隨變火鍋

營業中

休息中

開始聞到秋天的來臨，邊爐癮發作了，同朋友黎左銅鑼灣打邊爐，已經係二訪了食物環境服務都仲係咁滿意😌😌干窩醬汁蠔煲-上次的干窩太impressive 了今次encore ! 揀左微辣好岩姐的口味. 十分惹味！-蠔大大隻肉質飽滿，非常掛汁，有10隻左右，每隻都好厚肉-有大量椰菜花同紫洋葱，爆得好香入哂味-十分欣賞佢有年糕，口感係韓式有咬口嗰隻-跟干窩可免費揀一個湯底打邊爐，揀左鮮茄湯底，好濃的茄香，真材實料牛頸脊（小)-兩個人食好足夠！呢個部位牛味十分濃郁，真的每口都啖啖牛香，又唔會太肥膩-同鮮茄湯底好夾！脆脘腩片-真的十分爽脆，脘魚好新鮮，腩位的魚油豐富-份量$78黎講好抵食！四寶丸拼盤-招牌手打黑松露蝦丸: 黑松露味好濃，亦食到蝦丸的彈牙-招牌手打芝士墨魚丸: 墨魚好足料，芝士係餡更添口感

銅鑼灣嘆海景打邊爐🍲環境舒適，仲有獨立房間！半隻隨便雞煲🐥叫咗BB辣🌶️都唔算好濃好辣啱哂我呢啲唔食得辣又想過下口癮嘅人！不過雞件份量唔算好多～美國安格斯肥牛🐮係手切肥牛，真係勁高質🤤🤤呢個有分小同大，我叫咗小～2個人食份量啱啱好，牛味濃！即炸響玲卷🌯呢個勁高質！真係勁新鮮好脆口，吸哂湯嘅精華！📍 隨變火鍋 (銅鑼灣)銅鑼灣登龍街18號V Point 23樓#銅鑼灣美食 #銅鑼灣 #銅鑼灣火鍋 #火鍋控 #邊爐 #雞煲

上星期約了朋友到銅鑼灣聚會，很久沒有打邊爐的我們都不約而同決定選擇了這一間在網上口碑不錯的火鍋店先說他們的煲底有不同款式，相當吸引，另外他們的火鍋配料性價比不錯，價錢在銅鑼灣區算合理醬料區乾淨整齊，而且食材新鮮，蔥粒和蒜粒還有辣椒粒都帶有光澤和香氣原味清湯雞煲，以大量蔬菜作湯料雞煲，蔬菜令湯底變得非常清甜，另外雞肉滑溜不老，非常滿意的一個火鍋湯底手切牛脷片，份量不少，而且厚度適中，入口牛脷彈牙重牛香，滿意四寶餃拼盤，非常適合想吃不同口味餃類的朋友，而且餃子彈牙香氣十足，質素高即炸響鈴卷，十級推薦，響鈴卷新鮮炸起，入口酥脆香口，即是不點湯底亦能品嚐到響鈴本身有的豆香

