鋿晶館

營業中

休息中

🫖多才多藝點心小店🥡-旺角行完街諗住食啲嘢 平時返工食lunch都唔多機會食點心🥺 見到726隔離呢間點心菜館 即刻心心眼😍-🥢咱家脆皮蝦多士 $49 🥢咱家秘製叉燒包 $24蝦多士用嘅係厚多士 炸得好脆🤩 好似食緊炸饅頭咁 幾正😋 叉燒包冇乜肥豬肉 調味都唔錯☺️-🥢齒頰留香脆蘿蔔腸 $38蘿蔔絲腸粉一啖有曬香脆同滑溜👍🏻 入面炸得乾身 腸粉都幾滑😙-🥢月半彎晶瑩鮮蝦餃 (2粒) $22 🥢鮑魚北菇燒賣皇 (2粒) $42食點心點少得蝦餃燒賣🥳 燒賣皇面頭有粒細鮑魚 好奢侈呀😆 鮑魚仲煮得好入味 值得一試😌 另外蝦餃都係啖啖蝦肉 冇多餘肥豬肉🫡-🥘老壇酸菜魚 $228 酸菜魚本身已經有薯粉 仲有大量銀芽雲耳 都抵食喎😇 魚質都唔錯 有咬口唔會太腍😉-🥣川芎白芷天麻燉斑骨湯 $58幾乎每枱枱面都有燉湯 我哋都唔執輸🤣 藥材味濃 湯水連埋大量湯渣 補身又飽肚呀😎-📍鋿晶館旺角彌敦道726號地舖

鋿晶館主打精緻點心、特式蒸飯、養生燉湯、港式炒粉麵飯同廣東鑊氣小炒。點心店黎計，款式真係應有盡有。上網睇到介紹，呢到嘅師傅曾經喺日本東京富麗華工作左幾年，專係服務高管達人同明星，返黎港之後喺好幾間間米芝蓮酒店同大型連鎖酒樓集團做過主管，中式餐飲經驗豐富。  鋿晶館所有點心標榜現場即點即做，絕非好似部分大型集團咁由工場生產。除此之外，佢啲湯水同小炒都係現場出品，真真正正自家製品牌。  花膠螺頭燉赤肉湯 ($82) 花膠大大塊非常足料，湯好濃好鮮味而且完全無落味精，全靠材料本身嘅味道。  川芎白芷天麻燉班骨湯 ($58) 呢個湯好適合經常頭痛同養生嘅朋友飲。雖然用上魚骨，但完全無腥味，味道好好。  月半彎晶瑩鮮蝦餃(2粒) ($22) 薄薄嘅皮包住大大隻鮮蝦，蝦肉好彈牙好香。  黑松露北菇燒賣王(2粒) ($20) 燒賣王大大粒，黑松露味好香，豬肉同北菇用料好好。  剁椒蒸魚頭腩 ($49) 一個點心有齊魚頭同魚腩，味道辣辣地，將魚嘅鮮味吊晒出黎。  百花炸釀蟹箝(3隻) ($62) 呢個炸蟹箝真係泊得住大酒樓水準，外脆內軟，炸完仲可以保持住蝦膠爽滑彈牙。  油泡翡翠鮮斑球 ($168) 

今日同朋友出開旺角，心血來潮想飲茶，上網睇到鋿晶館口碑好吾錯，即興決定試下先一到店，全場爆滿，估吾到平日時間都咁多人，我地叫左數款點心同燉湯，真心不錯，終於知道點解咁full下次會再幫襯雪山叉燒包 3個 $36雪山叉燒包，軟綿綿外層帶點鬆脆，內層濃郁叉燒餡料 好味道月半彎晶瑩鮮蝦餃 2粒 $22大大粒的鮮蝦餃，皮薄餡靚，鮮味彈牙鮑魚北菇燒賣皇 2粒 $42鮑魚燒賣賣相吸引，鮑魚爽甜彈牙，燒賣豬肉足料紫金名醬蒸鳳爪 $30醬蒸鳯爪好入味肉嫩蟲草花螺片燉雞湯 $48川芎白芷天麻燉斑骨湯 $58平時無嘜湯水，叫左兩款燉湯，真材實料，完全冇味精，湯味濃郁 值得推介半肥不瘦叉燒腸 $34 叉燒腸好嫩滑，餡料惹味蒜香蝦春卷 $42春卷餡料十足，非常酥脆，鮮蝦爽口彈牙，配上蘿蔔絲、蔬菜絲等等 增加味道層次感脆皮炸乳鴿 $58炸得剛剛好，非常香脆肉嫩，好滋味

