金鳳茶餐廳

營業中

休息中

今日在灣仔工作，聽人講個個都話金鳯奶茶好味，今日終於可以一嚐了。tea time 我同朋友一人叫左一杯冰奶茶，侍應話無冰既，一個蛋撻同埋一個波蘿油。先講杯奶茶，初初諗凍奶茶冇冰怪怪地，點知一飲落去，個茶好滑好濃味，仲有凍嘅感覺。適合而家啲女仔成日都話要小冰或者走冰。好耐冇飲過咁好味嘅奶茶。跟住試過蛋撻，我覺得個皮就一般，因為唔係十分脆比較厚，我就不是太喜歡個蛋黑蛋黑。至於個菠蘿油，好好味，頂層個皮好脆，個包好有舊式麵包個味道。👍🏻坐位比較窄，同埋感覺要快點食。