如果你想要嚐到口感新鮮、味道美味的雞煲打邊爐，仲有維港景色伴隨美食，銅鑼灣這家隨變火鍋 是一個不錯的選擇。回味香辣湯雞煲點了招牌菜半隻回味香辣湯雞煲，小辣刺激惹味，好適合不太吃辣的朋友，招牌菜以回味香辣湯汁、雞肉、蔬菜為主要材料。搭配香辣調味料，超級開胃！雞肉的肉質非常嫩滑，每咬一口都感受到 juicy 肉汁，令人回味無窮。雞煲湯頭香辣細膩，雞肉超軟滑，肉嫩彈牙 ，半隻雞份量都幾多，配料的洋蔥、香蔥令口感層次更豐富！黑豚肉新鮮黑豚肉打邊爐味道清甜好味，色澤亮麗，大大片黑豚肉，脂肉均勻，厚薄適中，好濃郁的肉味，肉質彈牙和嫩滑，鮮甜美味，黑豚肉份量十分，不需要任何調味也很好吃，好靚的粉嫩肉色，味道值得一讚！四寶丸拼盤四寶丸拼盤有手打墨魚丸、潮州白魚蛋、牛丸及爆汁豬肉丸，香氣撲鼻！其中的肉丸質地結實，手打丸有酥軟彈牙的口感，款式配搭亦非常豐富，吸收了湯汁的鮮味，令到每粒丸同樣美味。紅薯粉食完雞㷛後用湯底泡紅薯粉作為主食，充滿了雞湯的精華，煙煙韌韌十分彈牙，非常鮮味。牛油燒香菇🍄最後忍唔住追加串燒，再來個牛油燒香菇🍄味道一流，為這一餐作結尾。 總括而言，隨變火鍋果然冇令我失望，款式多樣化，而且

位於銅鑼灣V Point 嘅《隨變火鍋》，主打雞煲、乾鍋和燒烤等，食物選擇多，總有一款合心水餐廳位於23樓，居高臨下，加上落地玻璃，可以邊食邊飽覽銅鑼灣夜景如選擇乾鍋，就會免費贈送精選湯底一個，「乾」「濕」鍋同樣可選擇辣度🍲乾鍋醬汁雞 - 我哋揀咗微辣，用上秘製醬汁烹煮，味道香濃，配料有雞件、年糕、椰菜和椰菜花，沾滿了醬汁夠惹味🍲酸菜湯底 - 都係叫咗微辣，味道酸酸辣辣，可先飲一碗再落火鍋配料打邊爐🥢三星蔥爆漿貢丸 - 入口彈牙，內餡多汁，啖啖爆漿🥢四寶餃拼盤 - 有手工雲吞王、手工魚皮餃、手工韭菜餃和手工芹菜木耳餃，全部皮薄餡靚，各有特色🥢四寶丸拼盤 - 有手打黑松露蝦丸、手打芝士墨魚丸、三星蔥爆漿貢丸和芋頭貢丸，我自己就最喜歡芝士墨魚丸，咬開會有拉絲效果

「隨變火鍋」座落於銅鑼灣鬧市的V Point 23樓，高高在上，氣派不凡。餐廳佔23樓全層，電梯開門即達，兩面都是落地玻璃窗，維港海景一覽無遺。餐廳座位特別寬闊，坐得非常舒適。所謂「隨變」，就是隨客人的喜好而改變菜色，即自由選擇火鍋湯底和配料。“原味清湯雞煲”，滾住食，熱焫焫。材料有滑雞、大蒜、洋蔥、芫荽等，湯底清甜帶香味，雞肉又嫩滑，本身已是不錯的一道菜式，再加上其他火鍋配料，就更加惹味。“羊卷肉”，賣相精嫩，擺設特別花心思：一卷卷羊肉疊起，上有黃花，羊肉色澤紅潤，羊質鮮嫩無比，且有鮮味，口感上佳。“白鱔片”，賣相一樣講夠，也有黃花點綴，十分漂亮。鳝肉爽口彈牙，鮮味十足。“隨變粉”，爽口而帶些煙靭，放入濃雞湯中，吃起來份外滋味。“椒鹽豆腐”，新鮮炸起，外皮特別香脆，裏面豆腐如同豆腐花般軟滑，真正稱得上外脆內軟。味道微辣，口感味道無懈可擊，是必食之選。一邊居高臨下飽覽維港海景，一邊慢慢享用火鍋美食，實在是人生樂事。

