金鶴拉麵 (蜆殼街)

營業中

休息中

呢排食得飯多，悶悶地！轉下口味食拉麵先🍜經過金鶴見到門面充滿日本風，睇吓個餐牌，被個招牌雞白湯吸引咗，呢個湯以足料6小時熬製，非常吸引！唔駛諗～就叫個［金鶴雞白湯拉麵］外賣。［金鶴雞白湯拉麵］ $98麵底夠粗身有咬口，軟硬適中。湯底的確不得了，味道濃而不膩，飲完都唔口渴。兩塊雞肉又嫩又滑。半隻糖心蛋好味到唔夠喉，下次要加錢多一隻蛋更滿足。紫菜浸到淋晒，如能另上會更加好。

週末屋企人懶得煮飯，又有少少想食日本嘢決定去就近嘅蜆殼街幫襯金鶴拉麵店內座位十餘個，我哋到步時啱啱開始營業就已經有幾台客👏🏻我哋嗌外賣，決定好要乜就入店內落單晚上六點後外賣自取仲有8折優惠等咗一陣就有得攞，即刻返屋企食嘢先！所有食物都整齊擺喺適當器皿內，有需要嘅可以自行翻熱但我哋返屋企快所以就咁食都okay兩個小食都係煎炸香口食物，唐揚炸赤雞調味啱啱好，啲皮仲係好脆🤩 內裏仲係好Juicy 仲有少少調味用嘅鹽，如果鍾意食鹹啲可以再點主菜雞白湯拉麵熱湯同埋拉麵係分開上，避免麵條會浸到發漲倒入雞白湯之後，將湯同埋面拌勻就可以食啦慢煮雞胸肉同喺舖頭食一樣咁嫩滑，叉燒薄身但係好大塊，食落好腍👏🏻喺店舖入邊食嘅炸牛蒡，外賣會變成兩塊紫菜雞白湯鮮味濃厚，帶少少雞湯特有嘅甜😍 外賣都保持到水準咖喱吉列豬扒飯大大份好抵食咖喱係甘口，完全唔辣嘅，有少少水果嘅甜味同薯仔粒吉列豬扒好大塊亦都好厚，大滿足🤣

周圍都見到金鶴拉麵，之前食過都覺得好高質。今日經過，不如就買外賣返屋企食喇。北海道極濃蟹湯拉麵（$138）- 期限間定最當唔可以錯過喇～個湯喺好濃郁嘅蟹湯，濃郁到好杰身。仲有好多鮮甜嘅蟹肉，同配埋叉燒、溏心蛋同紫菜，非常好味。醬油拉麵（$88）- 呢碗麵有叉燒同雞肉，不得不提佢哋個雞肉好嫩滑。拉麵一如既往嘅彈牙，個醬油湯底就清啲，食完唔會覺得太heavy。日式餃子（$38）- 餃子得三隻有啲失望，同炸得硬同乾身Damm lemon ($28)- 好清新嘅檸檬味酒，同拉麵都好夾。

位於天后蜆殼街既拉麵店主打正宗醬油拉麵及日式串燒，種類都好多，吸引唔少人流。金鶴.鷄白湯沾麵 $138偏粗身既沾麵經過冰鎮程序，入口爽口彈牙，更大面積去掛上特調湯汁，啖啖惹味！雞白湯新鮮熬製，質感濃郁而味道鮮甜😎仲有配雞肉片同溏心蛋，好好味😋咖喱炸雞肉飯 $78日式咖哩有溫和口感，食落好滑順。一份飯有3大件即炸雞肉，表面金黃香脆而保留內裏肉汁😍雞中翼串燒 $48雞中翼烤得剛剛好，表面雞皮脆口而整體唔太乾身🤭

疫情嚴重想食拉麵但又唔想人迫人今日就買左金鶴拉麵takeaway😋雖然外賣一定冇堂食咁正但依家外賣自取有8折 真係好抵食雞白湯沾麵 $138作為餐廳既招牌 雞白湯沾麵真係好好食沾麵既湯底好似忌廉雞湯咁creamy令到拉麵能夠掛到湯 值得一讚配料有兩塊手掌咁大既豚肉、兩塊雞胸肉、雞肉粒同埋一隻糖心蛋 半熟糖心蛋亦做到流心效果依個份量就算一個大男人食都絕對飽到暈北海道極濃蟹湯拉麵 (期間限定) $138除咗試金鶴嘅招牌雞白湯沾麵之外今次仲試咗佢期間限定既蟹湯拉麵🦀蟹湯帶點蟹膏味 非常濃郁同creamy拉麵除咗有豚肉之外 仲有啖啖蟹肉做配菜 蟹肉食得出唔係加工野 似係師傅人手拆外賣拉麵黎講真係好高質👍🏼👍🏼加埋外賣自取優惠 令到CP值更高

經過蜆穀街就想食金鶴拉麵黑蒜醬油拉麵 （$98）店舖同試日本嘅醬油去調味道比較清新湯底較濃郁黑蒜香味超重， 岩晒冇咩胃口嘅時候食配料有很多洋蔥絲，增加整碗嘅蔥香味------------金鶴拉麵 (蜆殼街)天后炮台山蜆殼街6-16號寶榮大廈地下E號舖

