影片
港鐵銅鑼灣站 F1 出口, 步行約2分鐘
繼續閱讀
電話號碼
93065680 ((Tel & Whatsapp))
開飯介紹
來自成都的餐飲品牌，呈獻以川菜之首「花椒」為主題的現代川菜。餐廳採用柔和的米白色為主調，以花飾作佈置，優雅之中帶點浪漫感覺。
繼續閱讀
營業時間
今日營業
17:00 - 23:00
星期一至六
17:00 - 23:00
星期日
全日休息
以上資料只供參考, 請與餐廳確認詳情
有關獎賞計劃
.‼️❤️ 記得CLICK我PROFILE關注我呀 ❤️‼️.🔥 𝓔𝓶𝓫𝓪𝓻𝓴 𝓸𝓷 𝓜𝓲𝓬𝓱𝓮𝓵𝓲𝓷 𝓢𝓲𝓬𝓱𝓾𝓪𝓷 𝓣𝓪𝓼𝓽𝓲𝓷𝓰 𝓙𝓸𝓾𝓻𝓷𝓮𝔂 @ 🌟 銀廬1933《👽食神大媽食川菜》.💁♀️ 圖片展示美食為：Jiao Yan HKD 1388- Chegdu Pickle Kohlrabi- Crispy Lake Bass Carpaccio with Sichuan Pepper- Thousand Years Egg with Sichuan Pepper Sauce- Shredded Eels with Sichuan Pepper & Spicy Sauce- Caviar with Chicken & Beef Broth Jelly- Chicken & Bamboo Fungus Soup- Zhang Daqian Style Braised Liaoning Sea Cucumber- Sichun Pepper Smoked Baby Pigeon- Green Pepper Unicorn- Traditional Pepper Sauce Beef- Stir-Fried Wild Mountain Pepper Old Ginkgo & Nine Years Wild Lily- Simmered Rice with Salted Veggie- Mapo Tofu Ice Cream- Sichuan Pepper Tea- Silver Cottage Delight.👽 呢間川菜米芝蓮一星餐廳正式進駐香港，起傳統川菜經典菜式上再進一步昇華，匯集由宋至今以花椒為主題嘅特色菜式嘅盛宴，當然要黎試下啦！.🤩 涼菜係以盛盒裝載嘅四款特色小食，包括：成都泡菜、燈影魚片、燒椒皮蛋、椒麻鱔絲。成都泡菜非常清爽，絕不過辣。燈影魚片加上香辣嘅花椒，精緻透薄，脆度恰到好處。燒椒皮蛋嘅醃得軟硬適中，加上燒椒嘅香辣味完美結合。椒麻鱔絲夠香脆，麻辣惹味。.🍲 接住係「魚子醬雞牛湯凍」作為前菜，選用產自四川嘅魚子醬，配上雞牛湯凍，鮮味非常，口感滑順入口即溶。.🦋 湯品係好精緻嘅「蝴蝶竹蓀湯」，湯底以金華火腿等精選食材熬製，加上山椒精油更加係畫龍點睛。.