隨變燒烤麻辣雞煲

營業中

休息中

首次來到柯士甸站, 由A出口出來, 真的只是2分鐘,抬頭就看到食肆的招牌。由於朋友一早已訂位,所以不用等就可以入座, 店員從主店帶我們到另一店鋪坐下, 地方不大, 坐下不久發覺如果冷氣可以再大一點就更好。我們先點了 不麻及微辣的雞煲, 這個湯底有點稀,不似其他地方那麼濃郁,但味道一點也不比下去。原來這裡的火鍋配料和飲品是要收費的 ,於是我們都很認真地選擇, 因為通常去任食的話都會亂點所以有時會浪費了食物, 又由於收費的關係, 這裡的食材應該是比較新鮮的。雖然我們只有4人,但也點了很多款式的食物, 除了丸之外,還有雲吞,魚皮餃, 肥牛,隨變粉, 米粉,菜, 豬皮,豬紅, 牛柏葉,魷魚, 米粉, 豬大腸, 鵝腸 等等…. 還好店裡的份量分別有一碟(大)和一份(小)選擇 , 所以我們才可以多試幾款食物 。食物都不錯,我們點的墨魚丸和牛筋丸, 一吃便知跟出面那些味道不一樣。但最特別的是火鍋配料中竟然有豬大腸 !! 我和朋友也從未試過用豬大腸吃火鍋的。 我覺得它的味道不會太餲,洗得剛剛好, 不過有朋友認為洗得太乾淨, 我想, 每個人對食物味覺都不一樣, 有人會喜歡有人不喜歡亦是很平常。湯底在加了

朕對雞煲可為情有獨鍾，一日朕既隨從幫朕Check到，佐敦有間隨變雞煲，隨左有雞煲仲有燒烤，可以一次過滿足哂兩個願望，放是朕就一行四人黎到試佢一試！一入到去，朕就當然揀左個冷氣當風位坐啦，個阿姐聽到之後就陰陰咀笑，然後同朕講邊度都一樣啦，吓！一樣，唔係化！朕當然無理會佢，繼續坐冷氣位啦！呢度用電爐，無火煮食，雞煲上枱睇落比較稀，唔似一品個汁咁杰，個味就係偏辣，唔夠麻，個雞煲啲雞唔夠味，食落似煲湯雞。而手切本地新鮮牛頸脊，因為牛頸脊郁動較多，肉質細緻，結實，肥瘦適中，咬落質感同埋味道都比普通手切肥牛好得多。另外崩沙腩，牛味香濃。珊瑚蚌新鮮爽口。響玲卷同埋炸魚皮就有啲過氣，冧冧地。而鮮魚卜就最緊要記得篤爆，如果唔係當你一口咬落去既時候，你唔篤爆佢，就佢爆你架啦！！！燒烤方面朕就叫左燒煙肉蕃茄，煙肉香脆可口，蕃茄仔燒熟後依然多汁，而多春魚加左麻辣，一口咬落香脆，入面既春子在口內一粒粒爆開，加埋個麻辣既辣在口裏由內而外咁擴散，辣HIHI！最終，同個阿姐既預言一樣，坐邊度都無用，成頭大汗，亦都証明左食雞煲係幾大冷氣都無用既！！！（況且呢度既冷氣根本就唔夠！！！）－－－－－完－－－－－

因為近返工地方 已經幫襯左好多好多次喇放工同同事食宵夜 慶祝生日 一班人farewell或者係2人世界都冇問題 真係次次都好滿足唯一係要彈就係可能太好生意有時就算book左位 都要等好一陣子本身我唔係特別鍾情食雞煲同辣野但對呢間麻辣雞煲真係讚不絕口今次兩個人唔太肚餓即興去食 冇book位一黎閒日 時間又早 7點未夠就去到 唔駛等一入去都會即刻同你order左個煲先我覺得如果第一次黎食 就一定要試左隨變雞煲D雞比起麻辣雞煲仲滑 同埋可以揀bb辣另外一定要試就係黃鱔煲 真係好出色好多人一聽到鱔就怕骨 我第一次聽都係但呢個係唔食魚既人都會like👍👍👍啖啖肉之餘仲好有口感 不過呢個唔同雞煲雞煲有汁加湯就可以即時打埋邊爐如果鱔煲要打邊爐都得 但要食完d鱔先佢會再幫你加湯因為今次唔餓 只係叫左一個鱔煲(平時兩個人會叫一個鱔煲加一個半隻雞煲😆)今次叫左個前菜豬耳同燒聖子豬耳好開胃 燒聖子我自己覺得係有少少貴$42一隻 不過真係足料大隻既 試一次就夠因為叫兩隻已經可以叫到個半隻雞煲._."同埋d前菜同燒物既調味好多時係蒜同花生花生過敏既人要注意⚠️⚠️⚠️食過真係會愛上❤️

