陶源酒家

營業中

休息中

和朋友約好了吃大閘蟹放題，比較了幾家，朋友想吃片皮鴨，看到這家的菜里有，別家沒有，所以選了這家。八點來吃，什麼都沒有了，蛋白杏仁茶，糯米飯都沒有了，就連片皮鴨也沒有，管理非常亂，問怎麼點服務員也不知道。大閘蟹也很小，基本是3兩的那種，味道一般。而且服務員很忙，我們坐裡面那屋，十幾張台只有一個服務員，有時候一個服務員都沒有，而且不懂怎麼點單，根本沒時間理你。八點吃飯在香港應該算早的吧，但卻這也沒有那也沒有，就很失望，只有一碗海参粥味道还可以，应该是唯一的亮点。兩人吃了1300，這個價錢這個服務和出品來說性價比很低，建議試試別家

平時唔會去呢間，老細見到大閘蟹放題想食，大家一齊去6:30去到，攞左片皮鴨，鴨凍，不過脂肪很厚，咬落算幾香鮑魚海參不過不失，味偏淡不算好甜第一round蟹算正常，不過多數公嘅，膏唔多，都唔算好香。蟹係mini size，不過都預咗第二round等左應該有成個鐘，糯米飯又冇黎，有一段幾長嘅時間枱上只得碟菜菜算幾好食，正常味，冇渣幾好（但係唔好望上面pat個樣好似嘔吐物咁嘅野⋯⋯）催左好多次，等到第二round蟹，一盤嚟到未熟，有啲未變晒橙色，我冇影相，因為已經懶得攞起，同事打開一兩隻，裡面水水地，唯有叫個staff再攞去返蒸….再上嘅有幾隻啲膏好苦，糯米飯繼續唔出現結果連糯米飯都要等成個鐘到第三round直頭有一隻蟹係臭左🤮雖然限時兩個鐘，不過夠鐘冇人趕我哋走。緊係啦，等成個鐘先黎第二round，如果仲要趕我哋走，仲好意思話任食咩？呀，仲有個勁薑蕃薯糖水係唔錯嘅，夠晒薑連鎖酒樓黎講，服務算差，有部分職員長期黑面好似唔想返工咁連汽水6百幾蚊一位，絕對唔抵食，主要係味道真係唔好食，想回本勉強食多啲好難受🤮

見香港大閘蟹關注組啲group友話呢間好好食，於是就一於試吓，今次係klook訂，平日會平少少，同埋會送每人一隻蟹粉小籠包，去到都要收返假日同茶介。想稱讚佢哋上蟹都快，我哋淨係叫咗兩轉蟹就已經食到好飽，可能第一轉我哋嗌咗好多，所以第二轉都嗌得唔多。佢哋嘅蟹隻隻都爆膏，好好彩嘅係今次冇死蟹，清蒸通常都係乸，而今次嘅鹽油焗係全部都係公，所以公同乸都食到，好滿足。自己比較喜歡鹽油焗，香啲，同埋啲膏感覺上油啲，自己比較鍾意。另外，佢嘅小菜一碟都好大份，特別佢哋嘅楊枝甘露，真係好好食！

好耐冇去，印象中陶源系一間中上高級酒樓！今日放半日约埋老公去下午茶服務基本系冇，130pm到reception 冇人D waiter 行來行出去冇人理145出嚟派飛，服務態度好差坐低唉，冇論食物或服務水準重差過平價酒樓週圍都聽到茶客投訴或者同waitress 系度嘈裝修殘舊總之一次就夠

星期六飯市時間，路經灣仔區，就順路在這間好像高檔次的酒家，但見到點心單，價格並不算高不可攀，而且在我心中亦算是十分親民，由於家中老人家喜歡食燒乳鴿和蘿蔔絲千層酥，再加幾個點心加一碟肉絲炒面，銀芽肉絲炒麵，面身香脆汁醬亦香濃，蘿蔔絲酥，香而且酥脆，味道喜出望外，多個點心四人的午餐竟然不過四百大元，性價比高的酒家

