雄泰

星期日2點零鐘黎到要等一陣位等左15分鐘左右先入到！原來已經冇左最想試嘅海南雞飯同脆豬飯🥹1. 椰子沙冰大推！！超級好飲🤧🤧🤧感覺係真椰子變左沙冰！好香濃椰子味！加埋沙冰凍冰冰口感一流！下次去都要再飲！！2. 蝦餅蝦餅比較普通🤣 應該唔係自己手打蝦餅似係一pack 買返黎炸返熱！3. 肉碎煎蛋飯（豬）唔算好香好濃好辣，有種遷就左香港人口味嘅肉碎感覺～不過就真係唔係好油膩，感覺係幾健康！蛋有流心！但冇脆邊🥹🥹 總係覺得差左少少feel 咁！4. 燒雞油雞飯大讚！！ 只可以話好啱我口味！油雞真係好好食！我就係鍾意雞胸位，唔油，多肉！！！佢完全做到！ 雞油飯唔油膩但香口🧞‍♂️🧞‍♂️正！整體：🌟🌟🌟🌟食食下聽到佢脆豬回歸🥹🥹可惜已經食唔落！下次想再早啲黎試下佢嘅海南雞同脆豬😭…查看更多

每次路過都一定見到好多人排隊見佢話開11:30 但應該係開更早？特登早啲到11點5左右去到見已經有人喺入邊食緊～嗌咗超人氣嘅海南雞飯同淨脆豬脆豬既皮炸到脆卜卜 好香口每舊肉中間有一層薄薄嘅肥肉食落去有少少油脂同瘦肉夾雜住口感幾正個汁係有少少蜜糖嘅甜味加少少辣度點埋一齊食好惹味海南雞飯就一如以往嘅大碟啲雞啖啖肉冇骨份量多到完全食唔晒55蚊認真抵食…查看更多

係身為香港嘅泰國人，終於都試到香港最難食嘅泰菜，嚟嘅時候都知道呢間店嘅店員服務態度出名差，點知去到真係好似爭佢錢咁黑口黑面，呢個已經唔係重點，點知原來啲嘢食都係咁難食完全唔明點解佢可以被封為最好食嘅粉嶺泰菜。…查看更多

聽聞呢度嘅廚師真係喺泰國學師翻黎平日食都超級多人排隊餐廳唔算好大，大部份都係圓枱坐得就唔算舒服，算係快餐類泰國餐廳所以價錢都非常抵食見到隔籬枱食海南雞飯，超多雞肉我自己就嗌咗個冬陰功河粉同埋豬肉船河個人覺得湯底夠濃，少少偏甜好多料，超多河粉，差啲食唔晒一碗麵小食就一定要嗌蝦餅 30幾蚊有四舊炸得好脆，而且好彈牙仲有馬拉盞炒芥蘭夠味，不過當日芥蘭可能唔係咁靚總結就係想lunch 快快咁食個泰餐，係一個唔錯嘅選擇…查看更多

午市大排長龍，等左大約半小時左右，大家嚟嘅要預好時間。✨️泰式海南雞飯 $62 （+5蚊🍋‍🟩青檸梳打）招牌菜，基本上每枱都叫🤘雞肉起晒骨切成幼條上。份量極多🈵️堆到山咁⛰️雞皮油潤肉質嫩滑，油脂香味濃🟡油飯飽滿分明，乾身，多少少油香就perfect池泰式醬汁好滋味，甜酸辣醒胃，喚醒一下味蕾。PS. 海車雞飯限量供應，要食趁早🕐#homeieatfood #homeieatfood_粉嶺 #粉嶺 #fanling #粉嶺美食 #foodie #hkfoodie #海南雞 #打卡美食 #美食推介…查看更多

落單嘅時候冇講話海南雞飯要等，落完之後等咗半個鐘都未到，一直話要等一陣等一陣等一陣，最起碼如果要等嘅話落單嘅時候要講聲吧。味道就正正常常，呢個服務質素唔會再有第二次…查看更多

