鉄火堂 (厚福街)

營業中

休息中

這次的午餐體驗讓人非常滿足。自選魚生丼有四款刺身，配上酸甜的壽司飯，魚生新鮮，肉質彈牙，特別推介開邊赤蝦，鮮甜味美，火炙三文魚和帆立貝入口即溶，火炙左口魚油脂豐富，層次分明。燒肉丼方面，鹽燒北海道豚五花肉質嫩滑，鹹香適中；汁燒美國牛板腱則肉味濃郁，配上半熟溫泉蛋，令整體口感更圓潤。飲品方面，珍寶蜜桃梳打清新解膩，燒酎加益力多帶點微醺，為午餐添上一點驚喜。整體來說，無論刺身還是燒肉都水準以上，配搭多元，份量剛好，配上特色飲品，絕對值得一試！

最近去尖沙咀行完行諗住喺附近食飯，經過見到呢間鐵火堂真係平到喊出嚟🤯呢間嘢喺厚福街，舖頭雖然唔算好大，但係乾淨企理，坐得幾舒服😌首先，不得不提佢哋嘅飲品勁大杯🍹一手拎都拎唔穩珍寶巨峰梳打🍇巨峰提子味好濃郁，冰冰涼涼，好解渴！飲落去勁消暑，個天氣熱辣辣咁，真係perfect match🤩珍寶荔枝梳打🍹荔枝味都好正，甜甜地😋好啦，重點嚟喇⚠️我哋叫咗兩個魚生丼飯🍚一個燒肉丼飯🍚自選魚生丼（飛魚籽20g、開邊赤蝦2隻、三文魚2切、蟹膏20g）個丼飯真係抵到喊！$69咋😱飛魚籽卜卜脆，口感一流✨赤蝦肉質都好鮮甜🦐 三文魚油脂豐富🍣 蟹膏簡直係人間美味🦀份量十足，食到我哋勁飽🤰🍚自選燒肉丼配溫泉蛋（燒鰻魚、汁燒美國牛五花50g）燒鰻魚好香口，醬汁甜甜哋好惹味😋啲牛五花肥瘦適中，配埋溫泉蛋，簡直係絕配🥚🤤溫泉蛋嘅蛋黃撈埋飯食，超正🤤 呢個丼飯同樣份量十足，性價比超高💰🍚自選魚生丼（芝士蟹籽20g、三文魚2切、火炙三文魚2切、火炙左口魚3切）呢個丼飯亦都好出色🧀🔥芝士蟹籽鹹鹹甜甜，同三文魚好夾🐠 火炙三文魚同火炙左口魚，魚肉嘅油脂味更突出，食落去好滿足🥳最緊要係，呢間嘢午市免加一，仲可以免費追加白飯🍚

去開尖沙咀，梗係埋厚福街搵野食！經過就俾呢間既$69 一個飯，又有燒肉又有魚生食！就入去試吓啦！出示學生證仲有折扣優惠添！自選魚生丼（4款）簡左碎蔥吞拿魚、芝士蟹籽、帆立貝同三文魚（2切）吞拿魚同芝士蟹籽目測唔只20g !! 係老實商人！而且芝士蟹籽味道鮮甜得來又有少少芝士嘅鹹味，非常驚喜，撈飯食一流！三文魚🍣同帆立貝夠哂肥美同新鮮！而且仲有一小碟枝豆送！😚自選燒肉丼（2款）簡左燒美國穀飼豬梅花肉同燒特選牛五花兩樣都係有50g ! 啖啖肉！流心蛋黃同燒肉汁要撈埋一齊食！珍寶蜜桃梳打見到隔籬枱有杯巨大化嘅粉紅色梳打！所以都叫咗一杯嚟飲！甜度適中！一杯可以抵三杯！天氣咁熱，真係要飲多幾杯凍嘢消暑！蟹籽沙律超大碗，啖啖蟹籽！

🔶🔷🔶平絕尖沙咀 $69 4款刺身丼🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。鉄火堂曾經係我地係旺角嘅其中一個canteen，無奈地佢大約年幾前執左旺角分店，咁就唯有去尖沙咀食。點解咁鐘意食呢間野？因為都真係好抵食。$69就有刺身丼食，仲可以係多款刺身入面揀4款，刺身新鮮唔hea，仲有碗麵豉湯飲下。而家仲多埋以前無嘅燒肉丼，同樣最平$69就食得到。燒肉我地揀左兩款，分別係燒特選牛五花同燒美國牛板腱。仲跟埋隻溫泉蛋，成碗飯充滿牛同蛋香，勁好送飯。唔怪得平日去到都坐滿曬呀。@tekka_hongkong 。📍鉄火堂 (尖沙咀)尖沙咀厚福街10號地舖

