霸嗎拉麵 (已搬遷) 新店位置

是日為小弟同小胖女相識周年記念之日,我地既慶祝活動當然係食野啦小胖女今次黎到銅鑼灣話要回味下食過既野,就好自然咁行左去登龍街食返之前食過既霸嗎拉麵啦,其實話說登龍街出名多野食,黎到咁岩又要放LUNCH時間,好多人,我地早左小小,咁岩唔洗同人迫黎間分店同尖沙咀比相對會細DD,但環境都勝在企理,位坐得都唔會迫,我地叫左兩個拉麵,咁岩見到佢午市做緊優惠+12蚊有得加餃子或炸雞,小胖女點會放過呢?先黎係各人點左既拉麵,小弟叫既雞叉燒辛辣雞白湯拉麵第一次食,雞叉燒雖然無豬肉咁重咪,但食落比較厚實,咬感不錯,加埋特制辣湯非常好食,而小胖女點左我上次點既盛炙燒豚肉拉麵,肥叉大大塊唔洗講,咬落去非常滿足,另外小弟學人地韓國綜藝咁叫左碗白飯送湯食,又幾過癮沙津唐揚炸雞同煎餃亦都馬上送到,炸到卜卜脆,一路食件餃一路食拉麵確係唔同最後當然唔小得店家出名既抹茶雪糕同小弟既芝麻雪糕做結尾啦,水準仲係上次食咁好味

同男朋友去左銅鑼灣行街睇戲 成個月無出過黎 好多餐廳已經轉手 飲食潮流真係轉得快 睇完戲周圍行搵野食男朋友話想食拉麵記得搭去赤柱小巴站附近有條街好多日本野食即刻行過去望望先 同一條街原來都有成四五間拉麵店 香港人真係鍾意食拉麵 之前食過"王豕x" 所以今次試下新野 見呢間拉麵出面都幾多人排所以即刻跟機先排左大概15分鐘就有得入座都算唔耐 一睇menu都發覺幾多選擇 menu有成五六版唔似其他拉麵店一張過我今次唔食食叉燒 叫左個白雞湯雞肉拉麵 男朋友就食最大路既叉燒拉麵一黎到見到d雞煎得好香口咁微燶 超濃味雞湯好得麵就正常味無乜特別 食左啖男朋友個個叉燒拉麵 都係雞湯拉麵特別d 而餐廳環境都開揚 唔會好迫 推介雞湯拉麵 下次再黎食埋menu其他野食先

今次黎霸嗎，嗌左人氣最高嘅炙燒豚肉味玉拉麵，同雞叉燒味玉雞白湯拉麵，再加左份唐揚炸雞。.豚肉拉麵湯好濃郁，配麵食好入味啊😍又唔會一味得個咸字.雞湯都幾濃，但我試左啖覺得好油🙈溏心蛋俾一隻，好開心。醃得都幾甜，好好味😆.麵唔算多所以要嗌份炸雞先飽，上次嗌辣味太辣，今次穩穩陣陣嗌唐揚炸雞。呢到嘅炸雞係我食過最熱氣嘅，唔單止炸得燶，雞皮都好多，所以好重油味🙈油味蓋過晒雞味👎🏻.最後埋單冇加一～

今次黎到銅鑼灣，行左陣街，就去食野，今次就想食拉麵，咁呢就去咗個好多拉麵嘅地方，咁聽講呢一間都好出名，平時呢都好多人排隊，但因為我今日六點左右去，所以都係好靜。咁外面環境都幾闊落嘅講呢個就嬲，佢冇俾雪米糍我一張可以睇晒所有野，佢哋款式都幾多。羽根燒餃子 $35呢個都幾好食，有五件。燒汁唐掦炸雞$38呢個炸雞樣呢就好令，食落其實都OK，不過我嫌佢揸得太乾。辛辣炙燒豚肉味玉拉麵$93咁我就揀咗小辣，咁呢佢個湯好濃郁，好好飲，仲有佢隻溫泉蛋好好食，係成隻架，仲有佢塊豚肉呢係超正，燒得啱啱好。炙燒豚肉味玉拉麵$88佢個湯底好濃郁，真係好好飲，其實同上面嗰個冇乜分別材料，因為個湯底唔同咗。信州蘋果蘇打$28覺得好飲嘅， 好似飲緊有氣嘅蘋果汁。整體嘅感覺，環境係幾舒服，食物質素都唔錯，看價錢上都係比較貴少少，另外唯一唔滿意就係佢拎漏咗個雪米滋俾我，因為唔係嗰樣嘢值幾多錢，而係應該有心去記得俾我。食物：8/10環境：7/10服務：1/10價錢：5.5/10推介指數：75/100

