錦麗 (德福廣場1期)

營業中

休息中

👍平靚正牛肉河粉🍜—👍經過見到錦麗就入咗去食，有少少人排隊，餐廳要齊人先入得。—🍜錦麗熟牛肉粉（💲58）湯底好清，但飲落去係好濃嘅牛肉味，熟牛肉用咗牛腩嘅位置，煮得好淋但仍然有牛味，河粉係一團團，好滑身，唔會一夾就碎晒。🐓法式牛油雞翼（💲34）牛油雞翼煎得金黃食，賣相唔錯，雞翼面有好多蒜蓉牛油醬，濃濃嘅牛油味。🌯燒雞肉米紙卷（💲20）米紙卷本身煙煙韌韌，入面有多種蔬菜，燒雞肉係有調味過，配上酸酸嘅醬汁非常開胃。—

講起食越南河一定嚟起錦麗基本上係香港、九龍、新界都有😂今次我同朋友就喺九龍灣食方便大家同埋食完可以行下街😂七點幾鐘難得無人等位入位座先等朋友😆一人一個生牛肉粉$63再加個米紙卷$30仲有牛油雞翼$40太好食 一上碟就比我地清晒無影相😂大大隻啖啖肉好味！朋友嗌咗杯青檸冰偷飲咗啖正正常常咁講返個粉好多人會揀綜合有生熟牛肉同牛丸但特色係生牛肉我就淨係想食哩項招牌我覺得真係拍得住我喺越南食嗰碗值得一試！米紙係大蝦同扎肉 都ok嗌啲小食個人開心啲😂總結而言定價有啲高但味道ok唔會成日食但值得一試

一向係越南 生牛肉河粉愛好者，嚟到一定唔會錯過啦。呢度食法好特別，每張枱都有貼上 （越南風味食法 ），客人可以依自己口味調較，大大碗牛肉味湯河，配上九層塔，自己再加芽菜，唧埋檸檬汁，真係好好味既生牛肉湯河呀

來到九龍灣，想快快脆脆食個quick lunch就去行街。見到這間餐廳排隊的人不多，但又有人排隊，應該食得過。等大概五分鐘就有位。點了一個綜合牛肉河，一個豬扒撈檬。牛肉河 有齊牛肉丸，生牛肉和熟牛肉三樣配料。牛肉丸有驚喜，一入口有濃郁的牛味，爽口彈牙，鹹度較低，加上有爆汁的口感，好食！湯汁濃郁但不會過咸。熟牛肉肉質嫩滑，份量頗多，一讚！豬扒撈檬大大塊豬扒份量最足，沒有預期這份量，有驚喜。豬扒味道不錯，炸粉不會太厚。撈檬就和比時吃到的差不多。最驚喜是牛肉丸，味道濃郁又彈牙。👍🏻今次沒有試到越南有名的滴漏咖啡，下次再來試。

餐廳環境好特別,好有以前5/60年代舊式鋪頭既裝潢風格 但因為店舖比較細,座位與座位之間都唔係有太大空間,比較逼夾適合純粹去食餐快餐嘅朋友我叫左個綜合河,牛丸好爽彈牙,牛肉就好滑,食落口感仲好淋! 夠晒水準湯味好濃郁, 但飲得多就會有d鹹豬扒煎得岩岩好,又香又鬆脆,而且夠晒入味但撈檬份量有d少,唔係好夠食,相比黎講叫河粉會抵食d越式炸春卷都炸得好香脆,上枱時仲好熱,炸得好脆,包埋生菜一齊食,好似食緊薯片咁

午餐叫咗一個熟牛肉河粉，盛惠60大元。香葉同埋芽菜係可以無限添加，但係一碗河粉大概只可以浸到兩兜芽菜。味道方面，湯嘅味道比較鹹，感覺上比較多味精。牛肉就比較硬，可能因為切得太大舊。河粉吸咗湯底嘅味，口感幾滑，反而係成碗麵最好食嘅嘢。呢間餐廳環境唔算好好，七個人圍住張大圓枱度食麵，都幾似以前舊式牛腩面鋪嘅格局。整體來講味道唔算出色，同其他連鎖越式餐廳差唔多，而且環境都好普通。不過價錢真係都幾貴，應該係租金問題喇。

