雄泰

營業中

休息中

😚外展搵食前記😚數月前在社交平台上碌過，bookmarked，終於有機會，首次踏足這區。一個平日的黃昏 4:15pm，原本想買外賣，誰不知 4-6pm落場了，願望落空了。。。- 🕰另一個平日的中午12:30，基本坐滿了，開始要搭枱。不斷keep住有附近工作、住客光顧。🕵🏻正當不斷抬頭望「最高人氣的食物」時，店員走近，主動介紹😂👑 1. 泰式海南雞飯 👑 2. 泰式脆豬飯（看似燒腩仔）果然，每一枱都有最少一碟雞飯，而脆豬的人氣就明顯少啲。店員亦提到，老闆娘的要求好高，若質素未如理想，會寧願不用不賣。- 所以我地決定要一人一個午餐。午餐 = 平日以$3/$5追加指定飲品，沒有加一。🥢<泰式海南雞飯 $46>首先，份量足夠，其他枱的男士都夠食。雞飯幾香，是雞油香。另外，份雞真係幾香，幾滑，配以泰式酸辣汁，相當開胃。已經想再食啦！！<牛湯粉 $46>材料都幾多：牛丸2粒、牛栢葉幾片、牛腩多件湯汁好濃！！湯麵選配金邊粉，口感剛好，不會太濕太軟。份量合理。🥤<泰式奶茶 +$5>合格！正常冰、正常甜，都正常，沒有甜到嘔。茶味仲幾濃，可算是符合香港人口味

平時如果我入開粉嶺，我一定食群記，但之前聽過D粉嶺友成日講呢間泰國嘢好食，即管又去試下。入到去個感覺舒服，柔和燈光加環境乾淨，服務員有禮，以前每年都去泰國嘅我，當然叫個豬肉船麵試下，香港其實好難做到泰國一樣，所以都冇抱太大期望😰，結果....湯底～只係牛骨湯，沒有船麵主要用嘅豬血去做😑豬肉～好霖，都似泰國豬肉味道豬肉丸～失望，只係用平時屋企打邊爐嘅大粒豬肉丸（仲有小小雪櫃味）不是細細粒嗰隻😖最後最失敗嘅係連船麵最靈魂之一嘅九層塔，一塊都冇🤦，只得港式蔥粒簡單講，只係一碗港式船麵補充，公道D講，可能我未試其他嘢，可能其他食物就係佢哋所講嘅粉嶺名物😅

夜晚諗唔到食咩，就試下呢間泰國菜，七點幾黎到排隊等咗一陣就入得嘢食選擇唔算好多，但勝在價錢平，平均$4-50一個飯/麵，小食大約$30-40海南雞飯嘅份量都幾多，雞肉好滑同唔肥，個醬汁都幾開胃，$46黎講十分抵生菜包就比較普通，可以唔洗試見好多人叫脆豬飯，可能即整，所以呢個飯都等咗一陣。肉係半肥瘦，似燒味店燒肉，外脆肉軟，但又唔會好咸，個汁甜甜地，幾好食呢個價錢同份量黎講十分抵，而且味道唔差，環境都好乾淨，值得再去

聯和墟都有好多餐廳選擇，今日中午去咗呢間雄泰度食海南雞，叫咗一個泰式海南雞飯，泰式火鍋醬豬肉片炒粉絲。泰式海南雞飯 $46呢度嘅海南雞十分嫩滑，仲係無骨😍，雞嘅份量亦都唔少。飯係我鍾意嘅油飯嚟，整體非常好食。泰式火鍋醬豬肉片炒粉絲🔥 $48呢個帶點辣同埋有啲酸酸甜甜，食落都幾開胃，豬肉片都幾腍同入味，加埋啲炒蛋，通菜，整體都唔錯。泰式墨魚餅 $30墨魚餅都有六件㗎，食落好彈牙，唔會死實實，配上泰式辣醬，正呀。泰式奶茶 $18鹹檸7 $18飲嘢就正正常常。總結：抵食，味道都唔錯，難怪經常等位。

雄泰（粉嶺）🇹🇭應該是全港最高質素的平民泰國餐廳？性價比超高✨🥺——————————————————————————————［海南雞飯 $45 🐓 ］😍雞肉份量多又嫰滑，無骨又濃雞味泰式辣汁酸酸辣辣，超正宗！油飯超香🥺💛平時不愛吃飯的人都吃了很多！——————————————————————————————回頭率：✅✅✅✅✅#粉嶺foodhealsme#泰國菜healsme 注意雄泰平日16:00-18:00不開門，而且星期二全日休息❗️——————————————————————————————📍雄泰 (粉嶺)粉嶺和泰街21號地舖

