霸嗎拉麵 (已搬遷) 新店位置

朋友話好耐冇食拉麵，於是約左一齊行cwb再食拉麵，行過見到呢間拉麵有好多人排隊，而且標榜住係手打拉麵，覺得應該都會幾好食，所以就決定食呢間。排左一陣就到我地入去喇，入到去店員都好有禮貌，安排左我地坐中間既位置。坐低第一時間梗係要望下餐牌，order紙就一張過清楚易明，拉麵既種類都算多，而且仲有餃子同炸雞，好吸引。我地叫左兩支野飲，一支係綠茶可樂，一支係蜜瓜蘇打，兩支都好好味，好特別叫左一碗特盛豚肉拉麵，豚肉多到鋪滿晒個碗，而且塊塊都好厚，啖啖肉咁，拉麵選擇左硬麵，麵質夠膽牙，湯底好濃郁。呢碗係豚肉拉麵，特別提提配料都好正，流心溏心蛋，味筍好好爽口夠味，紫菜大大塊，索埋d湯好正額外order左野菜，野菜份量好多，兩個人都夠食炸雞，點左沙律醬，同炸雞好夾野菜餃，餡料豐富而且味道啱啱好我地呢餐食得好飽好滿足呀，而且我同朋友都覺得好有驚喜

第一次食呢間拉麵。中上。講唔上好食、亦講唔上必食。唔知點解話出名。🙃橫島豬骨湯拉麵 - 我㨂咗普通硬度，男友㨂硬麵，普通就ok，唔太林又唔太硬，剛好。湯底濃，豬肉薄薄兩片，無特別。但男友話呢個麵好食，本人覺得ok啦！我覺得豚王同一蘭好食啲。最特別只係糖心蛋係原隻上，其他拉麵店只得半隻，好糖心，唔錯。羽根燒餃子 - 特別在餃子加蛋煎，其實食落都係咁，無乜分別，始終覺得日式餃子涵太單薄。講唔上有乜太特別，見人點我點。

今日終於初嚐到霸嗎拉麵都要排一陣隊先入到去，不過比我想像中快入到去d staff都好有禮貌，services 不錯我叫左碗炙燒豚肉味玉拉麵，仲叫左唐揚炸雞同餃子個拉麵湯底好濃郁，但吾會話好鹹個塊豚肉係有燒過嘅味道，吾係好肥幾好食溫泉蛋真係好好食 一咬落去就溜出黎嘅蛋黃好正炸雞出乎意外地好食，佢好多汁好好食，吾係好dry餃子一上枱覺得好靚，有個網面on top 甘不過餃子就一般，冇乜味我地叫左個綠茶可樂，個樽好靚啊，味道都有d綠茶味，幾好幾好

話說大年初一搵食甚艱難啊，諗住醫飽肚去睇花車巡遊。心血來潮想食拉麵，就去登龍街碰下運氣，一於邊間開就食邊間。去到只有兩間正常營業，三田製麵已經試過啦，咁就「霸嗎拉麵」啦。 - 綠茶可樂（$25）原來咁好飲㗎！未試之前可能會覺得隻味會怪怪地，試咗就覺得好好飲好特別，綠茶有可樂味，可樂有綠茶味。 - 青梅蘇打酒（$18）同喺日本買嘅一樣，好飲啊！飲曬成罐慢慢會好似有啲醉咗咁，話曬都係有酒精，不過抖翻陣就無嘢啦。 - 雞叉燒味玉白湯拉麵（$88）「點解隻蛋唔咪切開兩邊嘅？」平時食拉麵嘅蛋都有切開，不過哩度就無切嘅，隻蛋算OK。試咗啖湯底，ummm，比較稀，唔似豚肉拉麵嘅湯底咁濃，飲落有啲似即食麵啲湯咁嘅。麵揀咗硬度適中，口感唔錯。塊雞叉燒好好味，仲幾厚身，入口慢慢融化，唔乾之餘又唔會太淋。個人鍾意有蔥花，成碗麵食落會香啲。 - 炙燒豚肉味玉拉麵（$88）湯底勁濃，比較稠，好似成碗都係豬骨嘅精華咁。豚肉好厚身，肥瘦適中，肉質較軟，同啲炸蒜碎一齊食，堅好味！雖然今日係年初一，但係「霸嗎」真係良心舖黎㗎，竟然唔洗加收喎～ 俾Like