今日去左旺角飲夜茶 食點心聽朋友講依度啲點心係即叫即整 仲係自家製好有誠意咁😌⭕️ 咱家脆皮蝦多士 ($49)好厚身嘅蝦多士 一件切開4塊炸到好香脆香口👍🏻有驚喜咬落係好軟熟 而且滿滿芝麻香⭕️ 月半彎晶瑩鮮蝦餃 (2粒) ($22)部分點心可選2件或4件 幾有彈性兩個人黎食岩岩好 又可試多幾款😎蝦餃內餡好豐滿 啖啖蝦肉🦐⭕️ 黑椒醬皇金錢肚 ($32)依款個黑椒醬出色 好濃味金錢肚份量都算多而且底下嘅蘿蔔好入味同淋身👏🏻見到依度有幾款燉湯 即刻叫番兩盅試試$5/60嘅價位 咁足料 性價比好高⭕️ 姬松茸雪耳燉雞湯 ($48)雪耳有成2-3舊 大大舊湯底清甜 姬松茸味好重 暖胃又滋潤⭕️ 川芎白芷天麻燉斑骨湯 ($58)經常頭痛嘅我必叫川芎白芷天麻湯❗️飲第一啖已feel到落足材料同心機去燉湯以中藥材料為基底 但都唔苦架 十分滋補養身⭕️ 蒜蓉炒菜心 ($78)叫番碟小炒菜心 簡單得黎可show到餐廳功架菜心嫩口 蒜蓉味好夠🧄 嫌一碟唔夠喉添🤭最後竟然發現仲有好正嘅甜品🍮⭕️ 法蘭西焦糖燉蛋 ($26)表面焦糖燒至薄脆😍 燉蛋厚身creamy甜度岩岩好👍🏻⭕️ 傳統芝麻糕 ($32)好耐冇食嘅芝麻糕 一

這間鋿晶館樓底高，空間感十足，坐得舒服。餐廳所有點心都係現場即點即做，熱辣辣上枱，選擇多。蘿蔔絲拉腸粉，皮薄內邊炸餡香脆，食到一絲絲的蘿蔔絲。煎釀虎皮尖椒，煎得香身，味道頗辣。兩粒的月半彎晶瑩鮮蝦餃，大大粒，內邊蝦既比例比較多，蝦身彈牙。黑椒醬皇金錢肚夠惹味，牛肚好厚身，炆得剛好，不會太腍身，墊底的淋身蘿白索晒汁，更好味。脆皮炸乳鴿只是$58, 炸得皮脆肉嫩，沾少少淮鹽更好味。蒜香虎蝦蒸飯套餐$108, 有飯，有時令養生燉湯一盅及時令蔬菜一人份。蒜香虎蝦蒸飯用荷葉籠仔盛上，荷香浸入米飯中，飯身粒粒分明，虎蝦彈牙，舖上蒜泥一齊蒜，增加美味。是日燉湯是蟲草花螺片燉雞湯，足料清甜。最後還點了芝麻糕結尾，十分滿足。

