雲桂香米線專門店

營業中

休息中

相信大家經常食米線, 而米線都係我呢個辣椒人最愛之一, 特別係酸辣湯底😆今日唔想去去開嘅米線店, 就行遠少少同襯晚市前時間食呢間已經全港唔少分店嘅米線店觀塘呢間座位唔多, 不過坐得都算舒服, 不過因為佢地門口係禁掣自動門, 如果有人禁掣入黎度門耐一耐都未關, 所以成日都有熱風吹入黎大熱天時都有 d 熱!餐牌其實同一般米線店冇咩分別, 都係嗌邊款麵, 揀湯底, 揀辣度, 再加餸。而呢間有幾款特別米線, 就係有原條煎魚嘅米線, 喜歡食魚嘅不妨一試先黎左一碗傳統湯嘅小鍋米線 (竹笙+腩肉酸辣湯底小辣)。湯底真係好濃, 而腩肉都滷得好好食, 仲有蔥花, 芽菜增加口感只係麵煮得太林, 冇左彈牙感。而竹笙比佢地剪碎左, 好似完全溶左係碗麵度😳😳反而涼拌米線有 d 驚喜 (豬頸肉+大腸小辣), 唔單止麵夠彈牙撈麵醬汁有淡淡嘅辣味, 增加食慾, 而且花生都令整碗麵更香口豬頸肉同大腸味道都好好蒜泥白肉夠蒜夠辣, 而中間夾左青瓜中和辣味同增加清新感, 唔食辣嘅人都可以一試。2個人 total 都係 HKD130, 真係平靚正😂

小編一向鐘意食米線，除左譚仔，雲桂香都係一個不錯的選擇!!如果唔想食酸辣既朋友仔，可選擇蟲草花雞肉湯米線($44)。 🐟💬雞肉都幾嫩滑，不過蟲草花就少左d，大家不妨一試。🐟📝6/10P.S 如果想食軟身米線，記得先同佢地講一聲。

身為米線fans係唔可以錯過任何一間米線店，當中雖然雲桂香開到周圍都係，但都要試一試既。店面好大，所以位置好多，我地搵左個位就點餐了。今次叫左個酸辣米線，有蘿蔔，但就略嫌普通左d，未去到出色，但都幾香口同埋好食。另外叫左杯凍檸茶，都好大杯同夠冰凍，只不過有d偏甜，以平時標準黎講，應該要叫少甜。小食黎講，叫左個蒜泥白肉，佢包住左青瓜，平時包住青瓜我覺得還可接受的，但呢間既做法，個人感覺麻麻地，因為可能係青瓜太大舊，又或者係塊肉太細了，令到青瓜既味太搶，於是食左兩三舊就拎走左舊青瓜先食了。總結：肚餓又想食米線既時候可以一試。

Working in Kwun Tong, we usually go to have lunch at Tam Jai, but today we went here to try new thingsurprisingly it is really great. Almost the best I have tried, especially I like eating spicy food. The spicy degree is much greater than Tam Jai! Like it!

我同朋友都一樣覺得份量係少咗好多。隨便加個送到40蚊以上喇， 冇飽肚嘅感覺，唔似以前咁抵食。湯底一如既往都係好味嘅，米線米粉都入味彈牙。不過仍然都係叫左走青但無走到🤣🤣冬菇得三個，好細粒，個「定」好大唔食得🙈。所以真係好唔抵食呀而家， 可能其他分店會好啲。至於環境方面，我之前坐近門口果part就好凍好凍。 今次我入咗去入邊比較安靜area就好焗😩。米線質素整體ok，只係送同米線份量大幅減少，以致唔再覺得抵食😂。

