雪媽糖水鋪

營業中

休息中

幾時都話女人係有第二個胃去食甜品，我地食完晚飯，再食甜品。今次試左深水埗雪媽糖水，我地一人叫一款再share 食。我地點左朱古力火鍋、芒果的骰拿破崙同椰皇燉百利甜酒。其實我未食過朱古力火鍋架，今次朋友點就有機會試下，原來都幾好味。火鍋配料有哈蜜瓜、藍莓、香蕉、西瓜、棉花糖、麵包粒同3球雪糕(揀左臻子、曲奇、薄荷)，都好豐富下。一冷一熱下，雪糕可以有脆皮效果，好玩。平時食拿破崙都搞到污糟邋遢，但呢度芒果的骰拿破崙細細粒好方便，一啖放入口。椰皇燉百利甜酒，呢個好驚喜，本身自己都好鐘意Baileys，所以一見到就情有獨鐘。食落去唔會太濃酒味，夾埋蛋白椰肉，食唔停。椰水咁清甜，唔怪得椰皇咁好食。

朋友推介黎深水埗呢間，「雪媽糖水鋪」，店鋪內外貼滿好多甜品相，好搶眼，裝修簡潔，黃色為主調，座位寬闊舒適，氣氛又好。Menu甜品款色好多，數十款，店員好nice，介紹左佢地舖頭好多特色甜品，抹茶流心泡芙、麻薯窩夫配鮮果，雪糕、朱古力布朗尼窩夫餐、椰皇系列等等！ 好多都好正☺️🍮椰皇燉椰汁木瓜雪耳桃膠 $58好足料🥰 表面係桃膠、雪耳、木瓜，口感清新，香甜，底層滿滿既燉蛋，食落超香，口感滑溜，值得一試！🍮布丁水果百匯 $56雪糕可以自選兩隻口味，芒果、曲奇、榛子朱古力、雲呢拿、仲有一個隱藏既味🥰 大家可以去試下，呢度就唔開估住！布丁蛋香味濃，滑溜柔軟，個芒果味雪糕好出色，入面有椰纖夾雜其中，煙煙韌韌，口感一流。🧇朱古力布朗尼窩夫餐 $58窩夫外脆內軟綿，份量仲好多！配上布朗尼酒同朱古力製成既蛋糕仔，香濃之餘帶有小許酒香，味道有層次，加上曲奇雪糕，正🥰佢地仲推出左個餐牌仲未有既，朱古力火鍋！由多款生果組成，選取優質生果，每次都會唔同，有新鮮感🥰配烘多士、棉花糖、同三款自選雪糕！快啲黎解鎖餐廳隱藏甜品🥰

食完愛文生，同朋友嚟食飯後甜品❤️❤️😍😍。間鋪面好新淨，（廁所好乾淨加分！特別是剛剛去完愛文生，個廁所真係......😖）叫左個木瓜雪耳桃膠，👀視覺上好有心機幫碗碟襯色🍡，令人睇落好開心😍😍。桃膠好爽好大舊有咬口，配埋D甜度剛剛好嘅糖水，食完一碗都唔覺膩。另外，朋友叫咗一個心太軟，個心好流，好香濃嘅朱古力味，配兩球雪糕，望落都幾大碟，我朋友唔嗜甜都食晒成碟。整體感覺唔錯，環境乾淨衛生，嘢食味道唔錯，價錢都幾抵，會再幫襯！👍👍👍

常常說甜品是另一個胃，所以即使吃正餐吃到飽飽，都仍然要吃甜品😋！在深水埗區新開了一家糖水店，黃色的裝修已經吸睛。進店之後已經覺得地方闊落，它更擺放了老闆的私人珍藏，不同的Figure令糖水店增添了生氣😀!店內亦貼滿了不同的甜品照片，還有推介甜品。店員說由於他們現時不斷鑽研新的甜品，所以陸續會有新品推出！當選擇困難症了一輪之後，就選了以下😚：🥥椰皇燉百利甜酒 $52這種甜品絕對是之前從未吃過，一個椰皇盛着不同的材料。最面頭看到的是Cream，上面灑了椰絲、曲奇碎、Oreo碎。這種Cream是百利Cream，很慶幸的是它不會太甜，因為我怕會很膩，之後中間是百利甜酒洞，咬下去的感覺像啫喱。而最底層還有燉椰蓉蛋白，再連椰子一起吃，絕對有四種口感！店員說這個甜品，是材料連椰皇一齊燉，所以有種淡淡椰香，這甜品絕對是誠意之作！🍴抹茶流心泡芙 $45抹茶流心泡芙上碟時已經很引人入勝，旁邊還伴着芒果和藍莓，切開泡芙，還有抹茶流心，光看着已經食指大動。抹cream、抹茶流心，有雙種抹茶的感覺，而泡芙亦可以中和抹茶的飽滯感！而最驚喜是，泡芙還有蛋糕呢，令味道的層次又再提昇了，絕對有驚喜！🥣棗杞燕桃海 $62