有一段時間冇食過拉麵，呢晚放工約埋朋友一齊去食返個拉麵，黎到登龍街見到呢間寫住手打拉麵好似幾吸引，梗係要試一試啦，估唔到真係好有驚喜淨係見到個餐牌都已經好肚餓，價錢合理，都係一般拉麵既價錢我地都分別叫左一個野飲，呢個係蜜瓜蘇打，鍾意蜜瓜既朋友真係要試一試，好有蜜瓜味綠茶可樂，好得意，真係有綠茶味同可樂味，朋友話好好飲，飲完一支仲要再encore豬骨豚肉紫菜玉子拉麵湯底係好濃既豬骨味，麵質揀左適中，唔會太硬或者太淋，豚肉係我食過咁多次拉麵入面最厚既一次，溏心蛋好流心，特別讚一讚味筍，好好味特盛豚肉拉麵啱晒勁鍾意食肉既朋友，豚肉件件都大大塊而且好淋好入味羽根燒餃子一上台有d嚇一跳，幾得意，入面既餡係野菜，餃子炸得啱啱好沙律唐楊炸雞，唔會太多炸粉，啖啖肉食咁多肉梗係要加返碟野菜，份量好多，而且比較清淡，啱晒食完咁多肉之後清一清店員都非常親切有禮貌，呢餐真係好有驚喜，食得好飽好滿足呀

是日黎左銅鑼灣做treatment! 做完係time square 附近覓食！ 醒起之前係尖沙咀食過既霸嗎拉麵！一於再食霸嗎拉麵既店好近time square, 就係2000年廣場後面好方便！由於去到既時候大概12點半，所以人流未算好多！唔需要排隊佢依家做緊優惠，午餐加12蚊有個小食我叫左鎮店之寶既 濃厚豬骨豚肉玉子拉麵濃厚既湯肥厚大塊既豬豚肉！喜歡佢既半肥瘦！入口即溶既肥肉雖然邪惡但吸引而且預先煎得很香口麵既質地我揀左適中！很爽配埋濃厚既湯沙拉野菜餃子 見食左咁大塊肉！於是叫番個菜餃一客5件！食到好飽！菜餃好食，只係略嫌個邊有點硬！但函料好足！而且唔會乾配上沙律醬食好味！這是我一人的豐富午餐

同 fd 喺附近行街，見呢條街好多新食店，就搵間唔洗等位坐落試下。本身都好鍾意食拉面，成日去試拉面，通常都係食豬骨底，呢間好特別有雞湯底，所以叫左一豬一雞。由於太肚餓無影相，豬骨底拉面係配叉燒，湯底較濃。雞湯底拉面係配雞肉卷，湯底清甜，雞肉卷亦好嫩滑，值得推介。另外炸雞亦不俗，熱辣辣即炸上枱的。另外，叫左支萍果梳打同蜜瓜梳打，萍果梳打正常味道，但蜜瓜梳打簡直中伏，得香味飲落乜味都無，完全唔值28蚊支，拎錢出去食甜品好過。

終於一嚐Bari-Uma霸嗎拉麵雞叉燒味玉雞白湯拉麵 $88(麵適中硬度、少油、少蔥)加味荀 $10 竟然有一碗！一早做定功課 分別看過豚骨和雞湯的評價最近都吃得比較清淡所以選了雞白湯還是會擔心會不會不夠味道讓人失望答案是：絕對不會 😋😋😋雞湯香濃卻絕不油膩, 加上淡淡拉麵的鹼水味 我好喜歡 ❤喝幾口就加上蒜粒試試拉麵我喜歡偏軟的拉麵, 這裡的適中硬度還算爽身雞叉燒十分好吃, 肉質厚又嫩滑 (想叫多碟)完全覺得我選對了最適合自己的拉麵因為平常都不太好豚肉打次再來還是會選雞叉燒不過會選軟的拉麵❤另加了一碟羽根燒餃子 $35/5pcs餡料很好吃, 菜和肉比例剛好最後來個甜品 芝麻雪糕 $28芝麻雪糕不算香濃, 不配紅豆還可以紅豆甜味蓋過芝麻特別一提葡萄酸蘇打酒很好喝 😳淡淡酒味又不太甜 👍🏻

