雲川百味

收工元朗搵野食，想食麵線就來左雲川百味，便靚正好味又抵食。元朗街坊超捧場，午市到下午茶時段都超多人，滿座要排隊，好彩我們都霸到個卡位食，坐得夠舒服。食米線🍜不外乎果幾種選擇，咩面底，咩味，幾多個送，飲D咩🤣我們總共點左兩碗米線🍜都係酸辣，開胃D🤤配菜就揀左豬軟骨，南乳雞粒，豬大腸，蘿蔔一起share 食另外再點小食大份的炸韭菜餃子🥟（8顆） $35 餃子大大粒超香脆好食😋抵食喔 野飲都大大杯夠味夠飲，吾hea ,整體都幾好👍…查看更多

雲川百味坊間有很多不同的米線而不約而同地很多都以雲川，雲貴，雲貴川而命名真的分不清，誰是誰但普遍米線店價錢都不會太貴而這間叫雲川百味他平均價格也只是$40至$50之間份量也很足米線湯底都有很多款選擇豬骨湯，麻辣湯，鮮魚湯，酸辣湯，蕃茄湯，胡麻湯，麻酸樂金湯，應有盡有今次試的是：酸辣湯豬頸肉米線，椒鹽豬扒炸醬飯酸辣湯豬頸肉米線這間雲川百味的豬頸肉很有名幾乎每一個人來到也是必點的菜款之一他滷得很入味，表皮應該有炸過厚度大細也很適中椒鹽豬扒炸醬飯豬扒偏乾，味道還可以值得稱讚的是炸醬，帶有少少麻辣，鹹甜適中，本身個人不喜歡麻辣，但這個麻辣我很好接受，一口接着一口很快就已經吃完整體性價比高，價錢不貴，選擇也很多難怪下午茶時間來到也有七成滿座人均消費：$50好味：⭐️⭐️⭐️ ⭐️環境：⭐️⭐️⭐️ ⭐️性價比：⭐️⭐️⭐️ ⭐️#米線 #雲川 #性價比高 #香港美食攻略 #香港 #香港一日遊 #香港美食 #香港食評 #真食評 #hkfoodblogger #foodblog #foodblogger#blogger #foodreview #hkfood #hkfoodie …查看更多

米線癮發作, 就同屋企人食呢間係元朗既雲川百味, 餐廳唔同其他米線鋪, 呢度地方相當闊落, 坐得好舒服👍🏻米線仲有8款唔同既湯底揀, 又有好多款餸同小食, 真係一定揀到自己既口味🫰🏻我揀咗麻辣湯底，湯底麻香味夠，辣度可以自己揀，我揀咗小辣，飲落順喉唔嗆。配料有辣肉碎、芽菜、韭菜同蔥，豬頸肉燒得香口，豬大腸清理得乾淨，滷得入味又夠淋，吸晒麻辣湯汁好正😋屋企人叫咗麻酸樂金湯，酸辣平衡得幾好，湯底帶少少金黃色，睇落好開胃, 配料有辣肉碎、芽菜、葱、韭菜同酸菜，肥牛唔會太肥，豬潤切得薄身，煮得啱啱好，嫩滑冇腥味😍米線湯底同配料都有水準，價錢合理，加上環境舒服，一定會再encore☺️…查看更多

聽同事講，元朗新開左間《雲川百味》，湯底整得唔錯😏，今日放假一於同老公去試一試！💑 店內裝修簡潔，陣陣椒香🌶️撲鼻，已經令人胃口大開！👃✨我點咗兩餸麵組合：手打墨魚餅爽彈鮮甜🦑，滷水生腸處理得乾淨又脆口🐖，配搭招牌「麻酸樂甘湯」。湯底一上桌就聞到濃郁酸香🤤，入口先酸後麻，紅薯粉仲好煙韌添！😊🍜Alex就揀咗香茅豬扒同墨魚咀配麻辣湯底🌶️🍲。香茅豬扒煎得外脆內嫩，香氣十足🌿；墨魚咀細細粒卻非常入味。麻辣湯底麻而不燥，辣度溫和卻後勁綿長，果然係招牌！👍🏻🔥小食「麻辣牛展」🐮，滷得入味，麻辣醬汁香氣層次豐富，辣中帶甜🌶️🍯，令人食到停唔到口。😋飲品選配懷舊咸檸樂🥤，鹹甜交織正好中和味蕾👅，為這餐酸麻盛宴畫上完美句號。💫…查看更多

次次出去都一定嗌燒豬頸肉魚湯米線豬頸肉甜甜地又脆口真係好正，極度推介今次仲叫咗麻辣魚皮同埋炸豬腸真係好辣，但係配上魚皮真係好夾豬腸拎出嚟黑黑地以為好燶點知食落去勁脆口入面又軟腍腍加埋個甜辣醬，真係好正！…查看更多

