隨變燒烤麻辣雞煲

營業中

休息中

第2次來随變食雞煲，今次一早已訂定位，唔使好似上次咁等左一個鐘。麻辣雞煲全雞$228~ 不同於其他雞煲，這是湯上，不是乾鍋，麻辣湯底配料和香料十足，有洋葱，莞茜，大葱， 燈籠椒等，層次分明，十分惹味，分大，中，小辣，雖然我只是揀了小辣，但愈煲愈辣，雞塊好嫰滑，吸哂D湯汁後好好味洋葱，大葱等煲到淋後，真係甜到不得了，最後把所有配料都食哂本地新鮮手切牛頸脊$138~ 肉質腍滑，牛味濃郁，真係淥幾耐都咁滑凍豆腐一份$15~共6件，索哂D麻辣湯汁之後真係一流紅薯粉$22~ 滑捋捋，又煙韌，好味！自家製洛神花茶~酸酸甜甜又解辣又消滞

其實一嚟到感覺不錯，因為朋友說這裡的辣沒甚料到，所以一來便要中辣，後來窩心的侍應說，中辣對許多人來說，是幾辣，不如叫小辣，如不夠辣才加辣，果然，小辣已辣到飛起，侍應都好有耐性為我加水，減輕辣度，食物方面，只能說，合格，價錢、份量、質素，只屬合格。重點是，到兩點last call 後，客人陸逐埋單，但我12點半行人店第一句就問，這裡幾點打烊？侍應答兩點last call ，我們就一行三人進去，怎料，落完last call 及埋單後，以及客人都走清後，兩位侍者坐著眼睜睜的看著我，但其實當時才不過埋單後十多分鐘，但她們就是一直眼睜睜看著我，好恐怖，我已經用最快速度吃完我們last call 所order 的食物，好陰功又恐怖😭食物方面，其實真的不太滿意，叫了半隻雞，但挾到超過5嚿雞頸我們不是叫鴕鳥，為什麼會有，這樣多頸？其他雞的部位，都是碎濕濕，同行兩位朋友都說是給我們雞下欄，還有薯粉，唔掂，撈起，一點湯都沾不上，不能殊殊聲咁食，還有豬紅$15一碟得6嚿😅整體而說，不會再幫襯，如果是食物不妥，還會給予機會，但侍應竟因爲要趕客，而坐著用眼神盯著你，太可怕😱

前排凍冰冰，真係日日都想打邊爐！咁岩呢間野就係我屋企樓下，日日經過都見到好多人排隊，日日經過都想食佢！最後搵咗個星期１諗住係最少人既晚上，點知都係有人排要等１等，10分鐘後就有得入坐。叫咗半隻雞唔少少辣，另外叫咗少少魚滑、少少肥牛、少少魚丸咁重點係１定要食佢既菜！唔知點解但就係好新鮮好好味好岩打邊爐！！！另１個重點就係要試佢啲串燒！黎咗幾次差唔多都試晒所有雞、牛、羊、海鮮同蔬菜串燒真係款款都咁正！可以自己選擇每串要幾辣雖然位又要等佢慢慢執燒又要等佢慢慢燒但真係好值得

第一次黎，叫個微辣雞煲，一擺低即刻O嘴😑😑😑😑。成煲嘢，雞都未食已經加咗湯，成個嗰D咩藥膳雞煲咁。以為黎錯啦，叫姐姐唸住換過，真係吹漲。佢話：「你叫嘅時候要講清楚係咩雞煲，你要講明你要乾鍋雞煲，如果你唔講明我地就俾呢個你。」下？！？！我Q知你個麻辣雞煲係藥膳雞煲咁呀？第一，一個reasonable 嘅人expect 嘅雞煲一定唔係咁樣樣，連湯上；第二，個客冇講係唔係應該問一問，呀先生，你要乾定濕雞煲呀？成烹雞淡牟牟，冇味，好似白烚咁，以後唔會再黎

佐敦到西九龙之间的柯士甸道区域在九龙算是宵夜集中地了，好吃的店实在太多。这家随变鸡煲在比较靠近大路的位置，生意还是很不错的，应该是有两间店铺。店里主打麻辣鸡煲，辣度可以选择，感觉中辣就挺辣的了，喜欢吃辣的人可以尝试一下更大的辣度，鸡煲的味道不错，吃完鸡煲还可以点一些火锅料，牛羊肉，午餐肉，时蔬，鱼，毛肚等，在鸡煲里煮煮挺入味的。前菜的皮蛋，烧烤等也都不错，烤肉串和烤海鲜口味都不错。服务态度也还行吧，挺不错的一家店。

麻辣雞煲 －雞煲可分開辣度，適合一大班朋友不同的味道歡好，湯底麻麻辣辣辣，香料十足，層次豐富，值得一讚的是加湯的時候，加的是麻辣湯，而非清湯，令湯底味道不減麻辣干鍋海蝦 －辣度選了微辣，餐廳用上芫茜、洋蔥、蒜頭、大葱等配菜將海蝦炒成，海蝦乾身，沾上微辣的麻辣醬汁，十分滋味。凍豆腐和響玲卷 －凍豆腐吸盡惹味的麻辣湯底，響玲卷則炸得鬆化，蘸幾秒即食。唐生菜和油墨菜 －新鮮嫩綠本地新鮮手切牛頸骨 －第一次吃這個部位，無論剛剛熟或是煮得久，肉質都能保持腍滑，而牛味亦相當濃郁。燒羊串 －份量雖然小，但燒得十分好味，孜然味重，甚有重慶街頭串燒風味。

