金鳳茶餐廳

營業中

休息中

襯住天氣好出去灣仔行下春園街～春園街餐廳選擇好多，今日主要想放縱一下食菠蘿油！本來經過一間新式冰室都想入去試試，但行前幾步比舊式冰室既伙計問句：「幾多位？埋便有卡位！」就吸引左入去。假日下午茶時間人流雖多，但茶餐快來快去都唔洗點等位。我地兩個人叫左一個菠蘿油 （$9）一個蛋撻（$6）一個凍奶茶（$22）。🌟菠蘿油：菠蘿包皮好脆好香，牛油份量岩岩好（試過係其他地方食牛油太大舊反而令到舊包好淋） 呢到既菠蘿油10分推介！酥皮蛋撻：比較細個，可以一試。🌟凍奶茶：香！滑！鐘意港式奶茶既要去試一試等埋單既時候見到格離枱食緊西多同鮮油餐包！睇落都好正，下次再去一定要試埋！另外不得不讚伙計們既友善。你可以有時間諗食乜同慢慢食，唔會好似想你拿拿聲食完咁👍🏻👍🏻👍🏻

係繁忙既灣仔竟然有一間街坊feel既茶餐廳，舖頭感覺有點人情味，即使叫餐個待應叔叔都有耐性比我慢慢睇叫左個菠蘿油、火腿奄烈、凍奶茶，真係好正！！特別係個菠蘿油，真材實料，不論係面包同個菠蘿皮都與別不同，凍奶茶好飲～～火腿奄列就真係用心做！成間舖都好有心，仲要食食下既時候有個司傅托住熱辣辣、新鮮出爐既菠蘿包！！我都feel到果種熱個感覺幾好笑😂😂真係食過就知佢同一般面包舖既包吾同！！比足100分

今日難得有時間可以嘆返個常餐，本來諗住去華星，但唔順路。行過春園街，見到有新開嘅廉記冰室，但11am已經轉了午餐，咁就行前D到老子號金鳯啦！印象中食過一次咁多,但已經忘記係食D乜，只是每次行過都大排長龍，其三大王牌雞批,蛋撻和奶茶賣至街知聞，但我今日就試佢嘅營養茶餐D💰$42。通粉軟硬度煮得剛好，火腿亦夠晒份量，但美中不足嘅係湯底唔熱，呢點真是有D扣分。菠蘿包唔係新鮮出爐，但包身有質感，唔似有啲菠蘿包好似食咗陣風咁。我相信如果係熱辣辣嘅時候一定更好味！熱好立克，茶餐廳必點item, 唔使加糖已經好香好立克味，茶餐廳沖嘅比屋企沖嘅係完全唔同的！雖然常常大排長龍，但食物質素也要keep得有水準。今日雖說唔需排隊等候，但食物卻有點強差人意。

係灣仔番左4年工，每日番工放工都會路經呢間茶記；知佢D雞批、蛋撻、奶茶等都幾出名，但一直都無試過。今次趁臨別灣仔在即，相約同事試下佢個LUNCH。呢間茶記既價錢唔算平，一杯飲品都要$20，但SET LUNCH就比較抵食，$46有個粉、包、奄列、餐飲。特價午餐 ($46)雪菜肉絲意粉雪菜肉絲少少鹹，但配清湯岩岩好，可以提味；但意粉好差，浸到脹哂而且好淋，淋到無牙都食到，加上烚意粉果陣無落鹽，意粉完全無味沙嗲牛肉意粉同事點既，沙嗲牛肉偏甜，同事話好味火腿奄列雞蛋雖然未算滑但好香蛋味，火腿分量好多，不過整體幾油下菠蘿包雖然唔係新鮮出焗，但都好香，重點係個包實心架!! 完全唔會覺得只係食左好多空氣落肚熱奶茶呢間D飲品整得耐D，成個餐食左8成先上奶茶；奶茶算滑，唔會覺得好鞋好澀，茶味都岩岩好整體都算唔錯，雖然LUNCH時間好多人排隊，但人流去得好快，服務都算唔錯；SET LUNCH既價錢係灣仔區黎過，都算係咁啦

今天同同事去咗呢間冰室食午飯，本身佢地就話呢到係專係食常餐，好啦諗都唔諗就叫咗常餐。常餐50蚊，有一份火腿奄列，一個餐包，我就揀咗菠蘿包，加牛油要另外加錢，仲有一碗沙嗲牛肉麵，同一杯餐飲。火腿奄列，識我都知我係火腿奄列死忠。味道一流，唔洗講。但係菠蘿油就令我有少少失望。首先佢上枱時已經凍，你知，菠蘿油塊牛油係用菠蘿包既熱力整溶，等牛油香入哂個包到。但佢個包就凍既，唔洗講，到食完果下啲牛油都未溶。沙嗲牛麵就幾正幾惹味。餐飲我叫咗熱奶茶。冰室一係飲奶茶一係試佢杯凍檸茶。最後埋單50蚊，食飽飽繼續努力工作食下一餐！

