阿叔泰麵 (積信街)

營業中

休息中

阿叔泰麵呢間舖係corner 位，好光猛，裝修又好特別，我地俾佢清新既感覺吸引左就試一試呢晚都幾多人，安排左坐窗邊bar 枱，估唔到就幾好座，唔會好迫牛肉船麵 $72牛骨湯底好甜好濃，配左金邊粉，索晒湯既精華。牛腩夠惗，特色係有啲炸豬皮，浸左係湯好香脆好味小食拼盆$148想試下唔同小食，所以叫左個platter 香茅雞翼最出色，香茅好入味，雞翼外脆內軟。另外雞棗都好少試，好味。拼盆既炸豬皮唔會好油膩，配埋個餐廳自己溝嘅醬，酸酸辣辣，好開胃！香茅斑蘭特飲$30香茅同斑蘭味都算濃，食完少少辣既野，都幾match熱青檸蜜$18估唔到青檸味又幾突出，有消滯嘅作用整體餐廳格調幾舒服，飲品有驚喜

位於大圍地鋪嘅呢一間泰國菜位置唔算非常起眼不過平日夜晚都滿哂人😳最想叫嘅芒果蟹肉炒飯已經賣晒🥲.🔥泰式椰子雞湯麵 $68有蘑菇足料嘅雞肉湯底滿滿椰子香味非常濃郁好好飲，有少少鹹味😇雞肉尚算幼嫩 但味道淡身一點要配合湯一齊食🔥.🔥飛天炒通菜 $62鹹香味十足 鑊氣一流😆😆絕對唔會覺得清淡😙仲有少少微辣🌶️.🔥香茅魚露雞翼 $58雞翼煎得香脆可口香茅味道濃郁 肉質非常幼嫩🔥.🔥冬陰功湯 $88冬陰功湯酸酸辣辣非常開胃！我哋另外點配了一碗白飯進食冬陰功湯 非常足料有蝦 青口 蜆 蘑菇等等成大碗飲唔晒🤣🤣

週三晚上約7點，嗌咗個廚師推介 - 豬肉船麵，配金邊粉落完單5分鐘內上菜我已經心知不妙，一睇啲豬肉乾成咁，可能係我錯覺，一食落去嗰下差啲想LUR出黎，真係好乾，又鞋。個粉幾好食，個湯幾好飲都彌補唔到佢啲豬肉咁乾，但係佢個粉同個湯都已經唔係話好食，係正常發揮。絕對冇下次。

話說餐廳門口設計已經充滿泰國地道大排檔嘅設計，鮮明既橙色都充滿街邊風味～而且價錢同樣地道，食落嘅味道都有幾貼近泰國風味-//冬蔭功湯冬蔭功湯底幾濃郁，香料味好出，酸度啱啱好 海鮮份量都幾足，有大大隻青口、蝦、同魷魚等，而且辣度剛好的//蛋炒咖哩蟹肉黃咖哩加上蟹肉，質地就偏傑身~ 辣度就好微下。配埋即烘好烤餅一齊食，係好幾夾 //飛天通菜上枱就聽聞到好香嘅咸香味，食落有啲咸，偏重口味左少少，但值得一讚嘅喺鑊氣超夠//炸魚餅

話說今日啱啱返完大陸，經過大圍睇吓有咩食，見到有閰船麵，以為好好食，入到去，點咗船麵，碗嘢係凍，湯又淡，豬肉有鞋，粒丸仲未熟，杯檸檬茶仲要冇檸檬，仲要唔甜，仲要俾人串，建議大家千祈唔好來食，難食難食，而家foodie 好大威力，求其介紹埋啲垃圾

係大圍想食船麵，第一時間就諗起呢到店內走休閒風格，牆上面有好多大型嘅畫，幾有特色，很有泰國風燒豬頸肉大大碟，豬頸肉燒得剛剛好，肉質非常爽口，再配合泰式醬汁，一啲都唔會油膩牛肉船麵牛骨湯味好香濃，混合左唔少泰式香料層次感豐富，牛肉炆得入味又夠軟淋仲有牛丸、炸豬皮、通菜，非常出色鐘意的話可以加埋佢地個四大調味，辣椒粉，魚露，白醋，白糖朋友點個豬手飯炆得軟腍，幾乎入口即溶骨膠原滿滿，配埋甜酸菜一齊食可以減油膩荔枝玫瑰特飲每次黎我都會叫，夠哂fresh好解渴

