阿杏飯團 (新都城中心二期)

營業中

休息中

估唔到阿杏飯團🍙開咗喺將軍澳呀，我一直想試好耐㗎啦，但又唔想專登出去旺角或者觀塘。今次終於有機會試啦！記得以前喺港鐵站有都飯團賣，但好可惜好似全部都執晒……其實有時晏就或者下午茶買飯團嚟食都幾好呀，起碼健康得嚟又飽肚。呢度嘅飯團選擇超多，有肉、素、海鮮，咩都有。今次我同朋友就叫咗廣島黑椒豬扒飯團，同埋金沙鹹蛋飯團。我覺得食落去好有驚喜，因為個層次好豐富，有生菜、肉/鹹蛋、肉鬆、酸菜、沙律醬等，最正嘅係佢個紫米飯超級煙靭，出面仲有一層脆脆嘅紫菜，好好食！$40左右一啲都唔會覺得唔抵！另外，呢度仲有唔少台式飲品，叫個飯團加杯嘢飲，仲有折，真係非常滿足！住喺將軍澳嘅朋友，都不妨去新都城阿杏飯團試吓😋

平時食開上環果間，今次新都城經過發現原來呢邊都新開咗間仲要係有堂食，內部裝修簡單但又好有阿杏果種粉紅特色，坐得舒服又可以打卡。———————————————🌟阿杏飯團阿杏飯團其中一個特色之一就係採用泰國清萊府紫米，食落非常軟糯，而且入面有好多種配料食落有多重口感。我分別叫咗廣島黑椒豬扒飯團 ($39)同鹹蛋雞扒飯團 ($46)，兩個入面份量都出奇地多，真係食左半個都覺得飽飽地，豬扒同雞扒兩者嘅肉都好嫩滑，加上阿杏特製醬汁真心好唔錯。.🌟黑糖珍珠奶茶 $29奶茶底調味幾好，有果種台式味道但一啲都唔會太甜，黑糖珍珠相對會比較甜少少，咬落都煙韌，配埋奶茶啱啱好。.🌟葡萄冰檸茶 $30雖然成杯好紫但飲落其實係檸茶為主再帶有葡萄，呢杯酸酸甜甜非常好飲，值得推薦。

每次見到阿杏飯團🍙都想買黎食😌今次新都城有仲要有得坐正呀😍佢地仲推出新野，韓式拌飯😋今次可以坐企食到熱辣辣既飯團添👍🏻店舖特別推介🌟金牌✨金沙鹹蛋飯團，佢地蛋黃沙好軟，仲非常香口，再配埋肉鬆另、油條一齊食，咬落脆卜卜非常好食😋 口感非常豐富😋好喜歡💕每次食完都忍唔住買番去比屋企人一齊食屋企😌今次有得坐低食，當然試吓拌飯，我揀韓式豬扒拌飯試試，都唔錯仲好大碗，撈埋一齊食味道唔錯，帶少少辣好開胃，仲好多配菜好豐富，好有營養☺️飲品好抵轉奶茶系列只係另補$6蚊😍揀左椰果奶茶，佢地除左飯團好食，飲品都唔錯，奶茶茶香配椰果一齊飲好特別😚轉奶蓋/果茶系列或糖水就另補$10蚊👍🏻芝芝鮮芒，好吸引😍嫌喜歡佢既奶蓋芝士，整得剛剛好唔係太濃太咸，配非常鮮甜芒果肉超正🤤

今日我哋去咗位於新都城阿杏飯團食晚餐，餐廳風格時尚，仲有櫻花樹打卡位餐廳係以自助形式叫餐，先點餐後取餐，方便快捷，而門口亦都因為新開張做緊唔同優惠入返正題，我哋叫咗兩個飯團同兩杯嘢飲一款係熊本烤腸飯團，另一款係廣島黑椒豬扒飯團烤腸肉好煙韌，有種好似去咗台灣夜市食烤腸嘅感覺黑椒豬扒雖然係黑椒，但係辣到係唔食辣嘅同行朋友都可以接受到無論你係堂食同埋外賣，佢都會幫你切半，所以未食之前就已經睇到滿滿嘅餡料，只要撕開外面張紙就可以好方便咁食到，唔會食到成手都係嘢飲方面，叫咗橙意滿滿同埋葡萄冰檸茶，嘢飲可以選擇少甜少冰可以自選甜度我最鍾意就係呢杯橙有原片橙果肉嘅橙茶飲，成日飲奶茶紅茶綠茶真係飲到好厭 呢個橙茶非常清新

收工跟家人吃飯，見係新都城中心2期開左間#阿杏飯團，早前有在尖沙咀外賣回家吃過，這間分店環境舒適闊落，仲可以堂食，咁就坐低慢慢食啦。叫左2個套餐，分別是廣島黑椒豬扒飯團🍙同埋金沙咸蛋飯團🍙，飯團🍙用料十足，咸蛋飯團入口咸香的好惹味，豬扒嘅肉都軟淋，仲有啲肉鬆同埋脆粒在內，有啲食緊粢飯嘅感覺，飯團用了紫米更健康，而且好煙韌有嚼口，好好吃啊。包裝得不會鬆散，很易食用。飲品則點了葡萄冰檸茶同霸氣芒果茶，大杯又清甜。