呢日同屁行完元朗廣場後, 勁想食米線小丸子勁中意呢間雲川百味嘅米線店舖, 坐得舒服, 仲要勁就腳, 輕鐵站行過黎都好方便, 仲要近元朗廣場添除咗食米線外, 有時仲會揀紅薯粉食我哋都嗌咗豬骨湯底, 揀咗豬頸肉, 娃娃菜豬頸肉切成幼身一條條, 超香口娃娃菜好嫩身, 一啲都唔老屁就嗌咗豬潤, 娃娃菜湯底微辣, 中意佢配有辣肉碎, 酸菜, 韭菜同芽菜, 微微嘅酸辣好開胃!我哋仲嗌咗個麻辣牛柏葉做小食, 夠哂爽口, 微辣岩哂我哋仲有凍豆漿解辣…查看更多

尋尋覓覓又搵到一間超好食嘅米線舖，夜晚超多人要等位，不過食客都算快來快去，不用等太耐。湯底都好多總選擇，有辣有唔辣，唔辣嘅有魚湯同蕃茄湯。不過我同老公都食得辣， 老公揀咗豬骨湯(微辣)， 偷飲咗佢一啖湯覺得幾香濃。餸方面，佢就揀咗豬腩肉同埋豬扒。豬腩肉 好有驚喜，入口即溶嘅感覺，半肥半瘦，好淋。豬扒醃得入味，厚薄度剛好有咬口。紅薯粉煙煙靭靭，帶點彈牙。我叫左麻酸樂金湯， 又酸又麻又辣，味道層次夠了豐富。雲吞 皮薄餡靚，隻隻都飽滿肥美，最怕食粉頭，好彩呢度嘅雲吞唔係粉頭質素。煎雞扒 好香蒜味，而且唔鞋口，肉質夠亂夠滑。加咗碟小食 豬大腸，外脆內軟，乾身又帶點彈牙， 配泰式辣醬同辣椒粉食，味道更佳。整體嚟講最鍾意佢個湯底 有芽菜+韭菜+肉碎+酸菜，夠豐富，色香味俱全。…查看更多

朗屏放工係附近搵食，見到呢間店排哂長龍，都幾多人食，主打食米線/紅薯粉！配料有超過40款，好多選擇！▪️香茅豬扒墨魚餅酸辣湯米線米線份量都幾多，配合酸辣湯味道又香又辣，米線都幾彈牙！香茅豬扒可以另上，唔怕浸湯會淋哂，整得好香口，墨魚餅口感彈牙！▪️蒜香雞扒螺旋藻豬骨湯米線雞扒大大塊，肉質嫩滑惹味，螺旋藻份量都好多，唔食得辣可以點豬骨湯走辣，湯底會少咗辣肉碎同酸菜▪️鹽酥雞即點即炸的小心辣親，雞粒細細粒一口一粒，配泰式酸辣醬同辣粉味道更豐富枝裝豆漿跟餐加$5凍檸樂跟餐加$6…查看更多

自從呢間分店開業以來，從幫襯其他米線鋪變咗幫襯呢間雲川百味。因為覺得佢嘅口味比較適合我。而且有好多個菜式都幾唔錯！所以同屋企人平均一個月總會光顧，三到四次。可惜嘅係，呢間分店嘅經理服務處事相當唔得。對客人冇禮貌之餘是非不分而且仲諷刺客人。要知道客人俾錢係去食嘢消費，冇理由變相好似仲要俾錢去受氣。睇嚟又要從雲川百味轉返食其他米線鋪啦。要明白，一間食肆，除咗食物口味之外，服務態度更為重要！咁先至留得住D客。…查看更多

元朗市中心新開咗間雲川百味，主打雲南米線、四川粉麵、雲吞及水餃等等，一於不坊試吓啦。店內地方比一般米線舖大，格局類似茶餐廳，環境明亮潔淨，坐得舒服。餐牌內種類都好多，有單餸套餐 $48，揀一湯底嘅粉/麵及一款餸，另加多一款餸 $10。湯底有多款，可配米線/麵或紅薯粉 ; 餸有三十幾款選擇，真係好多。除咗湯粉麵仲有飯類、拌麵、特色小食及飲品。麻辣湯紅薯粉 依碗湯底濃郁，帶少少辣，亦飲到麻椒味，好開胃，湯底有大量芽菜、韮菜、蔥同辣肉碎。依碗餸揀左蒜香雞扒同香辣腩肉，煎得香脆嘅雞扒，加入蒜蓉好惹味，腩肉陣陣香辣味，肉質軟嫩，配埋爽滑嘅紅薯粉，都好掛湯汁，食落依然好味。鮮魚湯米線    另一碗點咗鮮魚湯底，啖啖鮮香，魚香味散發出來，無味精同無魚腥味，飲完整碗都唔會口渴，清甜嘅湯底配埋米線，食落好爽滑，吸入魚嘅湯汁，魚湯米線個人覺得最喜歡，配合爽口芽菜同葱。揀咗兩款餸，香茅豬扒同墨魚餅，豬扒同墨魚餅都煎得脆口，豬扒肉嫩鮮爽，墨魚餅入口軟綿，墨魚味特出，都好滋味啦。滷水雞中翼 $30依款滷水唔同港式製法，味道唔會過鹹，帶有淡淡嘅滷水香料，雞翼肉質嫩滑，食起嚟唔會膩，口味特別，唔錯嘅選擇。下午來到點套餐跟飲品，揀咗奶茶及好立克，茶味夠突出，口感香醇，好立克帶微甜，好飲。…查看更多