無論午市定晚市，都經常爆滿，就知佢係咩料😏#小胖遊粉嶺🐠—————————————————🔹牛湯粉 (可選擇米粉/金邊粉/河粉/粉絲) $46 呢個絕對係必食推介🥇牛湯底濃郁🐮又唔會太咸，有齊牛腩(起碼有10粒)、牛丸同牛柏葉🐄真係好足料💕牛腩炆到好軟熟入味，牛栢葉夠爽口，牛丸咬落有汁💦全部都好食小編揀咗金邊粉🍜煮得剛剛好，索滿湯汁好香，令人一口接一口🤤我甚至覺得係灣仔Samsen和牛濃湯河的平價版 (價錢平一半以上，CP值超高).🔹海南雞飯 $45海南雞飯份量多到好似座小山丘⛰飯帶油香，而且粒粒分明，係我喜歡的🍚無骨雞食落啖啖肉，肉質算嫩，雞再點酸辣醬更香口，送飯一流，🥒青瓜又可以平衡醬汁重蒜味🥢.💡小店逢星期2休息(好似仲有啲特別日子唔開) —————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌕🌗🧚🏻‍♀️打卡值：🌕🌕🌖🌑🌑🥰舒適度：🌕🌕🌗🌑🌑👅再食指數：🌕🌕🌕🌕🌕.♟Overall♟好抵!好抵!好抵!大碟得黎又好食價錢又經濟實惠，回頭率100%🤑

📍雄泰📍💡聯和墟💛💛💛💛💛💛💛💛聽朋友講黎粉嶺一定要食呢間好受歡迎既泰國菜良心小店，餐廳裝修都唔錯，好有泰國feel。好可惜係我哋太晏先嚟到冇晒海南雞飯🐥泰式脆豬飯($48)呢個真心推介，竟然有10件脆豬，個皮炸得好脆好香，豬肉肥膏脆皮一層層，加埋佢個辣汁甜甜哋好開胃，解膩。🐥豬肉船湯金邊粉($45)呢個湯湯底色好夠好濃，加埋上面啲配料同豬肉肉丸肉片同金邊粉，食完唔夠喉🐥泰式奶茶($18)茶味好濃，但係冇泰國嘅奶茶咁甜，但我反而鍾意。你知㗎喇泰國奶茶甜到人就嚟糖尿咁

食物算OK，都地道，但杯泰國奶茶一D都唔泰國🇹🇭！最差嘅係每樣嘢都慢！食物慢！收錢慢！搵位慢！招呼慢！落單慢！外賣仲慢！總之每樣嘢都慢！慢！慢！唔知以為自己去咗食法國菜！樣樣都要崔，崔完都係要等！每次去食嘢都等到嬲嬲豬！🤬😡

今日喺*雄泰餐廳*嗰邊外賣冬陰功湯，我只係講咗句：等我去埋對面*雄泰串燒*度買嘢食先！我過對面馬路*雄泰串燒*嗰度啱啱點完嘢食，坐低冇幾耐，*雄泰餐廳*個高佬哥哥竟然送個冬陰功湯過嚟我度。我都唔係成日食，不過高佬哥哥好犀利，佢會記得我飲冬陰功湯係唔要菇，同唔要餐具，真係勁！就算嗰日唔係佢幫我落單，佢都問我有冇同同事講唔要菇，俾我前會check下有冇放咗餐具，如果有會攞返出嚟。嘩！我咁大個人都未試過有咁好招呼！唔讚唔得啦！！！

本身想食泰式海南雞飯同泰式蝦餅，可惜已經賣曬， 為有下次再去試拉😭今次就食左泰式脆豬飯，睇落有d似港式燒肉，但食落個口感又唔一樣， 塊皮炸到好鬆脆， d肥膏咬落去又唔會太肥膩 ， 點埋個醬汁又唔會太辣 岩岩好😋😋 性價比高， 值得一試👍🏻