星期六出開尖沙咀行街，試了鉄火堂，這間很抵食的丼飯！店仔細細，但未到7點，已經坐滿了人！點了2款丼飯，都只不過是$69！！！比起茶記食個客飯高少許的價錢，就可以食刺身和燒肉，真的要試！自選魚生丼飯$69，選了碎葱吞拿魚、開邊赤蝦、三文魚和帆立貝。丼飯賣相不失禮，各樣刺身都新鮮，加入芥末醬油撈飯來食，好食！自選燒肉丼$69，有鹽燒美國牛板腱50g和汁燒日本北海道豚五花50g。肉鋪得好靚，入口帶點芝麻和蔥香，加入醬油和雞蛋更加好味！特飲估唔到咁巨型，珍寶真係大杯到飲唔晒，蜜桃梳打和巨峰梳打都好香。這家小店絕對值得一試！

其實都唔使多介紹，冇乜人唔知佢嘅自選魚生丼抵食，4款都只係$69，仲要有湯，飯可追加，唔使怕唔夠飽。最正係午餐免加一，晚餐同價，需要加一，但都好抵食。而家多左個燒肉丼，終於可以同唔食生野嘅朋友仔一齊食喇🥳。🥗蟹籽沙律食丼冇菜，叫個沙律平均番先。蟹籽一大湯匙，卜卜脆。青瓜絲清爽，醬正常，唔會太漏。🍱自選魚生丼(4款) 配 壽司飯仲有面麵豉湯，枝豆成set咁上🦐開邊赤蝦(2隻)→鮮甜，唔太黏口，少少爽🐟三文魚(2切)→厚薄適中🐟火炙三文魚(2切)→比起生三文魚，更喜歡火炙。炙過的位置焦香，熟嘅魚肉多了份甜味🦪帆立貝(2切)→係兩粒，唔係兩片😆🍱自選燒肉丼(2款) 配 溫泉蛋🐟燒鰻魚→燒得好香，魚肉結實，當然再大塊啲會更開心。🥩鹽燒美國牛板腱(50g)→熟度剛好，一啲都唔韌，好喜歡焦香感。🍺珍寶荔枝梳打(杯)冇諗過係大啤杯份量，總之叫一杯share喇🫣。荔枝梳打相比青蘋果梳打甜啲。🍺珍寶青蘋果梳打(杯)喜歡佢少酸，清爽開胃。

尖沙咀依間喺厚福道，位置好方便👍🏻依度嘅魚生丼有四餸、六餸、八餸嘅選擇，燒肉丼亦都有唔同嘅選擇，價錢好抵！魚生丼今次就食咗佢哋嘅馬刀貝，火燒左口魚，劍魚腩，蟹膏。每一款刺身都好新鮮，馬刀貝好爽甜，左口魚燒完油香十足，劍魚腩同蟹膏都好好食，成個口感好有層次，非常鮮味😋而燒肉丼就簡佐鹽燒美國牛板腱同埋汁燒美國穀飼豬梅花肉。兩餸都已經會包埋溫泉蛋，兩款肉都有50 gram，加埋100 gram，性價比非常之高！牛板腱肉質鮮嫩，牛味香濃，唔會好韌，反而好有咬口，豬梅花肉亦都唔會太油膩，豬肉柔嫩，點埋佢哋嘅燒汁，成個配搭就更加好🤤佢哋嘅套餐會配埋麵豉湯同埋前菜，真係好抵食，而且佢哋都有其他小食或者刺身，飲品亦都好多選擇，都好值得一試👏🏻

