雲川百味

營業中

休息中

最近去咗元朗嘅雲川百味，麻辣米線仲可以自選辣度，從微辣到超辣完全啱晒自己嘅口味✨豬頸肉 & 蒜香雞扒麻辣米線 豬頸肉肥瘦適中，嫩滑有咬口；蒜香雞扒外香內嫩，配上濃郁麻辣湯底，辣得嚟又帶微麻，口感層次豐富🌶️豬頸肉 & 韭菜水餃麻辣米線 水餃皮薄餡足，加埋豬頸肉同麻辣湯底，味道層次更加提升🤤水餃皮仲吸收晒湯底嘅精華，食落特別惹味❗️家鄉手撕雞手撕雞肉質嫩滑，配埋麻醬同辣油，又有辣嘅後勁，底層仲有清爽嘅青瓜墊底，平衡味道之餘仲多咗一份清新感🥒凍檸茶 食麻辣米線一定要飲杯清新解膩嘅凍檸茶，茶底清爽🍋

有一個星期六嘅夜晚去咗食呢間米線，七點幾去到差唔多坐滿晒，感覺呢間米線店都幾受歡迎～豬頸肉米線（麻辣湯底微辣）呢碗真係有驚喜！一上枱已經聞到陣陣香味，麻辣湯底微辣啱啱好，辣得黎又唔會太刺激。豬頸肉係成餐嘅亮點，香氣十足，燒得好香，肥瘦比例啱啱好，每一啖都超滿足，真係好味到令人想再嗌多碗～😋腐竹肥牛米線（酸辣湯底）酸辣湯底真係幾開胃，酸酸辣辣，成碗湯底係辣中帶爽嘅口感。肥牛片厚薄適中，腐竹都吸收咗湯底嘅精華～🔥日本海苔魷魚燒呢個炸魷魚絕對值得一讚，炸得香脆，外層嘅海苔味好突出，咬落去仲有少少彈牙，外脆內彈🤣🤣魷魚又唔韌～真係幾滿足。呢款小食好適合鍾意炸物嘅朋友🦑麻辣雞腎麻辣味調得唔錯，香麻入味，辣度啱啱好。不過雞腎係淋身嘅，唔係脆口嗰種，對於我呢個鍾意爽脆口感嘅人嚟講就唔算太啱，不過勝在份量夠多，鍾意麻辣嘅人應該會幾鍾意～🙈🌶️小總結✨✨呢間米線店除咗湯底幾有水準，小食款式仲好多選擇，睇到好多其他枱都有嗌唔同嘅小食。整體嚟講都幾滿足～炸魷魚係另一個亮點，下次嚟會再試吓其他小食，想試豬大腸😋～🍜

話說呢間店由裝修開始我已經有留意，因為見到招牌上店名與另一間自己食開嘅屯門某米線店只係多兩個字，一開始以為佢哋分店。但我已同店員fact check此雲川百味只係同洪水橋分店有關係，同屯門嗰咋呢就⋯⋯名物豬頸肉、處理腐竹絲嘅方法，甚至酸辣湯米線湯底，點菜單據個夾嘅顏色設計其實都同屯門嗰間一樣咁滯，難怪坊間有人會以為兩者係同一間嘢。不太清楚當中來龍去脈，知情的能否寫寫滿足下我嘅好奇心～第三次嚟食，都係食佢哋嘅豬頸肉，又係啦，香口嘢帶點焦脆嘅邊，切到一條條咁上，加上本身豬頸肉嘅口感，好食！又嗌咗腐竹絲，又係剪到一絲絲，但對比返屯門嗰系列，屯門係剪得幼細啲，呢度就闊咗少少，個人認為幼啲口感好啲。見到佢餐牌上都係有炸大腸不過我冇叫。呀另外再加咗份生菜，即係三個配菜。酸辣米線要咗小辣，嚟到就真係小辣嘅，酸味足，感覺佢哋係比其他米線舖嘅酸係偏酸少少，I like it！跟餐$3有凍飲，叫咗杯凍檸茶少甜少冰，冰真係有少到嘅，茶底就正常嘢，檸檬片有四塊不過係好薄切，不過督完飲落係夠檸檬味嘅。呢度有啲座位好flexible，食食吓隔離吉位多咗張細摺枱坐兩個人，繁忙時間走盞又多兩張單。雖然多人到打仗咁，我