七點落單，點了特价$188龍蝦(約斤半)伊麵一份，晚市堂食優惠$88花膠響螺濃雞湯，及正价小菜香蝦海珊骨。龍蝦鲜味，伊麵水汪汪，絕對無斤半，將貨就价，海珊骨炸得干了點但味道仍好，雞湯就等到埋單也未有，根本沒有下單，實情是怕蝕本一枱不容叫兩款特价菜，其實可以用更好的營銷手法，例如限量發售，一場來到也会轉為享用正价湯，讓顧客等到不耐煩不等埋單走，有點過份。

見到廣告宣傳陶源有特價龍蝦，＄188有斤半上湯龍蝦連伊麵，馬上訂位去試，這裡平時算是較高檔酒樓，少有做特價的。今晚天氣很差，雷暴加黃雨，但訂了位還是照去食。可能是做特價關係，座無虛席，我點了上湯龍蝦加欖菜肉鬆四季豆，上菜算快，龍蝦份量不少，不過應該無斤半，味道非常好，新鮮爽甜，伊麵也足夠兩人食。👍欖菜四季豆也做得很好，最大的優點是較淡味，可以食到食材本身味道，證明食物新鮮，不需要重味去掩飾，埋單只是＄341，這個價錢真是非常抵食，希望優惠期長些，下星期再去食過。😋

新年同親戚食飯，親戚諗住好意頭買隻有米豬一齊食下。隻豬$698都唔平呀，點知拎到番黎豬同米都有啦，不過d飯竟然係用個飯盒另上就咁放喺隻豬下面？😓😓😓 之前食另一間嘅有米豬覺得好食，係因為d炒飯會釀喺豬身中間，索哂d豬油同豬嘅香味，呢間只係就咁比隻普通乳豬同一盒炒飯😓😓😓 最嬲仲要隻豬嘅皮一d都唔脆，同埋記得上網買嗰陣時寫左會送把剪豬較剪，唔知執漏定點，又無比到🙄🙄🙄 新年要我幫襯間咁嘅野，真係永無下次🥱🥱PS, 親戚買嗰時見陶源酒家個名好似幾高級先買，點知個豬個袋原來係富臨集團🥱 大家知咩質素啦👋🏻👋🏻👋🏻

呢排晚飯冇左堂食，日日都食屋企飯間中都想食酒樓的菜😆今日就專登訂左個虎蝦伊麵自選小菜餐，外賣拎番屋企食，佢哋個4人餐都好抵食，只係388就有一個湯蝦伊麵一個炒飯，仲有2個自選小菜🤤😍湯就有兩個選擇分別係花膠老雞湯或海皇瑤柱粟米羹，我哋就揀咗花膠老雞湯😍花膠份量好多，真係夠晒足料！雞湯味道都好香濃，有白胡椒的香味，仲有雞的甜味🥰真係100分‼️另外四人餐仲有跟上湯老虎蝦伊麵和廚皇炒飯，個人就較喜歡炒飯😌屋企人都成日話我係飯桶🤪伊麵份量都好多，用上湯煮的伊麵都入味！另外兩個小炒就叫左蒜香雞和椒鹽豬扒😆都係平時去酒樓或者食小炒都好鍾意叫的，估唔到拎到番屋企都仲熱熱地，而且冇淋曬，因為係個飯盒剪左少角😌蒜香雞大家都好快食曬，雞的皮夠香脆，雞肉夠蒜味🤤椒鹽豬扒都值得講下，外賣番到去都冇淋曬，炸皮簿脆👍🏻佢有辣椒調味，令到椒鹽豬扒辣辣地好惹味😛🤓

🔸呢啲日子，如果屋企無媽媽煮飯嘅朋友仔可能都要每晚Hea食😵‍💫做人嘅嘢有時都係想飲啲靚湯，其實而家都有好多抗疫外賣套餐有靚湯水飲嘅，分享下我今次呢個四人餐👍🏻🔸虎蝦伊麵自選小菜餐 $388：✅上湯虎蝦伊麵✅廚皇炒飯✅花膠老雞湯／海皇瑤柱粟米羹✅自選兩餸🔸想講個花膠老雞湯勁足料好飲，而餸方面選擇好多，點都揀到你鍾意嘅小菜～我揀咗藍莓骨同蒜香雞，前者幾特別，柚子骨都食得多，藍莓第一次見，味道好夾～蒜香雞類似炸子雞但多小小蒜味，都係高質之選😋📍陶源酒家 Sportful Garden Restaurant灣仔菲林明道8號大同大廈1-2樓預訂網站：https://cutt.ly/UIfn0rx