講起聯和墟美食，一定有佢份，雄泰嘅海南雞飯出曬名，好似俾人影到張家朗拎完金牌返HK，就即刻嚟食佢！好多Youtube channel亦有介紹，本身係諗住嚟佢海南雞飯，當日6點幾去到，話1點已經賣曬，唯有下次再試！叫咗同樣都出名嘅燒豬肉，等咗20分鐘先有，但的確好食，個皮燒到好香脆，d肉肥瘦適中，配埋個酸甜帶辣嘅醬好汁好好食，推薦！個豬手飯都幾出色，豬手量好多，而且好入味，幾香濃，甜甜地咁~至於個冬蔭湯粉揀咗蝦同金邊粉，d蝦都幾多，係彈牙嘅，d粉好滑，個湯係偏甜唔辣嘅，唔算好驚豔，但都ok~💰價錢參考：- 泰式淨脆豬 $55- 冬蔭湯粉（蝦） $58- 豬手飯 $65- 青檸梳打 $20…查看更多

粉嶺有間好出名既泰國菜叫雄泰，聽講要排隊排好耐，我地一行三人約11:45分去到，排 10分鐘左右就入到喇！聽朋友推介叫左脆豬，仲有手快有手慢無既海南雞，另外仲叫左蝦餅，泰奶咁。果碟脆豬一黎到，香氣撲鼻，岩岩炸起仲有油光，個份量唔少。食落口唔油膩，個皮卜卜脆，腩肉亦肥瘦適中，個人覺得仲好食過廣東菜既燒腩仔，同埋佢果層皮真係燒得好好，但肉質又唔乾果下好野，我估計應該係分開處理先做到咁既效果。海南雞都無每我失望，雞肉嫩滑，新鮮無雪味，份量足，基本上係每一枱都叫，應該到下晏就會賣晒。仲有個蝦餅都好好食，不過好味程度當然無脆豬同海南雞咁出色啦。入面既侍應態度都好好，雖然好多人排隊，又忙，但係無將呢樣壓力野轉嫁俾食客，今時今日黎講已經算係咁。埋單價錢亦都好親民，食到飽飽，我地仲有叫碟菜，三杯野飲，午市時間都唔洗80蚊一個人。值得再幫襯！…查看更多

前排成日睇到D片介紹聯和墟有乜嘢好食, 見呢間出名有海南雞食仲要有埋燒肉喎, 咁梗係吸引到我去啦, 我地3個人去到都唔使等位, 可能已經過咗個午市啦, 入到去梗係叫海南雞飯啦, 點知店員好晦氣咁同我哋講冇喎, 賣曬喎, ok 唔緊要即刻轉一轉叫第二樣, 咁就叫兩個燒雞油飯, 一個豬頸肉飯, 跟住又話冇燒雞油飯, 跟住又話冇油飯, 見你咁晦氣, 我都忍唔住同佢講咁你仲有啲乜嘢係有㗎, 唔答我走咗去, 跟住第二個侍應過嚟, 咁我哋已經決定咗食啲乜咁就落單, 真係要講句沒有期待就沒有失望, 我哋最終係叫咗一個燒雞油飯, 冬陰功湯河, 豬頸肉飯, 白飯比較硬, 硬到un胃, sorry本人食慣軟糯嘅米, 雞算滑, 豬頸肉還可以, 面燒得有小小乾, 油飯反而冇咁硬, 都好味嘅, 冬陰功就好似唔係好夠味, 湯唔夠濃唔覺有蝦味, 如果特登去食的話, 請死心, 唔好浪費時間, 如果想比人串下既, 可以去試下, 包你比D長毛飛黑你面~完…查看更多

香港難得有誠意好好味既泰菜炸蝦餅勁足料，新鮮熱辣，岩岩炸起，飽滿有口感泰式炸脆豬勁好食，個皮超香脆，豬肉肥瘦有層次，肥既位置香而不膩，瘦既位置又唔會乾，個酸汁都好夾，出色牛肉船河足料，湯底香濃又唔咸，有牛腩牛丸牛栢葉，河粉索晒個湯，好味豬肉碎飯好好送飯，個豬肉碎調味幾好，帶少少甜味，正常發揮，再加隻太陽蛋，好食泰茶同龍眼冰正常發揮，有泰國既味道同感覺價錢平民，呢個價錢難得食到咁正宗新鮮既泰國菜，味道正宗有誠意，值得食完再食！有驚喜最受歡迎既海南雞好早就賣晒，希望下次食到！…查看更多

