鐵牛台灣牛肉麵 (翡翠中心)

營業中

休息中

最愛牛牛麵。道地的台灣菜👍🏻今日Happy Friday，一定要食好嘢，就算係中環要排半個鐘頭隊，都決定來食鐵牛😂因為我好愛鐵牛既牛肉麵，價錢先係＄50－60蚊左右，質素又都有保證。最後我排左40分鐘終於有得入去坐，餐廳是先付款後上菜， 所以等位的時間，我們已經選好食物到櫃檯付款，所以有得免加一服務費👍🏻1️⃣招牌紅燒牛肉麵$59➡️牛肉麵湯底好濃好香，飲一啖就知道係熬了很久的紅燒湯底👍🏻仲有很多蔥花去調味➡️牛肉是好厚身的條狀，最重要肉是半筋半肉，仲有3-4件。咬一啖就散開，證明牛肉燉煮時間非常足夠，而且好明顯牛肉吸完湯汁，非常入味，又炆到軟淋淋，好好味！➡️份量好多，食完一定夠飽！真心推介，好有台灣嘅質素嘅牛肉麵！2️⃣番茄牛筋腩麵$63其實同紅燒牛肉麵一樣，只是湯底加了新鮮蕃茄去煮，所以好重蕃茄味，好濃郁！唔該想食一些特別的牛肉麵，就可以選這個👍🏻

中午係中環行人天橋行同諗食咩，突然就見到呢間台灣牛肉面，我隔離果個就拉左我上去啦～呢到係自己點單去收銀先買既形式，食完就可以離開，效率好高岩哂中午趕時間既打工仔🙆🏻‍♀️🙆🏻‍♀️我同朋友各叫左一個餐，朋友去買，差唔多行返黎坐底一分鐘就已經有野飲黎啦，真係好快手👍🏻👍🏻👍🏻朋友個台灣牛肉面有好多肉，個面都幾好食，但我冇咩點試到我揀左個鹽酥雞滷肉便當，個雞炸得好好食，份量又多，我隔離果位話下次要再叫個雞黎食😋😋中午黎講，呢到係一個好唔錯既選擇

食過哂尖沙咀、旺角同中環既鐵牛，始終最鐘意中環呢間呢間雖然係樓上鋪，但晚飯時間去都唔冷清，但又未至於其餘兩間分店咁多人香港既台灣牛肉麵入面，鐵牛都算係數一數二既好食牛肉係用左金錢鍵做，炆得夠淋夠入味，而且每舊都好厚肉湯底有少少藥材香，豆醬味濃，調味咸淡適中而佢既麵底係幼麵，軟硬度都岩岩好，唔會好淋，幾彈牙配料仲有蔥花同酸菜，拼埋微微辣既湯，少酸少辣味道好夾有時放左工一個人靜靜地上去食碗麵都唔錯呀：）

依間餐廳長期 lunch time 排隊，喺樓上鋪，排隊排到後樓梯。如果唔係早放lunch諗都唔使諗，除非你可以好似我咁幸運地有個肯幫你排隊嘅朋友，等到你嚟先至有得入座都肯，咁你可以一試依間餐廳。價錢來講佢都算實惠，每碗麵/飯都係50-60蚊。小食既性價比就低左少少，我嗌咗碟涼拌青瓜，味道真係好好，好清新，但係講真20蚊可唔可以比多幾條青瓜呢？蕃茄牛筋麵，足料，香濃，好味！如果下次我黎食會嗌依個便當，雖然我個蕃茄牛筋麵都幾精彩，但係見到依個炸雞便當有咁多野真係都係差不多價錢，感覺好划算好抵 😄有質素既牛肉麵

🇹🇼台灣神級牛肉麵😍每一片牛肉都連著軟腍的筋🐂是我在香港吃過最好吃的！✨後悔沒有早點知道這間店！覺得以前的牛肉麵都白吃了🙊🤤必試啊～ 配菜一啲都唔遜色 尤其係青瓜🥒酸酸甜甜好好味好清新唯獨係飲品方面🥤我叫咗香芋胚芽奶茶☕️可能近排台式飲品店盛行 相對之下呢度嘅飲品就相對淡少少（可能要貼嘅香港人口味啦）冇咁好飲不過整體來講呢間餐廳都好值得去👍🏻而且午餐下午茶仲會特別有平啲📍 中環蘇豪威靈頓街98號翡翠中心2樓A及B號舖

