雲川百味

營業中

休息中

中意食雲南風味米線又唔想食黎食去都係譚仔？呢間雲川百味係唔錯既選擇, 呢度可以揀到好多同譚仔唔同既餸同小食, 岩晒食野追求新鮮感既大家豬頸肉鴨胸蕃茄湯米線豬頸肉有炭燒嘅香味, 鴨胸帶有微咸有咬口, 兩樣加埋差唔多20片, 份量相當誇張, 蕃茄湯底見到有原隻蕃茄, 茄味都算濃, 米線亦都掛湯彈牙👍豬頸肉豬大腸紅薯粉麻辣湯底豬大腸需要給豬頸肉咁多片, 但每舊都厚切好大舊, 軟硬程度適中, 連埋麻辣湯底食啖啖肉好過癮, 麻辣湯底叫咗小辣, 但唔算辣, 食到辣嘅朋友不妨試下中辣或以上, 相信會更惹味😋家鄉手撕雞見係店舖推薦就叫黎試下, 個汁帶有微辣, 偏鹹冇甜味, 係我地中意既口味, 而雞肉都有少少脂肪, 所以比較淋唔會韌🐔

元朗既米線鋪好似愈開愈多，最近一條街都新開左2-3間，今次去左另一間新開米線鋪，呢間幾大間，好多位坐，又有卡位，仲有大大個玻璃窗，光線充足，比起一般既米線鋪坐得舒適啲。湯底選擇都幾多，有豬骨湯、麻辣、酸辣、魚湯都有。所有麵餐都包一個餸$48，特色湯底會加$2，包熱飲，聽落去$50有找，價錢都算吸引。蝦卷豬骨湯米線 $48豬扒 +$10豬骨湯有辣肉碎、芽菜、酸菜、韮菜、葱，雖然佢話微辣，但其實食落完全無辣味，豬骨湯吾會好酸。蝦卷有4件，有粟米系入面。豬扒醃得幾好食，而且幾腍，吾乾。豬頸肉胡麻湯米線 $50墨魚咀 +$10胡麻湯比較少見，叫左小辣，但個人覺得都吾算好辣，胡椒同麻味較重。豬頸肉既醃料味道同豬扒一樣，同樣好食，墨魚咀大大粒，不過略嫌吸收吾到湯底既味道。麻辣牛展 $46呢度既麵份量吾算好大碗，所以加多個小食，牛展切成薄片，加左啲麻辣油，吾系好重麻味，有少少辣。餐牌：

夜晚再陪姑姐去元朗食米線呢間都係新開一入去涼浸浸~冷氣+風扇爽呀！🐟我試左墨魚咀+墨魚餅鮮魚湯米線$58魚湯鮮美唔口渴，米線口感煙韌口順滑墨魚咀爽口~墨魚餅彈牙姑姐試左豬大腸+蝦卷豬骨湯微辣$58配料：辣肉碎&酸菜豬大腸入味，蝦卷鮮甜彈牙兩碗米線份量十足~非常飽小食：🐽椒鹽豬扒$41夠晒大碟，椒鹽味香濃，食落幾入味，豬扒腍~唔錯飲品：咸檸樂&咸檸七各加$6咸檸好夠味~飲完喉嚨好舒服環境坐位舒服，上菜快，店員親切有禮，價錢親民

元朗新開呢間雲川百味喺豐年路站附近🚃星期日嘅夜晚去到都幾旺場😳呢間米線湯底有好多選擇😙😙😙除咗酸辣、麻辣呢啲之外，我見佢仲有蕃茄、胡麻湯等等嘅選擇👍🏻👍🏻👍🏻我哋叫咗一個酸辣豬頸肉炸醬米線😋😋😋同埋一個麻辣雞扒墨魚嘴米線🥰米線湯底濃郁 豬頸肉燒到好香😍另外我哋仲叫咗個小食炸墨魚餅 墨魚餅炸得好好味呀😘如果喺元朗想搵米線食都幾推介呢一間💕👏🏻雲川百味 (元朗)📍元朗青山公路元朗段242號福德樓地舖