周不時都會留意觀塘有咩食，呢間鋪一開張就已經急不及待走去食，食到而家只有兩個字 --- 「失望」。岩岩開張時其實個小窩米線幾好食，湯底入味，配料足米線多! 可惜開張一個月多啲水準就愈黎愈差，小窩米線既麻辣湯底一啲麻辣味都冇，叫小辣亦都沒有辣度。以往叫開開的豬紅亦完全沒有味道。服務方面，我諗呢間鋪開張左咁耐都仲未好處理到上菜速度，試過係午膳繁忙時間食足足等了一小時才有得食...不過有驚喜的是近排試新野，試下佢地既熱伴米線，感覺還不錯。叫小辣是真的有辣味和辣度，米線份量多，配合花生加上麻油進食，感覺還不錯。其實觀塘區既米線唔多，希望呢間可以改善下質素，繼續留喺觀塘啦~

心血來潮~突然好掛住雲桂香既小窩米線，決定lunch同朋友一齊去食！豬軟骨小窩米線--叫左小窩米線既酸辣(小小辣)，好鐘意個湯底，少少酸而且真係有酸菜係入面，令到米線好彈牙，再加上芽菜，好有口感。豬軟骨夠淋，好味！蒜泥白肉--個人鐘意白肉包住青瓜，冇咁油膩，食落好清爽，唔會太辣，有蒜香同辣油香。真係好鐘意蒜泥夫妻肺片--有金錢肚、牛𦟌、牛脷。唔好太辣，因為本身都唔太食得辣。有辣油香少少麻，味道不錯！

今晚與男友共渡晚餐，諗住比呢間新開既雲桂香，試下，點知。。我住觀塘 既 但我永遠都唔會再尼呢間垃圾野食:huffy難食到我要專燈上尼寫劣評希望各位唔好試伏首先講佢個蟲草花雞湯水晶粉睇圖 啲湯根本水加雞粉溝出尼 無味 算 水晶粉太過淋身 漲曬 擺太耐好難食 啲雞值得讚既係唔老 唔"鞋"身 但廚房將啲雞骨斬到碎曬 係面入邊 都仲食到有啲碎骨既 仲要盛惠我$44大洋 比啲咁既質素我食 而男友嗌既雞翼米線 也糟透了 雞翼老到縮曬 $8/2隻縮水雞翼 總之呢間 野食絕對唔係比人食 根本比狗食既不過中肯啲都要講 旺角戈間都可以既

食慣酸辣米線，忽然想試吓麻辣米線，原來都一樣咁好味，吃不停口，又麻又辣，流晒口水，味覺十分刺激，幸好下午茶時段，可以有優惠價，只須加$3，就有一杯冰凍飲品，怕辣都不用怕。

我最鍾意小鍋米線，我估亦係最多人叫嘅😁😁走咗青既豬頸肉小鍋米線，BB辣。☺️☺️豬頸肉係幾香，又冇乜肥肉嘅～～～但我就覺得唔會太抵食了，覺得少囉。可能第時嘅份量真係好多，有好大嘅對比。如果想好飽肚又抵食嘅話就叫雞絲啦～米線粗身，林林地，我幾鍾意～連觀塘呢間分店嘅份量都好多。僅僅食得晒我之後叫咗個甜豆漿（好香，口感滑😍😍）好似同譚仔嗰隻豆漿差唔多。我都飲唔晒，因為太飽，好彩佢嗰啲豆漿係方便帶走嘅😂

其實真係覺得雲桂香好正。今次叫咗 酸辣小鍋米線（加配雞翼、蘿蔔）本身個底$26已經好大碗，加配嘅蘿蔔仲要超大舊，好似用成半個蘿蔔切落去咁，係咁食，食到最後都食唔晒～雞翼又係好香口又夠淋，本身係雞翼控嘅我真係好想再加多幾隻食！好多間米線店嘅米線都主張爽口彈牙，但我就好唔鐘意太彈牙，好似食橡筋咁。好多時咬咬下，可能一兩條就好唔想食落去。但呢間就一定唔會唔想食～係最自然嘅米線口感呀佢啲小食都好好食，但無影就唔講了～總結：食完會想再戰～～