放工後唔知食咩好，又冇得出去食😢😢見到公司附近既酒樓做緊優惠，外賣自取4人餐只需$388！！就有齊花膠湯、伊麵、炒飯同小菜，超吸引呢🤩🤩🍱虎蝦伊麵自選小菜餐 (4位用) $388✨-📍花膠老雞湯🥣花膠湯味道鮮甜，唔會好油膩😋😋裡面仲有好多花膠、瘦肉、雞腳等湯料，好豐富！！份量好多！一人一碗啱啱好，冬天飲好滋潤❤️❤️📍上湯老虎蝦伊麵🍝面頭鋪滿大大隻老虎蝦🦐，一共4隻🤩🤩蝦肉爽彈多汁，咬落啖啖肉！！上湯伊麵口感滑溜，好掛汁👍🏻👍🏻📍菠蘿咕嚕肉🍍呢個餐可以自選兩款小菜～～我就揀左至愛咕嚕肉！味道酸酸甜甜❤️❤️外層炸得酥脆，內裡鬆軟！配新鮮菠蘿一齊食好開胃😋😋📍蒜香雞🍗一打開已聞到好香，好想食！！蒜香雞皮脆肉嫩，肉質十分嫩滑🤤🤤蒜香味都幾出🧄，嫌唔夠味仲可以蘸豉油～～📍廚皇炒飯🍚味道都唔錯！飯粒炒得粒粒分明👍🏻👍🏻裡面加左翠玉瓜、蛋絲、瑤柱等食材去炒，十分香口😋😋

疫情關係，晚市再一次禁堂食，酒樓可謂首當其衝，所以他們都各出奇招取勝，知道「陶源酒家」新出了一系列限時外賣自取 - 虎蝦伊麵自選小菜套餐，4人套餐價錢只需$388，都咪話唔抵食！下單時選擇自取時間，15:00前就要落單，就可以即日拎取，放工拎外賣就係咁簡單！今次就選了這幾款小菜：虎蝦伊麵自選小菜餐 (4位用)1. 花膠老雞湯2. 上湯老虎蝦伊麵3. 廚皇炒飯4. 自選小菜兩款:芥蘭炒牛肉/ 椒鹽豬扒花膠老雞湯一打開蓋已聞到陣陣香味，還保持熱騰騰的湯水，輕輕一看已見到非常足料：雞腳、花膠、瘦肉等…而且份量都絕對夠每人一大碗！花膠老雞湯鮮香濃郁，味道鮮美，飲完回味綿長，非常滋補。上湯老虎蝦伊麵不愧為老虎蝦，每隻體積非常大隻，真係粗過你隻手指，入口爽口彈牙，鮮味十足，蝦頭更有不少蝦膏；而伊麵烹煮得剛剛好，伊麵都吸滿了上湯，令人食唔停口。芥蘭炒牛肉芥蘭清甜爽脆，牛肉鮮香軟滑，不愧係一道簡單而美味的家常小菜。椒鹽豬扒豬扒散發出椒鹽的陣陣鹹香，入口微微香辣，肉質鬆軟，肉汁豐富，更有香脆的炸蒜伴隨，口感極佳。廚皇炒飯看似普通嘅炒飯，雖然沒有任何肉類，卻是美味非凡，飯粒的滲透蝦米、脆乾蔥、蛋白、欖菜等

