阿三大牌檔

營業中

休息中

放假同朋友去大埔林村許願，回程過嚟太和呢邊搵食。朋友想食小菜，揀咗舊墟直街呢間「阿三大牌檔」。餐廳環境唔錯，雖然只係一派茶記格局，但勝在地方光猛闊落，所以都坐得挺舒服。餐廳主打懷舊粵菜，有晚飯小炒、時令海鮮、明爐燒味、雞煲火鍋、鐵板燒烤、滷水打冷等供應，選擇非常豐富。先嚟一碟燒汁野菌牛柳粒 ($88)，牛柳粒炒得好夠鑊氣，肉質軟腍鬆化，食落好 Juicy，野菌有 Chewy 口感，加上燒汁，香濃惹味。蜜糖柚子脆蝦球 ($108)  蝦球嘅賣相好吸引，超巨形，比乒乓波還要大，外皮炸得很香脆，粉漿又唔會過厚，蝦肉爽彈，鮮味十足。而且個廚師都幾有心思，巧妙地使用了蜂蜜和柚子入饌，入口甜甜酸酸，中和咗蝦球嘅油膩感，所以就算食多幾件都唔會覺得膩滯。另外呢客蜜餞鱔球 ($168)  亦係必食之選，鱔肉煙韌肥美，油亮富光澤，鱔皮燒得夠焦脆，保留住應有嘅彈性，加上蜜餞甜味恰到好處，不會蓋過其鮮，入口啖啖滋味。最後嚟個海皇粉絲雜菜煲 ($98)  作結，大大煲，熱辣辣，用料超豐富，除了大蝦、帶子和鮮魷之外，仲有勁量粉絲、西蘭花、唐生菜、菜心、白菜仔同菇菌等。大蝦爽甜飽滿、帶子肉厚味鮮、魷魚煙韌有咬口，配

同老闆撐檯角食團年飯，揀咗好多餐廳，最後都係去返我至愛的餐廳，食我老闆至愛的小炒。好耐冇見過老闆一路食一路猛咁話好正好正，薑蔥焗蠔大大煲好入味、兩隻細扇貝都唔細(大嘅賣哂)，仲有個啫啫豬潤雞煲超夠鑊氣，地方又好坐價錢又實惠，今晚餐飯實在食得好滿意啊。

肥C9覓食記《阿三大排檔》大埔舊墟直街呢一個鋪位對我來講相當有感情，由十幾年前嘅小肥牛去到之後嘅蒲頭島、鼎天茶座我都依然有捧場😎今次知道呢個舖位原來又換左新面貌，當然要去捧下場啦！依間阿三大排檔起初諗住普普通通食個晚飯，完全無諗過有驚喜🙈我叫左老公🐸最鐘意食既🐮🐮牛三寶（牛筋、牛肚、牛腩）、蜜餞鱔球、海皇粉絲雜菜煲。不得不讚賞每道菜都好有水準，牛三寶既湯底係奶白色，而家仲杰杰地咁，直情眼球都望到好多膠質咁呀😆😆最欣賞係牛筋忟得非常軟淋👍🏻另外蜜餞鱔球都係另一個令我地驚嘆既菜式，平時一般大排檔茶餐廳追求嘅都係備料上菜嘅速度，但呢個鱔球竟然係𠝹咗花既😱而正正因為𠝹咗花嘅關係，d鱔球係非常之入味👍🏻👍🏻好值得欣賞！同時亦都不得不讚嘆，唔好睇佢個名叫做大排檔，啲職員嘅服務係非常之好嘅呢點係我自己覺得真係好加分嘅地方👍🏻👍🏻

有日中午時間嚟食午餐，叫咗個咖喱牛根腩飯，咖喱汁層次豐富，濃郁，而口味偏甜，牛腩屬於有嚼頭嗰種；另外，白飯粒粒分明，有咬口，係近期食過嘅大排檔/茶餐廳少有嘅靚飯。可惜，好可惜，啲咖喱汁雖然幾香，但完全唔熱，基本上係常溫咁滯，實在大打折扣。嚟排檔食嘢，追求滾熱辣，希望店家能多注意食物溫度嘅重要性。