錦麗綜合河湯很清甜生牛肉轉眼就熟了嫩滑而有牛味牛腩介乎於韌同淋之間而味道很好牛丸有頭 以為會韌原來都幾鬆化味道濃厚河粉唔會浸到淋曬 仍然堅挺很喜歡他們配菜裡的九層塔 很清新香茅青檸梳打以整枝香茅做搞拌棒好有趣係飲到底略甜但有更濃香茅味豬肉米紙卷咬下第一口很清新因為有青瓜蘿蔔生菜豬肉乾身冶味點埋酸辣汁冇咁乾之餘味道會多個層次

之前黎食過綜合，覺得牛丸好正，今次索性嗌碗淨牛丸粉😆綜合粉得1.5粒牛丸，淨牛丸粉有5粒😋😋好正👍🏻啲河粉好滑，加左蔥個啲令成碗野香左好多😋但湯底都一樣係咁重味精😅😅牛丸點啲辣椒醬黎食，真係好惹味👍🏻👍🏻今次仲嗌左個牛油雞翼每隻雞翼上面都有一pat嘅蒜蓉牛油醬因為雞翼嘅熱力，牛油會慢慢溶，滲落隻雞翼度👍🏻加重左牛油嘅味隻雞翼亦都炸得好脆😆但食食下總覺得有少少雪味，但認為小食黎講都可以試下嘅

錦麗（九龍灣）/即使是晚上九點仍是滿滿人龍的越南過江龍店！第六感告訴我會很好吃，便忍不住加入了排隊的行列😚/8/10 👍🏻錦麗綜合河 （生牛肉、熟牛肉和牛丸） $66Pho with Medium Rare Beef, Well Done Beef and Beef Meet Ball不僅湯汁清甜😋，沒有太濃的味精，而且牛丸的牛味非常濃郁，絕非外面的一般貨色，堪稱吃過最好吃的牛丸！😍（但友人竟說吃過差不多的😂）還有芽菜等配料任加！不過部分牛肉有點太「嚡」口🙊/7.5/10 香茅豬扒撈檬 $65Cold Vermicelli with Lemongrass Pork Chop豬扒不僅入味酥香，而且鬆脆得來非常嫩滑😛！可惜，檬粉極易斷是一大扣分位，吃到最後連夾都夾不起！😫😫/7.5/10 越式炸春卷 $38Pork and Shrimp Spring Roll春卷是鮮炸的非常酥脆😋，可是在越南吃過最好吃的越南春卷（傳送門 #foodcityyy越南春卷）後，就覺得這個內裏的餡料好像還是差了點甚麼🤥。/7.5/10 大蝦扎肉米紙卷 $28Shrimp and Vietnamese Sausa

同同事加班 好夜先收工 隨便係九龍灣搵左間鋪頭食 點知咁好食！可以話係我食過咁多間越南餐廳當中呢間最好食！因為放工實在太攰 唔想諗食咩 就隨便係點餐紙最面個頁點左錦麗綜合越南麵 貪佢咩都有 生牛肉 熟牛肉 牛丸 試齊晒！點知 點知 好好食！先講牛肉 整得好嫩滑 而且牛味濃郁 牛丸亦相當彈牙 好食重點來了 一般我食麵都試埋湯底 個湯底出奇地好味 好想知佢用咩調製再黎叫左杯飲品 點左款特別d 香茅青檸薄荷梳打 味道都幾得意 唔算難飲 鐘意特別既人可以點返杯試下！食完之後先經朋友口中得知 原來錦麗係太興集團 仲以為係小店經營 質素認真唔錯

錦麗當年由車仔檔起家，搖身一變，發展到一日可以售出超過3,000碗牛肉粉，難怪香港分店一開再開，現在已經有8間了。今次來到錦麗的九龍灣分店，但相比起其他店，這間的等位有點亂，希望他們可以留意一下（帶位及清晰指引客人）店內好像和旁的餐廳可以往來，地方尚算整潔，但員工好像差一點點（比較沒了那種親切感）錦麗主要以河粉配上熟牛肉，牛丸，生牛肉為主另外也有些檬粉、小食（春卷，米糕等等...）、米紙卷（大蝦扎肉米紙卷，燒豬肉米紙卷等等...）錦麗牛丸粉 - $60首先最值得欣賞的是湯底，不用加任何材料，也可以喝到濃濃的牛骨湯味，重點是夠「熱」，而且配上他們的牛丸，食落有點根，但係異常的好吃，簡簡單單的一碗粉都令我心掛起來，一吃起湯粉麵，便想起你「錦麗牛丸粉」