犀牛犀牛没了，在宝琳想吃饭团突然就有了阿杏这个选择，今天就来try一try是不是真的杏福。开门很早，10点快要饿死的时候就可以来，店员姐姐很温柔，我选择了招牌的牛扒饭团，饮品选择的是椰果四季春，一共50，现金给。热乎乎的牛扒饭团里有牛柳式牛扒，生菜、肉松、榨菜等，黑胡椒和沙拉的味道搭配得宜，吃完管饱到下午，四季春也很好喝，非常清爽，沉底的椰果比较甜，如果价格是40就很杏福超过60可以集小玩偶，想起了林里柠檬茶xs

屋企附近剛新開咗間阿杏飯團🍙分店，之前喺旺角分店食過佢哋嘅飯團，到依家都諗諗不忘，依家lee間分店仲可以堂食添，坐位寬敞舒適，今次就嚟試下個拌飯同便當，全部都係即叫即做，啲飯係用珍珠米，咬落煙煙韌韌，好有口感韓式牛扒拌飯 配料有牛扒、冬菇、生菜、紅蘿蔔絲、仲有泡菜，將飯同配料全部撈勻一齊食，帶有泡菜嘅微辣，好味道😋奈良雞扒飯團便當飽滿大件嘅飯團，餡料有火腿、雞蛋、沙律醬、仲有大大件雞扒，阿仔食到舔舔脷🍹葡萄冰檸茶🍹葡萄芋圓凍凍

阿杏飯團 🍙喺將軍澳都開咗分店，今日經過買咗兩個拌飯套餐返屋企做午餐🤭阿杏拌飯有4款選擇，價錢由$45-58不等，仲可以加杯飲品叫套餐ღ 韓式雞扒拌飯 $68 ｜鴨屎香檸茶拌飯用上珍珠米，雞扒軟嫩帶肉汁，搭配雞蛋、粟米🌽翠玉瓜同蘿蔔絲等相當豐富鴨屎香檸茶清爽解渴，配上檸檬味道更加清新ღ 韓式牛扒拌飯 $78 ｜芝芝火火同樣用上珍珠米，牛扒大件食落唔嚡口，加上多款配菜，好惹味！芝芝火火賣相吸引，鮮艷嘅紫紅色，芝士奶蓋香滑，酸甜適中，口感綿密細膩

記得之前阿杏飯團仲未有分店嗰陣突登去到灣仔食佢～依家屋企附近新開咗！之後想食飯團都好方便☺️🌟奈良黑椒雞扒飯 $39‼️好鍾意佢嘅飯團係用紫米，感覺上更加健康！而且叫雞扒呢款佢唔淨只得雞扒，入面仲有啲生菜，脆肉鬆，同香口嘅脆脆，仲會有啲醬汁，食落唔會口乾！層次仲好豐富添～🌟韓式豬扒拌飯$48‼️除咗飯團估唔到都有拌飯食！仲要係我最愛嘅韓式拌飯！有紅蘿蔔、泡菜、豬扒、蘑菇、粟米同煎蛋，撈勻嚟食真係一流🤤🤤🌟芝芝火火 $33‼️面頭係奶蓋，都做得好滑～配合火龍果一齊飲唔會太甜都好夾！🌟鴨屎香檸茶 $36‼️而家周街都係檸檬茶，見到都好想試吓～又真係幾好飲，加上我叫無糖，夠晒酸又過癮😙

😍😍😍 阿杏飯團原來在將軍澳新都城新開了一間分店🤪🤪今天跟媽媽逛新都城的時候看見的🤭將軍澳的人有福了🤣🤣我最喜歡吃這店的飯團💕🍙這店可以在店享用食物，而且有一個美美的櫻花打卡位🌸媽媽看到十分高興🤭🌀奈良雞肉海苔卷今次特意試了這海苔卷 因方便跟媽分享吃🫢雞肉挺滑 配上表面的沙律醬亦挺相襯🌀韓式雞扒拌飯雞扒入味，配料很多，有粟米粒，蘿蔔絲等等，口感十分豐富。而韓國風味醬料酸酸辣辣，很開胃。🌀飲品-芝芝火火（火龍果）-芝芝西瓜兩杯飲品到加了我愛的芝士奶蓋🥰兩杯都試過味道後，我選擇了芝芝西瓜，芝芝火火味道較甜，芝芝西瓜汁比較清甜