比我係尖沙咀搵到糧尾救星😍$69蚊記已經可以食到魚生丼飯仲要有足4款刺身咁多😍😍依個物價係尖沙咀嚟講真好癲😆🌟自選魚生丼（$69）魚生選擇呢有成30款咁多，有好多呢都唔使額外加錢嘅。但如果想大拖羅嘅都可以額外加錢，加10幾蚊就已經食到價錢都好親民。話咗要試呢個糧尾神器😙我就冇加錢啦，我揀咗碎蔥吞拿魚、開邊赤蝦、三文魚同帆立貝。魚生質素都幾新鮮，我自己幾鍾意佢嘅三文魚，厚身得嚟又新鮮👍仲配埋麵豉湯。真係冇得輸🌟自選燒肉丼（$69）至於唔食生嘢嘅朋友仔，一樣都有選擇😍可以揀佢嘅燒肉丼飯，我自己呢就揀咗汁燒美國牛板腱同埋燒鰻魚。平時是但食個鰻魚飯都起碼$90起跳😵‍💫依家2款燒肉都係$69，仲會配一隻日整生雞蛋/溫泉蛋。撈埋燒物一齊為特別香😍🌟珍寶巨峰梳打（$48）& 珍寶荔枝梳打（$48）佢哋仲有出呢隻珍寶size 嘅飲品真係好大杯🤣我就叫左巨峰提子同荔枝味，中意甜啲嘅朋友仔可以叫巨峰提子，如果想清爽啲就可以叫荔枝味👍2杯味道都唔錯架🍴鉄火堂 (尖沙咀)📍尖沙咀厚福街10號地舖

每次經過尖沙咀厚福街「鉄火堂」，都見到門口企滿人等位，因為佢出名平靚正！今晚早少少到终於食到佢最平$69自選4款刺身丼飯及自選兩款燒肉飯。响尖沙咀呢個價位誰人匹敵？🔸自選魚生丼（4款）壽司飯（醋飯）~飛魚籽（20g）~帝皇蟹棒（2切）~三文魚（2切）~帆立貝（2切）欣賞師傅，無論顧客响咁多款刺身自選配搭之下，擺盤賣相都勁靚，仲配埋麵豉湯及前菜枝豆，等位都值得！🔸自選燒肉丼（2款）（溫泉蛋）~燒鰻魚~汁燒美國牛板腱（50g）燒肉飯一樣咁抵食，鰻魚及牛肉都好美味，加埋個溫泉蛋用來撈飯，正！呢度嘅飲品真係唔講得少，珍寶蜜桃梳打、珍寶青蘋果梳打，真係珍寶size！勁！

尖沙咀想搵嘢食都必定會諗起厚福街，夏天嚟到當然諗起魚生飯，相信鐵火堂大家都唔陌生！但原來最近推出咗勁抵嘅 $69 四餸魚生飯，而唔食魚生嘅朋友仔都唔洗怕，而家仲有燒肉丼！💡四餸魚生飯 (碎蔥吞拿魚、三文魚、帆立貝、開邊赤蝦) $69魚生飯係鉄火堂嘅招牌，而家魚生丼越嚟越貴，呢碗唔到3位數嘅魚生丼真係太抵！各款魚生新鮮，冇雪藏味，飯粒分明，淡淡醋香。我自己幾推薦揀餸個陣其中一款可以揀送飯神物，今次揀咗吞拿魚，之前試過蟹膏都係好選擇！💡汁渴燒牛五花 & 豚五花飯 $69今次試埋燒肉丼，香氣十足，肉質剛好。燒肉汁個人非常鍾意，係恰到好處嘅鹹度同甜度，一塊肉加蛋液加飯，大滿足！69蚊有鋪滿肉嘅丼，真係太抵食了！💡珍寶青蘋果梳打 $48 ＆ 珍寶蜜桃梳打 ＄48天氣太熱想點杯清涼飲品，本來見到珍寶以為都只係大少少，點知真係勁！巨！型！夠晒渴降溫～

中午lunch time同事提議去厚福街搵好野食，呢區餐廳選擇係幾多下。最後揀咗一間主打丼飯嘅小店，價錢好岩我！🍽️ 自選魚生丼（4款）揀咗帆立貝、三文魚、芝士蟹籽同埋碎蔥吞拿魚呢四款魚生搭配壽司飯。魚生新鮮甘甜肉質細膩。芝士蟹籽增添咗濃郁嘅鹹香，同壽司飯融合。🍽️ 自選燒肉丼（2款）燒肉方面，我地試咗汁燒美國穀飼豬梅花肉同汁燒牛五花。豬梅花肉油脂分布均勻，肉質嫩滑，燒汁香甜入味，配埋白飯真係唔錯。而牛五花肉脂香濃郁，燒汁滲透每一塊肉，香氣逼人，滿足感爆棚！飲品：珍寶蜜桃梳打及珍寶青蘋果梳打最後配埋兩款珍寶梳打，蜜桃味嘅梳打清甜又帶氣泡刺激，青蘋果梳打就酸甜醒胃，喺炎炎夏日飲一啖，瞬間感覺清新舒爽，為整餐飯畫上完美句號。無論係魚生丼定燒肉丼都高質得嚟分量十足，加埋清新嘅梳打飲品，CP值高，值得推薦俾鍾意丼飯嘅朋友

