長洲角酪

營業中

休息中

好多地方都有介紹長州角酪，好好飲 難得入黎緊係叫一杯試下，叫咗一杯紫米草莓角酪，好好飲 有得食又有得飲，紫米配乳酪好好飲，加埋士多啤梨，唔會好酸，啱啱好，去長州一定要試

🍴甘露角酪 42 蚊自家創既甘露角酪 有芒果🥭 紅西柚 鮮柚子 勁多果肉 柚子酸同乳酪好 match 正 🍴百香果角酪34 蚊🥛百香果新鮮 夠酸甜開胃 勁多百香果種子 正#酸奶 #乳酪 #黃店 #黃色經濟圈 #黃藍是政見好食是良知 #紅柚子 #西柚 #百香果 Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#長洲角酪長洲新興街78 號地鋪~~~~~~~~~~~~

夢幻獨特配搭酸奶飲料🥤🍰✨呢間良心小店店面唔大，不過裝潢好有心機，幾有代表性🤩卷蛋非常熱賣，下午到訪已經售罄，隔日早上再訪都只剩角酪卷選擇😱想品嚐卷蛋嘅朋友要預早啲時間啦😉😝🍰角酪卷 $38 (6/10)碟豆花汁為外層塗上藍綠色，甚為特別卷蛋濕潤軟熟，但味道淡然內層為乳酪和草莓嘅組合乳酪味輕淡中有陣奶脂味，感覺清新，不過唔會好綿滑內層比例上多啲會更好整體口味偏淡🍼藍莓角酪 $34 (7.3/10)好特別！係獨有嘅味道藍莓酸奶攪勻後味道濃厚，口感少稠，有啲似milkshake嘅質地藍莓味自然唔假，清新度足夠中和滯感底層有粒粒煙韌紫米加持😋😋帶有紫米回香整體甜度輕盈📍長洲角酪長洲新興街78號地舖

久違嘅長洲郊遊,食完BRUNCH後周圍行下, 消化咗大半就去咗長洲角酪飲嘢。去到離島梗係都要幫襯良心小店。其實想飲好耐, 但次次都因為太飽/唔記得咗而冇飲到。所以趁今次HEA遊, 就點都要留肚去飲!今日係星期四,大概3點到都有啲人。我地見到側邊BAR枱有位就即刻一個坐低一個去ORDER🤭ORDER左兩杯好靚嘅Yogurt – 花雪角酪 & 甘露角酪。花雪角酪 嘅味道就係檸檬cheese cake味, 而甘露角酪入面就係芒果同柚子。兩杯YOGURT店員都叫我地攪勻先飲, 兩杯都勁好味，甜度啱啱好😍。

嚟到LONG J除左要食大魚蛋之外, 而家就當然要去飲下yoghurt lar! 有睇開IG foodie的你一定都見過呢間小清新的長洲角酪^^🙉around 5點左右到, D cake都賣唒嚕, 好在仲有yoghurt的! 叫左個百香果味, 入面係有真果肉GA! 飲落酸酸甜甜, 好refresh! 仲辰食到百香果籽, 幾有咬口.另外就叫左杯strawberry, 會放左D士多啤梨片係杯中間, 影相都好D~ 味道都自然有果香的! 🥰🥰

放假難得出外感受大自然，近年多左新式餐廳進駐長洲，其中尼間飲品店有特色既瓷磚做裝飾，岩哂打卡。而且吸引唔少年輕人前往，星期六lunch時間店面非常多人。叫左莓莓角酪($38)，角酪卷($38)。飲品店主打乳酪，水果口味選擇亦多，飲品賣相及打卡牆非常吸晴。成杯顏色都係夢幻既粉紅色，拎上手好治癒心靈，加上剛剛好有片心形既草莓係外圍，令到成杯飲品好有公主感覺。草莓味既乳酪非常香濃厚滑，而且乳酪屬於稠密口感，所以口感豐富。而且估唔到底下仲有紫米，仲同乳酪好夾添。鋪頭既卷蛋係售完即止，今次黎到已經賣哂大馬士革卷，可見非常受歡迎。而角酪卷用左蝶豆花既綠色黎作為外層，內層係濃烈既草莓乳酪，卷蛋非常鬆軟，而內層creamy，值得叫。整體，飲品消暑解渴，而且清新。難得精心設計鋪面及食品，支持。

全長洲唯一嘅潮流飲品店，專賣酸奶、梳打、果花茶，仲有捲蛋系列。店舖裝飾得好別緻，最吸引嘅莫過於”長洲地鐵站”嘅打卡牆壁。週末中午時間黎到已經人頭湧湧，但係都唔洗等好耐就拎到飲品。芒芒角酪($36)，上面係乳酪，下面係芒果，搞混後仲有一絲絲黃色嘅花紋，原來仲有紫米係底層添。乳酪非常濃厚，加上芒果嘅酸甜味非常夾，紫米為飲品添上口感，飲完之後飽足感十足。角酪卷($38)，一杯飲品點可以少得一件cake！依個角酪卷係蝶豆花的蛋糕捲上士多啤梨乳酪，賣相顏色一流，因為蝶豆花本身冇咩味，所以更能帶出濃郁嘅士多啤梨乳酪~黎到長洲，真心推薦大家黎長洲角酪試下，飲品同捲蛋都好高質，而店鋪處處都係打卡熱點，啱哂一班文青黎依度坐底吹水歎下好西~