😍 主菜係「大千乾燒關東參」，燉煮得非常彈牙，更借鑑張大千嘅藝術烹調，配上牛肉同埋貢椒嘅滋味完美融合，令味道更昇華。.🦆 特色嘅「士罐貢椒乳鴿」以一大個士罐裝載，一打開蓋滿滿嘅香氣四溢。乳鴿煙燻味濃，加上漢源大產區子母貢椒嘅香辣味，嫩滑多汁，風味獨特。.🐟 另一款係「青花椒麒麟魚」，魚嘅鱗片被煎到金黃酥脆，加上清溪鎮青花椒嘅麻辣味，咬落口感一絕。.🥩 仲有經典嘅「老成都水煮牛肉」，牛肉鮮嫩，加上茂縣大紅袍嘅香辣醬汁，辣中帶醇，非常惹味！.🪷 一道清新非常嘅「野山椒素炒千年銀杏配九年野生百合」，綠意盎然，銀杏可口，剛好可以過渡一下被麻辣刺激嘅味蕾。.🥘 主食係「老鹽菜煨飯」，簡單卻美味。鹽菜嘅咸香同埋煨飯嘅濃郁，令人飽肚又滿足。.🍨 甜品係「麻婆豆腐冰淇淋」以及包括馬卡龍、杏仁薄脆、花椒朱古力嘅「糖果拼盤」。絕對係非常創新嘅口味同擺盤。以花椒入味嘅甜品絕對夠特別，無違和感。.☕️ 最後奉上「椒茶」，暖流湧入，非常舒服，幫助消膩。餐廳更會送上小食伴手禮作為留念，將美味帶回家。.🌅 菜餚設計絕對夠特色，價錢對比同類等級餐廳以絕對有誠意，係享受佳餚嘅好選擇，有興趣嘅朋友仔值得一試。.📍 銅鑼灣恩平道42號亨利中心20樓📲 +(852)9306-5680.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀
📍「銀廬1933」- 銅鑼灣今次食食食之旅黎到銅鑼灣😌聽講榮獲米芝蓮一星，來自四川成都嘅「銀廬1933」進駐香港，係香港少見嘅中式Fine Dining，全晚得一個tasting menu，今次就試試佢🤗📷餐廳位於恩平道亨利中心，係bakehouse嘅斜對面，好易搵😎餐廳裝修充滿中式風格，以米白色為主色🤍，整體帶出高貴優雅感覺，座位闊落坐得舒服😇全晚以「花椒」做主題，用花椒融入每道菜式，廚師以精湛嘅烹煮技巧及古代手法，配以現代珍貴食材，呈現係每道精緻嘅佳餚上，再以賞心悅目嘅擺碟由staff 呈上，再逐一介紹每道菜式🤩整個體驗大約2小時，等👧🏻分享下今次色香味並存嘅體驗❤️🌹🍽椒宴💰HK$1388✨推薦指數：9/10*以下係跟上菜次序出‼️🍴Welcome drinks & 時令水果🔸Welcome drinks : 桃味果汁，香甜開胃🔸時令水果：五星琵琶，食落清甜juicy 🍴涼菜🔸成都泡菜：食落爽口，辣道唔算強🤭🔸燈影魚片：睇落超薄好考刀工，係燈影下仲會透光🤩食落鹹香脆脆哋，口感仲薄過薯片😍🔸燒椒皮蛋：蛋黃半流心，燒椒嘅辣後勁強🤗🔸椒麻鱔絲：有咬口，充滿芝麻香，有少少似炸魚酥，後勁麻😛🍴前菜🔸魚子醬雞牛湯凍：底層係幼滑嘅鵝肝醬，中層係用上牛肉雞肉，以8個小時煮成湯凍，上層係來自成都雅安15年嘅魚子醬同鮑魚粒作點綴🤗唔講唔知，原來成都出產嘅魚子醬佔全球1/3，非常矜貴❗️食落魚子醬鹹香，配埋清甜嘅湯凍同幼滑鵝肝醬，層次豐富又融合得岩岩好😋🍴湯🔸蝴蝶竹蓀湯：用上金華火腿、豬骨、雞胸、瑤柱等材料，再歷經4次洗湯同6小時熬製提煉而成嘅高湯，表面非常清澈，飲落味道濃郁唔油膩，配以手打魚肉製成嘅蝴蝶同爽脆竹蓀，完全體驗到廚師嘅心血之作；飲完一啖仲可以加埋有檸檬葉成份嘅山椒油增添香氣，味道更多層次😆🍴熱菜🔸 