今晚去咗銅鑼灣V Point食火鍋，餐廳喺23樓，望出去風景好好，服務亦好貼心，每張枱都有tempo同濕紙巾。先嚟一個前菜夫唱婦隨（金錢肚牛舌），金錢肚夠爽，好有咬口，牛舌牛味重，口感軟腍。咁啱撞正推廣，可以用優惠價叫象拔蚌刺身拼封門柳，非常抵食。象拔蚌鮮甜爽口，份量都好多。封門柳肉身軟腍，又夠重牛味。我哋叫咗麻辣湯底，好惹味。另外加咗好滑嘅鮮豆腐同好嫩嘅娃娃菜。當然唔少得麻辣湯底必配嘅萵筍，味道又夾又有助解辣。雖然已經叫咗微辣，不過朋友仍然頂唔順，叫咗杯凍檸茶。嚟到發現杯茶上面仲有隻用凍檸茶冰做嘅熊仔，好可愛，最緊要係杯茶唔怕溶咗會變淡！仲叫咗串燒鵪鶉蛋，細細粒好好食，用咗椒鹽調味。燒生蠔都好好肉好juicy。燒多春魚燒得好好，魚皮有焦香，而且魚身夠厚，魚春又有口感。燒白鱔燒到魚皮好脆好香口，白鱔好肥美，啖啖肉。

#銅鑼灣地膽 今次去隨變火煱，飲靚湯打邊爐！地點喺銅鑼灣V Point 23樓；格局開揚，木系裝潢簡約舒適！餐牌主打雞煲、燒烤及乾鍋；自助醬料在門口附近，用餐費 $20/ 位！🍲 原味清湯雞煲 $188/半隻同行朋友唔想食辣，試下原味清湯雞煲！湯頭清甜細膩，雞肉超軟滑！肉嫩彈牙！半隻雞份量都幾多！配料有洋蔥、香蔥等，令口感同層次豐富！🍖西班牙黑豚肉 $138朋友獨愛豚肉，滿滿色澤亮麗嘅黑豚肉，大大片脂肉均勻，厚薄適中，肉味香濃！相當唔錯！🥟 四寶餃拼盤 $78/8粒 四寶餃有鮮蝦雲吞、手工韮菜餃、菜肉雲吞及魚皮餃四種；個人最鐘意手工韮菜餃，滿滿餡料勁好味！ 🍢四寶丸拼盤 $96/8粒 有手打黑松露蝦丸、芝心墨魚丸、墨魚丸及貢丸四種；有手打黑松露蝦丸較為出色！香氣撲鼻！🍠 隨變粉 $36 隨變粉跟左個小隔籬，用黎盛住D粉黎煮；夾起更方便，隨變粉滑溜爽彈，吸收哂雞湯十分入味！隨變火鍋地址📍：銅鑼灣登龍街18號V Point 23樓

OpenRice 見到隨變火鍋大鑊好評，於是約朋友一齊chill 番餐。二人餐好抵食，不過我同朋友下午茶都食咗啲嘢，所以感覺會食唔晒。花甲雜菌煲：鮮甜花甲與多種菌類交織，仲有洋蔥提升甜味，辣辣地，味道豐富濃郁。黑松露蝦丸：蝦肉與黑松露香氣相融，口感鮮嫩彈牙。黑豚肉：細嫩多汁的黑毛豬肉，濃郁的肉香令人垂涎欲滴。脆炸響鈴：如果冇估錯，響鈴係自家製。其口感非常香脆，是打邊爐不可錯過的單品。油麥菜：清爽脆嫩的葉菜，帶有淡淡的甘甜風味。椒鹽豆腐：有時打邊爐都想食吓小食，呢啲椒鹽豆腐外酥內軟，令人非常開胃。