今晚去左呢間日本霸嗎拉麵食晚餐，最近都好興呢d日本拉麵店，係咁多間之中，佢都算係第一二間好食嘅拉麵店啦。分店都有好多，我食左銅鑼灣呢間，同樣有人排隊，好食嘅自然多人食都好合理。點了野菜味噌雞白湯拉麵（$78），都幾岩我口味，因為好多菜有芽菜木耳蘿蔔絲等，都吾錯，湯係奶白色嘅，有雞味，味噌都不算咸，覺得幾好，拉麵質地彈牙有咬口，好食。還嗌了羽根燒餃子，五件都係$35，好食同日本差吾多水準，即點即整，好香脆嘅外皮，用料十足，有餃子醬汁，不過我覺得就咁食仲正。menu上俾我見到有抹茶雪糕，貪心嘅我又想要食，跟上紅豆係絕配，都吾錯，抹茶味好香濃，好滑嘅雪糕，食完涼心頭。飲品我點了波了汽水，充滿日本味嘅一餐。

今日突然好想食拉麵本來諗住去銅記有數目字嘅拉麵鋪不過最後男朋友揀咗呢間香港所有拉麵店也差不多價錢- 起碼要$85，所以食物的質素很緊要。我特意要為呢間鋪頭寫食評，因為我次次都忘記了自己曾經去過，每次吃完都非常後悔。話說男朋友同我都非常肚子餓。幾間拉麵店都唔駛排隊，因為裝修同餐牌吸引就揀左呢間。我哋嗌咗炙燒豚肉拉麵。由於非常肚子餓，又覺得張圖好吸引，額外叫咗沙律豚肉飯。沙律豚肉飯讀者請比較相片同現實之差別，再看看筆者嘅食評。豚肉系無味既。系saap熟既。靠沙律醬調味。但d豚肉又韌又無味。就算有沙律醬都無用。我地直情出動埋炸蒜溝埋黎食都無用。D飯又放得太多水去煮。後悔^一億。話還話，鋪頭的設計很有心機。我認識一些潔癖既人系習慣無用第一隻碟。特意有個提示叫人用下麵的碟。拉麵就ok啦。筆者比較喜歡湯底濃既拉麵。呢度d拉麵湯底唔系超級濃，但我相信憑拉麵個名，賣點應該系炙燒豚肉。可惜啊，太大期待，燒又唔系燒得惹味，又有d太熟。所以整體來說，中規中矩。唔值得特意一試。

呢間霸嗎拉麵開到好多分店，最近係我新都城都有間，次次經過勁多人排隊，今晚係銅鑼灣見到，都係有人排隊，不過比新開係屋企新都城附近少人排少少，就係呢度試啦。裝修很有日本色彩，同日本拉麵店都幾相似，很別緻，又寫了日文字，好似一入舖內就去左日本咁，menu拉麵都多選擇，最後決定左食濃厚豬骨豚肉玉子拉麵。一上碟，見到塊豚肉勁大塊，有成個碗咁大，厚度適中，咬落好好食，有肥有瘦先最正，湯底是橙黃色的，又冇我想像中咸，是很香濃嘅豬骨味，好正丫，食吾夠喉，再加替玉，都係20蚊，加落去食飽飽，拉麵都要一讚，好好食，好彈牙，拉麵真係超級好食，下次再試下其他先，吾怪得咁多人食。另外我點了飲品也很有特色，這個蜜瓜酒都係第一次飲，好味道，又有氣，好爽。突然見到人食雪糕，我都心思思嗌左係黑芝麻雪糕，配上紅豆，又幾甲，夏天食一流丫，爽爽。賣單仲可以草印仔轉食物，店員介紹嚟緊仲會岩召面，一於到時又嚟食先，好食好食，排隊都要食。

係依間拉麵岩岩黎香港係真係好食，fight低一x,豚x 絕對有找。但經過日月既洗禮，再返黎食，雖然擺得入口，但就係唔好食…🙈簡單一碗既拉麵可能真係好難整🤔但湯還湯味，拉麵完全唔入味🙈叉燒係厚，但係乾既，一d都唔juicy…同岩岩開鋪也差太遠了吧🙈🙈🙈

拉麵對我個人來說，唔係太偏愛，因為我要求高，所以都冇乜麵館可以做到我生意，更何況要成百元食一碗麵，更加要慎重去選擇啦！當然在日本當地食拉麵就最好不過啦！呢間日本拉麵館勁多人去食，又勁多人讚，咁我又去睇下係咪咁堅料啦！朋友食有海苔既，有三塊大紫菜，比多$10，都算抵既! 而我自己就唔要紫菜，麵既份量唔多，女人可能夠食，但我個人來說唔飽，男人一碗就更加唔夠飽啦！湯底我覺得偏鹹了少少，但朋友話OK，麵質彈牙程度還算可以吧！不過不失啦！塊叉燒就軟淋，好食，又有肉味，半熟蛋可以，冇驚喜!$35只有5隻餃子，$7一隻都算貴，餃子入口都軟綿綿，口感唔錯，味道都算幾好! 值得一試。總括來說，我是因為食評而去食的，整體方面我會比3/5，因為我太高要求了，所以食過這間拉麵館，亦覺得冇乜特別，冇乜野值得我難忘，所以嘗試過就算了，返兜指數.....唔好意思係 0。