第一次食這間，米線是比較軟身，是好吃的米線，豬骨湯底微辣，可以接受。豬軟骨有三四塊，芝士腸有四五條，墨魚餅有三四塊。整體感覺不錯，不得不提，這間店的翻枱率好高，根本有人埋單就有人坐，還要排籌等位。…查看更多

喺元朗市食碗米線，見呢間光猛大大間就入咗去。佢地有好多外賣單，外送係咁響之外有極多街坊嚟自取外賣，幾受歡迎。地方闊落，唔使坐得好迫湯底口味有8款，配料選擇算多，麵可選米線或麵或紅薯粉，另外仲有飯類。酸辣米線配菜有辣肉碎，芽菜，蔥，韭菜同酸菜，味道OK。餸我揀咗豬軟骨同豬大腸，個豬軟骨好大件，煮得夠透入味，幾好食！豬大腸有嚼勁，份量大方。另一碗叫咗鮮魚湯米線，配料有芽菜同葱，餸揀咗豬潤同韮菜水餃。鮮魚湯好鮮，豬潤煮得啱啱好。米線滑，質地偏淋身。口痕叫多份小食，唔算厚但都算大塊，剪開大約有8件，開心share啱啱好。咬落去有微微香茅味。加錢配飲品餐牌：…查看更多

個人嚟講我都幾鍾意食米線，以前成日食雲川，而家又見到元朗有間叫做雲川百味，入去試下有冇咩特別先。餐廳好多人差唔多坐滿曬，店員服務態度都唔錯，不過人太多就要搭枱，座位比較窄，唔係坐得太舒服所以都係食完就走。今次叫咗蕃茄湯底米線，餸就繼續係我最鍾意食嘅豬頸肉同埋豬大腸。單叫一款送價錢就$48,另外每款加十蚊，凍飲加三蚊。米線嘅份量正常，不過就冇芽菜或酸菜等等配料。蕃茄湯嘅濃郁，有幾舊蕃茄，但係比較奇怪嘅係，佢啲鹵水豬腸雖然好入味，但係覺得嗰陣鹵水味比較奇怪...好似太過濃郁？而豬頸肉我就覺得稍為過咗火喉，食落開始有少少燶嘅苦味😅不過今次係第一次嚟食所以比較唔到平時味道係咪一樣。。。印象中，好耐之前試過洪水橋嗰間都係叫雲川百味，味道都ok唔知係唔係分店。仲睇嚟講都係另一間「雲川」好食啲。…查看更多

原來雲川百味元朗大馬路開左分店，咁大件事無人講？食開佢洪水橋分店，鍾意佢地個湯底啱口味，是日經過元朗店即刻試下佢。元朗分店店很大，冷氣十足好舒服。好好彩坐到卡位‘即刻落單先。⭐腩肉豬紅酸辣米線朋友叫左酸辣湯底，餸揀左腩肉同豬紅。份量很足，腩肉同豬紅都多件，腩肉半肥瘦入口即化，豬紅有口感，湯底酸酸辣辣好開胃，正🤤⭐肥牛蘿蔔胡麻米線自己就點左胡麻湯底，餸就要左肥牛同蘿蔔。湯底辣中帶鮮勁正，蘿蔔鮮甜無渣好好食，成碗粉連湯都飲埋，太對胃了😍⭐炸大腸仲叫左份小食炸大腸，炸得香口脆身，內邊煙煙韌韌，點下辣椒粉同酸甜醬更好味。⭐凍鴦鴛 & ⭐凍檸茶食辣野梗係配凍飲，大大杯又夠凍，正！想食米線嘅好選擇！好食過連鎖店，足料大碗又好味😋…查看更多

元朗有不同的米線店鋪，有本地, 台灣，四川派別, 每日經過也見到學生們填滿店內的位置，今早終於可以輕鬆地吃過早午飯了食物 ： 腩肉豬膶魚湯米線 + 凍檸茶 $61味道 ： 腩肉可以，難得豬膶不硬而軟 👍🏻, 魚湯就不太似魚湯，下次可能要轉其他湯底作評分吧！在元朗少店米線種類多，這一間味道方面也可以，但係價錢就比較偏貴，其實現時吃什麼店舖的米線食物是差不多這個價錢，不過只係得二個餸就好似貴了少少，車仔麵檔就可以吃三個餸吧！如果有下午茶時段更好👍🏻…查看更多