雲貴川

營業中

休息中

很久沒有食過麻辣了,見到台台都叫口水雞. 我也來一碟,小辣1隻椒 (4椒為最唔辣)第一口真的很麻辣, 之後已經麻到無咩感覺.當停下來一會,感覺到辣味又來了.想短暫解辣的方法就是要繼續食下去, 雞本身無咩味, 點了紅油便有麻辣味, 本來覺得黎味菜唔錯,可惜太生,我用熱水碌一碌都是咬不開,那我就放棄了大半碟.叫了雞肉麵. 麵是牛奶麵, 沒有咬口, 又要等得耐. 雞肉勁老, 不食也算.只是吃了幾口湯便算, 我估我是叫錯了麵吧.

同朋友來, 朋友話個碗咁細, 點會夠食. 佢想食兩碗, 我之後同佢講你食左第一碗先講啦但食食下, 佢發現個碗粉食極都未完, 抵食.口水雞下次要叫中程度, 老闆娘好有心機整, 棒!紅薯粉本身無什麼特別, 但湯底味濃!建議大家由小到中, 千萬不要吃無還有不吃得四川菜的人還是別去,

自從太公要預備其關西之旅起, 一直看資料, 然後回來執相, 到後來碰上一個又一個的交稿死線....是以, 遲至今天, 方有時間重新執筆寫食評. 讓各位久等了積壓已久的, 由它們隨風而去, 待有天心血再來潮才寫；先從11月寫起吧!11月首週最令人振奮的是去雲貴川 - 聽過不少食友對它的好評, 早已想去會一會, 可惜總是陰差陽錯的未能成事；今次總於成功，果然不負我望！首先要了個肉醬紅薯粉 - 才$19一碗, 份量大得有點嚇人，一個女生應該不能完全消滅，抂我們還以為份量很少還一人要了一碗呢!!!! 點菜時，侍應說他們的薯粉比外面的辣；我不信邪地要了大辣，結果.....其實這兒的薯粉還不算真的很辣，可那"麻"的程度卻是乖乖不得了的，不能小窺!!這兒的薯粉夠爽也夠煙韌；縱然到後來吃得汗流浹背, 又飽到幾近肚爆，可也依依不捨地繼續將之送進嘴巴裏...因為實在好吃!!另一個太公推介的是黃金皮蛋，蛋黃是溏心的, 加上點辣椒, 不算太刺激卻也很香!!口水雞其實本是作得不錯，辣香豐富，可雞件切得太小, 碎骨太多，吃時太不便了, 要扣分涼拌木耳是整晚最弱的一道，木耳不夠爽脆，失去了精髓, 味道也大打折扣..

口水雞$38麻辣炸醬紅薯粉$19知佢搬咗新舖會大啲，就貢入去睇睇有冇位隻雞好肥，有少少肉味，個汁都幾惹味，份量都幾大碟個紅薯粉唔好食，湯底一啲都唔麻又唔辣，炸醬唔惹味淨係覺得終於都食到咁囉，冇咩特別

*************千 其 唔 好 試************可怕佐敦道長樂街雲貴川 海水米線我是一個辣怪, 四維去找尋好食的米線, 昨晚路經佐敦長樂街, 雲貴川D米線便走去試吓, 叫落單時, 伙記D礼貌就奇差了, 唔啾唔啋, 心想好食的地方, D伙記洗吓皮氣都忍吓喇.两人Order 了四川口水雞, 2碗麻辣米線, 一口食下, 味道奇鹹, 鹹味濃道好似食咗成湯匙鹽. D口水雞亦如是一樣鹹, 於是問點解咁鹹, 沒有反應, 扮聽不到,看不見 (2個高矮阿伯)o 無奈, 唯有拿碗鹹米線去問煮的人, 亦係一樣, 唔啾 又唔 啋 (似乎此店僱用聾啞員工). 又無奈, 唯有 自己拿去 水吧問一个亜姐. 它叫我自已拿D開水去冲洗吓, 倒哂的湯,用水洗完後,吃了幾口, 仍是好超勁鹹.。口水雞 的 味 道跟米線湯一樣 (相信所有麻辣是一樣…….超鹹, 只吃了一片, 不只鹹, 而且梅Dum Dum. 去後欄厠所清洗口部鹽湯, 見一阿嬸在非常污糟砧版切雞,大o樂!之后,見投無門便一肚氣結帳走了, 直至翌日鹹味仍留咀唇, 99不能除.我看見那些十卜膳稿,非常憤怒,特此,勸各位仁兄仁姊千其唔好試. 可

我每星期四都去食，因為我真係好鍾意食辣其實他們服務一向都麻麻地！但不遇不失昨日我又去，今次真係好嬲！セ都話唔碍!我想口水雞多少少牙菜，唔得!過稿米線無炸醬，我話改牙菜，又唔得!個男人話只可以セ都可少少，唔可以淨加牙菜!點解?公司規定!! hahahaa真野蠻!你無炸醬就得，我只係想要牙菜，就唔得!咁細間舖，多多限制，為左D牙菜無左D客，超搞笑!我之前叫佐好多 friend 去，不過大家都話服務態度勁差，以後都唔去

