隨變燒烤麻辣雞煲

營業中

休息中

同男朋友收工想搵雞煲食，隨便搵左間。原來呢間野一條野有三四個鋪位都係佢既..咁去搵位阿姐話唔洗等好耐 就喺度等一陣啦（果時係星期日晚既7點幾8點）等左一陣帶左我地去其中一間鋪，貼心既係有包Tempo 已經放左喺檯我地點左個招牌- 隨變雞煲（$138）半隻無細心睇點單紙，原來幾行之下乾身雞煲架🤪雞煲正常，啲雞仲幾滑添😬坐底隔左陣聽到幾檯隔離有人埋左單之後但都仲想加單，侍應同個客仲有少少勞嘈，之後個待應姐姐仲講左句粗口都幾大聲下😑嘈到連有食客都幫口😅嗯好啦....服務行業...😅好講返野食：呢個煲係好多芫茜架☺️其餘既我地仲點左💡安格斯牛肉 $198💡凍豆腐 $38💡鮮淮山 唔記得價錢💡萵筍 唔記得價錢💡加多寶一罐 $12個牛肉有驚喜，牛味幾重下😋我地兩個都覺得好食👍🏻其中個淮山幾出色，無試過喺街食打邊爐有咁新鮮既淮山，食落去「梳梳」聲👍🏻👍🏻因我地都唔係好大食果啲～都幾飽喇😋😋最後埋單$449

忙到狂燥，做到最後一秒數先收工，必定要食勁勁勁辣雞煲平衡心理！帶齊衫褲逃拳偷懶，食飽先講！大量食材被改上獨特的名字，摸不著邊際。什麼蘇妹妹？一夜情？秋耳？千千圈、牽腸掛肚、玩篤爆？唔係雞脾菇呀，雞髀菇，髀係骨部呢。難得有緣跟美女撐檯腳，食好一點、食盡一點。青島啤酒，正常清爽味道，可安心飲用，最緊要夠凍透心涼。涼拌蓮藕，夠麻夠辣夠香，撈得味濃均勻無馬虎。先來麻辣，後來爽甜微汁蓮藕，配搭得宜可口。麻辣豬耳，入味刺激我喜歡！豬皮膠彈，軟骨脆卜卜，香辣兼備，趙得過癮助酒良伴。最怕汁還汁、耳還耳的處理，明顯即撈未融合，淡而無味。燒蟶子皇，高質絕頂，烹調時間拿捏得分豪毫不差，嬌嫩的肉質，白滑噴汁，沾上蔥蒜辣粉齊齊烤，吊出無窮鮮甜，要大叫好味道！燒內蒙羊肉串，意料之外的出色，比神州風味更出眾。孜然粉、辣粉、焦香、鬆化，羶香不嗆，肥美嫩嫩多汁。串燒牛魔王，厚厚不孤寒，鬆軟有嚼勁，牛汁甜美，混在辣粉香料中格外醒神。燒虎蝦，落味掌握靈巧，香辣到位舒服。蝦肉香而甜，但就霉肉腍劈劈。隨變麻辣雞煲半隻中辣，壯觀豐滿的配料，眼測有胡椒、泡椒、乾辣椒、青椒、紫洋蔥、芫茜、大蒜、乾蔥頭、芹菜、花椒、京蔥、等等。耐心等

食雞煲，我淨係鍾意去隨便。因為暫時冇一間可以取代到佢係我心目中嘅位置。真係超級好味😋 呢度嘅雞煲味道有一種好特別嘅感覺，係第二度係食唔到嘅。之前同d 朋友去食，個個都讚不絕口。連外國嘅朋友一返黎港，都一定叫我帶佢哋去食。(可能是受我影響吧🤣) 首先雞煲入面由多種香料足本熬製而成，再加上惹味嘅醬汁，而雞又夠嫩滑完全晒入味。每次食完都有一種好滿足嘅感覺☺️ 跟住打埋個邊爐，必點之一 ”隨便粉”，煙煙韌韌囗感幾得意，大家可以試下。最後食埋串燒同前菜冷盤，簡直爽吖。

夜晚約咗一大班朋友來呢度打邊爐，食雞煲🥘🐔位置其實係柯士甸站附近，唔算容易搵，不過我哋平時喺附近返工所以就知道。好搞笑，佢個雞煲係連埋湯一齊上。唔係平時食開個種，熱辣辣炒嘅雞煲，食完雞煲先揀湯底打邊爐。麻辣湯底都幾好食，嘢食一般啦，中規中矩。食物嘅價錢都算係抵食嘅👍🏻 不過店舖嘅抽氣系統比較差，呢一點就有待改善。同埋打電話嚟訂枱嘅時候，冇提醒我哋原來有限時，結果，去到攞位嘅時候先同我地講得兩個小時。

