雲桂香米線專門店

營業中

休息中

⋆⁺₊⋆.雲桂香米線專門店 ..海鱸魚紅薯粉（鮮魚湯底）/ $65 / 🥨🥨🥨 / 整隻鱸魚處理後對半直接炸熟，咬口酥脆、細刺也都酥脆可吞下～對於不會弄魚刺的朋友很友善！但因食材處理是用油炸，鱸魚的鮮味盡失｢(ﾟﾍﾟ)魚湯則較清淡，感覺唔到係有用魚骨煎香再熬煮的白湯。紅薯粉就差啲口感，師傅煮得有點過頭，差少少(；′⌒`).小鍋酸辣水晶粉（微辣）/ $33 （+ $7）/ 🥨🥨🥨 / 水晶粉口感極佳!!酸辣湯底也惹味✨一般來說水晶粉不易掛湯~但湯底濃郁就有戲ㅋㅋ搭配一些脆口綠葉：芽菜、韭菜（我加了腐皮）( ˃᷄˶˶̫˶˂᷅ )麻辣豬耳/ $42 / 🥨🥨 / 豬耳切的四方整齊～幾特別ㅎ豬耳基本脆口，吃得出麻辣醬是雲桂芳自製或自選୧( "̮ )୨✧ᐦ̤但缺乏香氣。麻辣皮蛋/ $20 / 🥨🥨 / 皮蛋的麻辣醬也是同一種，且沒加任何蔥薑蒜或芫茜，不同菜色的層次分明不夠(・᷄ᵌ・᷅).⌫ 雲桂香米線專門店 (觀塘)觀塘牛頭角道343號地舖..#觀塘咔嚓#米線咔嚓

店入邊坐滿人，位置比較狹窄我一個人就需要搭枱，但係同對面的客人中間都有塊好高身嘅透明隔板，這個衛生意識都幾好！但係座位真的超窄，之後食米線嗰陣，舉起手都會撞到枱或者其他東西。叫咗酸辣小窩米線，餸菜揀咗金菇、腩肉、豬腸、芽菜等嘅時間都唔奈，都算快嚟到。外貌方面顏色幾靚，望落都幾吸引。先飲一啖湯，應該係做米線最重要嘅靈魂之一個湯底都夠味道，因為我揀咗BB 辣，所以就真係得好少好少辣湯底來講合格嘅豬腸幾好食，唔係一整個圈上嘅，中間切開咗半，容易咬口腩肉味道都夠，少少辣，唔錯金菇同芽菜就烚啦，正常發揮

雲桂香食過好幾間，lunch time係附近叫外賣，我叫左個大酸辣雞絲米線，味道同以前差吾多，但配料同雞絲少左，而且重加左價😂😂😂貴左又少左。之前有試過大腸，同係銅鑼灣分店試過炸春卷，我覺得麻麻地，大腸個份量又少，可能間間吾同啦⋯另外有試過個皮蛋，真心難食而且又咸，試左一次就夠，吾會再試！不過希望改善下啦，小食轉下會開心d😅😅😅之後都吾敢再試d小食。不過呀姐d態度好過cwb，果邊真係勁串，買滿送外賣睇心情，完全就吾到時間，一係遲成粒鐘一係吾送，重要搵吾到送外賣果位，佛系外賣。

雲桂香📍 尖沙咀厚福街9號豪華閣地下1層叫左重慶酸辣粉 中辣配雞絲❤️辣度夠～帶點酸辣好開胃，成個湯底好夠味米線份量好多～1個人食勁飽🤣配料叫左雞絲都足👍🏻$37 抵食對比譚仔同三哥～既份量同味道，完勝👍🏻下次絕對會黎食。

雲桂米線 ($61) (+4蚊轉紅薯粉)叫左中小辣, 湯底都夠辣配料有腩肉, 雞絲, 魚肉春卷, 鮮竹龍蝦卷, 雲耳,腐竹, 冬菇, 芽菜, 酸菜配料都算多,但米線份量太少, 一個女仔食大碗都只係岩岩好夠飽!炸鮮竹龍蝦卷 ($22) 我幾中意炸鮮竹龍蝦卷, 幾有咬口, 配泰式酸辣醬, 幾好食. 

