雪媽糖水鋪

星期六同朋友在深水埗食完飯，當然想去食甜品，我記得之前在附近食過一間好味的甜品店“雪媽糖水鋪”，今晚再去幫襯。老闆好熱情招待，推介幾款招牌甜品，今次就叫左“椰皇燉椰汁木瓜雪耳桃膠”“朱古力心太軟配雪糕”“雜果麻薯窩夫”三款都好食，椰皇又大，材料新鮮，裡面的燉蛋白又滑，味道做得剛剛好，心太滑及麻薯窩夫，即叫即做，熱辣辣，兩樣都非常香，窩夫仲脆卜卜。睇得出老闆選購好的食材，用心制作，而且我覺得價錢合理，真係藉得推介。…查看更多

同朋友喺同一條街，打完邊爐之後想食啲甜嘢見到呢間仲未閂門 就行咗入去呢個叫爆珠芒果仙草 加埋雪糕 （$46）有雲呢拿同芒果味選擇另外最意外嘅係佢冇額外加糖我哋食嘅甜都係芒果嘅甜同埋爆珠嘅甜爆珠係芒果味嘅，所以我哋配咗個芒果味嘅雪糕呢個係店主推薦我哋食嘅但令我最意外係個仙草，令我食到有啲蒟蒻嘅口感 好得意俾大家Menu一個參考 27號希望可以下次食到芒果綿綿冰，咁啱去到冰機壞咗另外我哋試咗椰皇燉椰汁木瓜雪耳桃膠 （$60）30號仔本來都冇抱太大期望見到隔籬枱又嗌 我哋又叫埋一份同埋店主講啱啱燉起我哋就叫咗個黎試其實佢一嚟到呢，我就唔記得咗幫佢影相掛住食呢個係食到一半嘅相嚟嘅但係佢真係連埋啲椰青水一齊燉蛋白所以個蛋白係好滑同埋好有椰青水味道連啲椰肉都好甜 好軟身 可以刮埋出嚟食係令我喜出望外店主話椰皇呢個系列 個底係一樣嘅，只係上面啲配料唔一樣希望下次可以試到百利甜酒呢個真係要試吓鍾意椰皇甜品嘅要過嚟試真係要幫襯吓香港既小店 唔想睇住佢哋一間間咁執開到12點 我哋10:30pm行入去都仲有客人食緊佢接受PayMe 既…查看更多

今次係第三次嚟到呢間糖水舖食椰皇，通常我哋都係三個女仔過嚟，因為附近食完飯，今次響紅磡食完飯，我特登飛的過來介紹我兩個朋友仔食，不過九點幾嚟到都幾多人下，等咗10 分鐘左右，本身我諗住過嚟食椰皇，亦都想推介俾我兩個朋友仔試吓，但老闆話椰皇得返兩個了，唯有俾咗我兩個朋友仔食，我自己食一個芒果糖水，好似叫芒果爆豬仙草，芒果勁甜，幾適合夏天食的一個糖水，可惜今日我自己食唔到椰皇，我兩個朋友仔試過呢個椰皇燉蛋白真係好香好滑，他們都說好吃，冇介紹錯。我哋坐到11點先走，老闆走過來同我傾咗一陣計，呢個老闆都幾好人，仲請我食雪糕，幾有人情味，呢啲小店值得珍惜，一間坐得舒服嘅糖水舖。…查看更多

搬咗嚟深水埗七，八個月左右，中菜大排檔好多，但如果我食糖水的話通常我會揀這裏，有時可以試新嘢，窩夫和椰皇都好食諗唔到食咩我次次都會揀心太軟，因為呢度心太軟應該係我食過最好食呢一間，好多雪糕花園都好食性價比真的很高，現在$50.1個心太軟+2嚿雪糕和$60.1個有質素的真係好難搵到，如果你真係貪平就冇計，但係呢度價錢OK，食物一定有保障，所以我揀糖水的話深水埗我都揀呢間。我最近呢次嚟老細話有芋頭雪糕，遲啲仲會有新Menu佢哋話。…查看更多

老闆服務態度超好 老闆好主動細心 介紹每一款甜品嘅特色 同埋會根據每個客人嘅要求烹飪符合客人要求嘅甜品而家好少甜品舖可以做到主動介紹店舖招牌甜品心太軟入口絲滑 香濃可口香濃嘅朱古力味味蕾爆發朱古力入口即溶 雪糕香滑…查看更多

平民同時實惠嘅價錢可以食到心太軟，大約五十幾蚊，即叫即焗，外賣到手仲係熱嘅:)如果考慮性價比可以試下椰皇，椰皇系列嘅價錢畀其他店平，實際上椰皇嘅款式選擇都多，自己食過芒果爆珠唔錯，老闆推薦椰皇燉百利甜酒，但我次次要叫都冇曬，有機會食客可以嘗試下老闆具有人情味，帶有街坊味道嘅店舖，自己街坊返嚟食過幾次…查看更多

今日大陸親戚過嚟，我帶佢行深水埗，求其去咗深水埗食間茶餐廳，跟住帶佢去求其行一下，發現咗有間糖水舖裏面裝修幾靚，放咗好多我鍾意嘅玩具，行到攰攰哋入去食咗幾個糖水，食咗個椰皇，一個心太軟同兩個紅豆沙，椰皇算幾好食，熱辣辣，唔算太甜，蛋白好滑，最出色係心太軟，雪糕和心太軟都好食，呢間算係我食過心太軟最好食一間之一，紅豆就普普通通正常嘢，老細係個後生仔，都幾好禮貌，我啲親戚都話呢度個老細幾好人，而家香港食嘢算係咁啦.…查看更多