這一天，難得地來到曾經留下不少足印的大埔，就在這間名為大牌檔，實質上已搬入地舖繼續經營的「阿三大牌檔」吃了一頓簡單的晚餐。眾所周知，港式大牌檔的小菜晚飯以鑊氣澎湃取勝，價錢相宜，比一般的中菜館、茶餐廳便宜也是賣點。這間「阿三大牌檔」也不例外，環境雖然只是一般，侍應態度也非良好，但這晚所吃的幾款小菜，全部鑊氣十足，份量既多，味道亦過得去，性價比都算得上高。這晚與另一半吃的小菜，包括「川味奇味雞」（$88）、「西芹腰果牛柳粒」（$98）和「鹹魚蓉炒白菜仔」（$78），當中以味濃少辣的「川味奇味雞」最為惹味，份量不少的配角尖椒更得我喜歡。「西芹腰果牛柳粒」最有懷舊色彩，相比起都算軟腍入味的牛柳粒，爽脆的西芹和不常吃的腰果更得我的歡心。「鹹魚蓉炒白菜仔」份量奇多，雖然價錢好像有點偏貴，不過堆得高高，猶如一座小山似的白菜仔，在經過快炒和下了不少鹹魚蓉後，都幾滋味，跟「川味奇味雞」一樣，絕對是下飯的好選擇。在已搬入街舖的大牌檔吃飯，雖然一定沒有在街邊大牌檔吃那麼有風味，性價比可還是可以的。

話說老頂住喺附近嘅老人院，我哋定期都會過嚟探望下，跟住大夥兒就會喺附近食返餐當聚會。阿三大排檔 地方大，坐得舒服，菜式選擇又多，係唔錯的聚腳點。燒汁脆茄子 🍆 $78茄子炸得金黃香脆，加入燒汁令茄子味道更加豐富，醬汁濃杰加上茄子入口Creamy。 燒汁的甜味與脆茄子的鹹非常配合，調味一流。牛三寶 $168惹味煲仔牛三寶，啱晒凍冰冰嘅天氣嚟食，滾熱辣保持牛三寶的溫度。牛三寶有牛筋、牛腩、牛肚，仲要加埋潮州辣椒油一齊食，香辣惹味。最鍾意食牛筋，豐富的膠原蛋白質，牛筋配腩汁惹味突出有嚼勁 。口感柔軟的牛腩，食落肉味超濃郁！牛肚口感味濃，肉質細膩爽彈。白飯 $20牛三寶同白飯，簡直係完美配合，食過返尋味。金銀蒜蒸龍𧄌頭腩 $168龍𧄌頭腩肉質緊緻，魚味濃郁，龍𧄌頭腩底下放滿金銀蒜同蒸，蒜香🧄輕巧，減輕龍𧄌頭腩的膩滯感，配白飯更加可以吸收蒜茸和魚汁的精華，回味無窮！大埔舊墟直街慢慢變成了食街，有平有貴各取所需，講到中式小菜我就會揀阿三大排檔，廚師唔錯！下次可以再來！

#推介‼️❣️《脆皮咕嚕豬頸肉》$88大排檔一定食咕嚕肉，脆炸酸甜送飯一流。❣️《沙薑豬手》$45第一次食，厚身豬手皮，沙薑味都出色。❣️《椒鹽鮮魷》$108咬落卜卜脆，椒鹽鹹香味，鮮魷都好彈牙。❣️《黃金豆腐》$42金黃色炸豆腐，豆腐滑嘟嘟。❣️《小炒王》$98又係送飯送酒嘅菜式，爆香蝦乾，韭菜花炒到乾身。❣️《啫啫蝦乾唐生菜煲》$78配白飯最啱 夠哂惹味 蝦乾提起整個味 我哋都食埋🟡🟡🟡🟡🟡🟡🟡🟡🟡🟡🟡🟡🟡🟡🍔 阿三大牌檔 📍 大埔舊墟直街4-20號美新大廈地下B1號舖