天氣轉涼 喉嚨唔太舒服😷 今次就唔食小鍋喇 造就我第一次試到佢地既魚湯米線💁🏻‍♀️原來佢地既魚湯米線都有三款選擇 有海鱸魚 倉魚同黃花魚 平時好似比較少食到海鱸魚🐟 所以就佢啦！！朋友們既米線食左一半 我既魚湯米線終於到喇🍲先飲左一啖魚湯 感覺好温和 飲落去喉嚨好舒服 清淡得黎夠味👍🏻👍🏻 米線仲會有三塊豆卜 索晒啲湯 好好味😋煎海鱸魚好脆 亦都唔油 原條上 算係比較多骨 但係入面既魚肉依然係好嫩 但如果怕骨既人就唔建議喇🙈

食過哂全港嘅雲桂香，呢間係質素最差嘅。講咗食物方面先啦，個湯底嘅質素係好飄忽，一時就正正常常，同其他分店冇分別，一時就好淡，唔係話唔辣嗰種淡，係唔夠味嗰種，好似煮稀左嘅湯咁樣，食米線最緊要食個湯底，而當你食到個湯底係咁樣嘅時候，你又知道你今餐伏左，無啖好食。講埋服務啦，啲啊姨態度好差，喺非繁忙時間都會催你落單，你落咗單之後就對你十問九唔應。總而言之，鍾意食雲桂香嘅，唔好去觀塘嗰間食。一間咁好嘅米線店因為經營不善而搞到咁真係好可惜，希望公司管理層可以改善一下觀塘店嘅質素啦

最近搬咗嚟觀塘牛頭角嗰邊，已經好少好似之前喺旺角咁成日可以食到米線。今日同埋兄弟經過見到之前喺旺角食既雲貴香，好正，已經好耐冇去食啦。好好彩，唔使排隊就入到去啦，但係都係非常非常多人，因為食中午飯嘅時間，入到去，上到2樓環境舒適，一嚟就叫咗我最鍾意食嘅小窩米線，當然要走芫荽啦，再加上腩肉同魚腐就係我平時成日食開，雲貴香最吸引嘅地方就係佢嘅辣味非常夠，唔淡，鍾意食辣嘅朋友都一定鍾意。🤤🤤😳😳

啱啱同frd一齊解決午餐，冇話要求特別高。坐底冇耐就有人chur住你落單，落就落仲要落漏左樣額外加嘅酸菜。落完單個員工先諗起冇幫我地抹檯，我都做過餐飲，呢個鐘數我地體諒。原本嗌左樣鱈魚豆腐（配菜），上果陣淨係俾左碗面，食完都唔覺有豆腐嘅存在，連丁點鱈魚味都冇，所以啲豆腐呢？佢地話係分開上（從來都冇人通知過/同米線一齊上），我地都係買單先知，然後又話記得見到有出過。但係我同frd都記得佢淨係黎錯左碗米粉，而我地米粉齊。啲員工未了解清楚件事已經大聲夾惡咁鬧，一個二個唔係諗住解決問題，而係一味咁推卸責任話自己冇經手，可笑嘅係成間鋪頭嘅員工得幾個。平心靜氣講道理冇用，最後唯有硬食從來冇出現過嘅15蚊。野食質素方面，雲吞皮厚到唔熟，餡又粗糙，米粉一X嘢咁，夾都夾唔起，湯普普通通，食完好頸渴。總結：食物差，服務仲差，唔會再幫襯。