㊗️各位吃貨「金蛇喜迎春，蛇年行大運」！🐍 小編今日來到元朗一間米線店「雲川百味」，在屯門有5間分店的米線店，主打5款米線湯底，分別為酸辣湯、麻辣湯、鮮魚湯、豬骨湯、酸麻金湯，可選熱拌米線，成為米線關注組十大米線，被譽為屯門及元朗區最強米線🙌🏻 大推秘製豬頸肉、炸醬、豬扒、香辣腩肉等米線配料，米線控不能錯過🍜「酸辣湯小鍋米線」必食米線3餸「秘製豬頸肉」，豬頸肉切成條狀，醃製入味，然後煎至焦香，表面加上蜜糖帶甜香🍯 「香辣腩肉」口感極軟嫩，經過長時間熬煮，秘製滷汁非常入味，味道帶甜辣✨ 「螺旋藻」帶香甜鮮味，具有排毒、降三高、消脂和抗氧化等功效🙌🏻「日本海苔魷魚燒」魷魚鬚炸超級酥脆，口感彈牙，加上海苔味炸粉，更提升魷魚的鮮味，香口惹味，推介各位的滋味小食🦑 🍽 ：酸辣湯小鍋米線（單餸，加餸額外$10）👅好味指數：8.25/10💰消費：HK$68📍 地址：雲川百味 (元朗)元朗青山公路 - 元朗段242號福德樓地舖

今次跟友人到了一間主打食米線，紅薯粉的餐廳。其味道跟平時食開的知名米線店有所不同。配料及湯底也相對較多款式選擇，還可以選擇熱拌。米線的份量適中唔會太多，食完剛剛好但配料方面某幾款配料相對比較少，例如墨魚餅，蝦餅（如果落單一個餸只會得兩小件🙈)。以下是跟友人點選的食物：🐷魚湯豬扒米線🍜（配菜：芽菜+蔥）只看賣相都已覺得好吸引，一大塊豬扒舖在米線上真係見到都已經洗哂口水😋。第一時間當然係飲啖湯底先啦！魚湯味道都幾鮮甜無腥味配上米線食味道好夾。豬扒肉質唔“鞋”口相對較“林”身，咬落口好香豬味仲完全沒有豬羶味是必推配料之一。🐷酸辣湯腩肉薯粉🍜（配菜： 辣肉碎+酸菜+芽菜+韭菜+蔥）酸辣湯可選擇辣度小編自問唔食得辣所以選了BB辣。湯底味道偏向酸辣味道較多，其份量都幾多尤其辣肉碎，每夾一啖都清晰可見味道仲好跟湯底很配。腩肉本身帶辣味外觀層次分明份量也多，但食落質感有少少韌味道偏辣😅。薯粉份量足，口感煙煙韌韌跟酸辣湯底一齊食令人食落好開胃味道不錯。🍚豬頸肉炸醬飯除左米線薯粉外這間店仲設有米飯供應😏。雖然賣相唔錯，但本人覺得其味道一般尤其炸醬的味道它和豆瓣醬混埋一齊味道酸辣有點唔夾及奇怪😑飯的質感偏“

聽人講呢間雲川百味都幾正，所以又試下。福德樓呢間新開，都幾大間，坐得算舒服。叫左個小食，家鄉手撕雞，微辣 HK$42肉都幾多，話係微辣但係都幾辣，點返麻醬就冇咁辣。鮮魚湯豬軟骨，猪潤米線 HK$58D送都幾大件，豬軟骨煮得入味又林，猪潤都係大件新鮮的。魚湯就唔算好魚湯味，反而都幾濃。酸辣湯雞中翼，豬紅紅薯粉 HK$60湯底比較重味，豬紅大大粒的，爽口不錯。雞翼都不錯，唔會有雪味。滿足的一餐，呢度米線係算偏重少少口味的，另外都好多小食叫，下次再試~

最近發現元朗商會中學附近開咗一間新嘅酸辣米線鋪。見到人介紹話佢哋個豬頸肉係招牌，咁就試試佢喇。位置都幾就腳方便，附近有中學，輕鐵站，元朗廣場，喜利商場。要行過去食都算方便既。店面都寬敞，好多張枱，容納到好多枱食客，又有卡位坐，邊食米線邊望窗外風景。我同友人分別揀咗2碗米線：豬頸肉配墨魚餅，麻酸辣小辣湯底，凍檸茶豬頸肉配蝦卷，麻酸辣小辣湯底，凍檸茶米線份量都大碗，軟硬適中。我唔喜歡太淋太硬。湯底覺得係小麻偏酸，辣度係入到口嘅小辣，唔會太辣，都幾惹味。但係食多幾啖，覺得個湯底鹹咗少少，都係屬於偏濃味的酸辣湯底。豬頸肉燒得好正好好食，甜甜哋又脆口，juicy及彈牙。蝦卷味道都唔錯。2者都同呢個湯底及米線好夾。小食叫咗脆皮炸豬大腸。賣相好吸引好邪惡😍，炸得好香脆，脂肪好香。