佢哋嘅泰式脆豬飯同冬陰公湯飯真係令我印象深刻。首先講講脆豬飯，呢碗飯上面放咗一片金黃脆口嘅豬肉，外脆內嫩，咬落去嘅時候，口感非常好。豬肉上面有一層香脆嘅皮，咬開之後，肉質鮮嫩，味道濃郁。佢哋用嘅醬汁非常特別，帶有一點點甜味同微辣，完美襯托咗豬肉嘅風味。再講冬陰公湯飯，呢碗飯入面有好多隻蝦，真係唔少！湯底係經典嘅冬陰公味道，酸酸辣辣，令我一飲就停唔到。蝦肉鮮甜，搭配湯底嘅香料，整體味道非常豐富。飯粒吸咗湯汁之後，味道更加突出，每一口都令人感到滿足。總括而言，呢兩道菜真係值得一試。無論係脆豬嘅口感定係冬陰公湯嘅酸辣，都令我回味無窮。如果你鍾意泰國菜，呢間餐廳一定唔可以錯過！下次再去嘅時候，我會再試下其他菜式，期待有更多驚喜！…查看更多

預咗1:45 PM先去到好多嘢都無。最後叫了炸蝦餅和燒雞飯。夠熱，份量滿意。不過所有店員服務就…….. 店員與店員自己都有爭拗。 餐廳出餐有問題，眼見有店員有持部落單機，質問顧客落單份量。好似食客一定錯，店員係唔會聽錯嘢，落錯單。建議下次去雄泰最好攞部camera 出嚟扮foodie KOL. 因爲我見MM 同佢地拍嘢，服務+態度好好。 不過可能以宜家香港呢班新一代，服務態度已經攞優質服務大獎。只是本人太old school，過時了。…查看更多

職員態度好差，未食已經一肚氣，海南雞附送「曱甴」今日見無咩人等位， 就去左食雄泰， 一入到去，職員已經黑口黑面，好似差佢錢咁我地叫左脆豬飯同海南雞飯，脆豬飯不過不失，皮脆但肉「鞋」 ， 海南雞飯等左半個鍾先到，海南雞飯份量係好多， 但食到中途竟然有「曱甴」 ， 隨即馬上同職員講， 職員一開始仲黑口黑面講「咩事啊」， 但我比佢睇完呢張「曱甴圖後」，職員態度180 度轉變， 雖然職員最後免單， 但呢次真係一個唔愉快嘅經歷。希望你哋會改善。…查看更多

中午時要搵野食，見門口唔係太多人排隊，等吓啦海南雞飯- 外貌吸引但未算好滑雄泰炒粉（金邊粉）-普普通通泰式淨脆豬-係呀泰式蝦餅- 普通我會推薦脆豬，其它就個人喜好啦…查看更多

一行五人係星期日專登揸車入去食，等咗45分鐘左右，等等吓到點零鐘已經話冇晒海南雞。叫咗香葉肉碎飯，香葉肉碎炒河，豬頸肉飯同埋脆豬飯。香葉肉碎飯一般，唔太香。香葉肉碎炒河炒得好濕同埋唔惹味。燒豬頸肉亦都完全唔香又韌。又有豬臊味。最後脆豬飯等到我哋其他人全部食晒要問多次先至再上，係熱辣辣嘅，但係同普通燒腩仔冇乜分別。😓最後俾錢嘅時候侍應態度亦都係好差，講嘢冇尾音，因為我哋人多坐左兩張枱，就係咁質問我哋究竟係A定B張枱？但係其實A B兩張枱都係我哋，但最後想問佢拎返張單都要受佢氣。落單個時個侍應都係冇表情，嗰時覺得可能係忙得滯，但係連埋單嘅時候都係咁西，啲野又唔係好食，完全覺得負分。完全唔明點解要排隊，只係好正常一間泰國菜餐廳都做到嘅質素。店員態度仲要差，區外人不建議專登去食，最多係做下街坊生意就得。…查看更多