雲桂香米線專門店

營業中

休息中

夜晚經過觀塘間雲貴香，經過望左陣餐牌，本身見到酸辣粉想試下個酸辣粉，但再望一望餐牌有涼拌嘅酸辣粉，就唸住試下叫外賣食，本身都好驚會中伏唔好食冇唸到竟然出乎意料嘅好食！加左個豬頸肉，份量超足，先53蚊，我覺得好抵食，酥酥脆脆，伴埋個酸辣粉，酸酸辣辣更入味，超讚，會再回顧😋😋下次試下再辣小小。

今天去觀塘做事，老實說我真的分不清楚那些雲南米線你是哪一間？雲貴香？雲貴川？全部都好像。🤷‍♂️🤷‍♂️🤷‍♂️🤦‍♀️🤦‍♀️🤦‍♀️但是是對一個人的我，我覺得最好就是去吃雲南米線，因為大碗又沒有那麼孤單，所以我今天去了看一下招牌叫做雲貴香米線。🤩😝😝😝😝😝😜😜😜😜😜點了水餃、牛腩、牛肉酸辣湯麵小辣，都是一如既往的那種味道，不過不失，但是很大碗又飽度的一餐。真的是很適合一個人。👍👍👍👍👍👍👍👍👍👍👍👍

我已經在這家米線店吃了5年，果然好味道，紅薯粉好有勁道，但是長時間吃，會變得有點不好吃，湯底不夠甜，不夠鹹，主要是辣苦味道為主，吃了之後湯汁很苦，如果你喜歡吃又苦又辣的人，不要錯過這個重慶酸辣粉

最鍾意同同事一班人去食試唔同米線雲貴香，都係我哋飯堂最鍾意食熱撈米線如果你嗰日，好肚餓，撈米線就啱晒你碗米線分量十足，一定夠飽同同事一齊叫左三個小食炸雲吞炸豬頸肉炸春卷全部都係新鮮，即炸，超好味

今日朋友話公司冇咩野做專登走出黎搵我食lunch, 見好耐冇食米線就帶左佢去牛頭角道雲桂香。無論香港引入左幾多間米線鋪，都冇一間取代到佢。次次lunch hr 去都人頭湧湧，好彩今日唔洗等位，今次叫左個魚腐小鍋酸辣（中辣）米線，朋友就叫左豬紅腩肉重慶酸辣粉。個人覺得佢嘅辣度比另一間連鎖店辣，朋友叫小辣都覺得辣，出晒汗🤣講返米線佢地選用幼身，煮得好彈牙，薯粉就煙煙韌韌。最後提一提大家雲桂香米線轉水間粉，薯粉都唔洗加錢架🥺

講到香港米線，不得不提”雲桂香”係香港初時興起食酸辣米線真係得佢好食！無其他代替，不過自從多左呢啲米線引入，佢既質素都無變☺️依然會keep住食下佢☺️我自己中意食豬扒，墨魚頭，墨魚春卷，羅白，大腸等等呢啲餸🩵🩵🩵我個日就嗌左墨魚春卷墨魚頭小鍋水晶粉！食耐左米線既朋友友可以試食水間粉，佢係類似薯粉，但佢幼身，而且曲曲地既薯粉質地！都係煙煙unun, 但個人覺得好咬過平時既薯粉🫶🏼🫶🏼🫶🏼‼️‼️‼️不過店入面既姐姐好似唔係好夠人手🥹 lunch hour去食好趕😢😢😢

下單阿姐可以多點培訓, 連續幾枱都有出錯, 就要認了。以前吃過一次印象還不錯, 不過現在米線店的選擇也很多。 ♡ 黃花魚薯粉黃花魚炸得香脆但皮有點硬, 肉質也滑。湯底有很濃的魚味, 熱吃不會有魚腥味。薯粉很有彈性, 也吸滿魚湯的味道, 喜歡吃魚的可以試一試。♡ 小鍋米線叫了小鍋米線小辣加魚腐和豬軟骨, 但張單就打了三小辣加魚腐和豬頸肉, 坐在那裡的幾十分鐘就已經聽到兩三枱都下錯單。湯底是不錯, 但只有酸沒有辣, 不知廚房又發生了什麼事。米線份量也不多, 好像吃幾口就沒有了的感覺。另外再加了一份豬軟骨變了三餸, 味道還可以。

無論去邊度食米線我都一定會叫炸醬☺️呢個配搭真心正，無得輸❌如果講炸醬，最好食就係雲桂香👍👍少少辣就啱啱好，啱哂怕辣嘅我😳湯底夠味，能夠突顯米線同配料嘅原味豬紅都好爽口💖不過如果有多d餸揀就好啦😉😉

下午茶時間去，人唔算多。坐低叫咗一碗蟲草花雞湯米線，配凍檸茶。上菜速度ok，碗米線煮得幾腍，不過唔啱我口感，如果中意食腍嘅米線可以揀佢。啲雞肉正正常常，而湯我覺得偏咸。