大千乾燒關東參（牛市坡玫瑰貢椒）：參考咗成都藝術家張大千畫作靈感，用干燒煮關東參，再配上炸過嘅杏鮑菇同黑毛豬粒作配搭，未食都已經聞到好香，食落關東參好爽口彈牙，杏鮑菇同肉粒非常入味😚🔸土罐貢椒乳鴿（漢源大產區子母貢椒）：乳鴿用上四川傳統煮法土罐，再加入花椒葉得薰熟，聞落花椒味好香好出，食落外皮非常脆，肉質嫩中帶麻，油脂十足😋🔸青花椒麒麟魚（清溪鎮青花椒）：以日式立鱗燒烹調方法，形容魚鱗立身酥脆，帶點油膩感，肉質唔算嫩滑，下層係花椒同青豆打製而成，醬汁口感creamy 帶麻，兩者幾夾😊🔸老成都水煮牛肉（茂縣大紅袍）：staff 會係客人面前淋上熱油，增添水煮牛肉香味，亦令牛肉質感更嫩滑🤩食落牛肉真係好嫩好軟腍，充滿蒜油香味，唔會好辣，真係好好食😆😋配上煙韌掛汁嘅米線非常滿足🥰🔸野山椒素炒千年銀杏配九年野生百合：紅蘿蔔同萵筍用四川吉慶刀法切成，形狀呈俄羅斯方塊，代表吉祥如意；再配以珍貴嘅千年古樹銀杏果實同九年嘅野生百合，（銀杏全球淨係供應幾間餐廳架咋🤭）完美呈現廚師精湛廚藝👏🏻🍴主食🔸老鹽菜煨飯：加入老鹹菜、臘肉、香蔥、豆角等用沙鍋炆煮，油分滲入飯粒，粒粒均勻，配埋蘿蔔乾食更香口好食🤤🍴甜品🔸 麻婆豆腐冰淇淋：以自家製提煉出花椒蔥油配豆腐雪糕，底下有脆脆增添口感，豆腐淡味清新，唔係真係平時食開麻婆豆腐嘅味🤣幾特別嘅配搭😛🔸餐後椒茶：以花椒樹嫩芽提煉出嚟，無咖啡因，夠哂清淡健康，可以一清主菜嘅油膩感。全港只係呢度可以品嘗到架咋🤗🔸糖果（馬卡龍、杏仁薄脆、花椒朱古力）：以意大利製造嘅大檸檬包住，乾冰煙飄出超岩打卡，全部都用咗花椒製成😍😍😍杏仁薄脆食落香甜，唔算好脆；馬卡龍好有驚喜❗️食落外皮脆身，中間夾心充滿花椒香氣好特別，唔會太甜，想encore 🤣朱古力就偏甜，唔係好食得出花椒味😆最後仲有花椒糖作伴手禮🥰
繼續閱讀
位於成都嘅”銀鍋”2023年榮獲成都米芝蓮一星，”銀廬”榮獲米芝蓮指南推介餐廳(Michelin Selected Restaurant)，而集團旗下”銀廬1933”啱啱嚟咗香港。餐廳店面不大，裝潢優雅，服務貼心，擺盤造型精緻；川菜靈魂係花椒，全晚以花椒香味為主導。