成日覺得元朗美食比屯門的多！今晚和朋友到元朗廣場逛街，發現對面街開了一間新米線店——「雲川百味」，決定試試。這個麻酸樂金湯幾香幾惹味，入口先是感受酸和辣，到喉後就有麻感散發出來，非常過癮。米線大碗，腍度適中，還附有辣肉碎、芽菜、葱等其他配菜。分別選擇了蒜香雞扒和墨魚餅2款餸，前者厚切肉嫩，蒜香味香口；而後者則夾雜了墨魚粒粒，幾有咬口。番茄湯幾足料，湯底有番茄粒，味道酸酸甜甜夠開胃。紅薯粉份量同樣好多，非常有口感嚼勁。不過要盡快享用，若時間久了，紅薯粉會因索了湯汁而發漲成一陀。配了豬頸肉和蝦卷，蝦卷有微微彈牙感。豬頸肉外層烤至微焦，帶少許蜜糖甜香，入口juicy。花枝丸應該即叫即炸，所以等侯時間會長一點。外層炸至脆身，帶有椒鹽的香味。花枝丸口感彈牙，蘸上酸辣醬又或辣椒粉佐送，會更加惹味。配上2杯飲品作解渴之用。

見新開冇耐，近大馬路嘅酸辣粉🫢幾多人食，差啲排隊豬扒生腸豬骨湯底紅薯粉有生腸不常見，但整得唔錯，爽口彈牙。豬扒應該是招牌，非常之厚身。因為唔食得辣，所以叫咗BB辣，果然真係BB辣，食唔到好辣嘅都入到口🤣餃子豬軟骨酸辣湯底米線豬軟骨炆到非常之腍身，而且好入味。屋企人食得辣，酸辣湯底都岩口味，屋企人讚不絕口。炸大腸皮炸得超級香脆，外脆內軟，裏面亦都唔會好肥。而且份量好足，擺盤都好靚，真係全條咁上，少有嘅驚喜。呢度服務態度都幾好，侍應多，基本上隨傳隨到。另外老闆娘都會關心出品，會問返客人食評，覺得呢一間食店好用心做👍

食過總店，係呢到居然開左分店，對於住附近居民真係一大喜訊😍今日每人叫兩碗米線，叫凍飲+$3，再點一個小食 。➡️豬大腸，香辣腩肉熱拌米線 $58豬大腸入味軟綿，腩肉唔會太咸，半肥瘦適中，口感柔軟 。🩷熱拌米線乾身，拌以辣肉碎，濕潤感剛剛好👍🏻 ➡️豬頸肉，蘿蔔胡麻湯米線 $60招牌豬頸肉必點，依然係最好食嘅米線配菜之一😆蘿蔔有四大舊，又甜又多汁，完全無渣🥰➡️炸墨魚餅 $32即叫即炸，厚度適中，香口唔油膩 。食完唔算口渴，但令我非常回味🙂‍↕️

早前元朗廣場附近開了間新店，原來是雲川百味另一間新分店，今晚約朋友放工去食飯，大家都喜歡食米線就揀去雲川百味試下。新店全新裝修，餐廳裏面裝修簡潔、地方很寬敞、乾淨、座位充足。鮮魚湯裡面有配菜辣肉碎、芽菜、韭菜、蔥，加了兩餸豬頸肉、豬大腸。鮮魚湯的湯底奶白色，充滿鮮魚味道很清甜，豬頸肉和豬大腸煮得很入味。豬骨湯（微辣）配菜有辣肉碎、酸菜、韭菜、芽菜、蔥。加了兩餸豬軟骨、墨魚餅。朋友喜歡吃辣但又怕太辣，最適合揀這款豬骨湯底，因為微辣之中又可以品嚐到濃郁豬骨湯味，豬軟骨很入味而且很腍連軟骨部分都能吃，有驚喜！值得一讚。鹽酥雞炸到外脆內嫩，店家分開泰式辣醬、辣椒粉讓人自由選擇，讓人感覺很貼心。鹹檸樂、鹹檸七，食辣湯米線最適合飲杯凍杯飲，鹹檸檬加汽水，鹹鹹甜甜很清爽解喝。其實還有其他不同味道湯底、特色小吃供選擇。