銅鑼灣超人氣火鍋店，位於V Point商場的23樓，環境乾淨企理有落地大玻璃的卡座位置，居高臨下，維港美景當前，真係格外寫意主打乾鍋及招牌湯鍋這次選了半隻原味清湯雞煲，鍋內有半隻滑嫩鮮雞，湯底驚熬製過後，依然清澈！必點的脆鯇片，有厚切腩位，魚片肉質夠爽口豬肉片的肥瘦比例極佳，肉質嫩滑完全不羶，打邊爐一流，必試。最喜歡即炸響玲卷豆味香濃金黃又乾身，完無油淋淋感覺，放進鍋底內幾秒經已吸收到雞湯精華，滋味無比，必點之選！手工魚皮餃外皮口感煙韌，餃肉肥美而肉汁豐富，皮薄餡靚！牛丸牛味濃，咬落去非常彈牙！蔬菜份量絕不吝嗇冰凍檸樂及檸茶，上面均有一隻可愛熊啤啤冰粒，溶化後都不會沖淡飲料味道，打卡一流

好耐冇食雞煲，見隨變都有唔少人推介，主打麻辣好似幾吸引，就黎食下。隨變麻辣雞煲(半隻) $208叫左微辣但辣度相當強勁，麻香感夠刺激，雞肉質頗嫩滑，可惜半隻唔太夠喉，如果多啲唔同部位食下就更正。叫麻辣雞煲火鍋當然唔少得有蔬菜減膩，叫左娃娃菜($38) 同金菇 ($38)，新鮮又爽口，索盡湯底既精華。牛舌心串燒 $68叫左小辣味道剛剛好，口感帶嚼勁，又鎖住肉汁。椒鹽豆腐 $58冇諗過咁大一碟，同朋友食完之後都覺得好飽。椒鹽鹹香突出，豆腐外脆內軟，口感幼滑富豆香。

📍銅鑼灣 《隨變火鍋》    #極推介環境舒適邊爐串燒店  ✨乾鍋醬汁雞煲 $𝟐𝟔𝟖 每舊雞𝐬𝐢𝐳𝐞都好平均，而且沾滿雞煲汁🤩 我哋唔係好食得辣，嗌左微辣，但依然好惹味🥰  雞皮都唔肥，平時會去雞皮嘅我都連皮食哂🤣 除左雞仲有好多蔬菜🥬同細細片年糕，好夾好好味👍🏼  ✨冬瓜湯 嗌左雞煲就會分開送個邊爐湯，唔似其他店直接加水落雞煲鍋，好欣賞🤩而湯底材料除左冬瓜仲用左瑤柱、金華火腿🐷 所以飲落清清地之餘都好夠味，好適合食完雞煲解膩☺️   ✨燒多春魚 $𝟑𝟖 一碟四條多春魚🐟 每條都燒得好均勻， 食落每個部位都好脆口，睇得出師傅嘅用心😋   ✨燒一夜情 $𝟐𝟖 見到個𝐦𝐞𝐧𝐮第一下就吸引左我哋注意😳 即刻嗌嚟試下，原來燒一夜情係去骨雞翼包著條腸仔🤣 燒得勁好味！完全有出面𝐛𝐛𝐪嘅味道🤩  呢個絕對係必點𝐢𝐭𝐞𝐦🤤   ✨燒芝士年糕 $𝟐𝟖 燒到外脆內軟，而且溫度啱啱好， 一咬入面啲芝士就會爆出嚟😙  ✨牛油燒香菇 $𝟐𝟎 原本上碟見到舊菇乾乾地，好似唔多吸引，點知食落好驚喜，𝟑舊香菇都燒到索哂牛油🧈😍  ✨芋頭貢丸 $𝟑𝟖 食落就係貢芋泥加貢丸味🤣  芋泥控表示每次打邊爐都必點🥰  ✨手工韮