上個月食完飯過嚟試咗窩夫同薄荷朱古力，覺得好正，今日食小菜王隔離新開咗間中菜館都OK，食得太飽，難忘都要過嚟想食心太軟，但今天星期六日很多，老細見到我暫時說沒有位置，因為本身我今日都係想外賣，因為今日太熱了，攞雪糕返屋企又驚溶晒，所以我問老細可唔可以外賣兩個心太軟，四個雪糕在糖食，老細二話不說給了我四嚿雪糕，我在門口張凳仔食，但今日實在太熱了，在門口食溶化得很快，兩個心太軟我就攞返屋企同男朋友今晚一人一個，因為今日實在太飽了。我食中菜常常會過來深水埗，但糖水我比較少來深水埗食至食咗呢一間，出品和老細們都很好人，不會像其他糖水舖趕住食趕住走，如果唔係我返深圳食仲好過了，所以呢度我會再嚟。 …查看更多

西米一舊舊 等勁耐 外賣自取個碗又細 芒果西米露➕芋圓 50蚊有相對比 大家自己諗真係好搞唔掂本來諗住突如其來想食糖水點知等左25mins計埋行返屋企 8+30+8要成粒鐘……查看更多

👾 深水埗｜雪媽糖水鋪｜街坊甜品店-招牌心太軟小店由 老闆一手包辦，店員、廚師都是同一個人，帶有人情味。主打 心太軟、窩夫、焦糖燉蛋，甜品選擇多，價錢合理，適合甜品控來試試！🍫 心太軟 ($50) 【味道 8/10】
附送 兩球自家製雪糕，質感香滑，甜度剛剛好，配上濃郁朱古力流心，難怪是招牌推介！🍰 朱古力舒芙蕾 ($58) 【味道 2/10】
附送 一球雪糕，但舒芙蕾份量較細，朱古力味不夠濃，整體表現一般，難怪未成為招牌。💡 總結
小店手作甜品，心太軟表現亮眼，雪糕自家製，整體有水準。但部分甜品表現不一，推介來試 心太軟或焦糖燉蛋，感受一下 街坊糖水店的溫暖滋味！💸：$50-$100
👾：⭐️⭐️[味道 5/10 ～ 環境 6/10 ～ 服務 7/10]…查看更多

上次過嚟食咗心太軟，今次同5個朋友一齊過嚟試其他嘢，因為上次食咗心太軟今次想食其他嘢，雖然食咗夜晚飯，有啲飽，但老細今次推介可以試窩夫，我就同其他朋友一齊share，其他朋友有食心太軟和窩夫，都一致好評．窩夫蛋味很足，足夠脆，薄荷朱古力雪糕都是好食，我下次會試埋椰皇，我吃了我朋友一啖，堅係好食喎，椰皇裏面是蛋白來的，我和我們朋友一致通過下次會再來試其他東西，老細今次又請我食芋頭雪糕，說是新的雪糕味道來的，下次我過來要食糖水．…查看更多

今日行深水埗附近食完飯，食完search糖水舖，咁啱呢間喺附近，就走入嚟試吓，今日得我自己一個，入到去唔知食乜好，老闆推介了椰皇，我就選了一個凍的椰和芒果，因為今日都熱熱地，所以揀咗凍嘅芒果椰皇，真係又幾好食喎，食完嘢和我仲喺度睇個Menu，老闆問我會唔會太飽，仲請我食咗個雪糕，佢雪糕都好好食，老闆請我食咗曲奇同薄荷朱古力，兩個都算是中上水準的，下次可以再來試其他西式甜品，有啲想食心太軟。呢度坐得幾舒服，下次會帶啲friend過嚟慢慢食，環境都靚。…查看更多

一直推介佢嘅signature，叫甜品前講咗兩次。當我地叫梳乎厘時又話le樣唔係signature，暗示我哋要叫signature，咁唔如唔好寫係menu啦？甜品黎之前又再講，話心太軟係signature平時賣到爆，叫我哋下次試。但嗰日已經就嚟十一點都仲有得賣，請問有幾好賣？食得慢啲又問我哋唔好食？唔好食唔通真係要同你講唔好食咩？個仙草完全唔係仙草，似冇味嘅咖啡凍。梳乎厘配雪糕，明明我哋一早揀好咗要咩味，又話要整廿分鐘就嚟整好先同佢講。雪糕話係自家製，但完全冇味，個樣似sorbet。從來未見過咁快塌落去嘅梳乎厘，然後入面勁濕立立。…查看更多

平時行過深水埗食飯都會特登行過嚟食，間鋪都好似開左好多年，平時會食椰王再加芋圓，不過咁岩個日無番椰王，無得食🥲🥲🥲🥲🥲，老闆話心太軟都好食 ，所以今次黎係食心太軟，個心太軟一黎，好香朱古力味，心太軟入面啲朱古力味好濃唔太甜，我見個雪糕都幾快溶，同平時食開超市個啲有啲唔同，老闆就講 原來個雪糕都係自己整，唔可以擺咁耐，所以咁快溶，都有幾個味可以簡，平時我會簡香芋味食，不過個日賣曬，食左另兩隻味 ，都幾好食，經過可以試下 小店要支持下😋😋😋😋😋😋😋…查看更多

我平時同老婆來深水埗晚飯或小菜王食飯，食完飯都會過來食糖水的，我老婆通常會叫一個心太軟，我自己通常是食椰皇或者窩夫的，但今日有啲凍，所以今日食咗熱的糖水，木瓜雪耳桃膠，都好食的，老婆都是有幾啖，這間舖這幾年來都keep到，次次食完飯過來都幾多客人，不過心太軟和椰皇太夜去成日會賣晒，如果想食到兩樣的話八點前來比較穩陣。在深水埗性價比高的食品已很少了，這間糖水舖性價比高，老闆十分友善，我見其他客人都有求必應，希望繼續keep落去。…查看更多