金鳳茶餐廳

營業中

休息中

叫左個午餐, 有雞絲通粉, 奄列+ 菠蘿包, 個雞絲通粉 超級唔店, 湯勁少, 雞絲乾柴柴, 又無乜味, 奄列就OK, 入面D 火腿絲仲好多添, 菠蘿包又話出名GE? 凍冰冰好一般JA WOR! 同出面麵包店無咩分別其實想食雞批, 但果日未出爐....

從來冇吃過一間餐廳咁難食態度唔好，服務差，唔自在！叫咗侍應多次冇理會客人嘅要求！愛理不理嘅態度，今時今日嘅服務態度學劉德華話齋，咁樣係唔得嘅！佢除咗60年歷史之外，冇乜優勢地步！要好食過佢，隔離街都好食過佢！唔會有下次再來

香港的茶餐厅例如菠萝油、西多、鸡批，虽然很大众化，但是内地就如何大众化也做不出这个味道。之前一直都是吃金华比较多，这次在港岛活动，选择了金凤。下午三四点嚟到，人非常多，排队15分钟左右才有位，但老板比较nice，不会像一乐之流俾你睇面色。两个人，奶茶一冻一热，一个鸡批，一个菠萝油，搞掂。冻奶茶也没有冰，茶味浓，菠萝油很好，和金凤旗鼓相当。鸡批真係一绝！可能唔係第一次食，但绝对係第一次觉得咁好食！期间见到好多香港市民和大陆游客络绎不绝，师傅仲叫唔使急，鸡批唔会自己走咗去嘅！那可能是会被人们抢走去吧。服务不错的，也可能我讲白话，效率很高，下单很快。价格实在，比广州实在！

好多茶記都比佢好，都唔知有乜好食。今日專程去食佢個蛋撻同奶茶，好失望。叫咗個套餐個菠蘿包簡直不知所謂個沙嗲通粉辣嘅小朋友食唔到啲通粉好林完全唔好味一定唔會有下次都唔明啲人喺嗰度排乜

出名茶記少不免要排隊，呢間都唔例外，而且要人齊先入座相信是常識吧。🤣最出名係常餐，當然黎試一試佢。 由於唔食牛， 我選擇左火腿麵，男人選左沙爹牛麵。 食物上檯當然係茶記既快速。 個碟好細，望落碗野好多，實際當然係正常size, 因為個碗好淺，無乜湯，變左個麵上到黎有啲好似浸唔到入去咁。 而且腿麵個湯真心淡既，唯一值得讚既係塊火腿切得夠厚而且份量唔孤寒。 男人話沙爹牛唔錯，但一樣有浸唔到個麵既問題。 期間餐廳不停都出緊新鮮熱辣既麵包/蛋撻，行過都有一陣熱風、奈何食唔落試唔到出爐蛋撻。 但就試左斯跟餐餐飽。老實講個飽我覺得太足料，變左好實，唔鬆軟，最終我都食唔哂☹️ 餐茶我地揀左凍奶茶同熱啡。 凍奶茶最出名係無冰但能夠保持冰凍。 飲落覺得成餐呢個最好味， 奶味有之餘亦唔會搶走茶既香濃。 或者有一日我會為左呢杯凍茶再返黎既。 最後當然要多謝男人今日咁熱都排定隊等我。

由於喺灣仔戈邊返工，點都一定會openrice睇吓附近有咩好食，見到呢間咁多好評就一於嘗試吓茶餐廳到底點先可以好食到咁多人比like～是日到金鳳系食午餐，有吾少餐供選擇，太耐冇食沙嗲牛肉通粉，叫黎試吓先發覺現時有好多比人吹捧到好好食既都冇想像中咁好，真系要自己食過先知系點，其實就吾系真系咁好食⋯通粉份量超細，牛肉既沙嗲味亦吾系特別入味，試一次就夠火腿奄列黎講好過通粉，溫度都算熱 ，薄身既蛋包住啲火腿都算好。叫既系特色午餐 $43(沙嗲牛肉通粉 + 火腿奄列 + 餐飽 + 熱飲)✅ 可選1️⃣五香肉丁/ 餐肉/ 腸仔/ 雪菜肉絲/ 沙嗲牛肉/ 雞絲2️⃣火腿奄列/ 煎雙蛋3️⃣餐飽/ 菠蘿包

完全唔好食，菠蘿包硬又凍，餐肉超多油，火腿奄列都超多油，好似唔洗油錢。雪菜肉絲是凍的，完全無心機去做。服務差，下次一定唔會再黎。杯熱奶茶及檸檬茶還可以，味道ok.

係灣仔肚仔餓，茶餐廳一定係二之選，呢區嘅茶餐廳多到無朋友。今次經過左5，6 間之後，最後選左呢間好出名凍奶茶祝金鳳幫襯。但我飲親奶茶都心跳手震，今次又無人同我share杯奶茶，唔飲得，睇人飲都好。因為等人，一條友入去醫肚，坐唯一的自閉位。好在無乜行裝啫。一坐低，即刻叫個茶餐，火腿奄列，菠蘿包，加杯凍谷古。其實人人都食菠蘿油，但你見啦，其實都比少許牛油，對於為食又怕肥嘅我，都夠駛。菠蘿包一般地好食，好實在，唔太甜，加左少少牛油釣一釣個咸味，奄列又多火腿，一點不吝嗇，加埋杯谷古，根本飽到。。。好滿足。夜晚食菜同生果都夠頂。