週六跟家人吃飯，又到了渡船街那邊，剛好經過隨變而剛好有位，當然要翻兜。//對我來說，我是第二次幫襯，而我家人就第一次食，所以不能隨便介紹，幸好今次沒有失望。首先點了半隻雞的微辣雞煲（因阿姐特意說明他們的辣度比其他的辣），雖是冰鮮雞，但雞件都入味滑溜，但我個人當然覺得不夠辣啦（口味問題，我上次是食中辣的 =p)//而我覺得這店比較好的是配料有一份（每份約三四件）和一碟（份量較多）選擇，所以可以有較多選擇，滿足心多多的需要。//特別推介：雲吞水餃：用料新鮮//冰豆腐：炎夏食豆腐有點風險，幸好這家去貨較快//牛筋丸：真的爽口彈牙，還有一點點爆漿，真的不錯。//可能由於沒有點海鮮或肥牛，最終叫埋不少蔬菜和其他配料，都只是食左400元（4人份），真的幾抵。//惟一美中不足是點了碗酸辣粉，但等了和催了很久才來，服務有待改善。//

係尖沙咀做完野, 約左朋友去食飯, 既然有揸車出黎, 緊係去d平日用腳唔係甘方便去既地方食啦! 但當時已經係夜晚八點幾, 我已經餓到個肚開緊四重奏了, 就近近地去去食隨變雞煲!!例牌去到都係人山人海的, 好彩舖位夠多, 好快可似安排到枱比我地!! 坐低先點左半個隨變麻辣雞煲, 叫左中辣, 因之前食過要中辣先夠辣!! 我特別中意食呢度既雞煲, 唔鞋又夠味!! 皮蛋係呢度必食既小食, 因呢個皮蛋王係流心的, 好鬼好食ga!!脆鯇片也是必叫我, 好新鮮同咬口真係又夠脆, 最重要唔腥, 好好食呀!! 珊蝴蚌好夠份量, 都夠新鮮, 食落好爽!! yummy...yummy....呢度既午餐肉是厚切的, 口感十足, 唔錯唔錯!!鵝腸都唔差, 不會有好似食緊橡筋既感覺,也是不錯的選擇呀!! 基本上要去食雞煲, 隨變必定是三甲之選內, 未試過的不妨試!! 

一個人，吃雞煲，是的，不能挑很多款餸，但當心癮來潮，一個人也擋不了想吃的心。每每只等人齊才開餐，錯過了很多嘗新機會。心動而身動，不被人牽著。。ot後，總有衝動找點辣來刺激。ot宵夜時間，好處是不用排隊，一個人吃得滋味。自己來吃，就會點饞嘴雞煲($半隻108)，原因簡單，與朋友一起，往往會叫招牌雞煲，自己就吃些冷門的，主要雞煲分別是，饞嘴雞煲，香料重些，花椒也強，重口味之選。招牌雞煲，麻辣，花椒味調和，回味雞煲則走花椒，配合不同喜好。1個人吃這個，嗜辣如我也叫小辣，因越滾越辣，及食到一半時，取起花椒串，免最後湯底偏苦。雞叫了半隻，讚這裏的雞，吃得到的新鮮色美，不時會放棄雞皮也忍不住放入口。隨變粉($22)，即此家獨有的薯粉般口感，熟後半透明，是盡吸雞煲精華的「咖啡伴侶」。本身無味，放入湯內又不易太諗。怕胃痛，飲椰汁($15)(記得加個冰杯飲，飲落更暢快!)，比較解辣，亦舒緩對胃刺激!順帶一提，來渡船角隨變，有幾間，喜愛挑間新裝修的，坐得舒服些。一上隧道，正舖左面過2間舖!