舊冰室係香港真係買少見少, 今朝去咗灣仔合和下面個間金鳳冰室,近年少去咗, 因為長期外面排哂隊, 今日同朋友去行山所以係灣仔集合所以博一博,好彩咁啱有位, 坐底叫咗個沙爹牛米, 菠蘿油+雙蛋, 咖啡走, 伙記係粗粗老老問你食乜, 但係同佢笑下講下笑佢地又幾FRIENDLY黎到碟沙爹牛米基本上係無乜湯, 好似撈米咁, 錯有錯著, 反而勁濃味~ 好仲意~ 個人好仲意咸甜撈埋一齊食, 菠蘿油夾雙蛋, 牛油香, 蛋汁滑, 菠蘿皮酥, 哩種爆炸味度同口感係傳統冰室先搵到,再飲一啖啡走(即咖啡走糖落煉奶) 完全感覺翻返小學時同老豆係茶記學飲咖啡既感覺返哂黎~都食到8成飽, 伙記拎住一大盤雞批係你頭頂經過~ 新鮮出焗當然不要錯過啦~月巴~ 完~

灣仔春園街金鳳茶餐廳是我在區內吃早餐的長期首選之一。雖然地方狹窄坐得不舒適，但老牌茶記的包餅部做得出色，個人就十分喜愛這裡的雞尾包，漲卜卜得來鬆軟有彈性，椰絲夠多甜度適中又惹味，煎蛋夠香有燶邊，麥皮煮得滑溜，奶茶就更是當然賣點茶底香濃滑兼備，以冰鎮凍奶茶馳名。

同事住港島區，介紹呢間舊式茶餐廳既奶茶好掂，經過開灣仔即入去試試平日四點半去到，店內已經坐滿人，咁啱有客走，好好彩唔洗排隊一坐低，叫左一個套餐有一碗牛肉面，火腿奄列，菠蘿包，一杯凍奶茶份量係算大份，但味道未見好突出菠蘿包個皮唔脆，唔熱辣辣既，好一般奶茶好飲茶味好足，無冰既，所以食完個面再飲，味道都無變淡食嘢既位置好窄，要迫住對手咁食，而且好多人排隊，遊客佔左大部分。所以要好快咁食完就埋單走人可能出左名，呢個餐係$45 ，其實價錢都幾貴下外賣單叫一杯凍奶茶都$22，而且都幾細杯真係試過就算

每次喺灣仔，都好想食金鳳，好可惜每一次都見到好長人龍，所以有時都去唔到食。今日咁岩我同朋友兩個人，去到唔太長龍，所以就成功食到！呢一種舊式茶餐廳喺香港已經買少見少，我叫左常餐嘅沙嗲牛肉公仔麵加火腿奄列，再要多一杯熱奶茶，沙嗲牛肉非常濃味，加埋公仔麵呢一個配搭就係我嘅最愛！仲有火腿奄列非常厚身，加埋個餐包，一個常餐份量已經非常之夠！佢嘅熱奶茶奶同茶嘅比例適中，茶味唔會太澀，同時奶亦夠滑！至於茶餐廳伙記嘅態度，我又覺得冇乜嘢！有時佢哋仲係好細心見到你差唔多食晒啲嘢，先放杯嘢飲過嚟，免得你成枱都係食物放唔晒啲嘢而食得太狼狽！

假日同屋企人行完山，跟住行到落灣仔，大家個肚都有啲餓，所以就想去搵啲野醫下肚。大家都不約而同都唸起春園街既金鳳茶餐廳，佢除左食物出名好食，最重要係富有香港味同埋人情味。 去到金鳳，好多人都係度排緊隊，有啲人就索性外賣。不過外賣既隊都唔短，所以我地就決定係度等入去食。大概等左30分鐘就鍾意可以入到去食。入得金鳳，叫菠蘿油食係常識是吧。我另外再叫左一杯熱華田。 菠蘿油熱辣辣，個酥皮超香超脆，包內既牛油已經溶左一半，牛油味融入左個包。真係超級好味。熱華田就不過不失。

灣仔成為小編近排 覓食地方 尤其春園街好多好野食😋令到小編食到唔願走✌🏻常餐包囇麵，菠蘿包，奄列 認真豐富 😃沙嗲牛麵 頗有沙嗲醬汁既香味 不過似乎係面頭個浸 🤣如果可以多d d兼且均勻d就好拉想講呢奄列d牛油1d都唔吝嗇 半pat牛油係碟 正呀 其實奄列唔洗點加牛油都好好味 因為夠囇蛋香只係略嫌火腿有d鹹 提大家浸洛個麵個效果會好d 😂at least沖淡d鹹味 👍🏻奶茶必點 已是小編既習慣 噢😯又被佢沖得幾好 首先奶同茶比例一半半 飲落係有d澀味 整體奶茶口感尚可接受既💗