好耐無同朋友食飯，難得就到大家放假就去左大埔新開既大排檔食飯，環境舒服又夠大，服務好周到又會推介我地食咩，很好的地方聚餐👍🏻啫啫蜆芥牛肉煲平時食炸鯪魚球先配蜆介醬，估唔到炒埋牛肉同青尖椒有獨特風味，好彩食得辣 辣得黎又夠入味，送酒菜一流👍🏻👍🏻蝦乾唐生菜呢個最為推介！最簡單既菜做得最惹味 食到唔停口😋啲蝦乾肉碎送飯一流風沙排骨將排骨酥炸食落唔會覺得好多粉，整法都幾創新唔會好滯，啖啖肉👍🏻滷水拼盤呢碟既豬耳抵讚，因為我鐘意食冧既質感🤪滷水味吹夠加埋酸汁，夏天開胃～

大埔舊墟直街嘅「阿三大牌檔」，之前我已經幫襯過好多次，但今日食晏聽到我家老闆講咗句「真係好抵!!!」，我先真心留意下價錢。嘩~ 原來我個咖哩牛根腩飯$52咋，佢個滷水拼盤飯仲只係$50咋，午餐送好有人情味嘅例湯，亦都包凍飲加$3嘅飲品。而點解我咁鍾意呢間餐廳呢，因為本身佢地逢星期二會派飯比老人家好有愛心，門口有個半露天地方又成日坐咗好多狗狗，狗狗都嚟到熟哂，一入嚟就等餐廳職員派狗狗零食，隻隻都勁為食個樣好攪笑。同職員傾咗幾句，知道佢地出咗盤菜及好抵食冬至套餐，另外佢地12月份做緊早餐推廣優惠，真係忍唔住要介紹下比朋友先。

【大埔•阿三大牌檔】————————————————————————大埔直街有不同餐廳，今次跟朋友去了吃大牌檔。阿三之前吃過也介紹過，當然試食其他菜式呢！😆🍯｜沙薑豬手🐷｜HKD45涼拌豬手，爽口彈牙開胃，底層放了沙律菜🥗🍯｜脆皮咕嚕豬頸肉｜HKD88糖醋汁酸酸甜甜，咕嚕肉炸得脆口。🍯｜椒鹽鮮魷｜HKD108🦑鮮魷一片大大塊脆卜卜，食落吾油，炸粉適中。🍯｜黃金豆腐｜HKD42香脆炸黃金豆腐，口感嫩滑。🍯｜小炒王｜HKD98鑊氣小菜，蝦乾等材料鹹鹹香香，韭菜花入口爽嫩。🍯｜啫啫蝦乾唐生菜煲🥬｜HKD78惹味生菜煲，加上預先調配好醬汁，烹調相當美味。

好耐無食過大排檔，有朋友住大埔所以相約一班朋友去晚餐阿三大排檔，坐低點左幾個餸菜，餐廳樓面好大間，又夠寬闊坐位算舒服，服務超級好呢👍🏻有出面都可以坐，帶寵物去都可以鐵板廣島蠔熱辣辣用鐵板上既廣島蠔，第一食夠熱又吸收汁既味道，好好味呀😋燒魷魚筒魷魚筒好爽口彈牙，燒得很香口又入味，份夠仲好夠😋滷水細拼盤拼盤都好足料啫啫蝦乾唐生菜熱辣辣上枱好正，唐生菜夠新鮮又爽乾脆🥬啤酒食大排檔點都要飲下啤酒🍻配餸菜先夠滋味

完成晒所有事情，係時候要再次振作起來！珍惜陪伴都係應該要做嘅事👀，帶小狗🐶去咗一間茶餐廳🍴，食物方面都幾唔錯，經濟實惠，而且店員送咗隻烚蛋🥚俾每隻到來嘅小狗🐶，唔係西餐同cafe 先至有B餐🤭———————————————————————————🥢豉椒排骨炒麵💬唔係啲咩特別嘢，但就係普通而有水準先係有料到，麵炸得剛好，脆而不硬，上面嘅豉椒排骨亦很有鑊氣☺️.🥢公司三文治🥪💬最多料嘅三文治🥪，仲要烘底，餐肉、火腿、芝士🧀、蕃茄🍅、生菜🥬，最幸福嘅口感；🥤值得最讚揚嘅係水吧，凍檸茶同凍奶茶都一樣係好好飲，相信係茶底夠質素點沖都係靚☺️