今日中秋節去開觀塘就買個米線返去食，好多地方都收早或者唔開門，佢地只係收早一個鐘真係好勤力，早5分鐘打去落order去到已經有得拎算好快手蘿蔔酸辣小鍋米線，中辣，我覺得唔夠辣，蘿蔔甜不過有渣，幼身嘅米線口感幾好，唔會太淋有啲咬口，湯底感覺好重味精咁腩肉麻辣小鍋米線，小辣，同樣覺得唔夠辣，腩肉好味不過略嫌肥左少少作為米線控嘅我好似食過兩三次雲桂香咋，可能就係未kick到我想成日食，如果唔係周圍都有分店其實都幾方便

最近看到食物不衛生有蟲的新聞，突然想起上月在本分店叫了一碟豬頸肉碟小食，豬頸肉下的菜葉，看見一條非常肥大的深綠色的肥蟲在卷動！告訴給店員知道，她還笑容滿面，好像這些事情經常遇到，輕鬆地說這一碟菜不收費！好在我沒有腸胃炎，如果有事一定告他們！希望衛生情況可以改善！做該做的事情記真一點！不是什麼事都可以一笑而過的！

👨🏻‍🍳雲桂香米線專門店 (觀塘)📍觀塘牛頭角道343號地舖 「仲系咁好味😋」 雲桂香細個就食開，大個少食左，早幾日又食返，都系咁好味😋 2人套餐 $188🤤包2款餸，一款小食，同2杯飲品。👍🏻🍽️小鍋米線 (豬頸肉 腩肉)(墨丸 豬大腸)👍🏻腩肉必食大大塊，脂肉比例岩岩好，啖啖肉得黎又充滿油脂香🤤吾系其他店D碎粒腩肉🙈豬頸肉都好大塊同有口感😋豬大腸好惹味，一打開就臭臭🤤湯底一流，濃而不咸😋 🍽️麻辣海帶絲好辣🤣 👍🏻🍽️蒜泥白肉雲桂香既蒜泥白玉中間有青瓜😋成個口感好清新，減少油膩感。

雲桂香真係90後由細食到大味道質量咁多年都無變湯底夠曬重口味個人食慣酸辣中辣，好開胃米線稔度適中，完美！！（相反，對家譚x被人收購之後越嚟越難食）如果出到尖沙咀想食米線嘅話，雲桂香一定係最好嘅選擇最鍾意加嘅配菜係通菜、雞絲、雞翼尖滷水雞翼尖又大隻又入味（不過，雲桂香有個可以改善嘅位係墨魚頭又細粒又腥，可以考慮下轉貨源）同埋，如果雲桂香可以間中加入啲期間限定配菜同湯底就好啦！重口味嘅人又可以多個選擇

服務員態度超級惡劣。首先我哋一家三口表明係3位，跟住其中一位服務員帶我哋去坐二人枱，得兩張櫈，我哋即刻話，咦，我哋三位喎，呢度得兩張櫈咋噃，跟住個服務員話，係吖，兩張櫈嘅就兩位坐住先，有枱再轉俾你哋啦。然後隔離枱嘅都睇唔過眼，話我哋食完喇，你哋坐呢張枱啦。諗住咁好彩有位喇，費事再周圍揾餐廳，就坐低打算叫嘢食。舉手示意叫嘢食至少5分鐘，舉到手都酸埋，都未有人應，明明其間有職員睇到，跟住我就開始出聲叫，唔該想落單寫嘢，其間都係無人應，再過咗3分鐘先有個姐姐行過嚟，粗聲粗氣問，點吖，食咩吖？我哋就逐一叫，同埋小朋友都唔食得辣，所以叫咗一碗唔辣，同兩碗微辣，落單嘅時候又係態度超差，不斷催快d快d，好似好忟憎咁，我哋已經唔使兩分鐘落完3碗嘢同嘢飲嘅單。之後嘢食到喇，我個仔果碗唔辣嘅佢整咗中辣，辣到佢嗌晒救命，之後揾返個落單姐姐過嚟，個落單姐姐仲要話，你哋話要中辣𠺢嘛，我就同佢講，我個仔唔食得辣，點會叫中辣呢，一直都話要唔辣，佢係咁話係我哋唔啱，然後我同佢講要換過碗，佢真係聰明到拎咗個碗仔俾我，然後我再同佢講，呢碗真係太辣喇，我個仔真係食唔到，你可唔可以整過碗清湯嘅俾佢吖？佢又好忟憎咁拎走咗碗嘢，

4x蚊叫左碗石頭食，硬度驚人，咬左一啖放棄平時都有食開呢間，時好時壞，都系食米線，今次加左個雲吞就中左伏，大家以此為戒….真系好難食得落肚…平時少上openrice 寫野