前幾日心思思想食雞煲，見好多朋友仔都食｛隨變｝特登上openrice見下啲ching嘅食評。見到好多人都話比出面嘅雞煲辣好多，本人同朋友仔都係無辣不歡，所以就決定試下佢龍與鳳 去到見到都有兩班人等緊位，好彩晏就book定姐，如果唔係又要排隊😭😭😭入到去個感覺都幾好，唔會好迫，同埋真係好勁麻辣香味，正呀！雖然第一次食，但已經叫（饞咀麻辣雞煲），佢比起招牌（隨變麻辣雞煲）會辣一倍！諗住叫中辣，點知啲心話會好辣，好就試下小辣啦！點知一尼到⋯中伏！！！完全唔辣！（可能本人真係食好辣）最後再叫廚房比多啲辣汁我 一大碗，正呀！但落完都係唔辣 同朋友仔兩個人都唔係太肚餓，而哩到有個好處，就係可以叫一細份，又唔會浪費，又可以食多啲款式。而且佢啲雞真係好滑，啖啖肉。叫左冬菇、韮菜餃、同好好味嘅（不可錯過雲吞王）可惜餃類好細粒。仲有墨丸、生菜、水魷、海帶。朋友話海帶好好味，我就冇食啦。最後叫埋招牌（隨變粉）好特別又好好味。 溫馨提醒：唔需要煮好耐，兩三分鐘岩岩好。最後都係$259兩個人（飲左3罐汽水）真係又平又飽，雖然唔夠辣，但味道都幾好，價錢又吸引，下次一定會再食

有差不多一年没有吃雞煲，心癢癢的和ting ting 約了去佐敦吃隨變燒烤麻辣雞煲訂了枱七時半，由飯店不大的關係己滿座了，當然,我第一時間点了小辣味的雞煲，老闆再解釋小辣我們應可以接受，當然也点了海膽丸，雲吞，肥牛片及通菜但没想到，真的辣到不得了，味蕾也受不了，不停喝啤酒也受不住，雖然真的很入味，可惜我和我的上海女朋友也受不住這樣的辣，這次真的有少少失望而歸

喺open rice見到咁多好評，就夾埋幾個friend一齊去六點半去到，唔駛等位叫左個中辣，店員即刻問「有冇食過架，冇食過不如叫小辣」，我地堅持要中辣 個湯好香，d雞好滑！聖子好正！食完八點鬆D，見出面勁多人，好彩早黎

前晚去左襯熱鬧睇野，友人提及在這裡吃過麻辣鍋很讚，我口水都流埋，所以就馬上話要來一試，話食就食，無它的，因為幾個人都想吓個麻辣囉老實講，在香港我都沒有吃到會回味的麻辣鍋，愛吃辣的我真時是耐不耐就癮起，更何況朋友話覺得正wor.一走到路口就有好香的麻辣湯味四溢，好吸引，走到店舖再由一位待應帶到另一個舖，另一個舖只在後面街而已。一進去，只見這裡地方好迫挾，但桌面都未算好小，都放到幾個碟食物的，一坐下就先叫個雞鍋，為左不要強迫性吃辣，所以大家決定先來小辣，試試佢個底。個雞鍋一放上桌，香噴噴的麻辣味真的使人急不及待要品嚐，這個小辣在我來說完全不辣囉，但味道蠻不錯，不會太麻，雞就很滑很好味，而配料方面，有些食材可以有一碟或一份（小）order, 這個很不錯，兩或3人來時都可以點到很多款配料，我們4人有點下列食才，個脆魚片完全不脆還有些泥味，牛柏葉，魷魚是正常，但枝竹是叫一碟，卻小得可憐，棍打牛丸配入麻辣湯很不錯，羊腩普通，黃喉，芋头沒什麼評論，隨變粉好滑和QQ 地，但喜好就好因人而異，我們四人就叫了一客都只吃了一半，凍豆腐就夾個湯是絕配啦，吸晒辣湯好味。吃到7788,友人話唔辣，要求加辣試試，結

搬到佐敦的小天地已有一段時間, 每次下班回家時都經過此家雞煲店, 門口總散著濃烈的麻辣香.  只是之前都沒抽空一嘗此店, 趁其時氣溫驟降, 正是雞煲好時節, 一於會一會這家"隨變雞煲"此店是有幾家舖位, 我們來到時是6:30, 人還不是太多.  著店員後, 我們便被領到在文苑附近的舖.  點了個半隻小辣雞煲, 當煲端上來時, 看到上面鋪滿了花椒, 指天椒, 確是看頭十足.趁辣湯還在翻騰時, 我們連忙夾起裡面的雞件大啖大啖吃, 因為知道辣湯不斷加熱, 花椒和指天椒會漸漸把湯的辣度激增.   雞件吃起來嫩滑, 皮不算太厚, 也不算太肥膩.配料有凍豆腐, 皇帝菜, 蟹籽丸, 紅薯粉等等, 另再加上一份烤羊串.  配料的素質不過不失, 烤羊串味道尚可, 只是調味料的份量略嫌太多.果如之前所言, 經過一輪加熱後, 湯底開始變得麻辣, 連平時嗜辣的我們, 也得不停叫職員添清湯, 希望把湯底調得沒那麼辣.  但對於嗜辣如命的人們, 相信一定能得滿足.  我的忠告是: 別以為吃此煲前半部時不太辣便小看它, 其精髓都在最後.  (應該所有雞煲都是如此吧)最後想一讚是其紅薯粉, 當我們把所有配料都清理掉,