三個女仔約會就約在隨變，開頭介紹是吃雞煲，入到來才知道是火鍋，加個湯底是雞煲。我們點了一些水餃和自家製韭菜餃，重點必食魚皮餃，手打牛筋丸，白蘿蔔和窩筍。要讚下雞煲內的雞件，非常有雞味，冬天吃了，分外覺得滋補養顏。

昨晚一行4人去吃雞煲，好彩有訂位，即時入座，大家都係第一次吃依間，個雞煲一上台我們就「嘩」左一聲，第一次吃有甘多水雞煲，平時吃其它店雞煲，唔會一黎就甘多湯，通常係吃完個雞先加水打邊爐，對於我們黎講就唔太喜歡，湯多到穩D雞都難穩，完全蓋過晒，唔會有下一次。

間唔中都會來呢度食雞煲，呢度有兩間舖位，唔會好似灣仔嗰間要等成個鐘頭先有得食。有自家製飲品，健康又美味。呢度嘅雞煲真係好好食，而且幾特別。夥計招呼很好，嘢食好味唔使再講，會繼續來幫襯。

我呢就真係唔鐘意食隨變嘅雞煲辣就幾好啦，香濃惹味就唔覺有不過姐姐好細心，見我話辣得滯就溝咗個特別醋汁比我點嘢食用小食叫咗皮蛋，味道同樣爭啲燒烤都有試，好似正過雞煲㖭

今晚我哋一行10人慶祝兩位朋友生日就嚟呢度食雞煲，雖然佢話入咗起計兩個鐘，不過最後我哋都坐咗三個鐘，仲切埋蛋糕添。好彩一早電話book咗位，如果唔係星期六呢個鐘數已經爆曬。我哋叫咗一個清湯全雞同一個麻辣小辣全雞，我就食開麻辣湯底嘅，我諗隨變呢度嘅麻辣雞煲真係我食過最好食嘅，佢用大大隻瓦煲，嗰個雞煲味係好特別，而且好多洋蔥莞茜大蔥，非常惹味配料方面必選肥牛、隨便粉、豆卜、墨魚滑、凍豆腐！另外，呢度啲蔬菜都洗得非常乾淨！其實佢仲有串燒架，不過我哋雞煲已經太飽食唔落冇叫到，下次有機會會試吓！

唔多講，成日嚟，服務好，食物質素好，價錢合理！真係會上癮！＊我最鍾意酸菜豬肚雞＆手切肥牛！我男友最愛牛丸！其實香港好食嘅火煱＆雞煲好多，但係無論你食得幾好幾豪我覺得都真係唔及呢度！真心！

一向愛食辣, 雞煲和川菜更是我的至愛。雞煲有三類選擇,  但由於係第一次光顧, 所以我地唔知應該點那一種, 細問店員後, 知道饞咀麻辣雞煲會比隨變麻辣雞煲更辣和濃, 由於係第一次食,一來怕太辣, 二來覺得"隨變麻辣雞煲" 應是招牌菜, 所以最終點了(半隻雞)小辣隨變麻辣雞煲。所以男友一提議食雞煲, 我就非常期待。由於係星期一晚,所以我地5:30 pm 仲可以訂到8:00 pm 的位, 8:15分左右到達完全不用等位。之後點了些火煱配料, 美國肥牛, 唐生菜, 黑拍業等等.. 我最欣賞隨變的是很多火煱配料都可以叫小份, 岩哂2-3人份量。至於，雞煲依舊覺得都是那麼好食，味道夠香夠濃，雞肉夠滑，辣辣地又有些麻辣，仲可以放埋其他配料一齊煮個“ 响鈴”“薯粉或者隨變粉” 味道好相近，都係 煙煙un un 咁，配合一路煲緊的雞煲，越來越入味，再加上一些蔥頭好香，但易由於個湯底越來越濃郁，辣度易都增加，一放菜落去，太辣，搞唔掂，就係呢個時候，店員送上一碟醬汁，聲稱可以解辣的汁，係特別調劑的，有蒜有醋酸味咁還可以啦。之後見我們太辣，仲幫我們將餘下的菜攞入廚房整熟，比返碟油菜出嚟

朋友介紹呢間雞煲，話夠麻辣，就來試下囉。Order左半隻麻辣雞煲，本身想要中辣，不過侍應哥哥話中辣好辣，建議我地試下小辣先，唔夠的話再加辣都可以，於是我地order咗小辣試下先，果然，小辣都幾辣，而且有麻嘅感覺。其實半隻雞唔係好多，二個人食唔係好夠，我地再order左其他火煱配料，佢嘅火煱配料都好新鮮，我覺得最特別嘅係我第一次食魚膘，首次要用竹僉拮穿先可以放進煲𥚃，口感好特別，好食，下次來的話一定會再order呢個

坐低已經係咁吹你食d咩，吹左三次，我地未齊人，menu 都仲未睇哂，問佢唔辣雞煲幾錢，個中間分界短頭髮牙嬸好串咁答，餐牌已經打哂價錢出嚟嫁喇喎，真係火都嚟，又要吹你睇餐牌，望唔切問佢價錢又要串串貢，雞煲雞肉太老，食物份量少，講真出面真係大把選擇，唔會再食呢間