阿元菜市場 (科士街) (已結業)

今日係西環做完野收工已經7點幾，又搵下有咩小店食。🤪用附近搜尋功能搵到間叫「阿元菜市場」，個名就好特別，原來係台式打邊爐😝本來睇到係打邊爐都無咩興趣，因為呢排開始凍，所以成日打邊爐打到悶，點知原來呢間係主打有個任食菜區，咁又好似幾健康💋我叫左個海鮮總匯（包括：主鍋+湯底+任食菜+冬粉）湯底：十全藥膳湯❤️ 湯底好濃夠晒味 海鮮總匯（有海蝦+魚+好大隻蜆+蠔仔 ）（豬梅片）新鮮+份量夠晒+豬肉好滑又 切得夠薄身）任食菜（超多種類嘅菜同埋菇，有啲係台灣種類，例如：水蓮... 菜真係好新鮮而且好甜，同平時食既大陸菜唔同，另外除左菜仲有少少魚板...) 我哋仲加咗個鹽酥雞，味道同阿元來了一樣，粉夠薄，雞好滑👍🏻👍🏻雖然地方係西環，平時比較少黎，但真係好正既火鍋，而且好健康，下次都要再嚟食

見到阿元來了開左火鍋分店，之前阿元來了我都已經好中意食，所以佢開火鍋店我都即刻黎試現炒石頭火鍋 沙朗牛肉 跟餐冬粉佢係現場幫你炒到個牛肉半山熟之後再俾你我嚟打邊爐嘅而去差嘅時候就出咗去攞蔬菜蔬菜嘅種類都幾多我就唔執輸咁每樣都攞咗啲之後番到黎就炒好左比我lu，我覺得佢炒得好香，配埋個湯底個味都已經夠哂，連豉油都唔使點黑豚豬肉 勁爆麻辣湯 跟餐冬粉喱個就我朋友叫既，佢覺得個麻辣吾算好辣，可以再辣d麻吉燒我第一次食見到個包裝覺得都幾特別原本仲以為係糯米糍好彩店員提我地要擺落去先食得我覺得有啲似湯圓一個花生味一個芝麻味塩酥雞同阿元來了嘅鹽酥雞一樣好好味！有水準冬瓜茶 冬瓜檸檬兩杯都幾好飲 因為怕濟 所以冇加到珍珠 我比較鍾意冬瓜檸檬🍋整體覺得都吾錯，原本仲覺得d肉既份量有d少，但因為可以去攞埋d菜，最後竟然係食淨左d肉唯一美中不足係加湯之後覺得愈來愈咸Menu :

阿元來了大家就食得多啦，其實我自己就真係唔太鐘意食🙈返而呢間都係屬於阿元新開嘅火鍋店 - 阿元菜市場我就幾欣賞，一個星期我嚟咗兩次😝😝呢間舖頭嘅設計一貫阿元嘅風格，夠哂地度又平民。叫得做菜市場就梗係要有菜攤嘅setting啦，佢依一個自助蔬菜bar（有少量丸類）係任攞嘅，唔好浪費食得幾多攞幾多，佢哋會keep住refill所以唔洗驚會比人夾哂😝呢度有嘅菜全部都好新鮮，唔似係街市買返嚟咁簡單，應該係自己有貨源取貨。菜嘅種類繁多，而且有部分嘅係台灣獨有嘅菜，香港本地係唔會搵到，真係夠哂特別。我自己就最鐘情蕃薯苗，大家可以試下。😜因為啲菜太新鮮，所其實灼一灼己經可以食👍🏻講返個漫底，有四款選擇，我哋揀咗十全藥膳湯同埋鮮味墨魚湯（要另加$10）。講真要另外加錢嘅墨魚湯有啲失望，平平無其。相反唔洗額外加錢嘅藥膳湯就幾好，有成個藥材包比你喺個鍋度慢慢熬，藥膳味非常濃郁，又香，無論係肉類、菜、其他火鍋配料同個湯都好夾！😍至於肉類係無得任叫嘅，我哋就揀咗兩款 - 美國頂級牛小排、特選安格斯牛肉🐮 肉嘅份量剛好，大概每碟有十片，大細適中，肉質同紋理眼見都係有質素嘅👍🏻👍🏻最後我地再加咗一份老油條，油條索

