阿元菜市場 (科士街) (已結業)

阿元菜市場喺堅尼地城地鐵站出口對面街，我同朋友喺中環過嚟都好方便。我同朋友各人點左個現炒石頭火鍋，火鍋會包埋自助菜籃。石頭火鍋真係喺你面前即場炒，所以要讓個位畀阿姐炒，可以趁呢段時間去拎醬料，蔬菜同埋其他配料。蔬菜大概有十幾款可以揀，不愧為菜市場。美國頂級牛小排肉質唔錯，鍾意食牛嘅朋友應該都會幾滿意。魯肉飯肥美嘅豬肉加上香濃嘅醬汁，攞嚟送飯簡直係一流。鴨血鮮嫩爽滑，喺香港比較難食到。整體嚟講呢餐我哋幾滿意，雖然侍應一開始已經講咗用餐時間係90分鐘，不過我哋過咗鐘都冇畀人催趕，實在唔錯，呢間可以翻兜。