雲桂香米線專門店

雲桂香米線好多地區都有應該好多人都食過最重要係佢有辣又唔辣今日11點幾就嚟到啦所以唔使等位都有得食幾個職員都好熱心咁招呼客人又問你要咩嘢食 需唔需要飲品佢上菜嘅速度都幾快我叫咗蟲草花雞米線佢啲雞湯真係好正飲咗成大半碗另外都叫咗個凍檸茶凍檸茶就正正常常舖頭最入有啲位置都幾隱蔽響門口係望唔到入去㗎如果想有啲私隱 可以揀裏面嘅座位不會額外收費碗米線一嚟到就梗係飲咗啖湯先啦佢個雞湯真係好鮮味我自己就好鍾意啦因為自己唔食得辣 呢個蟲草花雞米線啱晒我呢啲唔食辣嘅人同埋佢價錢一啲都唔貴不過如果男士叫米線可以叫多一兩個小食而今日呢個份量，我自己就啱啱好…查看更多

今日喺觀塘搵食，醒起好耐冇食過米線，一於去咗人氣幾高嘅雲桂香米線專門店試吓。今次想清淡啲，決定一個完全唔辣嘅米線，點知一樣有驚喜！✨ 雲桂米線 (走辣 , 走芫荽 lol ) ✨一上枱，個賣相已經好吸引，湯頭清甜得嚟帶少少酸香。佢個湯底真係落足料去熬。唔食辣嘅朋友真係要試吓，完全唔會覺得「走辣」就等於冇咗靈魂。啲米線軟滑又掛湯，食落好順口。配料方面，腩肉肥瘦適中；腐竹索晒啲湯汁，一啖咬落去，啲湯喺口裡面爆出嚟，真係好正！💰 性價比超高 💰最抵讚係個價格，65蚊就有一個大大碗、配料足料嘅米線，喺而家呢個時勢真係好難得。絕對係街坊價錢，質素卻一點也不馬虎。總括而言：如果你同我一樣，有時想轉吓口味唔食辣，又或者本身唔食得辣，雲桂香嘅清湯底絕對係一個極佳選擇，味道豐富又有層次。當然，佢哋嘅辣味招牌一樣咁出名，留返下次！…查看更多

真係好耐冇食過呢間，收工經過突然想食所以買咗外賣返屋企食叫咗小窩米線，加兩樣餸已經要 $54 其實都有啲貴 好耐冇食，又冇乜特別大期望，諗住食飽就算本身叫小辣但冇乜辣味 ，個湯就淡淡地食左幾啖就發現咗有個黑色嘢喺個湯度 🤦🏻‍♀️🤦🏻‍♀️🤦🏻‍♀️🤦🏻‍♀️ 原來同我加咗餸 🤮🤮🤮🤮 呢隻嘢係似烏蠅 🪰即刻覺得好嘔心冇晒胃口 🤮🤮 本身肚餓諗住求其買啲嘢食，點知仲係肚餓但諗起都唔想食其他嘢，又嘥錢 …查看更多

平時食開大埔分店，今次經過觀塘試吓，叫了一碗紅薯粉，由於職員忘記幫我走芽菜，所以佢攞返入去翻煮，之後送上嚟嘅薯粉，湯係漿糊狀，紅薯粉係一pat pat，正常嘅紅薯粉係一條條唔會黐住，呢碗一夾上嚟就黐實晒，因為翻煮所以腍晒，根本食唔落口…查看更多

夜晚經過觀塘間雲貴香，經過望左陣餐牌，本身見到酸辣粉想試下個酸辣粉，但再望一望餐牌有涼拌嘅酸辣粉，就唸住試下叫外賣食，本身都好驚會中伏唔好食冇唸到竟然出乎意料嘅好食！加左個豬頸肉，份量超足，先53蚊，我覺得好抵食，酥酥脆脆，伴埋個酸辣粉，酸酸辣辣更入味，超讚，會再回顧😋😋下次試下再辣小小。…查看更多