椒宴菜單：🌶️🌶️Cold Dishes涼菜🥢成都泡菜 🥢燈影魚片🥢燒椒皮蛋🥢椒麻鱔絲前菜四格，設計建議由左至右順序食，全部水準之上，最like椒麻鱔絲💚🌶️🌶️Appetizer前菜🥢魚子醬雞牛湯凍 兩種鮮味，食材高端新鮮🌶️🌶️Soup湯🥢蝴蝶竹蓀湯（山椒精油）一滴山椒精油就有强烈嘅香味麻味，蝴蝶做工細膩🦋🌶️🌶️Hot Dishes熱菜🥢大千乾燒關東參（牛市坡玫瑰貢椒）用咗年產量只有約2000公斤，超過99.99%地球人都未食過嘅四川頂級漢源牛市坡貢椒；麻感溫和，關東參爽滑彈牙，驚喜位係鮑魚粒，鹹香得嚟又增加口感🥢土罐貢椒乳鴿（漢源大產區子母貢椒）外皮超脆，椒香入味🥢青花椒麒麟魚（清溪鎮青花椒）日本鐵板燒出現嘅立鱗燒食到見怪不怪，呢款風格相似🥢老成都水煮牛肉（茂县大紅袍）店員會喺牛肉上淋熱油，幾有儀式感。牛肉滑溜，湯底tune得夠麻夠香，辣味温和，再配一小撮米線🥢野山椒素炒千年銀杏配九年野生百合 味道清甜，精細精工🌶️🌶️Rice主食🥢老鹽菜煨飯🌶️🌶️Desserts甜品🥢麻婆豆腐冰淇淋🥢餐後椒茶 🥢糖果（馬卡龍，杏仁薄脆，花椒朱古力)第一次食有淡淡花椒味嘅馬卡龍最後有花椒拖肥糖做伴手禮多謝🙏🏻
繼續閱讀
於成都榮穫米芝蓮嘅古法川菜，外觀精美，味道更風味獨到，大部分都係未食過嘅口味、食材、菜色，尤其特別更係用上張大千嘅食譜，整體體驗十分驚艷，有別於一般千篇一律嘅米芝蓮西餐，好值得嚟試下。菜色均以「椒」味為主題，用餐後果然令人「椒」思暮想。⋯♡⋯⋯⋯♡⋯⋯⋯♡⋯⋯⋯♡⋯《涼菜》♡成都泡菜切開一層層，咬落無比爽脆，花椒味香帶微辣♡燈影魚片考驗刀工，薄至透光♡燒椒皮蛋溏心雙黃皮蛋，烤椒味帶煙燻，令人一再回味♡椒麻鱔絲酥脆，麻味重 《前菜》♡魚子醬雞牛湯凍湯分兩層, 最底係鵝肝醬, 上面係本地牛肉、蟲草花、走地雞湯凍, 配上青城山泡菜及鮑魚粒, 再用矜貴四川魚子醬作點綴《湯》♡蝴蝶竹蓀湯（山椒精油）將白菜、金華火腿、瑤柱、雞胸 煮達8小時先嚐原汁原味嘅湯, 清甜無比; 及後可以滴山椒精(檸檬葉、蘋果香氣)令其香氣更昇華《熱菜》♡大千乾燒關東參(牛市坡玫瑰貢椒)使用著名藝術家張大千嘅獨門食譜作烹調, 用獨特香濃既大千醬乾燒彈牙關東參，配黑毛豬豬肉、杏鮑菇粒♡土罐貢椒乳鴿(漢源大產區子母貢椒)外皮非常薄脆，椒香味反而令乳鴿減卻油膩感，令人想一食再食♡青花椒麒麟魚(清溪鎮青花椒) 青花椒麒麟魚立麟燒, 魚麟酥脆, 用上木馬山嘅二荊條（辣椒）及本地有機青豆♡老成都水煮牛肉(茂县大紅袍)上菜後淋上滾油, 香氣隨之撲鼻, 用上本地騸牯牛肉，肉味香濃, 油脂分布平均, 配以大紅袍 花椒及傳統水煮方法作烹調♡野山椒素炒千年銀杏配九年野生百合用四川吉慶切將野山椒切成方塊狀，代表吉祥如意；當中更用上青城山千年古樹銀杏，由於極其稀有，所以只獨家供應予銀廬，口感比一般銀杏更清甜，少苦澀味，口感Q彈《主食》♡老鹽菜煨飯用上四川鹽賓菜嘅炭沙鍋炆飯《甜品》 全用上低卡配方♡麻婆豆腐冰淇淋新鮮自家製豆腐雪糕，淋上蔥油醬、花椒精油♡飯後椒茶用花椒嫰芽煮嘅茶，無咖啡因而袪濕♡糖果(馬卡龍,杏仁焦糖薄脆,花椒朱古力)
繼續閱讀
