金鳳茶餐廳

營業中

休息中

今日在灣仔工作，聽人講個個都話金鳯奶茶好味，今日終於可以一嚐了。tea time 我同朋友一人叫左一杯冰奶茶，侍應話無冰既，一個蛋撻同埋一個波蘿油。先講杯奶茶，初初諗凍奶茶冇冰怪怪地，點知一飲落去，個茶好滑好濃味，仲有凍嘅感覺。適合而家啲女仔成日都話要小冰或者走冰。好耐冇飲過咁好味嘅奶茶。跟住試過蛋撻，我覺得個皮就一般，因為唔係十分脆比較厚，我就不是太喜歡個蛋黑蛋黑。至於個菠蘿油，好好味，頂層個皮好脆，個包好有舊式麵包個味道。👍🏻坐位比較窄，同埋感覺要快點食。

今日上山頂走了一圈，坐巴士回程在灣仔落車。順便去春園街走一轉😉此刻想起金鳯茶餐廳，一個充滿回憶的地方😘下午三點多來到，竟然不用等位👏🏻（可能是最近的政治因素影響），當然馬上入座啦😘下午茶時間，當然要食番件雞批🥧及飮杯招牌凍奶茶🥤雞批熱辣辣，非常鬆化，餡足料😋本人極喜歡飲此店的凍奶茶，用心製作，茶味香濃，把製作好嘅奶茶雪凍而不是加冰啊🙅‍♂️唯一不變的是坐位比較迫😅希望這種小店能繼續生存下去，支持用心小店👍🏻

真係好多年冇嚟金鳳, 因為每次經過都有好多人响門口排隊等位!今朝行完山, 可能早咗啲(9點左右)竟然見門口無人, 所以入去睇睇, 又見到唔太多人, 仲有卡位, 所以同Honey一個箭步就坐咗入去! 哈!哈!哈!點了一個麥片餐同一個奄列餐! 我哋不約而同都揀咗餐包而唔係菠蘿包(因為以過往經驗, 早餐出嘅菠蘿包都係响後欄攞出嚟-->凍同難食)但今次嘅餐包非常軟熟兼新鮮, 令我哋喜出望外喎! 再望吓隔離枱嘅跟餐菠蘿包, 睇落去都新鮮喎! 無見咁多年, 大有進步!我嘅牛奶麥片中規中矩啦！但脆邊流心煎雙蛋就一定要讚! 其實我最喜愛佢嘅熱奶茶, 依然咁有茶味, 同奶味配撘得天衣無縫! 如果凍奶茶可少甜就更加好!我Honey果份火腿奄列都要讚👍 非常有內涵, 好多火腿响裏面啊! 蛋又煎得啱啱好, 沒有過火!整體都比我哋有意外驚喜! 讚👍但唯一係坐位太迫"夾" 個卡位要坐四個人, 真係會唞唔到氣架! 但離開時先知出面有幾個人响度等緊位, 都唔好意思! 多得店員哥哥冇叫我哋讓坐, 等我哋舒舒服服咁食完個早餐, 認真多謝!下次一定會襯無咁多人再來幫襯架

今日黎到灣仔區搵早餐食，周圍都好多人排隊，經過開見到呢間充滿懷舊氣息的金鳳茶餐廳，決定入黎試下😍😍入面裝修同格局十分懷舊，唯一美中不足，係d位比較窄，加埋人多就差少少今次叫左早餐B，包括左煎蛋同餐包，個蛋煎得幾好，燶邊半生熟蛋，蛋汁配合番個餐包，好好食❗️❗️之後到主角❗️❗️❗️沙嗲牛肉公仔麵，沙嗲汁係食過咁多間入邊最濃，肉又淋公仔麵個人覺得軟硬岩岩好，當然都好睇個人口味，個人覺得值得一試❗️