剛巧要在灣仔覆診，便順便到這裡食早餐由於時間尚早，約7:30，未算多人，一入去就有位坐，金鳳的環境好逼，係典型的冰室格局。叫佐個牛肉通粉，菠蘿包，煎蛋，凍咖啡。食物好快就到，凍咖啡是無冰的，聽講是第一家茶餐廳發明的，好夠啡味，無被冰溝淡跟住輪到沙爹牛肉通粉，好多牛肉，但偏甜，而通粉則太淋至於個菠蘿包，佢最大的問題係唔熱，完全唔明白點解唔烘熱個包，凍的菠蘿包一d 都唔好食無下次

佢地樣樣野都係勁重手 勁足料😳唔係食完一陣風個啲個菠蘿包係我最愛 岀爐有幾好食唔使講勁就勁在佢凍左個皮都係脆架😲個包有咬口唔鬆散不過我今次係食雞批😋個皮重牛油香 鬆化 不油膩餡亦好夠 甜甜地 唔會咸配埋佢地招牌既冰鎮奶茶 呢啲叫完美下午茶 😍

呢間所謂出名茶餐廳，真係好垃圾！首先，座位窄到不窄，就算冇袋都坐得好辛苦。跟住食物賣相差到呢，啲湯粉麵冇湯㗎，就咁睇以為係撈麵。湯粉又冇味道。嗰個火腿奄到乾到呢，又一啲蛋香都冇。個菠蘿包就咁放上奄列到，搞到個包底濕哂。個菠蘿包好難食，凍嘅，又硬，味道得個甜字，又唔香。再嚟飲品啦，個熱奶茶寡到死，好鞋口。（枉啲人仲話呢度奶茶好飲！）成餐惟一冇問題嘅係杯熱鮮奶。最後速度又唔係快，勁耐先出到個奄列，門口又要排隊，又要搭枱，一個位都冇剩，冇理由要嚟受苦囉！大家千祈唔好嚟呢間嘢！

今日試過金鳳茶餐廳嘅食物之後, 發覺原來香港有咁難食嘅地方, 但仍然有人排隊入去食, 真係百思不得其解. 營養早餐 (雪菜肉絲麵 + 菠蘿包 + 凍奶茶) $39菠蘿包又凍又唔脆, 連基本要求都做唔到, 失望 !! 麵用大光麵, 難食到不堪, 凍奶茶極普通, 大家X大快X等快餐店嘅奶茶都好飲過佢, 價錢又唔係平, 真心唔明點解咁多人排隊去食 lolll 仲要咁多好評, 打手多真係大哂 (P.S 睇好評正過睇笑話 凍嘅菠蘿包都話正, 仲話咩最好食茶餐廳, 得啖笑)

昨天經過灣仔金鳳買了個菠蘿包，店員説多謝$6，我心裏想如果物有所值價錢不是問題，旺角金華菠蘿麵包都係賣$6個，接過包來第一感覺是沒有暖感，應該放涼了一段時間，開始扣分，吃第一口包是濕淋的😖，可能是麵包出爐時的倒汗水造成（也是不夠新鮮），包皮太甜又淋而且又唔鬆軟，菠蘿包基本要求要新鮮、鬆軟、脆皮，所以總括來説金鳳菠蘿麵包並不合格，所以不一定一分錢一分貨，下次都係去番隔兩條街快樂餅店，麵包新鮮又好味，價錢只售$4

小妹媽媽愛食菠蘿包而今日同媽媽出開灣仔，就帶媽媽黎到歷史悠久既金鳳茶餐廳食個港式茶餐啦小妹唔太肚餓，所以只係叫左個快餐D同另加一杯鴛鴦冰同媽媽share😬😬😬快餐D 我地揀左沙爹鮮牛烏冬加菠蘿包同熱奶茶啲野食好快就黎到，為食既母女就食到一半先記得影相🙊🙈🙊嘻嘻，咁就唯有俾住呢張大家睇啦，雖然影得衰衰咁但都有齊晒我地既野食架😂😂飲品有驚喜，但食物質素真係好一般菠蘿包凍冰冰，個皮已經唔脆沙爹牛肉烏冬既牛肉只係微暖，而烏冬亦太諗不過杯熱奶茶同杯鴛鴦冰都好有水準奶茶濃厚香滑，茶同奶既比例啱啱好！而鴛鴦冰喺平時既茶記都唔常見，有紅豆同蓮子😍雖然味道偏甜，蓮子同紅豆都煮得夠諗，等啲冰融咗既味道就啱啱好啦😬飲晒成杯都真係幾頂肚😋一路食一路有客入，都幾旺場架！不過而食物質素同價錢黎講，性價比真係唔高。所以試過就算嚕，小妹應該都未必會回頭好，食飽埋單走人

差到唔可以再差。星期日去，叫咗餐旦公仔麵同鸳鸯。鸳鸯奶太多了。無啡味。餐旦面來咗餐面，追問侍應後才知疍後上。已經有点不滿意。吃了一口麵，係無味，係淡而無味，大光麵。餐肉係吸满油凍冰冰，一D都唔脆。實在不能吃下去。等了良久，疍也没上。待應只説要煎，要等。實在忍不下去，要取消。付了$19一杯多奶鸳鸯，$20一口無味大光麵和油淋淋午餐薄片。一次極度不快的午餐。