今次係我第二次食雲貴香，之前我對佢嘅印象係大碗同辣。今次嗌左碗涼伴米線，加左芝士丸、腩肉同生菜。另外嗌左炸春捲同咸檸七。.涼伴米線，好彩唔係算超凍，嗌左微辣，都接受到。記得撈均勻啲，唔係食到底會好辣。芝士丸好難食，可能放得太耐，入面啲芝士完全唔韌。腩肉切到大小不一，肥瘦比例唔好。生菜ok。.炸春捲好普通，喺超市好易買到，配醬又唔好味，同春捲味道都唔夾。.咸檸七得半個咸檸。.呢到兩個人食總共用左$80。覺得今餐好唔抵，一碗麵嗌得多餸，每款餸份量應該會少左。最大問題係麵嘅配料唔好食。

差不多晚上十時正，返完教會後和弟兄姊妹到這間餐廳試試。樓下座滿了人，心想要多等才有位，但竟然有一樓偏廳，而且裝修算是不錯(看下圖)，結果不用等位。最低消費是30元，選了基本米線後，你可以加錢配撘其他餸，有12元及8元的類別。我叫了小鍋米線，配科也相當豐富，包括芽菜、酸菜、韮菜、蔥、芫茜，我另加了豬軟骨，屬於8元類別，再加7元配罐裝可樂，合共40元。等候時間不算太長，約五至十分鐘。米線送到後，豬軟骨的份量比我相像中多，因為它算是8元的配料，份量小也是人知常情，但它差不多有四舊。我本人軟喜歡食麻，所要叫了麻辣，程度是小辣。麻的香味都足夠，但由於本身這米線本身有酸菜，所以你會食到有麻酸辣三味，這點大家要注意，有需要的話你可以走酸菜。我本身吃辣的程度不高，所以叫了小辣，但當出了好多鼻水，大家要衡量一下辣程度。米線韌度適中，湯味濃郁，配菜、配料、米線的份量也算多，總括而言，30多元食到這米線，算是物超所值。要順帶一提，如果叫豬扖作配料，記得最後叫他們切開，因為他們會成塊豬扖上的。一定要提一提環境，我們有幸上了一樓，裝修不是什麼豪華，但也算花了心思(看下圖)，而且座的位置都算舒服，服務員的態度也非

第一次同朋友一齊去尼間店食叫咗清湯蟲草花雞湯米線➕芝心丸酸辣粉、夫妻肺片米線食落一般，清湯米線一樣🌚加咗8$芝心丸，皮好硬同尼隻芝士唔好食🌚酸辣粉完全淨係酸味，冇辣味🌚粉啲份量都好少，食唔飽🌚夫妻肺片啲味道偏酸、冇辣同麻🌚牛展得2塊厚嘅，冇滷肉香味🌚金錢肚好大條，咬唔到🌚夫妻肺片份量超少🌚侍應服務有待改善，完全聽唔到叫落單上食物時間好慢，以為漏咗單，等咗好耐整體冇特別（味道、食物）同樣價錢可以食到其他好食啲米線以後都唔會再來🌚

去銀行經過呢個舖發現新開了一家食店，時間約上午十一點多，又適逢黑雨，店內客人唔多，一個人吃，樣樣都想試，本來想叫麻辣米线，但見重慶酸辣紅薯粉更吸引我，加份鮮腐竹及熱奶茶，成為我豐富的早餐，份餐好快到，味道亦合我口味，酸度適中，紅薯粉軟硬度亦可（我比較喜爽彈感覺，略嫌薯粉煮得偏軟，不過我知好多食店都會為遷就大部分食客而煮得軟身點）我算大胃王，覚得粉及配菜份量亦夠喎！店內寬敞，坐位舒服，洗手間亦乾淨及頗大，下次一定會再來試其他食品