長洲角酪

營業中

休息中

難得入長洲一定要試下哩杯奶酪 一次過試曬草莓同芒果角酪 個人覺得草莓好飲啲 芒果有啲酸苦嘅味道🙈反而草莓角酪🍓有驚喜啲不過真係好多人排隊打卡 4-5點嗰陣先少人啲😵

每次去長洲不外乎必食炸雪糕、大魚蛋、芒果糯米糍，飲野方面從來都唔會太講究。但近半年黎長洲角酪依間小店幾乎已經全香港人都識，好多人都會推薦佢地既「角酪酸奶」同打卡。所以今次去點可以唔幫襯！！一去到，果然超多人塞晌店內，排隊排到出門口。但為左拎杯靚靚角酪打卡，排辛苦少少都係值得架！店員態度唔錯，雖然隔住左口罩，但都感受到店員歡迎客人既笑容，買都買得開心啲！作為粉紅控既我，一定係要草莓角酪！！拎到上手之後就係超級靚呀，超少女既粉紅色，飲落去唔太甜又唔會漏，勁爆好飲，入面仲有粒粒士多啤梨，好滿足，本身打算走之前去買多杯，但因為趕船就冇買到，下次一定要去試下其他口味！

相信呢幅應該係最多人打卡嘅「地鐵牆」，呢間長洲角酪應該好多人都唔陌生，最熟悉嘅應該就係佢嘅仿地鐵磚牆🤣，睇咗咁多人去打卡，今次終於到自己親身去啦😆一場嚟到，梗係揀杯打卡最靚嘅嘢飲啦，我嗌咗呢杯甘露角酪，貪佢有塊小小嘅楓葉🍁，用嚟影相打卡一流！甘露角酪顧名思義就係楊枝甘露加佢嘅招牌乳酪，第一啖飲落去就食到好明顯嘅西柚同芒果肉，唔知係咪西柚同芒果都唔係好當造，唔算好甜，味道偏酸，而西柚亦有啲啲澀味🤨，不過佢個乳酪都算偏甜少少，夾埋一齊飲即刻中和返，令成杯野飲無咁失色🙌🏻總括黎講，佢個乳酪係幾唔錯幾好飲，不過唔知係我期望太高，抑或係我揀咗啲唔當造嘅水果，令到整體杯嘢飲都還好，最好味嘅就係個乳酪🤣 再加上$42一杯嘢飲嚟講都算偏貴，份量唔係特別大杯，性價比唔算高，個人而言，嚟過一次打咗卡就算了🙈

I know this yogurt drink shop has made a name for itself in Cheung Chau, especially because of their famous blue tile wall representing Cheng Chau which is analogue to the layout of MTR platforms.  I was fazed by the number of seemingly good selections of drinks and cakes, however, we eventually settled for the Rice Yogurt ($28) and Winter Yogurt ($45). The former is a regular yogurt drink, still it seems to be loved by a lot of customers for their chewy purple rice, the latter is a winter limit

抱着期望的心態專程走入長洲 上網看見位於新假期第一位 而且是黃店 走進鋪內 裝修的確充滿少女味 但是落單的店員態度欠佳 懷疑他是老闆娘全程黑面 而且落單過程不斷和其他店員傾計 找錢的時候掛住吹水 等了她10多秒才把錢找回 態度有問題下單後我們出了舖頭門外等 等了大約20分鐘 懷疑他們漏單 點知入去一看 原來他們是將同樣款式的飲品 集齊了五六杯才一次過製作 奉勸大家趕時間的不要去買飲品 再加上這間舖頭自稱黃店 但我卻發現在收據上的字是簡體字 令人咋舌 以為自己返咗大陸 究竟係咪食人血饅頭自己諗 飲品味道冇咩特別 亦都唔值$38 同普通一間手工飲品店冇分別 建議大家唔好抱咁大期望 Overall呢間舖頭員工態度欠佳等候時間長價錢偏貴飲品冇特色店舖裝修欠品味 仲要用簡體字但自稱黃店 幫唔幫襯自己諗飲完覺得好嬲唔知呢間野請咗幾多打手落咗幾多廣告喺新假期

長 洲 角 酪應該無人對呢間買yogurt飲品既舖頭陌生每個入得長洲既都指定買一杯黎飲💕而我 只要係長洲每日都要買一杯黎飲💛最近 #長洲黃店 越黎越多有機會入長洲既你記得去試下喇 落船行5分鐘左右就到❇️推介本人最愛：藍莓角酪不過成日都好快賣晒紫米想試杯完整既藍莓角酪就要早啲去排隊喇‼️

相信有好多人都知長洲呢間好出名 出名既位係佢有一個打卡位係 設計成地鐵站名 可能未見過長洲有地鐵站牌 間店主要用粉藍色做色調 就連蛋糕都係粉藍色架 好令囉 我哋分別叫左草莓同芒果角酪味道唔係話好有驚喜 但整體上都唔錯既

難得入黎長洲，緊神係要係熱店打下卡。於是就去左衣間新入yogurt 既飲品店試下佢既yogurt drink。佢有好多款味道，有原味，有芒果，有士多啤梨🍓，有peach,有藍梅，有百香果。。我穩陣起見，選左最保守既芒果味。初時都驚佢會好甜，但真正飲左又唔會，岩岩好，有d芒果味，又有乳酪既酸味，同埋佢裹邊有d紫米，一粒粒咁，增加口感，整體飲完感覺會好健康，唔會有罪惡感😂正值得推介，下次再黎都要encore👍🏻