仍然記得第一次來這店吃雞煲，是跟一位傳媒朋友，出席完某酒店的85周年派對，我們兩個女生穿得漂亮得體，竟然走去吃超Local的雞煲，我倆的衣著跟店裡其他人顯得格格不入，但仍無損我們想吃辣，要吃雞煲的心情。那一次，只是點了小辣的雞煲，連吃得辣的同行女友人，也高呼「受不了」。是的，這裡的雞煲，既麻又辣，最重要是「越滾越辣」，點個小辣也可由頭辣到尾。雞件是本地冰鮮雞貨式，但出奇地滾得太久，雞肉也頗軟嫩，仍吃到有點雞肉的味道，一點雪味也沒有。點雞煲的同時，店裡也有大量火鍋配料的選擇，而且可點選半份及一份，就算二人來吃也可點多幾款配料，也可吃得很滿足。這夜點了一份安格斯肥牛，切得超薄，而且份量也不太多，三兩下就被我們吃光，性價比超低的。可喜的是就算肉切得如紙薄，但也嚐到肉香，算是不錯吧。 

同老公係圓方睇完戲，行落去渡船街搵野食，見時間仲早無咁多人，老公提議食雞煲，立即諗起隨變雞煲，由佢得一間鋪已經愛上吃，咁多年黎佢嘅雞煲味道都保持水準，D配菜由原本麻麻地變得有水準，一坐低先叫個麻辣中辣全隻雞，湯底麻同辣味適中、唔會過麻過辣，偏向一方，雞嫩滑，食得出唔係冰鮮雞，全隻雞足料，唔係偷工減料，另外叫左個薯仔同冰豆腐，二者吸哂湯底又麻又辣，好野味、最後叫個牛柳粒，牛柳粒滾耐D都唔韌，咬落口好香濃牛味，牛脂充滿口腔，比吃牛肉片更好味

近柯士甸站呢間隨便雞煲，嚟親都好多人 今日茶排隊排咗半個鐘 先食雞煲🥘🥘🥘大大鍋，夠辣，夠入味， 醬汁好香濃 ，讚🐔👍之後再加湯打邊爐，平時好多間都係加咗湯會變稀晒，但係呢度就唔會，個湯都仲係好濃，火鍋料就算唔點豉油都夠味😋😋😋

尼間都食過好多次啦。今次同成班朋友黎食宵夜。之前成日都要排隊，現在開埋隔離店就唔使排啦。佢既麻辣雞煲必點呀，佢既麻辣湯底係濕既。唔似平時食雞煲甘係濃濃既醬汁底。佢既麻辣雞煲係自家制的，湯底既材料同煮法都係獨家既。所以係平時食唔到既味道。必點推薦。岩晒食得辣的朋友。另外，我都係第一次食個雜菌煲，都唔錯呀，岩唔食得辣的朋友。佢既配料就真係普通料。唔係雞煲甘出色，我都唔會過黎食。但佢既新鮮雞腸係推薦既。唔怕肥既朋友可以點尼個。因為個雞腸真係新鮮，絕不是冰鮮的。仲有個隨變粉，都好有特式，都要試，好qq的。由白色煮到透透地明就岩岩好啦。

雞煲所用的大部分辣椒、小許香料等非常惹味好好食😋😋😋😋😋😋😋😋😋😋😋😋😋😋😋😋😋😋😋😋😋😋😋即使唔係好食得辣都唔緊要，點雞煲時可自選微、小、中、大或勁辣，甚至唔辣都得，照顧嗜辣程度唔同嘅食客需要。🌶🌶🌶叫左兩個煲 一個辣 一個唔辣八個人食 剛好👀因為我哋仲有叫好多唔同嘅配菜..牛頸脊 十分出色而且佢嘅牛丸 喺潮州牛丸 超級彈牙如果鑽意食麻辣燙底嘅人 我好推介