沒有口感,未夾起就斷,廚師一定有心事,紅薯粉可以整到咁容易斷嘅,一個唔識煮面嘅人都唔會煮到咁,人才,向職員反映嘅時候態度不佳,職員說因為食得太久,眾周知,紅薯粉係唔吸水㗎,又何來說的太久而容易夾斷呢,來試一次就足夠了不會再去第二次,整體來說除了廚師問題,配料還算充足,價錢還算可以,就是麵的口感不行,這是觀塘裕民坊的那間餐廳,呼籲大家唔好去呢間餐廳,其他餐廳還算可以觀塘這間不太行,今時今日服務態度仲可以職員罵顧客,到1202年了,在中國也不會出現這種情況在香港竟然可以見到。

記得上一次食雲貴香已經係兩年前，有選擇困難症我每次都唔使諗直接叫佢個雲貴米線，今次重遊舊地都唔例外，貪佢大件夾抵食。今次叫左中小辣，相比起兩年前，湯底冇咁濃。配料都算不過不失,冬菇同雞是值得一讚，木耳一味都冇，索唔到汁。整體普普通通

早兩日叫咗份雲桂香米線外賣，由於好肚餓於是就叫咗份乜料都有嘅小辣「雲桂」 。材料都幾豐富，包括有雞絲，兩隻大大嘅冬菇，香菜，腐皮，腩肉，雲耳，春卷等等。米線嘅份量都好多，食完之後勁滿足，好飽好正！👍🏼需要讚嘅係，店舖特意將湯同埋米線分開，就算放耐都唔會變到淋晒或者溶開一餅野咁。👍🏼湯嘅份量都十分充足，唔會話食食吓變咗乾撈。食到最尾都仲有湯飲！味道方面，酸辣湯底都幾過癮，但係要留意，小辣係真係唔係好辣㗎咋，食得辣嘅人可能要考慮中立或以上。🥲不足之處：小食方面嘅雞翼實在太乾身，賣相變得好唔吸引，如果可以改善一下就好啦！

嘩呢個真係即興約食飯咁啱我組長WFH，我就可以早啲鼠出嚟食個lunch然後發現伴娘帶我去食雲貴香呢條友係好鍾意食米線嘅然後佢話咁多間米線佢最鍾意食係雲桂香初初諗緊死啦得米線咁我應該食咩好呢然後諗起應該都有好多小食嘅果然真係有好多小食我忍唔住嗌咗個口水雞然後嗌多個青瓜唔係講笑個口水雞都幾多個喎，仲有隻雞髀同埋啲肉好嫩滑，又唔太麻辣，正我初頭心諗咁餐會唔會唔夠飽食完發現都OK不過其實我下次可以嗌浄餸食😆生酮期間.....唔食澱粉質真係好難忍🙈

對上一次喺沙田食雲貴香嘅米線，但嗰次體驗麻麻。叫左豬扒炸得太耐好鞋，蘿蔔唔入味，豬紅完全冇味，難得我同事極力推薦感覺有啲失望。今次同朋友去觀塘食晚飯，佢話想食紅薯粉，就嚟咗呢間，點知又ok wor，可能真係分店問題😅值得一提係佢哋啲小食幾好食，我哋叫咗鴨腎同埋豬頸肉。鴨腎辣辣地唔鞋口，不知不覺已經掃左半碟。豬勁肉份量好多，加埋個醬真係一流。朋友有叫炸豬扒，炸得金黃香脆，時間啱啱好，又唔會好韌，睇嚟呢個師傅係勁過沙田嗰間，為雲桂香平反咗

同朋友一齊做完占，好肚餓好肚餓好肚餓，重要嘅要講三次，所以即刻同佢跑左去附近嘅米線店，食返碗雲南米線。我同朋友都好嘴刁嘅，唔係所有米線都會食㗎，呢一間係我哋最鍾意嘅米線餐廳之一，雲貴香。我同佢最鍾意食小鍋米線，會嗌辣，有時會轉做紅薯粉，佢個湯底好出色，非常好味，望落去紅卜卜但係其實唔會食唔到。佢啲米線餸都好多嘢揀㗎，最鍾意食鴨腎，佢唔會太硬亦唔會太柴皮，岩岩好。仲有佢個豬扒都好出色炸得啱啱好唔會太乾。