因為睇左雜誌的介紹, 所以想去試試我打電話去問佢地址近邊度, 有個女人就答: 裕華對面跟住係大熱天時, 係咁周圍行行行好明顯, 間野係永安對面點到近過裕華啦先後點左拍青瓜同過橋米線裏面有個肥女人(無咩禮貌)其實全店每台只有1-3個人, 我地就叫佢地比張椅我地放袋,佢就大大聲咁話: D椅要比客坐~~(跟住佢周圍望, 其乎每台都係咁放袋,佢就死死地氣咁拎張椅來.)首先上左拍青瓜, 但佢地好似唔識比筷子D客...個肥女人"哦"左一聲, 佢就去拾其他台, 要我地講多一次, 今次個男待應就立即去拿比我地青瓜方面不過不失, 真係幾辣....但係就無咩驚喜此時隔離台有一家三口坐, 有碟餸送上台, 又係咁筷子碗乜都無,個男人叫個肥女人"攞隻碗",點知個肥女人真係攞一隻碗, 個男人就唔好意思咁自己去拎多2隻碗個肥女人就賴好笑咁講: 又話要一隻碗到我地的"過橋米線"上台食第一啖就己經有comment: "D米線好硬"我食過咁多米線, 真係第一次食到米線咁硬其他配料就一般, 雞肉無譚仔咁滑,但係佢地真係用雞湯第一次食真係好失望, 可能之前因為雜誌的推介, 預期過高.所以我都好肯定絶對無下一次

今晚再次光顧雲貴川，已有數十次光顧之多，可說是熟客之熟客了，主要原因是她店的紅薯粉在港少有得食，只有部份普通米線店要另加錢才有供應。口水雞成為這店必食之選，幾乎每張台都有一碟，麻辣味道由少少少少辣(分4級)至勁辣，老闆娘整天站著就是在切雞，一碟碟的口水雞全部即時調味，少許芽菜作配搭很是絶配。雲耳腐竹紅薯粉:可是腐竹太硬，是用支竹煮熟，但不夠軟大大破壞了。豬扒紅薯粉:豬扒每次都不同水準，有時會煎焦，有時又會咸了點。加凍飲每杯大律$5, 除了檸蜜, 檸樂加$6。

呢間野真係極差!首先，無服務質數可言，叫佢改單話唔得﹑仲話番我轉頭﹑伙計之間仲係到講個客野食要等三十幾分鐘先有，酸辣炸醬担担麵一D都唔酸辣，整咗咁耐應該好入味同熟? 點知d 麵有好多條都唔熟，硬哂軚，清湯炸醬紅薯粉太有橡筋feel，咬極都咬唔開。兩碗絕無味道﹑湯有湯味道，麵有麵味道，完全唔入味，不能融為一體，仲話係四川正中?! 吥!吥!吥!夫妻肺片全部都硬崩崩，唔知雪咗幾多個月?又冇麻辣味!!態度巳經唔係好嫁啦，正中又唔正中~都唔知點經營，唔係人食嫁

看了兩星期前的"飲食男女"推介, 今天探朋友時順道到佐敦的雲貴川吃麻辣米線, 朋友先給我下毒湯, 說此店服務態度差, 食物變壞, 配搭錯等一律不認, 總結, 顧客永遠是錯的.我在下午三時左右進店, 全店幾乎滿座, 我叫了一碗木耳腐皮魚旦米線, 是小小小小辣, 雜誌說過, 最小的已夠麻和香了. 果然, 四個小的麻辣, 足夠食到周身出汗, 米線很爽也很有彈力, 比旺角的川居要有咬口, 湯底亦香, 不是吃幾口便喝死人的味精湯, 木耳很爽, 腐皮很滑, 唯獨是魚旦, 有一粒酸餿, 我不算細食, 但最後差點吃不完, 其實分量跟旺角的川居一樣, 但可能米線口感較靭, 所以很快飽肚. 下次一定會再幫襯, 至於服務態, 一般吧, 不算差. 付款時我說魚旦餿, 店員唯唯諾諾, 有點不好意思.題外話, 同枱一對男女朋友, 男的言詞間自詡能吃辣, 但卻連皮旦上的青尖椒是辣也不知, 我忖, "好打有限". 果然, 他那碗大辣送來後, 吃了一口, 說跟想像中有距離, 擺明死撐, 他多吃幾啖後, 聲都變埋, 但仍在撐, 我沒抬頭望他, 但心裡卻暗笑, 最後他當然又咳又鼻水又面紅耳赤, 聲都唔聲下, 好失威奉勸天下