得知晚上六時後外賣自取可享有八折優惠，下班便到附近的分店購買。任何消費更可透過成為會員於金鶴拉麵APP儲分換食品。外賣的包裝好妥當，部份更可直接用微波爐加熱。活燒蒲燒鰻魚飯 - $238除了招牌的拉麵外，鰻魚飯同樣出色。用上足足兩公斤的頂級鰻魚，由本店内生劏及生燒，故等候時間有點長；火候控制得很好，沒有燒焦但有炭烤的香味；鰻魚肉身好厚，厚得像鋸扒般，每一口也外脆肉嫩，略帶丁點細刺，也可以吞嚥，再塗滿那蒲燒醬鹹中帶甜，配軟硬適中的白飯，實在太美味；更附上小食芥末八爪魚，爽口又有刺激感，好開胃。黑椒燒牛舌串 - $68三大塊肉厚的牛舌，軟嫩得來又略帶煙韌感，充滿牛肉味和肉汁，黑椒的微辣更添刺激感。

雞白湯拉麵專家 金鶴拉麵疫情底下冇咗堂食，唯有買個外賣返屋企慢慢嘆。而家外賣仲有自取優惠！超抵食啊！金鶴拉麵保持一貫水準就算拎到返屋企，感覺都唔會差太遠。特濃雞白湯拉麵招牌湯底之一，湯底夠濃而不溜，呈奶白色。配糖心蛋同埋特製叉燒，叉燒口感軟滑香，十分唔錯北海道極濃蟹湯拉麵顧名思義，湯底真係極濃厚。味道唔算鹹但有少少稠，有少少沾麵嘅感覺。拉麵彈牙同埋好多蟹肉！期間限定趁機會一定要食。另外再點左兩款串燒今次叫咗雞中翼同埋五花腩，好有驚喜。鹽燒味道恰到好處，而且夠乾身而有肉汁，送酒一流。店舖地方唔算太大但望落都舒服，而且好近地鐵站交通方便。希望完咗疫情可以更加新鮮即刻食到而且下次一定要試吓出面好少見到嘅蠔拉麵！

午餐時段有六款套餐，$78野菜沙律加主食，如果即場做會員仲送餃子或汽水，每次都可以keep住草分換食物👍🏻今次換左一份炸雞🍗🍜香蔥赤雞鹽味湯拉麵｜$78｜8/10平時就食開雞白湯拉麵，今次就試試新口味，湯底好正☺️睇落好清但飲落清爽，雖然叫鹽味湯，但絕對唔係味精湯，飲哂之後都唔覺口喝，拉麵是曲身中粗麵，麵質都幾彈牙，掛到好多蔥粒🤣溏心蛋滑溜入味，不過醬油顏色唔算深，味道不錯，慢煮赤雞係凍上，肉質軟腍

依間拉麵🍜店錯曾經有雜誌報導👍🏽同埋開左多年，草草埋埋一班老顧客☺️所以口碑唔錯.🍜 極濃雞白湯拉麵 $138依個係店入面no.1既拉麵😁雞白湯既湯底好濃👍🏽個麵好彈牙，日式燒肉片好嫩口😍一啲都唔韌.🐷咖喱吉列豬扒飯 $88豬扒炸得好好，個炸粉唔厚😍咖喱🍛係日式咖喱，香濃♨️好快食晒啲飯🤣仲配埋半隻流心蛋.🐟蒲燒鰻魚串 $68依間店除左拉麵出名之外，鰻魚都好出名🤣鰻魚好肥美👍🏽肉緊好嫩滑，帶有彈性

之前曾經堂食過全港有好多分店嘅金鶴拉麵，佢嘅雞白湯真係好濃郁好好味，而家疫情咁嚴重，佢哋推出咗6點後外賣自取就嘅8折優惠🈹可以買返屋企慢慢嘆～金鶴雞白湯拉麵之前試過濃郁版雞白湯底，味道勁濃郁仲有滿滿膠質，呢個普通版都不遑多讓，奶白色嘅湯底味道都係幾濃郁，麵條本身都幾彈牙。配料份量唔少，其中雞叉燒夠厚身，啖啖肉😛😛金鶴雞白湯沾麵沾麵版本嘅配料都係差唔多，不過沾麵汁就會杰身少少，幾掛到上較粗身而且爽口嘅麵條。燒黑豚肉串肉質燒得唔錯，咬落好腍身，醬汁甜甜地，有少少焦香👍🏻人均消費：$150推介指數（10分為滿分）：7.5分