# 𝐓𝐚𝐢 𝐩𝐨入大埔除咗食街市，燒賣，有間新開左嘅新式大排檔喺舊墟都好受歡迎。佢餐牌標明星期一到日都可以日日食好嘢，除咗午市套餐之外，佢仲有小炒可以嗌，非常多選擇係餐牌。我個人比較鍾意有冷氣嘅大排檔，乾淨又衛生，但係好多時候裝修華麗嘅大排檔又未必炒得好食，但係呢度就滿足晒兩樣要求。餐廳環境闊落，一班人嚟飲酒暢談就啱晒，餐牌花多眼亂，叫咗幾個小菜試吓。今次試咗：1-避風塘爆蝦 HKD108一上枱好香，啲蝦隻隻都好大，避風塘口味最合我心水，而且好新鮮，炒得好香，唔會好辣，老人家都岩食。2-青芥味牛柳粒 HKD78見平時牛柳粒係薯仔黑椒炒，今次試吓呢個特色青芥味，上碟個樣好似平平無奇，但食落又幾開胃，佢Wasabi味好似加左少少檸檬醬，唔會好搶喉，而且配青瓜好清新，啲牛柳粒都好軟腍適中，每顆都裹有青芥和沙律汁的濃香。3-燒豬頸肉沙律 🥗HKD48燒豬頸肉是在泰國餐館常見的菜式，估唔到呢度都有得食，豬頸肉外面烤至香脆，入口柔韌有嚼勁，味道香濃又惹味，而且佢仲配上泰式醬汁，啲肥肉都唔算好多，好食。4-瑤柱金菇扒西蘭花🥦 HKD88呢個平時喺酒家就食得多，小炒檔真係比較少叫，一上枱已經好亮眼，佢

—本身想食串燒但未開睇openrice見到餐廳雖叫大排檔但同舊式嘅相比 環境企理但亦同時保留室外坐位晚飯小菜+$10有白飯&例湯落完單 店員隨即送上蓮藕豬骨湯老火湯入味 飲完唔口渴沙薑豬手($45)冷盤小食 份量慷慨沙薑蒜蓉醬汁惹味吮豬手嘅骨膠原豉椒鮮魷($98)擺盤擺得幾靚 又有𠝹花魷魚爽腍同爽脆三色椒豐富口感啫啫蝦乾唐生菜煲($78)打開煲蓋時 香味撲鼻而來生菜用熱力焗熟 能保持翠綠爽脆而蝦乾鹹鮮豐富咗味道下次食飯都偏向揀新式大排檔感覺衛生同舒適——————————————————阿三大牌檔 大埔舊墟直街4-20號美新大廈地下B1號舖

今次行開大埔就決定同兩個朋友去試下大排擋先，係岀面就見到個menu好岩我地又有好多人食😋呢間鋪頭係新式大排擋，入到去有冷氣，環境舒服又乾淨，但又不失傳統大排擋鍋氣嘅味道，張枱又好大，坐得好舒服☺️🌟薑蔥魚鰾粉腥煲 $88-個粉腸整到好入味😄加咪薑蔥爆炒後啲粉腸變得好juicy，好彈牙，愈食愈香。魚鰾都煮到好軟熟🐟索矖啲醬汁，食落去一啲都吾腥，有啲QQ彈彈嘅感覺😋🌟青芥末牛柳粒 $78-牛柳粒份量好足🐂啲牛柳加咪黑椒炒到爆香，又彈牙。加咪個青芥末醬嘅配搭，增加左辣辣哋嘅口感🌶🌟避風塘爆蝦 $108-個蝦一送到黎就香氣撲鼻🦐而且又好大碟😁個蝦炒到好入味，材料都好足，個蝦都好新鮮，而且隻隻都好大隻。爆炒後個蝦肉都勁嫩，個味道好正宗😋好有鍋氣😆🌟椒鹽鮮魷 $108-入面個魷魚🦑好大舊，啖啖魷魚咁，而且係即叫即炸，個外皮炸到好香脆🦑想食完一舊再黎一舊，勁推薦😋😋