阿元菜市場 (科士街) (已結業)

西環出名小店新開張嘅台式打邊爐，點菜形式比較特別，肉類逐碟叫，但蔬菜同某d丸類任食，可以揀一人一鍋，又可以一大鍋share。我地揀咗一大鍋share，每人最低消費$200。墨魚湯底無乜特別，麻辣湯底唔錯，有台灣嘅感覺，唔會好似川式麻辣火鍋咁油，有少少藥材味，基本上淥咩都唔使點醬。配料方面，佢有好多台式配料，係香港比較少有，例如甜不辣、米血糕、水耕菜等等，牛肉幾款都好食，高質牛肉，而且幾平，幾十蚊一碟，都有十幾二十片，算係咁，蔬菜任食得黎好新鮮。加埋台灣啤酒，覺得自己去左台灣。整體都唔錯，又抵食，每人真係$200左右，絕對會再去。