去過泰國但冇食過船麵嘅我最近聽朋友介紹阿叔泰麵佢話呢度嘅船麵可以搵到泰國嘅風味！🔸牛肉船麵 HKD72以牛骨湯作為湯底 湯底重牛味之餘亦帶點甜味牛腩經過炆煮依然腍滑 🐄牛丸比較細丸但都好爽彈🐄面頭仲放咗我最中意嘅泰式炸豬皮😎另外枱上放置4款調味醬汁個人認為加魚露可以有提鮮嘅作用😙🔹泰式椰子雞湯金邊粉HKD68中式椰子雞湯就飲得多出於好奇底下就想吓泰式椰子雞湯係點呢💁🏻‍♀️湯底椰香味偏濃 🥥飲落好順滑相信都用咗唔少時間熬製雞髀肉嫩滑 再配上大量雜菌 金邊粉份量都好多 完全食唔晒！🔸阿萊燒豬頸肉 HKD68目測豬頸肉有2-3cm闊 比起坊間一絲絲嘅豬頸肉 呢個價錢同份量性價比高！🤩每一塊都燒至微焦 有油香食落不但香口 仲好juicy!豬頸肉偏彈牙 係我中意嘅質感🐷值得推薦👍🏻🔹泰式奶茶 HKD28呢度嘅泰奶茶底偏濃唔算超級甜 絕對符合返香港人嘅口味👍🏻🔸凍蜂蜜菊花露 HKD24蜂蜜菊花飲落清甜解膩🌼🚩阿叔泰麵 大圍積信街31-51號安信樓地下Q號舖

早幾日響大圍經過呢間阿叔泰麵，比佢門面吸引咗！因為所有裝飾都好有特色，特別係門口個窗同拉閘好有feel！入到去座無虛席，我同老公一人嗌左一碗船麵。豬肉船麵有肉片+豬肉丸；牛肉船麵就有牛腩+牛丸，另外每碗都有超脆炸豬皮，絕對係畫龍點睛。無論乜嘢湯麵都好，湯係靈魂嘅所在，所以上菜之後第一時間就飲咗啖湯先，非常之濃郁，可以講係香而不膩。另外店家都有建議我哋加調味料，有辣椒粉、魚露、白糖同白醋，非常有地道風味。另外我哋仲叫咗個阿萊燒豬頸肉，香脆可口，油脂四溢，點埋個魚露非常解膩，可以話係停唔到口。最後仲叫咗個芒果糯米飯，有啲驚喜，因為成個飯嘅軟硬程度溫度同埋味道都好啱我嘅口味。如果唔係太飽嘅話我都想嗌多一份。

幾年前食過元朗阿叔泰麵, 原來大圍都有, 放工近近地去食下先🔹阿叔船麵牛肉阿叔船麵, 揀左米粉金, 一黎試啖湯頭, 好濃郁呀😛 原來係用左12個鐘牛骨熬成湯底, 米粉完美索哂湯汁和調味料, 牛肉有咬口重牛味配埋蔥花、香菜、花生碎、蒜泥、炸豬皮等, 口感豐富, 再落埋枱面嘅調味料：魚露、辣椒粉更加滋味😋🔹炸魚餅份量都唔少, 外層炸至金黃酥脆, 內裡肉質結實, 鮮嫩多汁, 充滿魚香鮮味, 又不會太過油膩, 配埋秘製調味醬, 提升炸魚餅的風味👍🔹芒果糯米飯可以話係去泰國必食comfort food之一, 充滿期待🥰糯米飯蒸熟後呈現柔軟而有彈性的質地, 口感綿軟Q彈, 帶有椰漿微微嘅黏性, 芒果夠新鮮, 清爽多汁, 切成塊狀配合糯米飯一齊食, 口感極豐富🤤😋🥤荔枝玫瑰特飲荔枝嘅甜香和玫瑰花嘅芳香, 口感清新柔滑, 滋味鮮甜, 仲有兩粒大大粒又甜又多汁嘅荔枝肉, 食泰國野必飲, 夠哂fresh☺️🥤泰式奶茶比例岩岩好, 不會過份甜👍

今晚又約左人去大圍搵好野食，係呢條小巷中見到呢間小店，好多人食，就同朋友試下，食完出黎仲有唔少人等位。冬陰公湯金邊粉$68湯底夠濃味，偏酸少少辣，有好多豆卜、魷魚同鮮蝦，金邊粉煮得岩岩好，索哂湯汁好開胃，食到停唔到口。炭燒豬頸肉飯$68豬頸肉多到數唔哂，仲要塊塊都大大片，厚薄切得岩岩好，肥瘦均勻，燒得外脆內軟，爽口而不油膩，點埋泰式酸辣汁，一塊接一塊咁食。炸魚餅$58一共有8塊超抵食，上到枱仲熱辣辣，香噴噴，爽口彈牙，配埋獨特薄荷醬汁，又有唔同風味。芒果糯米飯$60糯米飯熱辣辣，有成2層咁多，椰汁味濃，口感軟糯，甜而不膩，芒果夠冰凍，唔會酸，一解熱氣。📌阿叔泰麵地址：大圍積信街31-51號安信樓地下Q號鋪評語食物性價比高店員友善好客🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #ho

呢間小店的大廚就特登去到泰國布吉拜師學藝，學識地道的家庭式船麵湯底，用上30斤牛骨加入藥材熬足12小時，絕無味精。湯頭牛肉味非常濃厚，兼且帶藥材香，飲曬都唔會口渴，的確同出面唔同。另外我食呢碗牛肉船麵啲牛腩好淋，但仍然有肉嘅彈性。配爽彈嘅金邊粉真係無得彈。佢哋嘅泰式奶茶都非常之唔錯，唔會好甜，而且茶味清香。小食嗌咗個雞棗，居然仲好食過蝦棗。甜品叫咗芒果糯米飯，啲糯米飯椰香味十足，就咁食已經好足夠。

