影片
更多
2022-02-08
1748 瀏覽
💎總評分：9.0/10-呢日趕時間食個快靚正lunch，諗住入嚟食D一般冰室見慣嘅食物，點知有驚喜🤩。首先menu封面設計有心思，係幅深水埗街道嘅掃描畫，一打開除左港式食物之外，仲有新馬嘅海南雞同叻沙🇸🇬、四川嘅酸菜魚🌶️、英式嘅全日早餐🇬🇧，同埋專為素食人士準備嘅選擇，多到有選擇困難症嘅小編睇左好耐。🚗 正對面係巴士站同大馬路，轉入掘頭路有一兩個咪錶，或者可以泊前少少D街，似係安全。1️⃣ 榛子醬西多士 $34 西多係好多人嘅下午茶首選，榛子醬夾心夠晒邪惡😈，係冰室signature 之一。平時食開炸物最怕油益味，今次完全無呢個問題，雖不是流心，但小編反而覺得咁樣啱啱好，唔會太甜👍🏻。2點後下午茶價錢更加優惠，薯條只需+$8，即叫即炸，加埋個絕配嘅紅豆冰都係+$9，好多紅豆喺底，非常抵食🤑。2️⃣ 爆餡蛋牛治 $28餐廳另一招牌必叫，一打開menu就有大大張相影住勁厚嘅蛋牛餡🤤，小編決定要驗證下係「照片」定「照騙」。結果實物足足兩寸厚📏，差D咬唔晒，鹹牛肉炒蛋呢個配搭簡直係最住拍檔🥰，一咬落去除左香濃蛋味，仲有牛油香味喺烘底麵包下SUM出，呢個價錢堂食咁大份三文治真係值回票價👍🏻。3️⃣ 芝士焗波
-
呢日趕時間食個快靚正lunch，諗住入嚟食D一般冰室見慣嘅食物，點知有驚喜🤩。首先menu封面設計有心思，係幅深水埗街道嘅掃描畫，一打開除左港式食物之外，仲有新馬嘅海南雞同叻沙🇸🇬、四川嘅酸菜魚🌶️、英式嘅全日早餐🇬🇧，同埋專為素食人士準備嘅選擇，多到有選擇困難症嘅小編睇左好耐。
🚗 正對面係巴士站同大馬路，轉入掘頭路有一兩個咪錶，或者可以泊前少少D街，似係安全。
1️⃣ 榛子醬西多士 $34
西多係好多人嘅下午茶首選，榛子醬夾心夠晒邪惡😈，係冰室signature 之一。平時食開炸物最怕油益味，今次完全無呢個問題，雖不是流心，但小編反而覺得咁樣啱啱好，唔會太甜👍🏻。2點後下午茶價錢更加優惠，薯條只需+$8，即叫即炸，加埋個絕配嘅紅豆冰都係+$9，好多紅豆喺底，非常抵食🤑。
榛子醬西多士
$34
38 瀏覽
0 讚好
0 留言
2️⃣ 爆餡蛋牛治 $28
餐廳另一招牌必叫，一打開menu就有大大張相影住勁厚嘅蛋牛餡🤤，小編決定要驗證下係「照片」定「照騙」。結果實物足足兩寸厚📏，差D咬唔晒，鹹牛肉炒蛋呢個配搭簡直係最住拍檔🥰，一咬落去除左香濃蛋味，仲有牛油香味喺烘底麵包下SUM出，呢個價錢堂食咁大份三文治真係值回票價👍🏻。
爆餡蛋牛治
$28
62 瀏覽
0 讚好
0 留言
3️⃣ 芝士焗波士頓龍蝦海鮮飯 $108
小編平日都鐘意食焗飯🍚，見到有波士頓龍蝦咁重料，馬上決定試一試。由於焗飯係即叫即焗，要預番少少等候時間⏰。熱辣辣嘅焗飯嚟到時，聞到勁香白汁芝士味🤤，半邊龍蝦都好大隻又多肉🦞，仲有青口、魷魚、鮑片、龍利柳魚塊、蟹柳、日式魚蛋片、雜菌同西蘭花🥦，所有海鮮都無雪味，魚塊仲要幾新鮮🐟，配埋個炒飯底更加惹味，雖然喺menu上面算係較為貴嘅選擇，但係咁足料又咁好食，性價比都好高👏🏻。樽仔咖啡跟餐+$15，口感順滑，港式咖啡味道香濃，嚟得冰室必叫嘅飲品☕！
芝士焗波士頓龍蝦海鮮飯
$108
59 瀏覽
0 讚好
0 留言
芝士焗波士頓龍蝦海鮮飯
$108
145 瀏覽
1 讚好
0 留言
芝士焗波士頓龍蝦海鮮飯
$108
25 瀏覽
0 讚好
0 留言
總括嚟講，真心覺得可以二訪，因為menu上面嘅option堅係好多，而且質素唔錯價錢又抵食😋，食一次根本試唔晒佢D signature，主食同小食都好多選擇，無論係lunch 定dinner都一定揾到野啱食✨。
-
環境服務：⭐⭐⭐⭐⭐
食物質數：⭐⭐⭐⭐⭐
打卡指數：⭐⭐⭐⭐
張貼