星期日12點嚟到中環，想食台灣野，咁就去咗鐵牛。12點冇人等位，即刻可以入座，但係到一點左右就坐滿人。紅燒牛肉麵湯好濃郁，牛腩同牛筋好淋同好入味，麵質爽滑，加埋辣油，好味！燒雞腿排便當1個便當可以滿足幾個願望，最啱我呢啲三心兩意嘅人。三個配菜：酸瓜(幾開胃)，娃娃菜(酸酸哋嘅)，滷蛋滷肉飯：味道ok，但係滷肉有啲少燒雞排：好入味，加埋啲汁，送飯一流凍檸檬冬瓜茶：叫少甜會好啲凍焦糖珍珠奶茶：焦糖味重，啱哂鍾意焦糖嘅人

今日lunch同個同事來食個台灣野咁就叫咗個牛腩地瓜飯嘅lunch set其實佢個牛腩真係好好味因為呢佢應該搏得有一段時間牛腩啲未入晒去啦然之後本身覺得那邊有個蘿蔔 個蘿蔔又係入晒啲牛腩汁嘅味真係不得了 而家本身嗰個汁呢好我都撈左係飯來食勁開胃囉 仲有一些開胃的配菜唔好以為個lunch食好少份量其實最後都好飽 然之後佢個地瓜飯。其實平時好少食地瓜反。而我呢次我都覺得好好味因為佢地瓜同飯撈埋一齊上啦 而且唔會令到好似話個口感好乾咁 呢個組合都幾新鮮都值得推介俾大家

又係一個納悶的工作天，同朋友來到鐵牛，決定食招牌既牛肉麵，當然飲翻杯珍珠奶茶配合，兩樣食物又點會滿足到我地心靈加翻個小食拼盤，正！台灣牛肉麵牛肉夠軟，軟來來中間夾集了筋，非常好既比例，麵質爽口彈牙，我就比較喜歡個麵質，如果有得叫一大碗湯麵就好了。小食比較偏喊，有豬耳，蛋，豬大腸，豬耳以前食過麻辣，比較辣，鹵味併盤味道就合適不食辣既我兩，珍珠奶茶可以走甜非常好，令到吾好甜既我，可以一嘗無糖珍珠奶茶，作為佐餐飲品都算咁上下。

中環OL食個lunch都唔簡單，我就得一個鐘時間，唔可以遲，真係每次出去lunch都要趕頭趕命~ 食十二點都好d, 好多餐廳都仲有位~ 今次同朋友約食鐵牛，一到就入得去坐lu之前食過幾次牛肉麵，今次試下個沙茶牛丸新竹米粉先。 d米粉特別幼，沙茶湯唔會太辣，牛丸彈牙，算係ok. 但如果湯底濃多少少會更好！ $58一個lunch連飲品係中環區都算係咁 食完傾一陣計又要跑返去開工了/.\ 但上菜速度好令人欣賞，落單唔夠10min就有野食

中秋節咁岩老公放假，我又有得收早，老公約我睇Johnny English喎😍😍😍睇六點半，睇完都只係8.3左右同埋睇戲時又食咗薯片喎，唔係好肚餓，就搵啲輕量嘅嘢食啦喺中環附近呢間鐵牛，地點都算就腳，又唔係好多人，就食呢間啦呢間餐廳係食台式食物，落餸紙點完想食嘅嘢之後之後就去櫃面俾錢，比較自助式可能因為唔係好多人食物都黎得比較快先係你左老公買嘅芝士鹽穌雞，芝士味唔濃但有口感，鹽酥嘅味道比較龍，細細粒幾嫩滑幾好食而老公就帶咗我都有諗過叫嘅紅燒牛筋腩湯面，牛筋好嫩滑湯未有夠濃我自己就叫咗個蔥燒豬軟骨肉操拌麵，豬軟骨位置比較滑但係肉嘅部份就好熟太過嚡，肉燥都係過熟至於杯芋香珍珠奶茶其實都比較淡冇乜味不過因為其實座位都比較舒服而且又唔多人可以慢慢坐慢慢食都係一個唔錯嘅選擇