1. 尖椒皮蛋 ~ 茶黃色的四川皮蛋, 較廣東皮蛋結實, 伴青椒粒、麻油和辣椒油來吃, 鉛味不會太重.2. 口水雞$38 ~ 這鎮店菜食完一碟再一碟, 雞肉嫩滑, 唯麻辣汁並沒滲透到雞部位, 沒有雙唇發麻.3. 水煮牛肉 ~ 碟子很大, 那盤汁亦很多, 但牛肉很少.4. 麻辣豬肚 ~入口舌尖開始感到辣的刺激, 食食下都接受了.5. 山椒木耳$18 ~ 木耳爽口, 連同泡椒一同放入口, 酸辣鮮香.6. 夫妻肺片 ~ 咸味較以前重, 好彩豬肚仍爽, 牛柏葉就沒有特別.7. 紅油青瓜 ~ 青瓜味已被紅油蓋過了.8. 小小麻辣大腸米線 ~ 這辣的程度剛好, 但豬腸不夠肥美, 9. 小香辣牛柏葉紅薯粉 ~ 只辣不麻, 依帶鮮濃的辣椒香.10. 小小酸辣豬膶米線 ~ 可能只是小小酸麻, 並沒有辣味, 反之胡椒比辣味重.

到雲貴川食粉，基本上每個星期必到雲貴川，連老闆娘都認得互相微笑。其他人或會覺得老闆娘很惡，甚至聽到食客投訴說食物就頂瓜瓜但態度就很差，來這店光顧根本就沒有期望什麼態度服務，只要食到好味的口水雞，彈牙的紅薯粉就夠了，要什麼服務態度就去稍為高級的餐廳。中午食飯時間人不太多，但似乎專程而來的客人不少啊。口水雞是必食之選，雞很嫩滑，麻辣醬料十足，雞肉完全吸取醬料精華，每枱都有一碟，來買外賣更甚。紅薯粉就不一定人人愛食，食店內有米線和擔擔麵供選擇，任由配搭，一碗只不過由$19至$20起，每款配菜不同價，由$4至$5，絶對超抵食。貢丸紅薯粉雖不是什麼特別，但配麻辣三少辣，(少辣有四個程度的辣，由輕至重味>四少至一少辣)不吃得辣又想試可以試四少麻辣或酸辣) 另有小食，紅油清瓜，是青瓜加少許辣椒油，少少辣，很開謂的。川椒雲耳，很爽口，$18一碟絶對超值。

先說小小題外話:因為昨天經過書局,見識過前輩們的食評,所以下定決心以後都要寫好一點!好~返回正題:這家小店開幕之初已經有光顧,因為當時客人不多老闆娘可以同客人介紹一下本店特式美食,到後來被眾人發現之後門口永遠排長龍,本來都因為"為食"忍一下後來試過一次買外買等了30分鐘都未有之後就成為拒絕來往戶,昨晚經過新店後心思思想試一下,回家看過以下食評個心涼了一半,最後還是鼓起勇氣試一下!到達時間是晚上8點多,全場差不多滿座, 幸好還有1人位伙計叫一下就有反應幫忙落單,叫了一碗腩肉紅薯粉+涼拌青瓜+凍檸茶(全部在5分鐘內出現在我面前)茶跟以前一樣是老闆娘親手沖,味道並無不同,都ok架!麻辣紅薯粉就不知幾時開始有分1~4小辣??還是以前都有??紅薯粉非常大碗! ! 味道仍然是我吃過油尖旺中最好的!涼拌青瓜的紅油-有那一種令人聞到就很想吃的香味!以上就是我昨天的親身經歷~

同班朋友都好中意食辣野,聽聞呢間野好OK,所以就拉大隊去試下喇!三點幾去到六個人唔洗等位,叫左四個粉同5個小食SHARE,佢D紅薯粉真係好彈牙啊同湯底好GOOD!D小食都幾得!推介:口水雞X2<---個汁好正,D雞好滑紅油肚絲....D豬肚好爽皮蛋...隻隻都係塘心唯一美中不足就係要等耐少少,其餘都OK喇!

我係經常光顧雲貴川的老顧客，一直都有留意呢間店既食評，今次認為樓下用黑店二字來形容呢間店未免太過份，所以忍唔住註冊來替此店平反平反。其實我覺得此店的麻酸辣比其他店正宗，可以講係我現時食過最好的一間川菜店，可能只係唔岩有d人的口味啦！記得最近一次與朋友黎到雲貴川，相比起以前細鋪既時候已經舒服好多...今次終於食到久違既口水雞，之前可能太晏去..成日都賣哂...叫左小辣...夠麻夠辣...雞肉配上麻辣汁簡直係一流！！跟著再叫埋紅薯粉、皮蛋同夫妻肺片紅薯粉就不過不失啦至愛此店既皮蛋，因為溏心的..朋友都忍不住讚好肺片都幾爽口彈牙啦，唔錯而家既凍奶茶就恢覆返細鋪個時既水準啦，兩個字就係好飲！前排可能換左人沖，老實講真係唔掂