呢間位於旺角既鋿晶館，喺香港一共有四間分店！提供點心、蒸飯、燉湯、小菜等等，款式都算係包羅萬有！餐廳係自家製品牌，所有點心現場即點即做，為咗好食啲等一陣都抵啦！😋😋聽聞呢度嘅點心師傅曾經喺日本東京富麗華工作多年，專為高管達人和明星服務，回港後喺多間米芝蓮酒店及大型連鎖酒樓集團做主管，經驗豐富，難怪唔同菜式都咁好食啦！😍😍點心方面，我哋就叫咗香噴噴流沙包🍞$30、月半彎晶瑩鮮蝦餃🦐$22、黑松露北菇燒賣王$20、黑椒醬皇金錢肚🐮$32、半肥不瘦叉燒腸🐷$34，佢哋嘅流沙包真係好流沙，而且係帶甜味嗰款，好好食🫶🏻🫶🏻蝦餃燒賣都係超級大粒，近乎係一粒可以抵人兩粒嗰隻，抵食呀！除咗點心之外，另外一定要推介嘅一定係佢哋嘅燉湯🥣，我哋今次揀咗兩款 — 黑蒜螺片燉糖排湯$48 同埋 蟲草花螺片燉雞湯$48，其中我特別鍾意黑蒜味嗰個，黑蒜味真係好濃郁，而且黑蒜味嘅燉湯唔係周圍都有，所以特別推介大家喺呢度嗌嚟試吓！😍😍蒜香虎蝦蒸飯🦐$79呢一個蒸飯除咗有好香嘅蒜香味之外，仲有淡淡嘅荷葉香味，唔係咁多地方有提供荷葉蒸飯，建議大家嚟到一定要試一試！🤩🤩

約咗朋友嚟旺角飲茶，揀咗彌敦道嗰間「鋿晶館」，據知餐廳係自家製品牌，所有嘅手作點心都係現場即叫即做，新鮮熱辣~加上師傅曾經喺日本東京富麗華任職，專為高官達人同明星服務，返港後，於多間米芝蓮酒店及大型連鎖酒樓集團做主管，經驗豐富，所以品質絕對有保證。月半彎晶瑩鮮蝦餃 ($22/2粒)  蝦餃相當足料，餃皮晶瑩剔透，入面係滿滿嘅新鮮蝦肉，誠意十足，食落爽口彈牙。鮑魚北菇燒賣 ($42/2粒)  燒賣賣相好吸引，每粒頂頭都放咗隻入味鮑魚，食落彈牙有嚼勁，燒賣真材實料，入口有好重豬肉味，吃時更滲出淡淡菇香👍🏽雪山叉燒包 ($36)  叉燒包即點即焗，拿上手時仍熱辣辣，麵包鬆軟，入面嘅叉燒餡肥瘦適中，鹹甜有致，同外層嘅酥皮一齊食更添滋味。咱家脆皮蝦多士 ($49)  呢客蝦多士好特別，外形脹卜卜，勁厚身，蝦肉新鮮爽彈，面層鋪滿黑白芝麻，咬下酥香鬆脆，滿口芝麻香！脆皮炸乳鴿 ($58)  乳鴿新鮮炸起，外皮香脆，鴿肉鮮嫩，唔使點淮鹽同喼汁食都已經好夠味。新鮮斑片鮮牛肉皮蛋生滾粥 ($60)  斑片大大塊，鮮味十足又無骨；鮮牛同皮蛋份量下得很慷慨，毫不吝嗇，粥底又綿又滑，入口味道好鮮甜。

呢一間旺角嘅中式餐廳見網上都好多人讚💯，餐廳係自家製品牌，而且之前見過介紹師傅經驗豐富，曾就職日本東京富麗華多年😌，專為高管達人和明星服務，回港後係多間米芝蓮酒店及大型連鎖酒樓集團做主管🤩豉汁豆卜蒸饍片 $138蒸饍我一向都好鍾意食❤️，呢度蒸饍每一件都好大件，份量方面好足，而且火候都啱啱好，仲保持到好爽口😝椒鹽魷魚鬚 $138啱啱炸起外皮好香脆，而且椒鹽口味好惹味🤪咱家脆皮蝦多士 $49蝦多士同樣好香脆，而且麵包夠厚更加有口感😝鮮蝦菜苗餃 $36呢度嘅點心係即點手作即做，菜苗餃好出色👍，外皮做得好夠薄，而且裡面嘅餡料都好惹味😛脆皮炸乳鴿 $58真係如其名外皮好香脆😙，而且乳鴿仲好大隻，肉質依然嫩滑😌喜灼鮮嫩菜心 $35