西餐fine dining 就食得多，中菜fine dining 還是第一次，銀廬以宋宴為主題嘅川菜，無論氛圍、服務到菜式，都係超班水準。其實中菜講求嘅火喉同煮法更加細緻有要求， 呢個價錢絕對係超值！餐廳唔大，但擺放幾棵樹，以白色為主調， 猶如置身係水墨畫中。 店員服務細心，會記低每枱客嘅需要，並詳細介紹每道菜，完全感受到廚師嘅用心。————————————————$1388 椒宴————————————————◎開胃菜◎✨蜜桃乳酸welcome drink✨蜜瓜◎涼菜◎✨成都泡菜：清爽微辣✨燈影魚片：參照成都特色燈影牛肉嘅菜式，魚片薄到係燈光映照下微微透光。✨燒椒皮蛋：爽口彈牙，底下配有青椒蓉。✨椒麻鱔絲：參照四川怪味豆，甜、咸、辣、酥，味道層次豐富。◎前菜◎✨魚子醬雞牛湯凍：原來全球60%魚子醬都係產自中國， 而採用嘅四川魚子醬更係全國數一數二😮 真係粒粒都又大又飽滿， 影到好似珠寶咁閃閃發光😳配搭清城山泡菜&鮑魚粒裝飾， 蟲草花雞牛仔湯做成果凍， 底部仲有鵝肝醬，咸咸鮮鮮。◎湯◎✨蝴蝶竹蓀湯（山椒精油）：以金華火腿、瑤柱、雞胸提煉出清高湯，湯碗有蠟燭加熱保溫，試完頭一啖之後， 秘密武器出動🤩獨家山椒精油令個湯生色不少！椒麻香味帶有檸檬葉及香茅，清香滋潤。蝴蝶造型手打魚肉好滑好軟腍， 每一道菜都好似一幅畫。◎熱菜◎✨大千乾燒關東參（牛市坡玫瑰貢椒）：參考張大千乾燒魚嘅做法改良而成，關東參爽滑彈牙，鋪滿黑毛豬豬肉咸咸香香，令口感更有層次。✨土罐貢椒乳鴿（漢源大產區子母貢椒）：係我食過最好食嘅乳鴿，一開蓋，花椒葉及香松葉嘅香味撲鼻而來，用土缽燻燒乳鴿好入味，呢種對食物嘅要求同心機，係出面唔易食到。✨青花椒麒麟魚（清溪鎮青花椒）：參照日式立鱗燒做法處理，魚鱗好似薯片咁香脆，肉質依然保持嫩滑，配上二荊條辣椒&本地有機青豆泥做嘅醬汁吊味。✨老成都水煮牛肉（茂县大紅袍）：估唔到水煮牛肉都可以咁有睇頭。店員即場加上熱油，香氣四射，採用新鮮本地騸牯牛，牛味香濃，配有土豆片&蓮藕片，另外奉上米線可以加入食用。原來睇落平民嘅菜式，但加上成個配套，你會覺得值得！✨野山椒素炒千年銀杏配九年野生百合：餐廳獨家提供四川清城山千年古樹銀杏，配合9年野生百合，聽到都已經覺得好矜貴，藥用價值亦好高，同一般白果唔同，千年銀杏甘香有嚼口，另外萵筍及紅蘿蔔用吉慶刀法切粒，有吉祥如意嘅意思。◎主食◎✨老鹽菜煨飯：用炭火沙鍋炆飯，有四川鹽賓菜及蠟肉，另配一碟微辣蘿蔔乾，口感豐富。◎甜品◎✨麻婆豆腐冰淇淋：低脂豆腐雪糕唔易溶，加上花椒精油及青花椒醬，還原返麻婆豆腐獨有嘅香味。糖果（馬卡龍、杏仁薄脆、花椒朱古力）非常打卡able, 用大青檸盛載著中西合璧嘅甜品，每樣都落左小巧思加入花椒元素，好獨特。✨椒茶最後尾聲以茶勾起成道菜嘅主題「花椒」作結。
繼續閱讀
您可能會有興趣的...