小店裝修有心思，充滿泰國風味，店舖唔大但係都幾多座位，我哋1pm嚟到都唔使等位全部湯麵都可以揀金邊粉/米粉/粉絲，轉全蛋麵或者河粉就要另加錢冬陰功湯麵 ($68)揀咗金邊粉 極多粉🤣 真係有兩碗嘅份量 有兩隻鮮蝦，如果剝埋殼就更加好有三舊魷魚，幾煙靭唔會食唔到湯底夠濃夠辣👍🏻 見到啲香葉都知落足料煮個湯馳名楊叔叔豬手飯 ($68)正常份量，切到每件都好大嚿啖啖肉🤤 又入味，配埋啲醬汁撈飯一流！牛肉船麵 ($72)好腍又入味嘅牛腩，加幾粒牛丸同埋炸豬皮湯底唔錯 夠濃郁 唔會太鹹又係極多粉🤣 午市套餐仲包凍泰式檸檬茶/凍蜂蜜菊花露/熱親檸蜜，其他特飲就要加錢嘢飲都好大杯👍🏻 鍾意佢檸檬茶可以走甜，茶底仍然濃，陣陣檸檬味幾好飲凍蜂蜜菊花露清爽解渴唔會太甜—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: if in the area💳 𝗉𝗋𝗂𝖼𝖾 $70-90 𝗉𝗉 🌟 𝗈𝗏𝖾𝗋𝖺𝗅𝗅 7/10📍 阿叔泰麵大圍積信街31-51號安信樓地下Q號舖

見咁多正評就試吓，叫左個牛肉船麵（$72），青檸梳打（$26）。船麵份量細到呢，個湯既味雖然係正常，但唔突出，有3粒細細粒既丸，普通到不能再普通。仲有2、3舊牛肉，算叫做正常size，但係唔叫得上好食，柴柴地咁，個麵真係幾啖食晒。配多幾條芽菜、金不換咁青檸梳打可能我唔識揀，見到個待應開左阿布泰有得賣果隻幾蚊象水，+2舊青檸同冰底上得，味道咁有氣水+青檸。收埋+1，收$108。呢個價好似食左陣風，出去食過譚仔好過。

今日放左工之後，同屋企人去左大圍食晚飯🤣經過見到間裝修得幾靚既泰國餐廳 - 阿叔泰麵，餐廳入面仲有bar 枱，感覺好chill，所以我地就揀左食依間😋✨青咖哩雞 $78 （+ 白飯 $10 & 烤餅 $15）好好味既青咖喱！青咖喱汁入面有好重既椰味同埋咖喱香料，唔會覺得辣，會嚟配飯簡直一流😜。分量都好足，有5-6嚿雞，啲雞好軟滑，再加上一啲泰式茄子，不知不覺我地就食完配飯😈我地就再加左烤餅，送上嚟仲熱辣辣同脆卡卡既，配埋個青咖喱汁，食到好滿足👍🏼✨冬陰功湯麵 $68一大碗既冬陰功湯麵，麵方面我哋就叫咗金邊粉，配料方面份量都好足，有魷魚、同蝦、同埋好多舊豆卜。冬陰功湯味道好唔錯，酸酸辣辣，又好易入口，配金邊粉係一個好唔錯嘅配搭。😋✨聖芭東酸辣鳳爪 $58次次去親泰國餐廳就會好想食鳳爪，依度嘅鳳爪調味調得啱啱好，好夠味，完全滿足到我想食酸辣鳳爪嘅願望，仲要都有好多件🤣🤣✨荔枝梳打 & 青檸梳打 $各26嘢飲方面，我哋一人一杯梳打，荔枝梳打入面有少量荔枝粒，荔枝粒好鮮甜，整體都唔錯。青檸梳打用嚟解膩一流！店員態度好好，可能睇得出我哋係諗住share，會主動比碗我地，有興趣食泰國菜嘅朋友，可以

今日放工同細妹一齊去大圍食晚餐，星期二8:00左右到達，唔使等位，可以直入餐廳✌🏽鋪頭唔大，但都算坐得舒服。店員見我有好多嘢拎住都主動拎個籃俾我放嘢👍🏻👍🏻📌聖巴東酸辣鳳爪 $58做前菜超級開胃，又夠香又夠辣，份量都多，下次黎會再叫！！📌青咖喱雞 $78+白飯$10+烤餅$15個咖喱好香椰奶味同香茅味，唔算辣，送飯一流🍚個雞就好淋，都有8舊左右，仲有小小配菜，份量足。📌冬陰功湯麵 （金邊粉） $68個擺盤用蝦切咗個心形❤️個湯底都係偏重椰香味，酸辣味就唔係咁出。魷魚同個蝦都彈牙，整體都OK。📌青檸梳打及荔枝梳打 $26/26飲品就普普通通，啊妹杯荔枝梳打第一次嚟嘅時候冇比到荔枝😂😂同職員講咗就補加返🫢