌少少乾身，不過整體都算幾清新