因為睇咗唔同既餐廳推介網，就嚟試試。星期日中午，見到有2名少女係門口等緊位，我同朋友都乖乖排隊。等咗大約十分鐘，姐姐安排入座，4個人坐張細細卡位，真係身型再豐滿D 都坐唔到。沙爹牛麵賣相係吸引既，個湯係濃既，不過個公仔麵就真係有點強差人意，就有麵粉味，牛肉份量足，不過質感一般。火腿奄列火腿好足料，蛋味無特別。朋友叫嘅煎蛋好靚，外脆內流心。菠蘿油係最令人失望，從未食過一個無焗熱既菠蘿油，而且咬落去個包好似漏咗氣，菠蘿皮唔脆，個包仲有DD水氣，不致於食唔到，但就算有緣再嚟，都應該唔會叫。而+3蚊多塊鮮油夾係中間，即使唔加都有送pat牛油係碟邊，基於包無被整熱，哩個牛油真心無必要加。見到隔嚟枱位太太問店員有冇得加熱被拒絕，起初仲以為係個包擺低太耐而凍咗，店員拒絕再次加熱，但個包一嚟就已經係凍，仲差過屋邨麵包舖買到果D。奶茶係加分位，茶味令人舒服，奶既份量剛好，見到凍奶茶係雪凍既應該算係少有既有誠意做法。我同朋友都應為哩間食店有點名過於實，若非咁啱行經都真係唔建議專誠嚟食。

吃晚飯太早，經過春園街老公話去金鳳飲杯野，菠蘿油唔錯，如果剛出爐應該更好吃，但烏冬煮到太軟，湯好似滾水一樣，好在午餐肉好味，係咪揀錯咗？唔應該食烏冬，應該食公仔麵或米粉？咁出名的茶餐廳，咁嘅水準真有點失望。不過我見到旁邊的人都食得津津有味，係咪要俾多次機會佢呢？

中午到灣仔取香港身份證因此到了移民署附近，拿了排隊等了一段時間後也到中午，肚子也餓了。問了香港的朋友推薦了這家茶餐廳說是相當地道的本地茶餐廳，一到門口就聞到非常香的麵包味道，瞬間胃口大開，因為來的時間接近中午早茶套餐已經過了非常可惜，不然價格會很便宜點了午餐套餐就像照片顯示，有個麵包跟牛肉公仔麵還有一杯奶茶，麵包真的是我吃過最好吃的茶餐廳裡面最好吃的，非常的香然後裡面的奶油很甜，而且好像都是現做的熱騰騰，真的不是開玩笑的，跟其他店比起來好吃很多如果未來吃到更好的話我會做更新的，麵的話就一般了，就是公仔麵跟牛肉搭配那樣下次來灣仔附近這家店是我會在進來光顧的

銅鑼灣不乏新式美食，但有一間歷史悠久既傳統茶餐廳，總會令我隔一排就想返去。指定動作：沙爹鮮牛肉公仔麵🍜+ 菠蘿油 🧀 + 火腿奄列 🥓+ 冰鎮奶茶公仔麵雖然有點凍，但食得出鮮牛肉比坊間其他沙爹牛好食；火腿奄列好大份，入面仲好足料！無冰凍奶茶，唔洗多講，幾時都咁出色❤️

金鳳茶記開業超過半世紀絕對係灣仔區老字號🥇茶餐有馳名菠蘿油🍞皮脆牛油香 但係咪新鮮出爐就要睇好唔好彩💁🏻‍♀️雪菜肉絲米 雪菜既咸香一啲都唔hea 無冰凍奶茶又係必試既 茶底香濃加上幼滑既淡奶 係香港既味道😋人均消費：$52推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