星期日放假想打邊爐，馬上諗起亞元菜市場，因為第一次去是屋企人介紹，真的不錯，今次同老公再去，服務和食物質素一樣咁好，我地點了麻辣湯底和養生蔬菜湯，初一定吃素和西班牙豬肉，飲品點了冬瓜檸檬 和茉莉綠茶，是一位小丸子頭 戴眼鏡的後生女和我地點餐，真值得一讚，她笑容親切又細心，因為當我點菜時問我是否食素，可以選擇全素的配料給我，其他職員服務都非常好，好細心，菜市場好多菜選擇，而且新鮮和好乾淨,有位專員和洗菜和補給的！好多菜和菇都美味，只是娃娃菜有小小苦，其他都好清甜。

西環，寧靜慢活的一角。被阿元菜市場店內特色的裝潢吸引，懷舊風味十足。店內地方清潔，環境寬敞，相比其他火鍋店，絕對優勝。店員態度有禮，讓人感覺舒服。二人叫了兩份主鍋套餐，再加配兩份火鍋料和兩杯飲料。套餐包括自助菜籃，這是令我非常喜歡的地方。蔬菜款式至少有二十五款，在蔬菜牌上更列明各款蔬菜的功效，非常用心和細心。蔬菜新鮮，清新，絕不是「倉底貨」。主鍋叫了石頭火鍋（豬骨湯）和勁爆麻辣湯。石頭火鍋的沙朗牛肉 - 店員會在你面前先將洋蔥、蝦米炒香，然後加上牛肉炒至半熟，令牛肉充滿香味。豬骨湯 - 味道甜甜，有一點點像紫菜湯。勁爆麻辣湯 - 濃烈的麻辣香，吃下去不會太麻，適合愛辣不麻的人。若然是無辣不歡，必須試試「阿元辣椒醬」！充滿海鮮味，後勁凌厲的辣度，讓人停不了一口接一口。最後，我和朋友捧著肚子離開，然後坐上叮叮欣賞我們所愛的香港。阿元菜市場，充滿風味，抵食的火鍋。

之前都食過阿元來了 知道佢開左阿元菜市場打邊爐 收工就即刻趕過嚟西環食 天氣涼涼地打邊爐就啱晒☺️一入到去好似真係去咗台灣嘅夜市咁呀 好想去台灣啊😭😭😭蔬菜corner 好似真係去街市買餸咁 有勁多款唔同嘅蔬菜 每樣蔬菜都寫咗佢嘅功效 同埋啲菜都洗得好乾淨 完全冇沙佢係一人一鍋咁打邊爐 我就叫咗沙茶牛肉石頭鍋 侍應會喺你面前炒一炒啲牛肉 然後再加湯打邊爐你睇吓佢手勢幾純熟 就知道絕大部份客人都係叫呢個石頭鍋啦 哈哈😄一人一碟肉 蔬菜就任拎 好豐富呀🤩🤩有多種湯底同埋肉選擇 價錢適中兩個人喺西環食咗咁多嘢都唔使$500 ✌🏻

我係阿元來了的fans， 知道佢哋開咗火鍋店就即刻來試試！book臺時，侍應就講解可以一人一鍋，或者share 一鍋！我哋就決定一齊share開心d！湯就揀咗經爆麻辣同埋十全藥膳湯，兩個湯都好好味！我最鐘意呢度係佢哋有任食蔬菜，仲有我至愛嘅水蓮！4人埋單total$1200！ 好食、低食！

同朋友黎堅尼地城飲咖啡，經過阿元菜市場，見到裝修好特別，就入去食台式火鍋，裏面卡位座做到好似一檔檔小攤子，還掛了些香蕉，豬肉模型，非常逼真我地就選左西班牙豬肉$159(豬肉有少許肥膏，但食落爽口，唔會油膩)及安格斯牛肉$179(牛肉肥瘦適中，好有牛肉味)套餐，湯底要了養生蔬菜湯(飲到係用西蘭花制成，清甜，唔熱氣)，勁爆麻辣湯加$15(辣得過癮)，會有冬粉/飯配送，一定夠飽蔬菜加火鍋配料(真係同店舖名一樣，像一個小型菜市場，菜好新鮮，鮮嫩，綠油油的，出面任何一間火鍋店都沒有咁多種類，推介喜歡食菜的朋友一定要黎食啊)