又係因為疫情關係， 今日午餐唯有繼續叫外賣。 喺炮台山蜆殼街的金鶴拉麵平時路過都有日本人去食， 日本人都幫襯應該唔會差得去邊。 而家叫外賣自取重有優惠添。是日外賣午餐:北海道極濃蟹湯拉麵雞白湯拉麵黑蒜醬油拉麵北海道極濃蟹湯拉麵， 蟹湯味極濃， 蟹肉超多， 蟹肉一絲一絲， 又食到蟹的海鮮味， 值得推薦， 另外， 拉麵麵身爽口， 硬度合我口味， 我就唔鍾意食太林的麵。雞白湯拉麵， 震店之選， 雞白湯味亦係超濃， 好似飲緊雞湯咁， 雞肉又滑又大塊， 而且煮得好林， 入口即溶。黑蒜醬油拉麵， 第一次叫呢款湯底， 估唔到又幾好味， 有d醬油拉麵得個咸字， 一係就淡如水， 呢個黑蒜醬油簡簡單單又幾好味， 湯底清清地， 唔會太油， 加上好多配料， 將個拉麵昇華， 义燒又係又大又厚， 今日非常滿足

今晚公司要OT, 同事提議食拉麵🍜 附近金鶴拉麵宜家外賣自取有8折，所以我地就決定去金鶴拉麵買外賣, 齊齊喺公司食拉麵🍜🌟雞白湯拉麵🍜 $98～ 佢嘅外賣好貼心，將雞湯同埋拉麵分開裝👍🏻絕對唔會因為運送過程而整淋左d麵質。雞白湯用赤雞熬足6個鐘，湯底好濃郁又唔會油膩。最滿意係佢隻溏心蛋🥚真係一流😍佢嘅雞肉同埋叉燒都好好食，肉質好嫩滑😚如果堂食的話仲會有炸牛蒡，外賣就會用紫菜代替。🌟黑蒜醬油湯拉麵🍜 $98～ 麵和配料都同雞白湯拉麵一樣，有叉燒、溏心蛋同埋蔬菜。拉麵軟硬適中，非常掛湯。個湯底用左黑蒜醬油，味道偏重，啱晒鍾意重口味的我🌟豬頸肉厚切串 $48～ 兩串好大串的串燒豬頸肉，豬頸肉好厚身，燒得好香又有肉汁，配埋特製燒烤醬味道一流😋🌟海鹽燒雞中翼 $48～ 雞中翼燒得好香口，雞皮脆雞肉好juicy, 海鹽帶起雞中翼既肉味，鹹鹹地好惹味🤤📍金鶴拉麵 (蜆殼街) (天后)天后炮台山蜆殼街6-16號寶榮大廈地下E號舖

🌃 餐廳為日式拉麵店風格， 以木質顏色為主調， 牆上有多幅日式和風雀鳥壁畫。.👨‍👩‍👧‍👧以下為3人份參考（💲人均$4x) (下午茶).🐔 金鶴雞白湯拉麵💲 98/ 份 ( 指定訂座平台半價 $ 49 )👉 炸牛蒡幾吸睛， 雞湯好鮮甜同creamy， 仲有兩塊低溫慢煮雞胸肉及叉燒，但保留到雞胸肉嫩滑嘅口感， 溏心蛋質感唔錯。* 拉麵附送半隻溏心蛋， 另外一隻溏心蛋以會員積分兌換。.🍲 鹽味拉麵💲 88 ( 指定訂座平台半價 $44 )👉 鹽味嘅鰹魚湯感覺， 冇乜特別， 配料一樣。 🍲 黑蒜醬油拉麵💲 98 ( 指定訂座平台半價 $49 )👉 呢個湯底幾有驚喜， 感覺比雞白湯更濃味， 黑蒜味好重， 配料有很多洋蔥絲， 喜歡重口味必選。.🍗 唐揚炸雞💲 會員積分兌換👉 有三大件， 幾酥脆， 有岩鹽 同檸檬汁 調味。.🤠 通粉 foodie 食評總結 :👉 以拉麵連鎖店黎講， 呢間餐廳仲keep住中上水準， 另外指定平台特別時段仲有半價添， 非常之抵食。* 如果想知道指定訂座平台 的名稱，歡迎dm小編。.🕍金鶴拉麵 (蜆殼街)天后炮台山蜆殼街6-16號寶榮大廈地下E號舖.

天氣凍到咁，見到熱辣辣嘅湯麵都會好想買🤩行過聞到啲湯嘅味道，加上見到外賣自取有8折，所以一於決定試下。 金鶴雞白湯拉麵 $98呢間嘅招牌麵款一定要試下💁‍♀️雞湯底濃郁又唔痴口，一飲就知道同平時啲hea調味水唔同。睇餐牌寫係用赤雞熬製6小時以上製成，食落都似真係😆😆堂食會有個好靚嘅牛蒡裝飾，外賣會轉做紫菜，店員都有特別提醒。雞肉份量都夠多，唔錯。 瀨戶內海蠔湯拉麵 $138呢個蠔湯都好濃稠，蠔味充足，好似平時收百幾蚊嘅西湯咁香，用嚟做湯底真係奢侈🤓入面有個軟綿綿嘅蟹肉球，襯哂個湯底。 黑豚肉串2串 $48醬油滿佈豚肉嘅每一寸位置，肉質帶少少嘅脂肪😊價錢正常。