元朗新開左間米線舖係警署過兩條街呢個轉彎位，之前好多電都比較難清，但因為線電新開冇耐已經好多人嚟幫襯，搞到我忍唔住好奇去試一試。睇佢嘅Menu價錢同埋選擇都同一般嘅米線舖雙類似，但佢仲再多啲選擇，又有飯食。但今次我第一次嚟到就選擇返最正路嗰啲粉面啦老公揀咗個熱拌薯粉，配墨魚嘴同埋雞腎，佢話啲薯粉煮得啱啱好，撈落味道唔錯。我揀咗麻酸樂金湯bb辣湯薯粉，配上軟骨同埋蝦春卷，份量睇落好足，味道識落都好重我覺得薯粉已經夠入味，配埋芽菜同韭菜一齊食，口感豐富豬軟骨超腍，誠意推薦我哋諗住再叫多個菜，見到有涼拌海帶，黎到發現係辣嘅，比我哋叫嘅BB辣再辣啲，鍾意辣嘅朋友可以order試吓

食過好多次呢一間米線，元朗又開多一間新分店，唔洗去到洪水橋咁遠食啦🥰 晚市勁多人，要等位，座位唔算好闊，不過乾淨企理👍🏻湯底選擇豐富，有豬骨湯、鮮魚湯、酸辣湯、麻辣湯、蕃茄湯，仲有好多人推介嘅麻酸辣金湯🤪 除左米線仲可以揀紅薯粉🍜配料每次必點豬頸肉✨切成幼條狀，面層帶焦香好難得😎食落係偏甜嘅～肉質爽口😗 墨魚餅爽彈香口🦑酸辣湯底賣相金黃色已經好加分🫶🏻 食落香辣惹味🥳酸同麻辣都算平衡，好開胃唔會太油膩✨啱晒鍾意重口味嘅人👍🏻 整體米線口感滑溜偏淋身啲～ 另一碗揀咗熱拌，有辣肉碎幾惹味😬 另外小食叫左麻辣牛展好食喎☺️ 夠爽脆而且辣度啱啱好👍🏻有青瓜絲解膩💦本身包熱飲，凍飲都係+$3Menu酸辣豬頸肉墨魚餅米線 $58熱拌肥牛鴨胸米線 $58麻辣牛展 $46凍飲+$3

好耐都冇食過米線嘅我, 見到元朗有間新開嘅酸辣粉🍜專門店，原來同我平時去洪水橋嗰間係一樣, 最鍾意佢哋嘅酸辣湯底真係有夠酸又夠辣🌶而且呢度嘅豬扒🐷同埋豬頸肉整得好好食😋， 醃料醃得好正，而且又夠林， 配合埋佢哋嘅酸辣湯底真係不得了， 佢哋啲米線又夠滑同彈牙，小食佢哋都有好多款我哋就揀咗🦑炸墨魚餅， 外層好香口， 雖然係小食但係份量都多㗎， 而且再加多碗米線真係飽晒😜而且新店仲好方便喺正元朗廣場對面馬路， 鍾意食米線嘅朋友真係唔好錯過🥳

落單職員已經唔熟公司野，見佢新開可以原諒叫左麻辣小辣，黎到碗野唔似辣既問職員，睇單係小辣，佢望碗野話係bb辣我話要小辣，張單都岩，佢答小辣咪bb辣囉⋯仲要覺得自己岩，要我大聲講小辣點會係bb辣，佢先收皮⋯仲好叻咁拎辣椒油俾我自己加辣，哈！原來雲川麻辣係加辣椒油就做到，好野！另外 豬頸肉、腩肉，大腸比其他分店少同埋唔入味，肉碎得果兩三粒⋯好可憐，除左蘿蔔似雲川之外⋯⋯唉 本人有話實說，相都唔想影，可以揀既唔會食呢間分店 完。

一心諗住幫襯下，睇下可唔可以做長客。點知，凍奶茶比凍檸茶，豬軟骨得三條柴肉，肉燥椒鹽豬扒飯走肉燥。雖然改返岩既上枱，但放下時，侍應大大力放落枱，灰氣說出食物名。無下次，都係雲貴軒好食。

見呢間野新開張，就支持下！第一次買外賣，米線加墨魚餅，返到屋企打開，墨魚餅變咗墨魚咀😮‍💨 熱奶茶就變咗熱檸茶😮‍💨叫佢唔使分湯，最後都系分咗湯😮‍💨 炸饅頭無俾到煉奶😮‍💨 其他野：食物味道正常炸饅頭系迷你大小