話說當日去開銅鑼灣做FACIAL，諗住去附近食野啦見到呢間裝潢好似幾好就入左去試下啦我地ＯＲＤＥＲ個陣有問題問侍應都好細心好有耐性咁一一解答比佢個最強惹味香辣拉面menu吸引住，唔好睇佢個湯底咁紅，以為好spicy，其實係可接受范圍，因為有得同佢講話要幾辣，佢份量好足，拉面軟硬適中，肉燒過好香而且好淋，入口即化，值得一試仲嗌左唐楊炸雞，即叫即炸，非常新鮮熱辣，如果可以點埋蛋黃醬就正啦（個人喜好）另左仲加左dumplings，味錯唔錯仲加左芽菜，份量都好多重頭戲黎啦，呢個綠茶雪糕超好食，入口微廿回甜，而好滑，一定要嗌黎食！！

今日同朋友黎試下。。。竟然唔洗排隊。。。Lucky✌🏻店舖環境好貼近日本風格，感覺舒適。😀自家打製麵。。。一定要試下 ! 😲秀色可餐。。。淨係睇個 menu 相已經好吸引 ! 餐廳好貼心，照顧埋素食既朋友。。。一流 ! 仲可以點選麵軟硬度，配菜...走蔥走筍，仲可以少油 tim。。。隨你鍾意 ! 炸🐔即叫即炸熱騰騰，外脆內軟，好 juicy。。。沒有厚厚既炸粉 ! 🤤👍🏻 真係要夾支啤酒 ~ 哈哈羽根餃子有一層薄薄脆皮痴住，好脆口 ! 但淨點醋，下次試配照燒汁先 !total 坐左差唔多兩個鐘，食左 $261，價錢 Ok，而且坐得都幾舒服，cwb 成日食壽司食得悶ge話，可以黎呢度試下˜

夏天食得太多點去沙灘... 所以呢排都係食early dinner...呢日黃昏黎左呢度食晚飯，無人排隊第一次食，入到去都surprise裝修得幾靚好舒服，都幾岩吹水 我叫左個辛辣豚肉拉麵，中辣唔算辣，食得辣ge朋友可以叫大辣有隻糖心蛋，原隻上；湯都幾濃郁叫埋好好好好好耐無飲過ge波子汽水，好懷舊！！！仲叫左唐揚炸雞，total 有五舊炸皮唔厚，送拉麵都幾夾˜餃子五隻，成塊上，呢個都幾好食，可以點醋，不過唔點都夠味整體黎講，最鍾意環境，拉麵都唔錯，餐牌其實有芝麻 / 抹茶雪糕，但真係太飽食唔落 hahaa 唯有下次先試到！

第一啖先試個湯，湯底濃郁，啱晒食重口味嘅人，如果鍾意食清淡嘅話，會覺得太鹹，麵條好食，同埋肉係超肥，勁多脂肪，餐牌寫叫辛辣灸燒豚肉玉拉麵，會送雪米糕，但最後都冇送，

好耐之前食過尖沙咀既霸嗎拉麵, 對呢間既湯底留下唔錯既印象。同朋友行街經過, 原來銅鑼灣都有分店, 因為同行朋友未試過, 所以就陪佢一試。門外同店內裝修同尖沙咀分店一樣偏向日式, 今次我見到menu上呢款拉麵標榜最強惹味, 而喜歡食辣既我當然選擇呢款!呢度既拉麵可以自選拉麵既軟硬度, 走蔥、少蔥、走油、少油、走筍都可以係order紙上註明, 務必達到每位客人既要求。【辛辣炙燒豚肉拉麵】HK$93我揀左中辣度, 湯底賣相好似幾辣, 但原來冇想像中咁辣 (可能我個人比較食得辣), 下次我會揀再辣d先~ 不過辣辣地的確係惹味d...豚肉跟肥油層比例各一, 反而食落冇想像中咁油膩, 外表燒過帶點香口, 而且非常之林又夠入味。至於溫泉蛋更做到小小流心效果, 麵質軟硬岩岩好。追加粟米 HK$10原來都幾大碟, 倒哂入個湯度, 夾集一齊食, 更有豐富口感【唐揚炸雞】HK$35外表唔太脆, 雞肉依然keep到肉汁, 外表灑上少少鹽, 雞肉很入味, 但整體黎講鹹左少少。辛辣炙燒豚肉拉麵 仲送雪糕糯米糍做甜品tim...

I have eaten at every notable ramen restaurant in Tokyo and at least ten more in Hong Kong. The Bari-uma soup base is one of the best I have tried and the ability to substitute pork for chicken is unique for the Hong Kong market. Prices are the same as most other ramen establishments but quality is much higher than average. When I want ramen, there's only one place I need to go!