呢間平時喺聯和墟都人山人海嘅泰國菜，宜家喺對面馬路再開多間分店主要做外賣小食。佢而家主要就係做串燒類嘅嘢，仲有幾款好過癮嘅特飲。方形魚蛋，蘆筍，三文魚腩同大魷魚都好正。最過癮就係個個夠薑就飲，真係好有薑味，味道都啱啱好。真心唔洗比句夠薑就飲嚇親。傳說老細係前五星酒店餐飲部總經理，以前佢未升之前,佢嘅拿手好戲就係mojito,所以佢杯virgin mojito應該幾好飲既。不過飲完杯夠薑就飲我就入唔到第二杯，下次一定試下。

天氣開始熱，係迷想食下啲酸辣菜開下胃呢？咁泰國菜就啱哂你啦！唔去九龍城食泰菜，黎粉嶺聯和墟食都一樣咁掂！泰式淨脆豬 $40呢個好食推介啊！佢其實係似港式燒肉，不過層次分明。豬肉、肥膏、脆皮全部齊哂。放耐左個皮都唔會淋。只係剩食個肉就會有啲漏，所以最好配埋佢個汁食。個汁溝左白芝麻、唔辣既Chili flakes，甜甜地。海南雞 1/4隻 $49呢個性價比都幾好，因為佢係疊左兩層。同埋雞都好滑。我見好多枱都有叫海南雞飯，都只係$45，所以好抵。泰式蝦餅 $34呢個炸得啱啱好，金黃色。唔乾，不過略嫌蝦膠可以打得彈牙啲冬陰公湯 $48呢個份量大概兩至三碗，入面有好多蝦、車里茄同菇。湯帶甜，唔辣，少少酸。不過唔知係迷飲完呢碗野成晚都好口渴。呢間餐廳其實真係幾抵食，大碟得黎價錢又唔貴。食晚餐果陣，都不斷有客等位入座同外賣，區內真係幾受歡迎。不過如果你好趕或者冇咩耐性就唔太建議，因為太多人太多單佢又唔太夠人手，所以可能要等一等。不過佢服務唔差，feel到佢真係想幫你不過未有空閒幫你

疫情下，外賣變成飲食習慣，外賣食物，到家味道已打上八折，唯一想到味道不太走樣的就是海南雞。很久前到過雄泰堂食，因為不喜歡坐沒有椅背的圓凳，對座位舒適度有要求，所以未有二次到訪。今次買了一隻無骨海南雞外賣，$188用上膠袋，一般的外賣包裝雞和醬汁分開包裝，乾淨衛生一大盒海南雞醬主角出場，原隻無骨海南雞驟眼看以為雞不多，滿滿的雞裝滿在細細的盒子，但食極唔完，雞好大隻，份量非常多，雞皮爽脆，雞肉鮮嫩，雞胸厚肉，但也不會乾乾鞋鞋，肉質一樣細嫩，真心讚。起骨後啖啖肉，絶對是老少咸宜的菜色，配上酸酸甜甜的醬汁，完全沒有油膩感，特別開胃，沒有外賣油飯，自家配上白飯，味道也非常不錯。

午餐時間，有不少在附近工作的人和學生來這裏吃午餐，這是朋友介紹的，一進到餐廳裏，這裏的妝還10分有泰國風味，包括不少來自泰國的汽水飲品，而且亦有泰文的廣告。我們一行三人叫了海南雞飯，炒金邊粉，冬陰功粉絲，以及蝦餅，所有食物都沒有令我們失望，特別推介炒金邊粉，因為色香味俱全，而海南雞飯亦是他們的招牌，份量比想像多，而且肉質鮮美，亦沒有過多的肥膏。餐廳亦有提供泰國飲品例如有汽水、椰青、椰子水等等，而且餐具十分有泰國的風格。

這間泰式菜館的海南雞飯十分聞名，今天便來試一試，可惜我們太早來，店員說海南雞飯的材料還沒有準備好，反正我們對海南雞飯也沒有執念，泰式食品之中，其實我最愛吃各款泰式小吃如炸蝦餅、春捲等。我們二人同行，點了泰式春捲、泰式蝦餅和炒金邊粉。春捲剛剛炸起，外脆內熱，食落酥脆沒有油膩感。泰式蝦餅彈牙有口感，外面酥脆乾爽，味道很好。炒金邊粉比我想像中的細碟，但勝在配料充足，味道不錯。進食期間不斷來了客人，很多都是點海南雞飯的，相信海南雞飯名不虛傳，下次再來一定要試一試。