今日同男朋友book左一間位於銅鑼灣既火鍋店<隨變火鍋>，聽講餐廳有落地玻璃，景觀一流。由於餐廳位於23樓高層，所以窗邊既景觀特別開揚，幸好我地一早預留位置，可以坐窗邊位，能夠一邊食一邊欣賞港島既繁榮街景，真係一件賞心樂事由於我不太吃辣，所以叫左招牌酸燙豬肚雞煲。呢道菜以豬肚、雞肉、酸菜等為主要材料，搭配酸湯底煮熟，味道酸酸的，超級開胃！另外雞肉的肉質非常嫩滑，每咬一口都感受到juicy既肉汁，令人回味無窮。除左湯底足料，味道出色外，我地仲叫左另一招牌小食-椒鹽豆腐，呢道小食差唔多每枱都必定會叫，係一道受歡迎既開胃小吃。豆腐新鮮炸起，味道外酥內嫩，而且椒鹽既香氣令豆腐更加惹味，一瞬間就比我地食晒成碟至於火鍋配料方面，午餐肉令我特別難忘，餐廳非常有心思地把午餐肉既形狀切成心形，非常特別。而牛筋丸亦爽口彈牙，而且完完全全地吸收左火鍋湯汁，非常好味！另外韭菜餃相信係自家包製，皮薄而且餡料多，味道一流！最後不得不提隨變粉，份量比想像中多，煮熟後就會變透明，味道比一般平常的烏冬更煙韌更有咬口，真的必定要一試！飲品方面，我叫左凍檸茶。原來檸檬茶既冰係一隻熊啤啤，好得意，岩晒我地一邊

隨變火鍋 (銅鑼灣)銅鑼灣登龍街18號V Point 23樓話到明係 隨變火鍋，即係點變都得啦。銅鑼灣一間 喺樓上嘅隨變火鍋好多唔同品種嘅火鍋 你會發現原來火鍋都可以有好多變化 今次我同朋友就叫左隻蜆鍋 因為其他地方都食唔到。一邊食一邊望住個靚景真係好自如如果你嘅手打肉丸，好高汁。仲有特色嘅檸檬茶，一個好可愛嘅啤啤熊喺上面，如果你同小朋友食就一定啱晒啦。出面仲有自助火鍋醬料區，胡炅甜酸苦辣任你揀。🍽🍽🍽🍽🍽🍽🍽🍽🍽好味程度：🌕🌕🌕🌗🌑抵食 : 🌕🌕🌑🌑🌑環境 : 🌕🌕🌕🌖🌑#香港食評#飲食推介#相機食先#食得是福#民以食為天#餐廳推介#飲食情報#食評#hkfood#foodie#food#foodreview#foodblogger#blogger#instagrams#restaurant

隨變火鍋位於銅鑼灣登龍街的V Point 23樓，是一家以火鍋為主題的餐廳。這裡的特點在於它位於高層，擁有無敵的海景，為用餐環境增添了一份奢華感。湯底方面，我點了他們的招牌菜─花甲雜菌煲。這道菜以新鮮的花甲和豐富的雜菌為主要材料烹製而成。煲中的湯底鮮香濃郁，花甲的鮮甜和雜菌的鮮美相互融合，帶來了豐富的口感和層次感。每一口都充滿了海鮮和菌菇的風味，令人回味無窮。另外，我點了一些小食和配菜來品嚐。四寶餃拼盤包括了韭菜餃、雲吞王、魚皮餃和木耳餃。每一款餃子都精心製作，皮薄餡多，口感彈牙。特別要提及的是雲吞王，其餡料豐富，搭配滑嫩的皮，帶來了愉悅的咀嚼體驗。此外，牛柏葉和豬皮作為配菜，提供了豐富的肉質口感，而支竹和芝士腸的清爽口感則為整個火鍋增添了一份清新的風味。總的來說，隨變火鍋以其位於高層的優越位置、無敵海景和寬敞的環境吸引了我的注意。食物的質素也不遑多讓，花甲雜菌煲的鮮美和豐富口感令人難以忘懷，四寶餃拼盤的各種口味餃子和豐富的配菜提供了多樣的選擇。如果你正在尋找一個能夠同時滿足視覺和味覺享受的地方，隨變火鍋絕對是一個值得一試的選擇。無論是與朋友聚餐還是與家人共享美食，這裡都能帶給你一個難