中環的午飯時間如常排長龍，幸好不消一會就有位啦！午餐餐牌的選擇也很多，首先當然要點最有人氣的鐵牛招牌紅燒牛肉麵啦！鐵牛的台灣麵麵質仍然是如此彈牙煙韌！紅燒牛肉麵的湯底香濃，牛骨味重，但不會太咸或過於濃烈。而牛肉的份量也不少，牛腱筋肉的肉質軟稔之餘還非常入味！另外我們點的是香蔥麻辣擔擔軟骨拌麵，擔擔拌麵的花生醬和辣味十足，愈吃愈開胃！但豬軟骨就比較一般，略嫌比較多骨而且肉質厚實。雖然台灣麵的麵質還是一級棒，但麻辣擔擔的湯汁吃到最後會有點過於油膩。除了主食，我們還在正價餐牌上加了小街綜合滷味拼盤。拼盤有滷水豬耳、滷蛋和滷水豬大腸，每樣的咸度都很適中，豬耳份量很多又很爽口，滷蛋是有鐵蛋的感覺，而豬大腸只有四片但很好吃！飲品方面是點了可以選擇走冰和少冰的珍珠奶茶。可惜走冰還是有數塊冰，而少冰亦略嫌冰塊有點過多。幸好的是茶味很香濃，小顆珍珠不會很甜同時亦充滿嚼勁！

每次搭中環扶手電梯，都會見到玻璃窗入面嘅人食得好滋味。所以今次決定晚餐就試吓呢一間開始多分店嘅鐵牛。-裡面環境其實有啲似仙跡岩，幾乎老少咸宜。接待員比左一本畫冊般的menu比我地，都幾精美，就點番d台灣老字號食物1）紅燒牛筋腩麵2）鹽酥雞便當由於我地唔食豬肉，所以飯就走滷肉；怕白飯單調所以我再加個小茄子（又係走肉燥）-10分鐘左右，野食就到齊👍牛肉麵：湯底不太濃身，加上牛筋牛腩都炆得剛好。su兩啖麵，有台灣味道！推介（註：小朋友係《飯/麵》之間揀左牛肉麵食)-鹽酥雞便當：有d乾，而幸好係便當所以其他配菜救得番。另外小茄子係非常好味，醬油好重，所以如果配呢個飯係「啱啱好」。-芋香珍奶：珍珠不大粒亦不多；而始終比起台式飲料店嘅質素，味道不太突出，而嘉許呢間餐廳有呢d選擇👍-回頭率：50%如果同屋企人/朋友/同事食，我覺得會回來試不同set，而驚喜不大。服務、食物賣相、質素亦係standard。可幸地方大，不用等位，上菜時間100分

中環食lunch 動不動就要$80這家店lunch 永遠人頭湧湧的 排最少15mins或以上最大的原因是價格吧 lunch set 60$一個面加飲料 環境座的很舒服 在中環很難找吧重點是食物 真的好吃我跟友人都點了招牌牛肉湯麵 說能跟台灣的相比真的沒誇大湯底是獨家的牛肉湯 很濃（但沒雜質，最怕這種）嘗到有點中藥味 很好喝牛楠牛根份量很大 女生都食不完 很軟 很好吃還點了鹽酥雞 外脆內軟 也是必點飲料點了珍珠奶茶 正常 點了小甜 這家一定要點小甜 可能跟台灣一樣 飲料都是偏甜的

又到Happy Friday既時間，當然唔會帶飯要同同事出去食lunch係出面日曬雨淋排佐一陣之後決定轉戰樓上，睇下呢間鐵牛有冇位，等佐10幾分鐘，終於可以坐低。等位既時候門口既姐姐已經係咁推介鐵牛既米線非常好食，所以坐低之後毫無猶疑，要佐招牌牛肉麵（轉米線，要+3），配番杯台式飲品---熱珍珠奶茶我本身好鍾意食牛（牛腩，牛筋，牛雜咩都鍾意食），呢度啲牛肉燜得好淋好入味，份量亦唔會少。至於店員瘋狂推介既米線亦到非常好食，幼身，滑，配搭牛肉同湯底每一口都有牛既味道！份量足！希望可以改善既地方就係菜可以多少少 熱珍珠奶茶就中規中矩，如果有機會再來會選擇叫其他嘢飲：）

行中環突然間好想食D熱食, 朋友介紹依間食台灣牛肉麵~ 先到櫃枱買單, 服務員就會端上餐點! 水是自助的 , 餐牌好色彩濃厚 ~點了紅燒牛筋腩麵 $62 同魚酥皮蛋豆腐 $36個麵煙韌有咬勁, 而個腩都嫩口! 最鐘意個湯, 真係味力沒法擋 ! 雖然不能吃辣, 但還是試加混了朋友兩大匙的麻辣湯, 很是滋味, 整碗湯都幾乎想喝光了 ✌魚穌皮蛋豆腐都值得一讚, 木魚同個汁配上清清的涷豆腐唔會好濃, 唔駛送飯都得... 難得食到一間好味嘅台灣店下次要試下其他野先