覓食去到堅尼地城, 食正宗台式涮涮鍋「阿元涮涮鍋」♨️♨️♨️一行到入去, 裝修好有台菜市場feel❗️一人一鍋涮涮鍋, 自己揀返自己鐘意食嘅湯底😊-✌🏻個人叫左佢2️⃣個主鍋套餐~~主鍋套餐包一款主鍋➕湯底➕自助菜➕ 副食-🐷招牌現炒石頭火鍋 (梅花豬肉)店員會即場將梅花豬肉炒至半熟, 之後拎返豬肉出黎, 個鍋加入豬骨湯底🍲等個湯底滾起就涮豬肉🥢 炒過嘅豬肉更香口😋-🐮特選安格斯牛肉我揀左麻辣鍋配牛肉, 湯底愈滾愈麻辣, 好過癮!!牛肉份量好足, 入口好香牛味, 肥瘦適中👍🏻-自助區有菜類🥬菇類🍄丸類⚪️我自己打邊爐最鐘意食菜, 依度岩晒我🤩菜類選擇勁多, 又新鮮🤗我仲加左一份生鴨血同鮮蚵, 大滿足🤤-副食部份有得揀白飯/冬粉, 亦可以升級烏冬/魯肉飯🙆🏻‍♀️我就揀左冬粉配麻辣湯, 等佢吸下麻辣香, 食落好爽口~~烏冬就配豬骨湯, 烏冬好滑口好彈牙‼️-

超喜歡吃台式火鍋，第一次看見有一人台式火鍋店，當然要來試試。不會太甜，珍珠很Q彈，但奶茶味不算太香濃。辣度剛剛好，偏鹹一點所以比較重口味的人會很合適喔～非常好吃，鴨肉味很濃，一點也不會老，口感非常好，而且肥瘦的比例剛剛好，一點也不會感到油膩，和麻辣鍋超配的。剛剛炸出來的所以熱騰騰非常好吃，非常香脆，炸得很邊所以一點也不會油膩，微微甜甜的很彈牙，放在火鍋裏再一起吃掉非常爽。可以選擇滷肉飯囉，但要加$10，我已經非常飽了所以冬粉就可以了。爽口的喔～吸滿湯汁非常棒～

有日因為工作源故就要去西環嗰面，但我本身都少出港島，仲要係堅尼地城，所以就一定要搵今次機會去食下特別的餐廳。搵餐廳途中竟然比我望到一個好熟悉的舖頭名，都係食同一樣地方的食物，但竟然變咗打邊勞，見咁得意就入咗今日要介紹的餐廳---阿元菜市場。店舖地點十分方便，係堅尼地城地鐡站只係大約行2分鐘都唔洗就到。而如果要等位都唔緊要，係附近有其他店舖比你行，無論未食定食飽都可以行下。入到入面，我就比佢地的裝修吸引，雖然都係阿元嗰種舊台式風格，但又多咗街市的感覺。今次我地叫咗個現炒牛肉石頭火鍋，同一個普通的牛肉火鍋。現炒石頭火鍋都好特別，佢會有專人幫你輕輕炒咗下先，之後就放豬骨湯去打邊勞。牛肉十分足料，而每人都有一個蔬菜籃可以去餐廳入面蔬菜區攞自己想要的。蔬菜種類充足同新鮮，亦有少量丸類提供。重點係個價錢都唔貴，兩個人都係500幾，有咁質素超值啦！

西環出名小店新開張嘅台式打邊爐，點菜形式比較特別，肉類逐碟叫，但蔬菜同某d丸類任食，可以揀一人一鍋，又可以一大鍋share。我地揀咗一大鍋share，每人最低消費$200。墨魚湯底無乜特別，麻辣湯底唔錯，有台灣嘅感覺，唔會好似川式麻辣火鍋咁油，有少少藥材味，基本上淥咩都唔使點醬。配料方面，佢有好多台式配料，係香港比較少有，例如甜不辣、米血糕、水耕菜等等，牛肉幾款都好食，高質牛肉，而且幾平，幾十蚊一碟，都有十幾二十片，算係咁，蔬菜任食得黎好新鮮。加埋台灣啤酒，覺得自己去左台灣。整體都唔錯，又抵食，每人真係$200左右，絕對會再去。

