雲桂香米線專門店

營業中

休息中

雲桂香係我由中學食到而家都仲要每個月食幾次嘅酸辣米線店。中學戈時窮就會叫零個/一個餸嘅小鍋米線。靜係食佢個酸辣湯底已經好滿足，因為已經包曬芽菜肉碎酸菜等等嘅餸。小鍋米線嘅湯底唔辣係無肉碎嘅，所以最少都要嗌bb辣！而家大咗，經濟能力都提升咗，通常兩個人都會叫兩碗加小食同野飲。我地分別叫咗唔同嘅辣道同餸。尼碗係加咗芽菜同紫菜，量實係好多，堆到山丘咁。另一碗係腩肉蘿蔔。佢地嘅招牌腩肉帶小小辣，但一啲都唔韌，同埋都好木成十幾塊。蘿蔔道食得出係用清湯煮，唔會辣。另外叫咗個麻辣豬腎。第一次食，但食落略硬。野飲平時叫開菊花蜜，今日突然想飲阿華田😲。其實都好大杯，又夠味，用嚟解辣岩岩好🤠👍🏻

今日第一次試呢間，下午一點前到，見門口好多人，以為要等位， 點知係吾洗嘅，因為門口嘅人都只係等外賣的。叫咗個小鍋米線加雞絲酸辣湯小辣，由落單到食得等左25分鐘，因為廚房好似都吾係跟次序出單嘅，而且主力做外賣，得閒先做堂食，吾怪之得熟客都知晒行程賣外賣好過啦。講返個味道先， 湯底偏酸， 小辣不辣，雞絲好鞋。 不過都會再來試其他口味嘅😅

香港食米線既鋪眾多，由其是x哥周圍都係食到悶悶地，今日就走去另一間雲桂香試下。餐廳有米線、紅薯粉選擇，我同女朋友各叫了一碗小鍋米線試下。竹笙腩肉小鍋米線（ 酸辣湯底）：竹笙好爽加上吸晒酸辣湯即汁非常好味，腩肉本身有小小辣加上唔肥而且紋得好淋入口即用，值得推介。豬大腸豬軟骨小鍋米線（ 麻辣湯底）：麻辣比例啱啱好，豬大腸唔肥有咬口而且都好乾淨，豬軟骨紋得好淋豬軟骨輕輕一咬就散去而且好入味。最後加上一杯凍檸茶非常滿足。

除咗譚仔、譚仔三哥之外，平時最常食米線嘅地方就係雲桂香。價錢來講唔算貴，大部份都係28-30 另外自己揀餸。最鍾意食就係小窩米線，湯底少少酸辣，食起嚟真係好開胃。 而且配料嘅選擇都好多，個人鍾意食米線多個食車仔麵😹

《正中雲桂香酸辣粉》今天同朋友去官塘裕民坊見到位於牛頭角道343號有間食酸辣粉的，入去睇下好似好好味，於是我們倆個就話試下味道正唔正中，對於我來講鐘意食辣嘢的當然叫重慶正中紅薯粉而且系中辣，想像唔到有甘辣，里面已有花生米，榨菜，咸酸菜，蔥，莞茜，服務員拿過來時一陣陣飄香酸辣味，份量好大碗，而紅薯粉又好彈牙，真系正中重慶酸辣紅薯粉，價錢又平一大碗先系28蚊，抵食，另外叫左一碗雲吞湯有肉，有菜，有酸菜好大只，一大碗有六隻，而個人感覺皮比較厚，而湯酸酸可口，小食叫咗一碟炸春卷，有五條，外層好香脆，都幾好味，一邊食辣當然就會想飲嘢加左7蚊有一杯檸🍋茶，都幾划算。喜歡食酸辣粉的不防可以過去試下。

第一次食雲桂香嘅米線, 好有驚喜. 有好多唔同湯底, 同配料選擇, 有D湯底仲好特別, 下次再試.兩個人叫左個 豬大腸豬軟骨酸辣粉同 豬頸肉小窩米線, 同一個小食龍蝦卷.湯底濃, 配料醃得好.小食龍蝦卷 即叩即炸都好好食下次會再黎!

今晚自己一個人食，又好想食米線，就黎左出名既雲貴香大食特食。店員既服務態度好好，好有耐性，d坐座坐得又舒服，於是我決定叫豐富d慢慢食，享受下呢個雲南風味。我叫左個雲桂米線60蚊（微辣），超大碗超多配料，有雲耳，大大隻既冬菇，調好哂味既腩肉，炸魚肉卷，差唔多全部都係頂級既水準，味道真係好好，特別係個湯底，唔會太辣，酸酸甜甜咁好開胃。另外我加左墨魚咀（16蚊），好新鮮又大份，好抵食。叫左個小食 秘整燒豬頸肉（42蚊），好新鮮多準，完全唔會硬哂咁好彈牙，超級推薦！

一路以嚟，都覺得雲桂香嘅米線好好食，每當我諗唔到嗰日想食咩嘅話，都會去食，今次經過牛頭角呢頭又決定去食啦價錢大眾，一碗米線加個餸，都係30幾蚊，加埋小食同埋飲品都係50幾蚊起，仲有好多款選擇，所以晏晝都好多人等位食㗎每次必食係小鍋米線，最鍾意就係加豬軟骨，雖然份量唔算話好多，但係就鹵得好入味，同埋啲骨都軟林林，容易入口。配埋個湯底酸酸辣辣好夾，同埋我覺得雲桂香嘅米線係特別煙韌同埋大碗，好食過其他連鎖米線店啊真係