最近愛上咗食米線，貪佢快捷方便無得坐定定慢慢嘆返個tea!!!而且重要又到糧尾時間！見依間雲川行過幾次都幾多人，一於今次過嚟試吓湯底分咗幾款；我試咗麻酸樂金湯，一上嚟試咗個湯底先味道非常之濃郁，帶酸酸辣辣咁樣好開胃，點咗雞扒同腩肉，腩肉肥瘦適中，雞扒如果可以另上就更香脆另外朋友叫咗個麻辣湯底，吾算好辣但帶陣陣麻既看氣，有少少似偏向麻辣火鍋湯底嗰隻味，我見好多人都點豬頸肉，比較細條，偏向食唔到爽脆嗰個口感我覺得配上鹹檸七係最佳嘅選擇😁另外叫咗個小食紅油抄手作為小食件數份量都多，適合同朋友Share但係可能煮嘅時間太耐，一夾起嚟個皮就會散散地咁

元朗近排開咗好多新米線，見到元朗廣場附近角落頭又開咗一間好大嘅米線舖，原來依間係喺洪水橋有一間分店，如果開得兩間嘅話應該都幾好食，都唔會差，就試下座位都尚算闊落，仲有卡位坐，冷氣都足夠，唔會好熱今次我哋叫麻辣湯同埋酸辣湯米線，呢間本身就包一個餸，幾得意嘅位係無論你嗌啲特別嘅餸，例如雞腎，豬頸肉嗰啲唔係唔需要另加錢嘅，平時啲米線舖如果叫依類型嘅配料都係要加啲比較昂貴嘅價錢，喺依方面都係依間店嘅優勝之處🤣今次我哋叫咗雞腎同雲吞，另一本叫咗豬頸肉同墨魚咀，另外叫咗炸餃子叫完好快就上菜，效率都幾高豬頸肉方便佢係切一條條方便進食，墨魚咀用蒜蓉整都幾野味個人認為雞腎都幾好食，份量都幾多，值得叫炸餃子$36嚟講都幾大份量，小食你講呢個值得回購總括嚟講，想搵間坐得幾舒服冷氣又夠份量又夠食物味道幾好食嘅米線店嚟講，依間係一個唔錯嘅選擇

💖 雲川百味 (元朗)✨元朗青山公路 - 元朗段242號福德樓地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️屯門名物開到去元朗，愈來愈多分店😏。我同老公喺元朗廣場附近行街先發現原來嗰度都有一間分店🤪，你嗰浸豬頸肉嘅香味引左入去🤩-豬頸肉+豬軟骨鮮魚湯紅薯粉+凍檸檬利賓納🍲 $64鮮魚湯底清新濃郁，帶住淡淡嘅海鮮味🐟，配上豬頸肉同豬軟骨，肉質交融，形成咗完美嘅搭配👅。紅薯粉滑潤，吸收咗湯汁嘅精華🥰，而且仲好彈牙！建議大家一定要嚟呢度食佢哋嘅豬頸肉！因為係signature👍🏻。豬軟骨就好腍😝-韭菜水餃+墨魚咀豬骨湯米線+凍檸樂🍜 $64韭菜水餃皮薄餡，份量又多😝，咬落去嗰一刻嘅鮮香真係令人難忘。搭配墨魚咀🦑，好彈牙🤩。豬骨湯微辣又濃郁👍🏻。除咗紅薯粉大家都可以揀米線❤️-麻辣手撕雞🌶️ $42好搞笑嘅Menu， Menu上面顯示咗呢一款手撕雞係唔辣，而且好推薦。咁我哋就叫左😝。點樣唔辣但係又叫麻辣呢？食落口佢係有麻辣嘅香氣，但係真係完全唔辣😎好惹味👅。旁邊仲配埋麻醬，份量都幾多😆想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔

見到呢間粉麵舖新開咗一排都仲咁受歡迎，於是去試下晚餐。平日晚市都座無虛席，人氣高企🙌🏻🔸蒜香雞扒+豬軟骨熱拌紅薯粉（微辣） 紅薯粉Q彈滑溜，份量十足；雞扒嫩滑好咬；豬軟骨燜得夠入味，肉質軟腍；加埋辣肉碎大大碗好惹味😋🔸豬大腸+雞腎麻酸樂金湯紅薯粉（微辣）豬大腸處理得乾淨，咬落有韌勁，內裡軟糯；雞腎就爽口；湯底酸辣開胃🤤🔸麻辣牛展口感韌中帶嚼勁，香麻而辛辣🌶️ 🔸凍豆漿係大和支裝原味豆漿，味道香濃，解辣一流。🔸凍檸檬利賓納酸酸甜甜好開胃，檸檬有成四大片。味道的確唔錯，而且出餐速度好快👍🏻