今日嚟到西環見到呢間勁多人，裝修好得意嘅餐廳。再睇真啲，原來係一間台灣火鍋店。由於佢嘅裝修實在係太有趣嘅關係，我哋就決定試吓佢嘅晚餐。首先講吓佢嘅裝修先啦，成間店嘅主題係台灣街市。首先有菜市場，同埋唔同嘅小店牌，入到嘅嘅感覺熟悉得來又好有新意。坐低落嚟之後，店員就好細心咁解釋佢嘅晚餐餐牌。主要每人都係要揀返一個火鍋套餐，有唔同嘅肉類。有牛肉，豬肉，雞肉，海鮮set，大蝦同埋櫻桃鴨添。選擇真係十分之多，就係牛肉都有好幾款唔通切位嘅肉，但係如果食咗嘅話，都有一個特別嘅素食打邊爐套餐。呢個位真係好細心，因為好多時候食打邊爐都好難就食素嘅朋友，而呢一間就正正fit到呢個demand 啦。下次一定會同悉數嘅朋友嚟。揀完肉之後，就可以揀湯底。呢度嘅湯底都10分特別，有藥材湯底，麻辣湯底，同埋墨魚汁湯底，如果食素嘅朋友就可以食佢個養生蔬菜鍋。我哋就想試吓佢嘅牛安格斯牛肉，同埋個去骨雞腿肉。見到咁特別嘅湯底，就梗係試吓佢嘅墨魚汁湯底同埋藥膳湯底啦。當等緊湯底同埋個餐嚟嘅時候，每人每個set都會有一個竹籃，出去攞蔬菜任食。講到佢嘅蔬菜，就不得不讚佢係有工作人員喺隔離即場見到邊啲菜唔夠就即刻係你面前洗。乾

今日happy friday🥳又係同男朋友去岸釣的日子,之前聽朋友介紹過西環有間性價比高嘅打邊爐🍲鋪,於是我上星期已打去book位食😎門面大大隻字,一望就見到,好彩醒目有book位,出面都幾多人等下𥚃面裝修都幾有特色坐底就嗌嘢食嚕,d套餐都幾抵,菜仲要係可以仼拎,都係129起標,我見左右隔離都嗌咗現炒石頭火鍋🍲,個menu又寫係招牌嘢,所以我嗌黎試下,男朋友就揀左美國牛小排🐂配蔬菜🥬湯底,叫做咩都試下咁落左單就去拎菜食嚕,lee個小角落裝修好似美化左嘅街市,有d似細個同阿爸阿媽玩角色扮演中嘅菜市場,好有童真🙈唔同其他嘅火鍋鋪,lee到有好多種類嘅菜揀,平時係其他火鍋鋪比較貴嘅皇帝菜亦都可以仼食,又有紅莧菜lee d比較小見嘅菜🥦🥬牌上面仲寫哂嗰種菜🥬對身體有咩好,有d真係長知識😯不過有d菜本身就好長,剪短d會易夾d,但要加分係真係洗得好乾淨,又排得整整齊齊,食得好安心😌我完成嘅蔬菜🥬籃醬汁選擇都好多返到埋位,原來姐姐趁我出去拎菜嘅時候已經炒好碟牛肉,好好效率,我個煲嘅特別之處係炒左d牛肉半熟先放落去滾下佢,上面嗰碟牛🐂係男朋友嗌嘅牛小排,兩個牛肉都唔多肥膏,好新鮮,幾好食😋zoom i

阿元菜市場喺堅尼地城地鐵站出口對面街，我同朋友喺中環過嚟都好方便。我同朋友各人點左個現炒石頭火鍋，火鍋會包埋自助菜籃。石頭火鍋真係喺你面前即場炒，所以要讓個位畀阿姐炒，可以趁呢段時間去拎醬料，蔬菜同埋其他配料。蔬菜大概有十幾款可以揀，不愧為菜市場。美國頂級牛小排肉質唔錯，鍾意食牛嘅朋友應該都會幾滿意。魯肉飯肥美嘅豬肉加上香濃嘅醬汁，攞嚟送飯簡直係一流。鴨血鮮嫩爽滑，喺香港比較難食到。整體嚟講呢餐我哋幾滿意，雖然侍應一開始已經講咗用餐時間係90分鐘，不過我哋過咗鐘都冇畀人催趕，實在唔錯，呢間可以翻兜。