以前係灣仔合和番工, 一定會經過金鳳。自從唔再係灣仔番工後, 就好耐無再去春園街, 偶爾都會掛念金鳳的奶茶、常餐、蛋撻等等。今日晚餐無著落, 而係九龍做野的我因出差係灣仔做到六點半, 就好自自然然黎到金鳳食「早餐」。好如常地, 食火腿奄列丁通熱奶茶, 好好好好可惜的是---「餐包賣晒了」. 差D想講粗口...山長水又遠黎到...哎, 只可以話自己黑仔。講番D 丁, 無錯, 佢係比長沙灣新華多丁, 而通粉都係果D啦, 至於個火腿奄列呢, 嗯, 我覺得有D 遜色, 因為佢偏薄, 作為奄列佢蛋汁唔係好夠, 邊亦唔夠新華「燶」,有D失望。至於杯奶茶, 都還可以, 算是上品, 不過早上來飲奶茶可能會滿足D :-)以43蚊黎講, 灣仔區, 算係接受到啦, 不過比起我以前黎食貴左好多了~~

特意很遠來到這家在灣仔享負盛名的茶餐廳。門口略有些人已經在排隊，也有些人是在等外賣。我們排了一會隊才能進去，可惜進去之後，地方非常擠逼，但抱著嘗試地道香港傳統早餐的我們，還是勉強擠進了一個小小的卡位，正對著共享同一桌的兩位大叔。我們叫了這裡最出名的早餐和一份凍奶茶，另加網上很推薦的菠蘿油。老實說，早餐真的不怎麼樣。可能吃過華星，澳牛，甚至紅磡冰室都比這家金鳳好吃。只有菠蘿油是比較新鮮，但是附近隨便一家灣仔的麵包店都能做得差不多。看來這家店來一次試試已經足夠了，感覺店員都像等退休的樣子，服務質素和環境，甚至最基本的食物都沒有一般其他的茶餐廳好，還不如去連鎖的算了。

讲起呢間茶餐廳，由第一次幫襯開始，就俾招牌嘅凍鴛鴦深深吸引，可以話係我飲過嘅最好味嘅鴛鴦第一次嚟應該係2012年了，以后每一次嚟香港基本上都会过嚟呢度食下嘢，食物嘅水准保持得好好，不过有可能係我点嘅嘢都冇么变化喎講翻2012年的初次來訪，點咗個早餐set，量好足，食到撐，午餐肉公仔面+菠蘿油+煎蛋+凍鴛鴦方一入口，絲滑的口感便叫人驚艷，而平衡得啱啱好的茶味和咖啡味，更是叫人回味最緊要嘅一點係呢間鋪嘅凍飲全部冇冰塊，而是將飲品放在雪櫃直接冷凍，保證飲品的味道不會因為融化的冰塊而變淡於是乎，每一次嚟香港，即使不住在灣仔的HOTEL，都會過來飲番杯嘢。2015年嚟食咗個簡單的午餐，菠蘿油的size依然是這麼大……主食是沙爹牛肉公仔面，拌一下，讓牛肉汁裹住麵條，更入味，最近一次過來係2016年12月，去看歌神演唱會之前趕時間解決了下晚餐，主食忘了……不變的依然是最愛的標配組合，請嗌我痴心长情劍至於店鋪的環境，就是很普通的茶餐廳，人多的時候肯定要搭枱嘅。唔想坐店里的話，可以直接打包，邊走邊飲都不失為一個好選擇

最後一日係灣仔上堂 專登搵左間茶記食 見佢咁多人排隊就等下試食下入到去一行四人叫左普通常餐同個煎蛋叉燒飯個飯都正正常常 但叉燒超肥 肥到有啲過分個蛋都幾流心 味道ok 呢個火腿通真係經典 完全無味 以為食緊用滾水煮既通粉 啲火腿係「鞋」既 幾咁難得🤭一見到就知個公仔麵熟過啲熟女😰 煮到啲曲線無哂個五香肉丁令人感覺到個廚房已經厭倦了每日重複既工作😫個菠蘿包加炒蛋 見啲人話呢度菠蘿包最出名 我咬左一啖 覺得好厚實 實到我覺得比較適合做軍糧😂一啲都唔無人地所謂既impressive口感🤦🏻‍♀️呢杯凍鴛鴦 全場最正常 無冰花但都夠冰感