同友人本想飲早茶，點知遲左起身，無有怕，夜晚都可以飲茶✌🏻友人帶我去呢間由資深師傅經營既餐廳，仲要點心即叫即做，單係手作點心已經好吸引😝最值推介係燉湯，非常入味，仲要好多湯料，果然誠意十足😚炸乳鴿 係bb鴿，肉夠嫩，食到舔舔味😋😋😋雪山叉燒包外層類似菠蘿包好鬆脆又甜甜地，包又軟熟叉燒☺️餡料又多又好味👏🏻黑松露菇燒賣天然黑松露與新鮮菇類的靈魂搭配，料豐味足，香濃味美。 香脆嘅春卷唔至好味道，金黃嘅外表仲好吸引，薑汁糕 薑汁濃郁，口感細膩軟綿，甜而不膩

放飯時間同同事喺附近食點心，呢間點心真係幾唔錯，服務態度唔差，而且位置坐得舒服唔逼夾，環境又唔會嘈吵，最緊要係即叫即蒸💯💯茶我地簡左荔枝紅茶熱既，味道幾香唔會甜椒鹽豆腐嚟到細細粒，外表精緻，香脆可口除咗椒鹽味，佢仲有七味粉嘅味道，但係唔食辣嘅人建議走咗佢雪山叉燒包越嚟越多地方有返雪山叉燒包食，但好食嘅唔多佢算係皮薄餡靚，叉燒餡都好多，包身夠薄但如果叉燒醬汁再多啲會更加好，但整體嚟講都好唔錯馳名南翔小籠包有驚喜，皮薄多汁，好足料趁熱食，但小心辣嘴黑松露北菇燒賣皇足料🤤🤤黑松露味好香，北菇同埋燒賣肉份量平均菇又香，有咬口，最緊要係兩個人食唔使一份四件咁多，可以叫兩件，就可以叫多啲唔同類型嘅點心💯💯月半彎晶瑩蝦餃皇皮薄餡靚，薄薄嘅皮又唔會好大陣粉味入面見到好足料原隻嘅蝦，蝦味好香💯💯活拆生剝鮮蝦腸佢呢個比起平日食嘅蝦腸有啲唔同平日我哋會見到係原隻嘅蝦，而佢係半蝦半打膠，口感特別脆炸北海道鮮奶十分之香脆，就算放咗一陣都唔會淋咗包住嘅鮮奶唔會話過甜，奶味唔算好濃好蘇食完呢甜品唔會話好膩

位於旺角彌敦道嘅鋿晶館是自家製品牌 - 平日搭車都不時經過，門面介紹佢哋主打由傳統師傅和米芝蓮師傅攜手合作自家主理菜式。足料養生燉湯，純天然無添加。今日終於有時間嚟食晚飯試吓。😆我哋order咗：1）鳳爪排骨蒸金鳳飯鳳爪排骨肉嫩入味,主打用金鳳米煮嘅飯，果然係零舍唔同啲。飯味十足😋。果然專業師傅用心製作。2）老壇酸菜魚（小辣）酸菜魚好大份，湯裏面嘅魚片好新鮮脆口，酸菜芽菜薯粉配料充足。好惹味😋，我哋兩個人唔覺唔覺成份食晒。呢個好推介👍🏻👍🏻👍🏻3）川芎白術天麻燉班骨湯佢有好多唔同嘅養生燉湯選擇。最近唔夠瞓，成日頭痛，就試咗呢個燉湯。見到湯濃得嚟好乾淨，冇乜雜質，好有信心。味道亦都好好，果然用心製作。💁🏻‍♀️👍🏻👍🏻👍🏻飲完之後成個人舒服晒💆🏻‍♀️4）黑松露北菇燒賣王+鮮蝦餃（各兩粒）點心現場即點即做，手作點心。食材新鮮。而且仲有好多點心選擇👍🏻超讚。據聞主理師傅好出名，專為高管達人和明星服務，亦向多間米芝蓮酒店及大型連鎖酒樓集團做過。以呢個價錢可以食到優質手作即叫即做食品。絕對稱得上係民間飯堂。超級推介👍🏻😋👍🏻