其實我平時食嘢講究嘅除咗質素仲有服務態度👄E間拉麵舖🍲除咗佢拉麵真係好正之外其實服務真係一流🙆🙆今次已經係第二次食呢一間嘢啦😚 咁當然係第一次食過之後覺得佢好味😝所以先會再揀佢la😇排隊嘅時間唔係好耐😎雖然你可以見到出面不斷有人外面排緊隊🤔但店員得閒會出泥同你講好快就得😤人流管制非常之好 好快就入座😆（店員們都好有效率）揀左食咩之後 👇👇👇店員會問你洗唔洗幫你加熱隻蛋？🐣洗唔洗切開一半？✌另上？💁好細心👏👏大慨10mins左右 就上菜la辛辣豚肉豬骨拉麵 （麵質適中 少油 中辣）🍲😳真係好好味 中辣😲冇想像中咁辣佢嘅豚肉 係厚切嫁👏個湯我差d飲曬 好香 辛辣好易入口 好暖胃麵量其實都幾多嫁😏 辛辣湯底配拉麵👍👍蛋白普通🤔不過蛋黃好特別 好香😋蛋有蛋味(￣∇￣) 不過我建議將隻蛋浸一浸落個湯度然後先再同麵食會好味啲😍😍特盛豚肉豬骨拉麵 （麵質適中 少油）不得不說佢啲湯好香好濃 一試難忘😉😂😂唔係誇張嫁 係真係好正不過e碗嘢真係好飽 有4片厚切豚肉💎豬骨湯😍😍其實呢個唔係咩特別嘢 係煎餃子（辛辣）煎得啱啱好😋 d餡好滿😂不過我食得出係真係辣既 唔食得辣既🙅嗌丫 佢有原味揀嫁皮都算薄既 不過

位於銅鑼灣登龍街嘅一間拉麵店入面啲位都係一格格有啲似 一蘭但係位置會比較鬆動同埋氣氛會好啲起碼冇嗰啲所謂嘅監等位拉麵嘅款式大約有五至六款耳湯底主要有兩隻濃厚豬骨湯同埋雞白湯, 叫咗個豬骨湯拉麵試下入面有四塊叉燒.食完的確回味先講下個湯底，普通拉麵店都會誇大自己個湯底有幾濃落咗幾多料不過我一間嘅湯底係暫時飲過之中最特別同最吾膩嘅一間，湯底係用豬骨但同時都落咗雞同埋野菜一齊熬製， 所以第一啖湯會聞到有豬骨嘅香味飲落去亦都有少少嘅雞味完全可以用鮮甜來形容至於拉麵嘅質地亦都分左軟，適中同硬既質地比唔同嘅客人選擇， 自己食開硬身嘅麵， 比正常嘅拉麵店稍滑份量亦都唔少至於叉燒都係暫時食過咁多間拉麵店最大嘅一間，因為叉燒有經過炙燒所以食落去會有風味同時令到個湯底更加好飲，叉燒唔太肥拉麵嘅配料仲可以選擇紫菜、糖心蛋、粟米、野菜整體嚟講拉麵嘅性價比係物超所值👍👍同時亦帶咗啲小食例如辛口味餃子同埋沙律唐揚炸雞， 尤其以炸雞最為突出😈咬落去唔會有一種油膩咁感同埋要特別一提啲雞肉多汁同埋好嫩， 係幾喜出望外因為平時食到嘅炸雞粉味重雞肉少不過呢間將啲炸粉整得薄D， 令到啲炸雞脆得嚟入面都保持雞嘅鮮味餃子就同平時

有好多讚同排隊，所以想黎試下。有雞湯湯底同豚骨湯底。同男朋友一人叫一種味，豚骨湯似味噌湯多啲，帶小小甜味不過太咸，但豬骨味就欠奉，塊豚肉係幾有燒烤味，但同平時呢啲同類嘅燒豚肉一樣，好普通。至於雞骨湯底，有雞味嘅...但又係好咸.......塊雞叉燒其實只係雞肉切片煎香左咁解，冇咩特別，但已係叫左嘅野入面最好食架喇.......仲有食左餃子........其實....總之成餐都超普通，味道甚至係普通以下，要好味過佢嘅拉都銅鑼灣真係好多。