每次嚟長洲的指定動作💛 打卡之餘又好飲好食🤤🤤 估唔到連平日都咁多人😲 不過好彩大部份人都係買外賣走，反而無乜人堂食🥳 但想試嘅花雪角酪，限量20杯❗️一早已經賣晒🥺🥺🍓莓莓角酪 ($38)賣相好靚好吸引，草莓同乳酪好夾，飲落酸酸甜甜，最驚喜嘅係個底有紫米，煙煙韌韌，感覺比珍珠健康好多🥰💧角酪卷($38)藍色的碟豆花卷蛋，顏色同賣相一流😍 入面有兩層草莓乳酪，酸酸地咁，輕盈唔膩，而且卷蛋非常鬆軟👍🏼

打卡控必去...裏面設有不同打卡位置..可惜店舖太細.. 太多人迫係到等買等飲..坐下去都覺得尷尬😅..唯有拎住飲係最合適可過😎店舖推介莓莓角酪👍🏻整杯飲品真係實在太美了..既唔會太甜又唔會有草莓酸..好鬼正..有少少似麥當勞嘅士多啤梨奶昔...不過係好飲一百倍鮮味一百倍🤪新鮮士多啤梨味勁重簡直一流😋芒芒角酪底下全部都係芒果🥭一啲都唔孤寒..可惜芒果比較酸..冇乜特別..與草莓相比下..草莓更為優勝😂所有飲品記得攪勻先好飲喎😌

呢間真係長洲網紅店有大媒體宣傳又多網紅去打卡主打透心涼乳酪飲品不過我哋覺得一杯相當足料嘅大杯水果茶更IG-able室內最特別係寫住長洲嘅鐵路牆唔使怕隨時會被封站裝潢藍白紙皮石舖砌鐵路牆設計的確好啱影相嘅聽聞水果係每日由果欄攞貨，再自家製成果蓉，夠新鮮現場睇一杯水果四季春 $40透明杯內透視超多水果材料包含柚子、士多啤梨、奇異果、火龍果、百香果、檸檬、橙、西瓜睇落非常足料比起坊間水果茶，係多料啲至於四季春茶底就好清香，啖啖回甘味夠解渴配合水果香甜味，可以平衡甜味非糖漿死甜味最搞鬼係甜度寫住「好似你咁甜」，的確玩味十足

呢度成日都會見到有人嚟打卡，個牆設計度好似地鐵站咁，黎到長洲，都決定試吓。莓莓角酪 ($38)本身以為呢杯野得個靚，點知好好飲。員工有提醒我飲之前要攪勻，飲落唔會太甜，好香士多啤梨味，同埋都重乳酪味。攪勻啲，同埋飲到落底，仲有啲紫米，幾有咬口。呢間小店比較細，加上都好多人嚟打卡，所以其實都唔係太適合坐喺度慢慢飲慢慢吹水，比較啱買完打張卡，就拎住飲。呢個價錢我覺得有少少貴嘅，不過難得黎長洲買黎飲下我覺得都值得嘅，因為佢唔係淨係靚，味道都真係唔錯。

😋《長洲角酪》I▪️🅘🅝🅣🅡🅞長洲地鐵站🚉開通左（誤），搭地鐵🚇黎左長洲喇‼️點了杯「甘露角酪」，顧名思義：楊枝甘露材料配上乳酪‼️唔知係咪我太耐冇食過西柚，覺得有啲偏苦同偏酸，芒果係好好味的😂早知就點「芒芒角酪」🤭喇‼️乳酪就酸味適中，超級鍾意❤️整體不錯👍🏻，只是選錯了生果味道🤭🤭期待下次再試其他味道😆I▪️🅐🅓🅓🅡🅔🅢🅢📌 長洲 📍 新興街78號地舖舖

成日都見到有人post類似長洲地鐵站既相終於知道係邊度黎喇😂間鋪頭既環境真係好正 好舒服👍🏻👍🏻👍🏻黎到見到個餐牌寫住「可能係全香港最好飲既酸奶」好 一於就試下係咪真係咁好飲😂經典角酪 $28酸奶入面有d紫米係到又幾新鮮幾夾喎甜酸度亦岩岩好👍🏻👍🏻芒芒角酪 $36呢個就比起經典角酪多左d芒果汁係底正常無乜特別如果下次要飲我都係飲返經典果隻口味已經足夠因為加8蚊既芒果汁真係唔太抵飲😂

之前見到個個去長洲都要去呢間長洲角酪嗰度打卡，跟住就去咗嗰度試下佢啲嘢飲入到黎就見到打卡熱點—長洲地鐵站，好靚忍唔住影多幾幅相❤️我同同行一人叫咗一杯嘢飲，包括係一杯莓莓乳酪同埋桃桃乳酪首先講吓杯莓莓乳酪先，以 $38來講我覺得CP值比其他飲品店高，拎杯野見到兩個士多啤梨心心好靚❤️成杯粉紅色好有少女心，飲落入面有一啲紫糯米煙煙韌韌，入面仲有少少士多啤梨肉，乳酪酸酸甜甜，士多啤梨味唔會蓋個乳酪味啱啱好，總括來講我覺得好好飲值得一試！然後另一杯係桃桃乳酪，呢一杯冇莓莓乳酪咁大驚喜，佢乳酪嘅質地都比莓莓乳酪比較澀身，飲落係有桃味嘅，但係有比較之下莓莓乳酪好飲啲。最重要係呢一間野係良心小店，大家一定要去支持啦！