每到秋冬天又到打邊爐嘅季節，終於比我等到又可以嚟食隨變啦！今次叫咗小辣麻辣雞煲，隨變嘅麻辣雞煲真係冇第二間可以取代，佢嗰啲麻辣火鍋嘅味道做得啱啱好，個浸香氣就算隔成條街都聞到呀！可能有人會覺得佢價錢偏高份量又比較少啦，不過你問我我就覺得好就好在佢有得選擇一碟定係一份，所以就算淨係得兩個人黎食都唔怕太多食唔晒。重點推介記住叫佢嘅冰豆腐！好少有餐廳有冰豆腐提供，再配埋佢個麻辣湯底真係一絕啦，同埋佢嗰啲麻辣燒都唔錯架！

記得幾年前食隨變等好耐位 好好食今日再食 明顯沒有了熱潮叫了麻辣雞煲半隻雞 來到裡面的雞少得可憐 一定沒有半隻雞只係得幾粒 仲要冇咩肉 好失望隨此之外 整個雞煲只能說普普通通 可惜

坦白說我吃了這店多年，但看著他們水準越來越低。雞很重的雪味，而且都是骨和頸。所謂的自家型韭菜餃很小，真的一點都不好吃。紅薯粉還好，但也沒有甚麼特別。以後也不會再來了

去食之前無睇過食評係經過嘅時候聞到雞煲味就轉陣入左去發現平日晚上都幾多人食這間2人枱係4人枱中間加塊板枱面細細 增加左一點私隱度叫左麻辣雞煲 見其他瓦煲好大原來有個細隻d 既瓦煲半隻雞 肉量二人都夠佢同出面既唔同係佢一上就有湯小辣都幾辣 似乎比外面川菜中辣更辣好香口 我最後將配菜洋蔥西芹芫茜都食曬叫左一個皮蛋小食：好辣好好食 比雞煲辣辣到叫左個可樂飲 $12見餐單上食物有得揀一份/一碟一份係一碟嘅三份一 好適合二人用叫左牛柏葉/西洋菜餃/魷魚 煲咩特別 可以的叫左隨變粉 覺得好好食 煮起都幾多咁不過原來熟左會變透透地 一開始有些仍然白色但軟身我已經食左見打單寫左送兩塊牛肉 原來都有一碟仔 唔係話好靚但送架麻 都開心埋單260/2人

今晚已經系第二次黎呢間食，第一次食印象已經好依稀，今次經過所以就決定再試下啦。一行四人黎到，當然預先有book定檯啦，店鋪雖然吾大，但係入面已經爆曬人，無訂位看怕都要等一陣啦。回香麻辣雞煲（一隻）呢間既雞煲選擇都頗多既，特別系招牌隨變麻辣雞煲同回香麻辣雞煲，前者既分別就係多左一份麻辣味，因為同行朋友吾太食得辣所以就叫左回香雞煲（微辣）。一上檯，雞煲已經煲如其名啦，超級香，等待十分鐘之後就開動了。雞煲內除左有秘製醬汁，雞，仲加入大量香蔥，京蔥，洋蔥調味。對於我地呢d吾太食得好辣既人黎講，微辣已經完全感受到食麻辣雞煲既感覺，雞肉系十分嫩滑，完全吸曬醬汁風味，同埋一隻雞對於四個人黎講系足夠既。火鍋配料（雪花肥牛/芝士腸/魚皮餃/手打魚蛋/響鈴/生菜/冰豆腐/隨變粉）食完雞煲店員會問你加清湯定辣湯，我地就揀左清湯，配料方面大部分都好便，有分一份或者一碟，可以視乎人數決定。特別推薦系手打魚蛋，真係手打既，粒粒彈牙又有魚味。隨變粉亦系必叫選擇，同個名一樣，麵條粗幼度好隨心，又粗到好似河粉甘，幼身既好似米線都有。質感系好q彈的，類似紅薯粉口感，配合湯底十分夾。重點呢間雞煲火鍋，好食又便，年輕人聚腳好

食得辣既朋友一定要黎呢間食，我次次去都叫大辣，次次都俾個侍應話叫中辣得啦，我次次都會話大辣先岩我地，次次都會再三問我地係咪一定要大辣呢到既辣真係好好食，雞煲唔食辣點叫雞煲，雖然佢嘅地方有啲逼，地板衛生都麻麻，侍應服務都係時好時差，應該睇佢哋當日心情啦！但係呢間野食辣嘅雞煲真係好好食，我外國朋友嚟到香港我都會帶佢嚟呢度食雞煲，佢哋都係好食得辣，所以佢哋都覺得呢間好好食。但係等位真方面就真係有啲耐啦。