同友人去食雞煲,今次真係挑戰了自己的極限,試了豬腦@@。隨變麻辣雞煲,因為我不太食得辣,要了微辣,半隻雞,少少辣的雞煲,充滿香料的味道,不俗。打邊爐不少得的響玲,好奇試了隨變粉,原來很好味,質感有點似牛骨髓,滑滑地煙韌的,牛柳粒也不俗。普通打邊爐的食。鮮爽黃喉,又名牛心頂,好奇試了,賣相有點中藥,味道很淡,口感少少少硬。重頭戲,豬腦!賣相還真是...但也勇敢的一試,原來味道又幾好wo,口感溶溶地杰杰地,有少少似糖心蛋入面的糖心一樣質感,味道上有少少似食鵝肝的味,估唔到得左,不過應該很高膽固醇。豬腸,又食內藏,都幾爽口。食了很多肉和內藏,當然要食菜中和下的。試下不少平日不會食的東西,賣相嚇人,但味道有驚喜,湯底不俗呢。

一向愛食辣, 雞煲和川菜更是我的至愛。所以男友一提議食雞煲, 我就非常期待。由於係星期一晚,所以我地5:30 pm 仲可以訂到 8:00 pm 的位, 8:15分左右到達完全不用等位。雞煲有三類選擇,  但由於係第一次光顧, 所以我地唔知應該點那一種, 細問店員後, 知道饞咀麻辣雞煲會比隨變麻辣雞煲更辣和濃, 由於係第一次食,一來怕太辣, 二來覺得"隨變麻辣雞煲" 應是招牌菜, 所以最終點了(半隻雞)小辣隨變麻辣雞煲。之後點了些火煱配料, 美國肥牛, 唐生菜, 黑拍業等等.. 我最欣賞隨變的是很多火煱配料都可以叫小份, 岩哂2-3人份量。雞煲的雞肉算滑, 但不太入味, 整煲都是很單一的麻辣味, 而且味道不夠濃, 我後來差一點要點醬油....而且小辣也太辣了吧, 我和男友以經算是食得辣之人, 但結果小辣還是太太太辣, 由其是唐生菜等吸湯的配料, 吃到後來以有點胃痛吃不下了, 不停叫店員加湯, 店員也給我們一碟解辣醬, 同埋提議我地飲花果茶。今次有點失望, 因為雞煲在只要"辣味", 不過不得不讚, 店員的服務態度都十分好!

隨變麻辣雞煲(半隻) $93隨變粉 $22凍豆腐 $12(好食指數:8/10)25-1-2014麻辣雞煲叫左少辣， 湯底唔稠，一開始食唔覺得黎料，點知愈食愈辣，湯底開始多油，食到咀都麻哂，噴火！雞件都算嫩，不過就唔算多。最特別係隨變粉，外形好似烏冬，食落比烏冬更QQ彈牙。凍豆腐每次雞煲都大愛，好似海綿咁吸哂所有所有湯汁精華，又麻辣又爆汁，令人又愛又恨。 

自從朋友帶我來試食之後，今次第二次再光顧。不得不承認我吃雞煲已吃上癮。雞煲有三類選擇：1. 隨變麻辣雞煲2. 饞咀麻辣雞煲 (比隨變麻辣雞煲更香口，濃)3. 香辣雞煲 (沒有麻辣的)有一隻 / 半隻雞選擇, 價錢當然不同。麻辣程度：1. 微辣2. 小辣3. 中辣4. 大辣本人辣不得，我點了小辣饞咀麻辣雞煲。開始有點後悔，因為滾唐生菜，豆腐，及蘿蔔這些吸湯的材料時太辣，吃不下。唯有加點清雞湯稀一稀。下次應該要微辣，剛剛好。該雞煲的雞肉非常滑。雖然不是最好味，但吃得舒服，沒有煮得過老的情況。當然，建議早兩輪先把雞肉吃掉，以防肉質變刃。另一推介牛筋肉，他們說是手打的。牛沒有蘇味，彈口，味濃，非常不錯。環境還可以，類似大排擋。而且吃完麻辣雞煲，衣服頭髮好大的麻辣味，所以建議不要著比較吸味的衣服去。另店員的服務超好。不得不讚。(結賬時發現它們沒有加一)