尖沙咀搵到間好平民化嘅日本丼飯，價錢好親民，晚市都係六，七十蚊就食到一個好豐富嘅晚餐，佢地有魚生丼、燒肉丼等等…小食都好多選擇。魚生丼🍚（4款）可以自由選擇4款魚生，隨自己喜愛自己組合☺️材料新鮮好味，仲有麵豉湯同枝豆，好豐富👍🏻燒肉丼🍚（2款）有牛同豬選擇，醬汁都有幾好款，都係自己配搭，跟埋隻溫泉蛋同麵豉湯，好鬼惹味。飲品我地點左珍寶蜜桃梳打同荔枝梳打🥤，超級大杯好底飲，夏天必點的🤗

周六了，是時間慰勞一下自己。 bff 提議到尖沙咀吃丼飯，二話不說就揀了在「鉄火堂」開餐。 這家餐廳主打平價日式丼，價錢貼地親民，魚生丼及燒肉丼最平只需$69，午市免加一，所以食客極多。自選魚生丼(4款)丼飯可點配白飯/壽司飯，可免費追加，跟配味噌湯，而薑味壽司飯、冬菇壽司飯及黑胡椒三文魚飯需要另加錢。魚生選擇極多，部份需加錢點選。我點了三文魚、帆立貝、芝士蟹籽及開邊赤蝦，全都是不用收費，三文魚肥美有鮮味；帆立貝厚身甘甜；芝士蟹籽味口感豐潤，有香濃芝士味；開邊赤蝦鮮甜，零雪味，配上壽司飯，perfect。自選燒肉丼(2款)丼飯配白飯及味噌湯，白飯可免費追加，可選日本生雞蛋或溫泉蛋。我同樣是點了不用加錢的項目，分別是汁燒美國牛板腱(50g)及日本北海道豚五花(50g)。美國牛板腱油花含量適中，肉質結實，嫩中帶嚼勁；北海道豚五花豬肉味道濃郁，脂肪比例較多，所以入口後油花味特別甘香，汁燒後脂肪都被迫出來，所以不會有重重的油膩感，吃時加入日本生雞蛋及醬油混合享用，蛋香及肉香融為一體，非常滋味。蟹籽沙律沙律份量足， 內裏有青瓜絲，蟹柳絲及蟹籽，再以沙律醬及芝麻醬調味，口感爽脆，非常清新。珍寶蜜桃

以前讀書嗰陣+啱啱出嚟做嘢，出咗糧之後就會去鐵火堂食餐好，近排同朋友仔再去返，別有一番感覺，今次就叫咗個海鮮丼飯同埋燒肉丼飯自選海鮮丼飯配上麵豉湯加前菜枝豆：丼飯當中包括有三個文魚，碎蔥吞拿魚，帆立貝，芝士蟹籽，簡簡單單都已經好好味，食材好新鮮，而且刺身都好厚身自選燒肉丼飯配上麵豉湯：揀咗汁燒日本北海道䐁五花+汁燒美國牛板腱豚五花肉質鮮嫩，油脂分布均勻，牛板腱鮮嫩多汁，味道濃郁，搭配燒烤醬汁，味道都唔錯最後仲配咗個珍寶青蘋果梳打+珍寶蜜桃梳打，真心超大杯，夏天飲就好適合

⭐️ 自選魚生丼 （4款）- 壽司飯、碎蔥吞拿魚、三文魚、帆立貝、開邊赤蝦 - $69吞拿魚同三文魚都幾嫩滑鮮甜，而且呢個價錢有4款刺身真係超抵！帆立貝嘅口感鮮嫩，同開邊赤蝦一樣帶有海鮮嘅鮮味，好易就清到一碗飯😆⭐️ 自選燒肉丼 （2款） - 日本生雞蛋、汁燒日本北海道豚五花、汁燒美國牛板腱 - $69燒肉丼嘅豚五花和牛板腱油脂分布都唔錯，唔會食落好乾身或者全部得肥肉。搭配日本生雞蛋一齊食味道特別香濃，滿足肉食愛好者嘅需求。+$38 珍寶蜜桃梳打一上枱真係嚇親🤣拎起影相都覺得好重好有份量！清爽可口，帶有自然嘅蜜桃香味，飲落去好解渴，岩晒夏天飲。+$38 珍寶青蘋果梳打呢款個人都好鍾意！氣泡感十足，甜而不膩，同時帶有微酸嘅開胃感，襯埋主菜就岩岩好！