霸嗎拉麵 (已搬遷) 新店位置

呢間霸嗎拉麵開到好多分店，最近係我新都城都有間，次次經過勁多人排隊，今晚係銅鑼灣見到，都係有人排隊，不過比新開係屋企新都城附近少人排少少，就係呢度試啦。裝修很有日本色彩，同日本拉麵店都幾相似，很別緻，又寫了日文字，好似一入舖內就去左日本咁，menu拉麵都多選擇，最後決定左食濃厚豬骨豚肉玉子拉麵。一上碟，見到塊豚肉勁大塊，有成個碗咁大，厚度適中，咬落好好食，有肥有瘦先最正，湯底是橙黃色的，又冇我想像中咸，是很香濃嘅豬骨味，好正丫，食吾夠喉，再加替玉，都係20蚊，加落去食飽飽，拉麵都要一讚，好好食，好彈牙，拉麵真係超級好食，下次再試下其他先，吾怪得咁多人食。另外我點了飲品也很有特色，這個蜜瓜酒都係第一次飲，好味道，又有氣，好爽。突然見到人食雪糕，我都心思思嗌左係黑芝麻雪糕，配上紅豆，又幾甲，夏天食一流丫，爽爽。賣單仲可以草印仔轉食物，店員介紹嚟緊仲會岩召面，一於到時又嚟食先，好食好食，排隊都要食。