金鳳茶餐廳，位於香港灣仔春園街41號，是一家歷史悠久的傳統港式茶餐廳。而且地點相當方便，灣仔地鐵站B2出口，步行約3分鐘便可到達。而且餐廳經常一早就已經人山人海。金鳳供應一般傳統茶餐廳食品，包括蛋撻、椰撻、雞批、菠蘿包等，尤其以不加冰的凍奶茶、咖啡最為出名。店內空間不大，但人氣相當旺，所以位同位之間比較擠迫。所提供的食品不算多，但勝左食品質數佳，早餐套餐有（火腿通，肉丁麵，牛奶麥片等等...）而且更有菠蘿包/餐包可配（可以加多$3加鮮油）呢個要加呀，多塊牛油差好遠！！今次叫了一個肉丁麵餐(加鮮油) $43，麵的麵質比較硬身，肉丁都算多(不似一些餐廳2-3舊就算)，撈埋麵一齊食相當惹味而且仲有煎蛋，邊位都很脆口，唔怕只得肉丁唔夠餸食。金鳳的奶茶則混合了玫瑰牌、立頓兩個品牌紅茶葉，茶味十足，而且相當滑口。而因我怕食得太飽，所以外賣了我的菠蘿油。菠蘿包皮酥內軟，酥皮夠厚而脆，鮮油稍為融化後，滋味更香濃，真材實料。

I finally tried this place recently and was a bit underwhelmed... I am a big fan of 冰室 style restaurants and I could eat a good ham macaroni with scrambled egg and a nice cup of milk tea all day, all week. This was exactly what I planned to order until I looked around and saw that apart from 沙嗲牛肉 （satay beef), everything else looked hella pale and I was worried that if I ordered ham macaroni it wouldn’t taste good. So I ended up ordering 沙嗲牛肉公仔麵 (satay beef with instant noodles) which came with

今日同朋友經開喜匯，醒起金鳳嘅菠蘿油，即刻趁住3點3 買返個菠蘿油做下午茶，嘆下。去到金鳳門口，見到都幾多人排隊堂食，亦有人排外賣。我哋揀咗外賣，我買了一個菠蘿油回家吃，味道不錯，熱辣辣香噴噴，塊牛油都是半軟，正

7點關門，我們6點半達陣到達茶餐廳，店內客人小貓數隻，看來店家真的快收鋪了，店員特意提醒每個踏入門口的客人7點便關門，有一兩枱客人見狀就不吃離開了，果然有名氣的食店不用留客。點了特價午餐，非常豐富，價錢相當實惠。首先上來的是菠蘿包及雙蛋/火腿奄列，菠蘿包口感不錯，外層皮脆內層不夠鬆軟，可惜不夠熱，亦因時至晚上，包亦非新鮮出爐，不夠香口。雙蛋普通正常，奄列煎得略嫌過火，太乾。我們兩人都點了牛肉粉麵，個人感覺米粉較好吃，煮得剛剛好，不會過軟/硬，唯獨牛肉是冷的.......有點失望。 公仔麵則太硬沒彈性，有點「生」。奶茶口感順滑，茶味回甘，朋友說有些微澀，但仍是本餐之亮點。總評：服務一般，座位狹小，人情味濃，味道尚可，份量十足，港味情懷，價格取勝。

一個落雨毛毛雨嘅4月啱啱先見完客行去灣仔當然係要食金鳳啊金鳳冇冰嘅奶茶同鮮菠蘿油呢兩個字主打鮮菠蘿油真係焗得啱啱好，唔會太濃除咗金鳳真係搵唔到第二間至於鮮牛米同茶走，屬於一半水準呢度真係食其他野食一陣就想走，鮮菠蘿油係唯一留住我個心嘅嘢

午餐去食大排長龍！！排左差唔多20分鐘先入座...店外又曬住... 想食好野真係要付出代價入到去，食客坐得密密麻麻。好彩俾我地坐到個卡位如果唔係一定要搭枱喇！即刻叫左個午餐沙爹鮮牛公仔麵🐮 菠蘿油🍞 維記樽裝鮮奶🥛$42沙爹牛麵正正常常啦～ 係茶記必食最期待係個菠蘿油菠蘿油新鮮出爐！！仲暖架🤤 夠脆夠香呀 減肥都唔理喇！！食哂成個至愛❤️樽裝鮮奶❤️ 維記樽裝鮮奶不過冇影到😅午餐都排哂長龍，想食又唔洗排隊真係要睇岩時間先好去喇