霸嗎拉麵 (已搬遷) 新店位置

同 fd 喺附近行街，見呢條街好多新食店，就搵間唔洗等位坐落試下。本身都好鍾意食拉面，成日去試拉面，通常都係食豬骨底，呢間好特別有雞湯底，所以叫左一豬一雞。由於太肚餓無影相，豬骨底拉面係配叉燒，湯底較濃。雞湯底拉面係配雞肉卷，湯底清甜，雞肉卷亦好嫩滑，值得推介。另外炸雞亦不俗，熱辣辣即炸上枱的。另外，叫左支萍果梳打同蜜瓜梳打，萍果梳打正常味道，但蜜瓜梳打簡直中伏，得香味飲落乜味都無，完全唔值28蚊支，拎錢出去食甜品好過。