見食評有人寫牛油雞翼好好食咁我又試下40$,有4隻價錢真係唔平你收得這價錢,一定要好食等了又等,等到雞翼到,應該唔係預先整好因為都等了幾耐外表睇來色水都幾靚幾香但一食..........得層皮好食...................D肉好乾身,而且唔夠熱............咁的質素都收咁貴?有食評話好好食,我先試層皮的確係OK,但講唔上好好食.........問題係D肉,太普通...........太乾身我屋企果面有間,比這間好,人地重平過佢............佢令我想起雞翼山,專賣雞翼果間,又係唔好食重話咩雞翼專門店............雞翼山未有時間寫,搵日寫10分滿分味道:6/10香味:8/10外觀:8/10抵食度:4/10

原本見好多好評而且我又未試過咩正宗越南河咁我當然去試下一去到見到店門口吹噓咩最好的越南河當然我未試過,我真係唔知點好法我問過,原來牛肉河,同綜合牛河唔同咁我就只試了綜合牛河咩係綜合牛河,有牛肉片,牛腩片,牛丸佢有齊咁多種比我試,咁當然好如果我只叫單一食物,咁只試到一種現在佢有綜合,可試齊咁多種綜合牛河價錢都會貴D先試了,牛肉,好普通,普通牛肉咁我自己平日自己煮的鮮牛肉都比佢高質牛腩片都係好普通,同一般牛腩店果D差唔多,無咩特別好或差如果你食過D靚牛腩麵店,你唔會選這間牛丸最出色係牛丸,牛丸一食就知道係高質平日超市賣好貴果種牛丸來牛丸會我比8分當然你係超市買貴價牛丸都一樣湯底,甜中帶小小酸真係無咩特別,無話特別好食河粉亦係普通河粉,我唔見有咩特別出色咁的質素,咁的價錢.........偏貴,如果叫牛丸河可能會好D,又平D好似係10分滿分味道:6/10香味:6/10外觀:7/10份量:7/10抵食度:3/10

係香港食過好幾間越南菜都覺得好似唔太岩食，今日男友話想試下呢間，即管試一試，但係食完令我對越南菜有d改觀。今日食既時候都已經係下午茶時間，一人叫左一個餐同兩款小食。跟餐叫左杯咸檸檬青檸梳打，味道唔錯，不過唔記得左少甜。呢個春卷算係皮薄餡靚，上枱一陣仍然熱辣辣，炸得好脆香芧豬扒撈檬，豬扒好大塊，食落香嫩，如果記得走埋花生會食得更開心，我已走左青😬檬粉唔係凍冰冰，有魚露加埋幾好食。牛油雞翼真心好味，香噴噴，唔厚粉，雞肉保留嫩滑口感，幾juicy的💓

上次食完錦麗之後念念不忘佢個牛丸😍😍😍 今次同朋友嚟到德褔 由於係星期日的關係都幾多人等 但條隊郁得好快 因為全部客人都係食完就走咁😚 我地等左十五分鐘就入得！今次我都係叫錦麗綜合粉 啱曬三心兩意的我☺️ 入面有二粒牛丸 兩片生牛肉同三舊熟牛肉😋😋另外仲要有d 九層塔 青檸 辣椒 芽菜等可以加埋一齊食🤤 湯底帶有淡淡牛味 吾會太咸 牛肉丸依舊高質 好爽口彈牙 熟牛肉係牛腩 略嫌吾夠淋 生牛肉就好滑👍🏼👍🏼牛油雞翼煎到好金黃 仲好香牛油味 同朋友share啱啱好~連鎖店嚟講錦麗食物質素都幾好🤤🤤推薦:⭐️⭐️⭐️⭐️