早排就做緊大閘蟹放題，依家再出另一優惠就係晚市買一送一😆有三款套餐分別是$598、$788、$1388/位，最平套餐都有鮑魚、遼參食，最貴套餐仲有龍蝦、花膠扒，每人可配一杯紅酒或果汁，店員話暫時會供應到年底🙈冰燒五層肉拼黑醋高山木耳燒肉頂層脆皮香口🥰肥瘦相間的豬腩肉，木耳配黑醋幾開胃蠔皇鮑魚伴百靈菇鮑魚都幾大隻😆裙邊細嫩，蠔汁的精華令鮑魚同百靈菇都好入味金湯小米燴遼參呢個湯都好適合秋冬天飲，小米加入濃湯有助提鮮，而遼參亦燴得入味唔韌😋整體黏稠度剛好魚子醬香煎魚扒魚扒煎得不錯，入面魚肉幾嫩，而上面亦加左魚子醬點綴，不過我覺得汁有點多😫令魚皮有點變腍，相對較可惜秘製妙齡乳鴿乳鴿表皮香脆🤤皮下只有薄薄一層脂肪，胸肉位置都不覺得乾濃湯珍菌泡菜苗菜苗份量好足，不過有點老紅米小珍珠珍珠雞餡料都幾多，冬菇同雞肉都好食，打開荷葉聞到陣陣香氣☺️生磨蛋白杏仁茶入口幾柔嫩香甜，滿意飯後甜品

早兩日一家大小去位於灣仔陶源酒家🍚佢哋而家推出陶源總廚推介晚市位餐而且(買-送一) (原價$788)💁‍♀️套餐包括:先鱨小食，打開胃口滬江素鵝一D都唔油而且香脆小朋友勁鐘意食, 西班牙🇪🇸叉燒半肥瘦，口感非常軟稔，燒得香口蜜味一口接一口🤤火龍脆皮遼參🍴海參表皮香脆裏面包裹住蝦滑口感更飽滿更有層次感，海參爽滑有彈性👍濃湯泡花膠🍲湯濃色清，勁花膠厚身好大塊，食落口感Q軟彈牙、帶黏性，具有豐富的膠質！一流欖菜煸虎蝦🍤大大隻虎🦐非常野味，鮮味十足紐西蘭羊架伴天使面🍖羊架不算厚身，但肉質嫩滑一啲都唔臊而且好人味再配上天使面味道好融合清灼蚌片浸翡翠🥬嫩口蚌片配上又爽又脆豆苗感覺好清新🍀陶源一品炒飯🍚欖菜,蛋白菜芯梗加遙柱炒飯,飯夠乾身粒粒分明非常有咬口🥢楊枝甘露🍧柚子芒果🥭酸甜開胃入口感更香滑細膩真係食到捧住個肚走啊🤣你快D趁早訂枱，一家人食飯做節🍴佢哋而家推出陶源總廚推介晚市位餐而且(買-送一) (原價$788)💁‍♀️套餐包括:先鱨小食，打開胃口滬江素鵝一D都唔油而且香脆小朋友勁鐘意食, 西班牙🇪🇸叉燒半肥瘦，口感非常軟稔，燒得香口蜜味一口接一口🤤火龍脆皮遼參🍴海參表皮香脆裏面包裹住蝦滑口感更飽

陶源酒家 Sportful Garden Restaurant 📍：灣仔菲林明道8號大同大廈1-2樓🚗：灣仔地鐵A3出口 步行2分鐘📞：+852 2258-7688💲：~HKD300/head for dinnerFood quality✔️：$598限時買一送一套餐包蠔皇鮑魚伴百靈菇、金湯小米燴遼參、冰燒五層肉拼黑醋高山木耳、魚子醬香煎魚扒、濃湯珍菌泡菜苗、秘制妙齡乳鴿、紅米小珍珠、生磨蛋白杏仁茶總結：👍🏼清淡養身嘅套餐 推薦帶埋長輩一齊嚟慶祝佳節就一流👍🏼難得陶源呢排竟然做緊買一送一優惠當然要捉緊 優惠去到今個月月尾 大放送咁竟然買一送一 大家要好好把握👍🏼果然係鮑魚專家 嗰芡調得濃 配埋鮑魚同百靈菇嘅煙韌質感 每人300蚊套餐食到呢個質素十分收貨👍🏼以佢鮑魚專門店嘅名氣 加上整個套餐都十分presentable 每個人都係300蚊真係抵食 包鮑魚 遼參 魚子醬 乳鴿 仲要包每人一杯紅酒或果汁 基本上碟碟都好食 而且唔油膩 真係超啱帶一家大細嚟食👍🏼乳鴿上碟嗰陣熱辣辣 而且餐廳比咗對手套🧤好方便 不過有啲辣手 乳鴿嘅皮燒得油香 係有啲位鹹咗啲👍🏼成個套餐8碟餸計啱時間食完一道就上另一