人生第一次食這樣楊枝甘露，別浪費自己胃加錢，不知所謂，仲要話正常，其實可以做吓check or google食譜，重之任何鋪比它好食，冇芒果汁，冇柚子肉，似西米露算。

明明食完飯好飽，不過甜品就係另外一個胃，架車兜下兜下，見到呢間甜品店即刻心心眼，即管又入去試吓😍😍😍一打開個Menu，就俾佢個椰皇系列吸引咗，天氣涼涼地，椰皇🥥蛋白加埋桃膠，仲有滑嘟嘟雪耳一齊燉嘅蛋白🍶啖啖都充滿椰香，暖在心頭，好味又有營⭐️⭐️⭐️。窩夫🧇系列好有party feel🎀，見親佢我都忍唔住會點，夾心麻薯🍠加強左軟心效果，煙煙韌韌又幾特別，香滑雪糕🍦我揀咗榛子朱古力🌰🍩，配合窩夫🧇一凍一熱咁食真係宇宙最強😋呢度佈置幾清新，有種cafe嘅悠閑感，製作期間睇吓Figure，打下卡都係樂趣，加埋食甜品開心D嘅定律，今日真係大發現😘

深水埗除左多街頭小食，都有好多糖水鋪。食完飯就去食埋甜品，聽講呢間甜品店既芒果拿破崙好正，所以決定去試下！我同朋友除左叫芒果的骰拿破崙，仲叫左朱古力心太軟，飲品方面就叫左401朱古力。果然冇令人失望，芒果拿破崙唔單止賣相吸引，芒果份量多又甜，拿破崙好鬆脆，中間既夾心唔會太膩。我地揀左cookie&cream雪糕，雪糕好大球，上面淋左朱古力醬，非常推薦！朱古力心太軟係店舖自家製既，即叫即焗，岩岩焗完係熱辣辣架！裏面既流心有香濃朱古力味，口感幼滑，外層蛋糕好鬆軟。心太軟配兩個雪糕球，我地揀左榛子味同芒果味，特別推薦榛子味雪糕，好濃榛子味，而且唔會太甜！最後介紹返401朱古力，成杯朱古力都係冇加冰架，所以份量好多，兩個人share就岩岩好。口感好軟綿綿，成杯朱古力分左3層，除左飲落好有層次，賣相都好靚，岩晒同朋友一齊打卡！下次去開深水埗一定再幫襯！

一見到甜品店🍮二話不說入咗去🙊椰皇係重點推介❣️食完之後非常滋補，特別係依家啲天氣食，好潤喉。端上來的椰皇椰香撲鼻，蛋白嫩滑，還可以吃到切粒的椰皇肉。特別之處係加入芒果彩丸子，有大量芒果肉、爆汁芒果珠，煙韌丸子🍡，令到椰皇再提升令一層次！法式焦糖燉蛋面層有金黃脆脆的焦糖，內裏的燉蛋滑嫩如絲，入口即溶，是我最愛的甜品之一。抹茶心太軟配雪糕🍦比一般坊間的心太軟軟熟和濕潤，綠茶心太軟更會絕版，之後得番朱古力味，想食嘅朋友要趕尾班車啦！附送2球雪糕，我揀左香芒、Vanilla，簡單又classic~由於夜晚我吾飲得咖啡，否則我一定會試埋之前全城hit爆嘅401咖啡！每日限量得20杯咋！

阿女SFA面試, 見有時間想搵下有無茶飲店買杯野飲下, 但搵唔到, 行左陣見到呢間糖水鋪就入去坐下啦！見都有好多選擇, 但佢地Ｄ椰皇好似吸引Ｄ本人唔太好桃膠所以就試左個＂椰皇燉芒果彩丸子＂. 　但店長好坦白話我地知今日Ｄ芒果有Ｄ酸, 不過可以用其他生果代替! 我地轉左哈密瓜, 個味又幾夾 今日無咩時間, 食完就走! 椰皇燉芒果彩丸子 - 香, 甜, 滑, Fresh難得小店, 值得支持!

一早就約左朋友一起做運動有驚做做下運動低血糖於是就決定去食小小也頂住先行行下就見到呢間雪媽糖水鋪♥️抹茶心太軟配雪糕$42（榛子、曲奇）第一次試其他味道心太軟心太軟有濃濃抹茶香味道都不錯🧡朱古力心太軟配雪糕$42（榛子、曲奇）心太軟因為製作需時雪糕有四種口味可以選擇分別是榛子、曲奇、芒果、雲呢拿、朱古力相比外面一球雪糕就大好多心太軟一切開朱古力流心瞬間湧曬出來朱古力醬非常香濃外脆内軟味道好濃郁值得一試💛芒果的骰拿破崙$42推介果然沒有錯拿破崙好酥脆中間的夾心配搭剛剛好一粒一口整體食落味道中和不會太甜大大粒芒果配搭芒果雪糕是一級棒💚燒賣$12因為忍不住吃了「甜品放題」所以點了一些咸點來中和一下燒賣不過不失不是我們平時吃一大包的魚肉燒賣咬口煙韌💙椰皇燉百利甜酒$52最特別和最喜歡就是這個第一次見百利甜酒可以加入椰皇入面外面甜品店是未見過的首先見到就是忌廉忌廉但係有百利甜酒不會太甜反而有淡淡的酒香中間一層就是百利甜酒和奶凍開始以為只有兩層食食下發現仲有一層最底下就是燉蛋白口感好幼滑而且帶微甜喜歡吃椰子的朋友可以把裡面的椰肉刮出來食真心推介好好味！👍🏻👍🏻👍🏻👍🏻👍🏻👍🏻總結：整體來說價錢真是最