去過長洲幾次，都經過呢間店，但就冇試過，今次朋友話想試就去左試，試左2款飲品，第1款係佢最出名既佢招牌寫既飲得既芝士蛋糕，同埋芒果甘露乳酪，佢賣相吸引，佢出面個個雪花係食得，啫喱質感，乳酪就係少少傑身質地，佢飲落又真係好似食緊芝士蛋糕，面頭有碎餅，就好似食緊芝士蛋糕餅底咁，甜度適中，好有驚喜，雖然都成40幾蚊但係值既。另外個杯芒果都係好飲佢係生果底，飲落係芒果味但唔會好濃，主要都係乳酪味出d，又唔會好酸既乳酪。真係試完下次一定會再飲

角酪有個好多人都影黎到此一遊既background🤣🤣🤣 今次我就無影啦叫左杯 柚露疏打，招牌野黎 幾清新🤣柚子味都幾濃本身想叫角酪飲 但係準備去食飯就下次先啦😈

每次黎到都要飲返杯乳酪，對上一次黎已經係幾個月前，當時就叫左杯莓莓角酪，個士多啤梨切成心形咁，好睇又好飲。今次黎到就同男友一齊飲百香果角酪+桃桃角酪。但呢2杯打卡就冇咁靚，變到全部白色好似奶昔咁。桃桃角酪比較甜，有桃味清香，不過因為果肉打到好碎，所以冇乜咬到桃肉，覺得有d美中不足而百香果如果咬碎左d核，就會覺得比較酸，個人唔係太鐘意飲呢杯，不過百香果營養價值較高，又可以通便，想健康d都可以一試。店內出名既除左有特色乳酪外，仲有個長洲地鐵打卡牆，好多人都會響度影相

今日放假就嚟到長洲玩下, 而家都冇得去旅行所以去長洲真係港人一個小放鬆, 不過人就真係多左D, 大家要好好保持social distancing lar!. 行到最旺個條街後一定會見到呢間藍色小店, 因為真係好hit勁多人!!! CAKE 都賣哂了, 想食真係早D到會好D~ 所以我地就只叫左yogurt drink!! 一杯係士多啤梨味, 入口係幾有texture嘅乳酪, 士多啤梨味都幾重, 但就甜左小小的, .另一杯就叫左百香果, 呢杯就好有驚喜啦! 入口食到百香果粒粒, 因為mix左之後會酸甜酸甜咁, 好refresh ar!!

去長洲玩，一落船已經見到長洲角酪嘅廣告牌，沿途都有指示，唔難搵。一點幾去到都好多人，我諗呢間野任何時候都咁多人。裏面嘅佈置真係好適合影相，任何一個角落都可以打卡。而且鋪頭仲係良心商店，假日嚟真係人山人海，有排等位。同友人點咗一件蛋糕同一杯飲品。草莓角酪卷 - 以乳酪取代一般嘅忌廉，酸酸地，texture更厚身。碟豆花嘅顏色令成件蛋卷好夢幻，味道好少女，好好食。甘露角酪 - 乳酪加芒果、鮮柚及紅西柚，即係楊枝甘露版乳酪，口感順滑，滿滿嘅果肉，令乳酪味道更有層次。酸酸甜甜嘅乳酪真係好開胃，夏天食真心一流。兩個人一齊share一件蛋糕同一杯飲品份量剛剛好，因為兩樣食物都飽肚，食完仲可以喺長洲繼續掃街！相信長洲角酪會成為長洲新地標。

入長洲必飲🥰❤️🥰❤️店舖caption:可能係全香港最好飲嘅酸奶！🤣🤣🤣個人覺得莓莓角酪好飲過百香果角酪冇咁酸🤣🤣同埋入面有啲紫米(?)幾好咬推薦推薦～

每次去長洲都食芒果糯米糍，今次終於有第二個打卡點啦。經過呢間裝修得好靚，啲飲品都好靚嘅飲品店，比佢吸引左入去。一入到去就以為自己去左長洲地鐵站😂😂bong牆係藍田色調，但上面寫住長洲。除左呢個位，舖頭每個位其實都係打卡位，裝修得好靚。佢有蛋卷，水果茶，花茶，梳打，酸奶等等。每樣都好靚。我叫左水果大馬士革，少甜少冰，女士係必須嘅😂杯水果茶好高質，入面有士多啤梨，橙片，檸檬片，火龍果片，等等。飲品好清甜，由於佢好足料，飲得出唔同生果嘅味。唔想太heavy嘅，叫呢杯就岩晒了。我仲想講埋佢嘅包裝。隻杯好靚，佢插飲筒個位係可開合嘅，唔用飲筒嫁話可以合埋個飲野位，夠晒衛生。我仲叫左杯大馬士革卷。係茶味嘅卷加1半茶味嘅cream再加1半cream。上面再加左芝士味奶蓋。正！呢個組合冇甘漏，又唔會太甜。蛋糕鬆軟，cream香滑有茶味。

我成日都見不少朋友入長洲一定來這店打卡。作為酸奶乳酪愛好者的我一直都想試，不過我每次經過都見到有人排隊，而且三十幾蚊杯，所以我從未買過。今次朋友要求想試，咁我都籍此機會買一杯。果然是假日，排了很多人。除了主打的奶酪外，還有很多款。但我們當然試經典主打先啦。我們點了莓莓角酪($38), 和藍莓角酪($34)。 收銀員沒問甜度，應該是不能揀吧。可惜太晏去，五點已經賣晒蛋糕。下次有機會先再買。適逢中秋，店舖的裝飾都是燈籠。處處打卡位，但處處都是人。要搵辨法在無人的情況下打卡都困難。不過人多等待需時，總會有辨法拍到。基本打卡位。我們外賣了回家飲。兩杯都很好飲，很Fresh！！！藍莓會比較酸啲，士多啤梨我覺得甜度剛好。紫米也很綿軟。雖然要排長龍，但好值得飲！！不用再出九龍買一只x奶x，或者 我是x奶x。 這兒甚至便宜一點。入長洲的朋友仔們都值得一試！