馬蹄徑附近其實都有好多嘢食，茶記，冰室，快餐店，麵檔，今次就試食車仔麵，附近其實都有幾間車仔麵店，不過見呢間跟餐加飲品唔貴就揀咗呢到食， 呢到有兩層，我地坐咗樓上，樓上就靜啲感覺舒服啲雞翼，竹笙清湯米線 - 米線真係好多，唔記得叫佢少米線添，雞翼肉質唔算嫩口，但味道都還可以魚肉春卷，墨魚丸水晶粉 - 水晶粉有煙韌口感，墨魚丸夠爽口腩肉，蘿蔔重慶酸辣紅薯粉 - 睇個樣都知辣，食落真係好辣，紅薯粉都好好味凍檸茶 - 茶底偏濃，檸檬新鮮總結 : 一般既米線店

食評總括：太過酸，一碗小窩米線應該酸辣平均。但我只吃到白醋的酸味🍲😣值得讚嘅就係叫咗唔夠1分鐘，個米線就嚟咗心諗有冇咁快呀！開頭第一啖已經覺得點解咁酸，害了我叫兩杯嘢飲😂😂🍺🍺飲勝！瘋狂灌水另外值得一讚嘅係姐姐都好有禮貌叫我下次嗌走酸！可能有下次！

酸辣粉係其中一種，我最鍾意的食物，嗰種食到汗流浹背，愈酸辣愈開胃的感覺，真是令人又愛又恨 今日行到牛頭角裕民中心，見對面有間「雲桂香米線專門店」，門面乾淨企理，決定入去食碗酸辣粉， 刺激一下味蕾 呢度除有辣度可選擇外，連湯底咸、淡度，麵的爽、硬度，都可以選擇 重慶酸辣水晶粉，配有花生，榨菜，鹹菜，葱，芫茜，湯面鋪滿紅紅辣油，酸味較淡，辣味較突出，水晶粉幼身，入口滑溜，易咬也帶彈性 墨魚頭～咬落去唔會靭，好爽口腩肉～薄切，肥瘦均勻，入口爽滑貢丸～結實彈牙，香菇味濃黑木耳～爽脆小食，炸鮮竹龍蝦卷～外層腐竹炸至脆口，中間龍蝦卷軟腍，蘸上附上的醬汁，真是香脆美味

午飯時間，特別多人。幸好有單人座位可以坐，不用跟別人迫。先挑選麵條及湯底，再額外加配菜。小鍋米線很惹味，濃味之選。米線份量多，還有些肉碎、腐皮、韭菜、芽菜、酸菜等等。幾款配菜方面，揀選了牛肉及豬大腸，雖然很怕香港食肆很多豬大腸都總是有股異味，但是心癮起，還是點來吃吃吧。可能因為湯底濃味，沒吃得出其他異味。還點了日本鱈魚豆腐，另以碟上，應該是因為即炸完後放完湯會失去那滋味。可愛的星星形狀，十分特別。入面口感比魚肉滑溜，且口感煙韌。吃完麻麻辣辣且如此濃味湯底，還好點了杯冰凍的檸檬茶解一解，很飽呢！

約左友人係牛頭角食飯 剛好行經久仰大名既雲貴香 身為一個喜好食酸辣米線的一份子 怎會錯過機會 一於入內試佢一客 我點了一個酸辣肥牛雞翼春卷米線 我朋友就點了一個蟲草豬軟骨米線 一放低兩碗米線我已經發覺佢落錯單 嚟錯一個冇肥牛變咗菜心嘅雞亦米線 算 我等咗10分鐘免得再等照食 點知一食鹵水雞翼又乾又嚡 求其一間車仔麵都好食過佢 最大獲係魚肉春卷有好大魚腥味腥到連酸辣湯都蓋唔住 米線分量出奇地少 以一個五十幾蚊嘅價錢食到一餐不重質不重量嘅米線簡直中伏 不會再幫襯

成日間唔中就會好掛住雲桂香既湯底，今日都係咁😅 所以今日收工之後一條友係公司樓下搭shuttle去牛頭角食😂呢間雲桂香又裝修得幾靚架喎！😯見到咁多餸揀我既選擇困難又發作。。。結果叫左竹笙，豬肚，豬潤，魚肉春卷，芥蘭酸辣少辣紅薯粉扣底🙈個湯底酸酸地加埋微微既辣，真係好惹味開胃👍紅薯粉煮得好好唔會淋，十級煙韌，感覺紅薯粉會比起米線更加索湯底更入味～竹笙又係索湯底既首選，所以我好中意加呢個餸✌️豬肚全部都係深色好爽口既靚部位😁不過略嫌豬潤太薄容易煮過龍變左有少少粉魚肉春卷足料彈牙，有四五舊我都食晒😋芥蘭煮得剛剛好，嫰綠爽脆👍不得不提仲有杯柑桔蜜，一黎到見到好深色已經覺得應該好夠味，飲落去好有媽媽以前浸果啲鹹柑桔既味道😱😱啲回憶返晒黎，好飲！👍👍下次癮起果陣收工過黎食都好方便👏👏

雲桂香係讀書時代基本係一星期2~3日必食的午餐。。畢業之後就好少再去食了人生第一次食酸菜都係在雲桂香多年後再來回味下😋雖然多左好多新款米線/薯粉同唔同種類的湯底，而且小食都多左好多但我鐘情的小鍋米線湯底係多年冇變😆真係十年如一日😋識食必定叫腩肉😁仲要走芫茜蔥多酸中辣😛😚係我每次去必點的🙃今次加左新野墨魚頭🥰墨丸頭好彈牛，但多酸唔夠酸不過超大碗食完超飽同埋小食夫妻肺片~不過略嫌酸左d唔夠麻辣