“華邦大廈附近有糖水鋪？〞有fd向我推薦呢間鋪嗰陣我系唔信既，呢個位置我印象有整車鋪，海鮮酒家，大排檔，就系無甜品店，仲要系有刨冰既甜品店，好！去試！首先，間鋪够大，每張枱都够大唔小氣，好！第二，服務好，我系兩款碎碎冰之間難以抉擇，職員花咗足足三分鐘講解，之後我又猶豫咗一下，臨時再改，職員都好有耐性第三系食物，刨冰本身算水準之上，其中令我驚喜既系臻子雪糕够硬，臻子够入味够厚重，好！啲水果够新鮮（不過唔够甜）下次有機會再試芒果雜冰（無錯就系嗰兩款令我難以抉擇的刨冰之一）

雪媽糖水舖到深水埗布行買布，喺福華街行到攰攰地，發現一間好新 裝修光猛嘅甜品舖。行入去歇歇腳，原來糖水舖真的是剛開業。店主雪媽（其實係一個年輕美女），推介我哋試佢哋王牌嘅椰皇系列，於是我哋一行三人全部都叫晒燉椰皇🤣發現餐牌上的圖畫係港島灣仔電車路的，詢問雪媽曾在講港島區開店搬過來深水埗？而雪媽嘅回覆係：唔係呀我哋呢一間鋪同品牌成個都係全新㗎，只不過設計餐牌時，我覺得呢張相好靚，所以放咗落去。 😂雪媽真係爽直隨心又可愛，而且佢哋嘅服務真係非常友善，好街坊好老友嘅感覺。椰皇燉椰汁百合蓮子桃膠（涷）$58 ～必食推介滿滿嘅桃膠接近滿寫狀態，底層係椰皇水燉蛋白，清香滑溜。上層係椰汁花奶百合蓮子塗膠糖水，口感非常清新，清甜。真係一啲都唔會覺得膩/濟。椰皇燉椰汁木瓜雪耳桃膠 （涷） $58本質同上面介紹嘅都係一樣，不過糖水嘅配料就換成雪耳木瓜，更為滋潤。椰皇燉百利甜酒 （涷） $58～必試底層嘅燉蛋白除咗加了椰皇水仲加埋百利甜酒一齊燉，中層椰皇慕絲，上層係百利甜酒忌廉，再灑上餅乾碎。 口感非常豐富，每一層都有不同嘅味道但融和非常好，酒香濃郁，又不失椰皇嘅清新。三款燉椰皇甜度都非常適中，而且好清新一

當日試咗呢間舖menu上主打推介嘅兩款甜品，其中一款拿破崙我真係唔識欣賞，我當時仲諗緊佢係咪玩埋啲分子料理，啲拿破崙好似早餐穀物片咁一粒粒，我未食已經覺伏，味道唔得，啲伴碟更加不知所謂，真係唔好浪費綿花糖。我覺得呢間舖冇乜心機同誠意整甜品，啲朱古力醬好似喺出邊買嗰啲現成朱古力醬，甜到死！跟住啲棉花糖又係出邊買嗰啲好難食五顏六色甜到死嗰啲棉花糖⋯⋯冇一樣嘢令我覺得佢係自己用心咁整出嚟！究竟呢間舖喺推出一樣製成品之前有冇自己試過味？有冇搵其他人試過味？

同朋友行過見新開，入去試試裝修普通但光猛員工都有禮貌叫左幾個甜品，好快黎到但食物質素出晒事最記得個芒果拿破倫，差到不得了個所謂拿破倫勁硬，完全唔知邊忽似拿破倫。味道又單一，得個甜字。朱古力醬芒果醬係來貨，仲要係好差果種。果球雪糕係食落硬身起霜既。唯一食得落口係幾舊仔芒果。其他甜品我冇食，但朋友一致認為好行唔會再嚟。仲有一個通病係好多野係裝飾，例如棉花糖，醬，根本擺唔到落口。如果要講一個優點，就係所有野都唔會太甜本身冇諗住寫差評，但見到咁多好評真係睇唔過眼。令人帶住期望去食，曬錢事小；曬埋個肚影響心情事大

After playing some sports in the afternoon, we were feeling hot and tired, thus we went nearby to have some desserts. Snow Snow Dessert was located at Fuk Wa Street, several minutes walk from Sham Shui Po MTR.It was opened recently, and the decor was neat and spacious. They offered several choices for desserts, such as traditional tong shui, sago desserts, taro desserts, shaved ice, ice cream, snacks and coconut steamed egg etc. 棗杞燕桃海 - This dessert was highly recommended by the staff, which con