對上一次來已是半年前了，今次到來質素仍然保持！ 灸燒豚肉海苔味玉拉麵（$98） 湯底呈深褐色，香濃惹味，麵質充滿麵粉和蛋香，質感彈牙，掛汁力高。 豚肉果然不負眾望，食落嫩滑可口，一點也不鞋口，絕對是我喜愛的。 辛辣灸燒豚肉味玉拉麵 （$93） 屬重口味之選，湯頭帶點微辣，豬骨味道濃厚鮮甜，同樣質感彈牙，掛汁力高。灸燒豚肉油脂比例剛好，層層分明，不錯！ 沙拉野菜炸餃子（$38） 一份有5大件，外皮鬆脆，配上沙律醬和超多蔥真美味！ 辣汁唐揚炸雞（$38） 外皮鬆脆，入面包住嫩滑的雞肉，在於調味上加了辣醬，滋味可口！ 日本抹茶雪糕（$28） 吃完拉麵，當然要吃個甜品！抹茶味道清新不假，冰涼解渴！ 

本身已經食到小食飽飽地，但係仲未食正餐。所以去咗食拉麵細細份比較好入口。但係呢一間拉麵嘅份量真係好多，完全啱晒一啲比較大食嘅人。由於係夜晚都幾晏，唔使我等位就咁就有雙人位。間店都算幾大，有好多位置而且個風格幾令。我哋叫咗兩碗拉麵同一份餃子，佢份叉燒好大份後悔左叫加量。因為佢個叉燒吾嫩口而且比較油，食左少少已經好飽，糖心蛋好好味。如果係鍾意食嫩口好味嘅叉燒都係會揀返其他拉。佢嘅湯底冇一蘭咁好食，未至於好差但係算係比較普通。另外我哋加左餃子，由於覺得叉燒好唔好食所以叫咗餃子做配菜。不過下次會有更特色既拉麵，因為呢間既湯底特就覺得平平係奇了。

時至今日，拉麵已經成為左香港人最愛食既食物之一，短短一條燈籠街已經有差唔多十間拉麵，要脫穎而出絕對唔係咁簡單💪🏿今日就試下呢間霸嗎拉麵！點解會試呢間？純粹羊群心理見多人排就試等左差唔多10分鐘同普通拉麵店一樣，有選擇麵既硬度、配料等不過呢間野就無最普通既叉燒拉麵取而代之就係呢個炙燒豚肉拉麵而我就點多粒味玉即係溫泉蛋！食麵要先試個湯汁第一啖湯汁真係好驚喜炙燒豚肉既肉汁滲透成碗湯！炙燒既香味陣陣散發出黎但如果食辛辣味既話會將湯既肉汁香味掩蓋，所以推薦食原味炙燒豚肉比一般叉燒厚得多上面有少少辣醬，令到梗加惹味因為本身肉身較厚，物理上做唔到薄切叉燒入口即溶既肉質，但係選材用上脂肪量比較多既豚肉，令到食落去回感仍然非常幼嫩，但一d都唔油膩味玉生熟度剛剛好蛋黃汁仍然係流質最後食拉麵既禮節一滴不留-完食感謝霸嗎拉麵能夠從聚多拉麵店中，憑炙燒突圍而出，確實係有過人之處埋單88

味道一般。服務極差。店員甲：不嬲拉麵店都係一人一張單自己寫嘅，何況我朋友叫拉麵，我叫撈麵，根本唔係同一張紙。你做乜落單時要問我「係咪同一張單？」我明你可能係覺得我兩個人一齊嚟係可以記落同一張單，咁但係我唔係店員，正常係問我「係咪一齊？」囉，你係未瞓醒定個人根本無厘頭？然後我哋加單，已經寫好加單紙後舉手，你竟然從遠處隔住其他客人大聲問「加乜嘢？」仲要問兩次，間店唔大你行一步過嚟唔使死？係咪要變做茶餐廳？店員乙：你返工不停玩手機都算，上菜時目無表情，仲要是但放低碗麵喺我面前就想走，其實碗麵係我朋友嘅。店員丙：你漏單仲同我講，呃我話廚房唔小心整錯咗辣味，竟然仲想逼我改食辣嘅，然後我話我唔食得辣，你同我講「咁可能要再等兩三分鐘」。由頭到尾你連「對唔住」都無聲，我朋友碗麵都食咗八成你先嚟同我講，仲呃我係做錯辣味唔係漏單，仲逼我轉辣，兩三分鐘整到唔該你自己醒目整過唔好夾硬要客人轉去就你好無？又想變做茶餐廳？店員丁：你收銀時竟然一聲「201蚊吖！」仲攤大手板要錢。你識唔識咩叫「多謝」，同埋我而家欠咗你錢要攤大手板去拎？就算你完全唔理服務水準，啲嘢食質素其實大把拉麵店好過佢，我唔明做乜要嚟呢間排隊。