星級廚師，即叫即整自家點心🌟餐廳位置方便，近太子/旺角地鐵站～店內裝修簡潔明亮，座位闊落坐得舒服，無論環境定係食物質素相當唔錯！尤其推介燉湯，真材實料冇落味精，解甜清香～花膠螺頭燉赤肉湯👍🏻川芎白芷天麻燉斑骨湯👍🏻點心都一定要試！ 個人推介以下點心月半彎晶瑩鮮蝦餃：珍寶size,入邊有三隻蝦，爽口彈牙，皮薄餡靚黑松露北菇燒賈皇：比起坊間嘅燒賣肥肉比例相對較少，冇咁油膩，口感好！四寶雞扎：食材質素佳，特別係舊芋頭，軟綿綿十分正另外生滾粥都有驚喜！自選配料，粥底綿滑，厚㓛豬潤爽口，斑片新鮮甜👍🏻仲加咗生菜絲，口感上更豐富😍鋿晶館 (旺角)旺角彌敦道726號地舖

每次經過都被大大廣告點心吸引！這天相約朋友試一試即蒸點心！咱家脆皮蝦多士一上枱已聞到腥味。咬開根本唔熟，即換！但已打折扣。黑松露鲜蝦燒賣黑椒金錢肚小欖菜蒸粉果豉椒排骨兩面黄麵係炸嘅脆麵😳

鋿晶館 (旺角)，最近回頭率比較高，主要係兩人都可以叫多幾樣野食。我地叫左黑松露北菇燒賣皇(2粒）$20，最好係可以揀兩件，唔洗再因為兩個人。要叫4件，食得真係好辛苦，味道不錯。雖然兩件，但都幾大粒架月半彎晶瑩鮮蝦餃(2粒）$22，即叫即做，一樣味道口感不差，蝦都好新鮮雪山叉燒包（3個）$36，算係繼添好運後，最好食既一個了，即蒸熱辣辣上枱👍👍齒頰留香脆蘿蔔腸$38，有驚喜卜～外表似炸兩，入面係油炸鬼及蘿蔔絲，蘿蔔香甜&油炸油脆香，腸粉拉得好薄蒜香蝦春卷$43，呢個都好得別。出面係春卷。入面包左蝦同椰菜，口感新穎鳳爪排骨金鳳飯$38，呢個都會想推介，雖然好多地方都有得食，但我個人食左咁多間鳳爪排骨飯，最好食真係呢間😋

本來滿心期待去食見到有乳鴿就嗌咗一份其他就嗌咗牛肉球、腸粉、鮮竹卷、排骨、魷魚鬚…想講啲牛肉球好霉，啲肉完全冇牛味，完全唔似肉嘅質感鮮竹卷入邊嗰啲蘿蔔、菜絲仲要係生嘅3舊入面有1舊食唔到，有苦酸味，食完嘔返出黎，即刻飲大杯茶浪口先得，第一次食到嘔返出黎而乳鴿仲衰炸到燶晒黑色嘅，無肉超鹹咬左一啖就冇食到仲要58蚊排骨又係乸到好霉、冇咩肉腸粉嗰啲皮勁黏牙上網睇仲見到係新鮮整，以為會好食少少，食完好失望3/10