阿杏飯團終於進攻將軍澳區～呢間阿杏飯團有好多分店，佢嘅飯團係即叫即整，相當出名，今個月初佢哋終於喺將軍澳區開分店啦。今日中午經過見到人龍冇咁多，即刻叫個外賣返去試一試新分店有冇keep住個水準先。平時我都係叫開飯糰，今次想選擇下其他我叫咗兩個韓式拌飯韓式雞扒拌飯$48厚切雞扒好Juicy配上珍珠米口感十足韓式豬扒拌飯$48厚切豬扒大大塊，好入味好淋身配菜有粟米，紅蘿蔔絲，翠玉瓜，煎蛋，10分豐富鴨屎香檸檬茶$36今次試咗個呢排爆紅嘅鴨屎香手打檸檬茶茶味香濃，飲落有檸檬嘅果肉，10分清新葡萄冰檸檬茶$30葡萄配上檸檬茶味道好夾阿杏飯團 (新都城中心二期) (將軍澳)將軍澳欣景路8號新都城中心二期L1樓1126號舖

新都城近寶林村新開間飯團店人氣因為都幾多人幫襯都新開張好多promotion，吸引好多人幫襯 飯團即叫即做，所以都要等一下有外賣有堂食都有好多特別茶飲今次叫左兩個飯團，飲品奈良雞肉海苔卷上面有麻辣醬雞肉份量多配呢個麻辣醬好惹味，而且唔算好辣同個飯卷好match奈良雞扒飯團便當份量超多，而且飯團便當有生菜沙律一個夠哂一個晚餐個飯團便當中間夾住好大塊雞扒仲有火腿，超滿足芝芝火火係火龍果加芝士奶蓋好似邪惡得黎幾健康芝芝西瓜好fresh送飯一流

今日經過新都城見到開咗間阿杏飯團，見到飯團份量和選擇都多，好似好健康，今日天氣凍凍地好想食個熱辣辣飯團，一於試吓☺️🍙 奈良雞肉海苔卷海苔卷好似壽司咁，份量好多，雞肉幾滑，配埋海苔卷面頭嘅醬辣辣地，好惹味同開胃🍙 奈良雞扒飯團便當飯團便當份量好多，飯團嘅材料豐富，有生菜，沙律醬，雞肉等等，旁邊亦配有沙律菜，感覺好健康🥤芝芝火火好清甜嘅火龍果味，配合埋面頭嘅芝士奶蓋，好清新嘅配搭🥤芝芝西瓜好清甜，西瓜味濃，估唔到配埋芝士奶蓋係咁夾

記得呢間台式飯團好出名以前淨系荃灣同上環有分店而家越開越多間 最近喺寶琳都開咗😳‼️未食過嘅史努比就衝咗去試 睇下到底系咪真系咁好食🤪.去到嘅時候先知原來寶琳呢間新分店冇史努比想食嘅鰻魚🥲冇計啦唯有試其他我哋嗌咗最人氣嘅牛肉另外仲有芝士雞扒~👍🏿新宿汁燒牛扒飯團 $40用嘅系紫米 食落好似粢飯咁 口感軟糯又帶少少煙韌😆意想不到地好食😚本身覺得40蚊一個飯團好貴點知原來佢咁足料😳飯團包住滿滿嘅餡料牛肉大大舊醃得好惹味辣辣地咁🥵好醒胃不過對史努比嚟講稍為辣咗啲最估唔到嘅系有油炸鬼 而且keep到少少脆身😚配搭肉鬆同埋椰菜絲令飯團食落清爽唔膩加咗類似mayonnaise 嘅sauce 所以即使系糯米都唔會乾鯁鯁整體味道好豐富 好有層次感👍🏿睇佢個樣平平無奇估唔到有啲驚喜🫣味道: 8.5/10性價比: 8/10👍🏿芝士雞扒飯團 $48呢個因為要令芝士半溶所以個飯團特別熱熱到辣手😳😳打開竟然有意想不到嘅拉絲效果😆最外圍包咗一層火腿然後就系同頭先牛肉飯團一樣有好似油炸鬼咁嘅脆脆雞肉幾嫩 但略嫌佢細舊咗少少🤏🏿另外落咗大量肉鬆配搭超多拉絲芝士甜甜鹹鹹咁好好食🤤味道: 8/10性價比: 7.5/10👍🏿

阿杏飯團出晒名足料兼好食，今次經過新都城，發現開咗間新店，仲有提過唔少座位，除咗外賣之餘，仲有堂食嘅選擇。除咗飯團之外，仲有飯卷同拌飯選擇。以前都試過佢嘅飯團，所以今次特別揀咗飯卷同拌飯各一。奈良雞肉海苔卷（$39）- 一份有六件，面頭加咗醬料，賣相吸引。入面有奈良雞肉、肉鬆、海苔等，味道好夾。韓式豬扒拌飯（$48）- 除咗豬扒同雞蛋，仲有唔少配菜，包括紅蘿蔔絲、粟米、翠玉瓜等。加埋韓式嘅辣醬，帶少少辣，入口好惹味。飲品方面有台式奶茶、水果茶同最近大熱嘅檸檬茶，選擇多元化。芝芝西瓜（$33）- 西瓜味道清甜，配埋芝士奶蓋，味道好正。葡萄冰檸茶（$30）- 葡萄加上近期人氣嘅檸檬茶，味道酸酸甜甜，清新解渴。