金鳳大餐廳

營業中

休息中

跟同事原本想吃上海菜，沒料到行到店舖才知道上海菜已關門，於是大家繼續行，來到一間門面很殘舊的店 - 金鳳餐廳若不是有同事帶來，我都不知道這是一間餐廳啊=P店內沒什麼裝修，但看得出很久以前，這裡一定是高級餐廳呢!衛生環境一般，但舊式風味十足午餐價錢好實惠啊!(侍應還說凍熱飲一樣價錢，建議我們要凍飲)餐湯有紅湯白湯，我當然選紅湯啦，因為舊式西餐廳的紅湯最夠料又最夠辣，而最後果然不負所望，超正!舊式餐廳才有的餐包，點湯吃好好味!我點了A餐要意粉，我喜歡多汁，這樣意粉才夠味!整體來說，這間餐廳有滿滿的花園餐廳感覺，讓我彷彿回到學生年代呢!而且以位置來說，這間算是很划算的午餐了!

只聽說過金鳳大餐廳係開咗好耐嘅老店！從來都未有去過試下所以感受唔到別人口中所說嘅老，今日有剛好路過，一去先體會到估唔到真係咁進去吃個傳說中嘅抵食扒先，我所覺得嘅舊係因為有太多灰塵啦係天花頂，好可怕哎呀，裡面檯位比較多，所以大家迫埋一齊坐，人多多都幾熱鬧！如果心理想要乾淨過話可能要有啲心理準備餐前仲有一個麵包食嘅，還有搭埋忌廉湯我揀嘅係番茄味嘅忌廉湯點著啲麵包食，麵包暖笠笠軟口唔錯！就係個扒除了話呢個價有咁樣嘅份量真的夠抵吃，西冷牛扒只能說普通，又唔至於難吃！但下次可能體日子都唔會在金鳳吃西冷牛扒

係香港食嗰間咁多餐廳來講，金鳳大餐廳算係我食過最舊嘅一間餐廳！朋友帶我過嚟食抵食大份嘅牛扒，從外邊個門就可以見到金鳳大餐廳個舊，日日經過風吹雨打道門已經殘殘爛爛咁不過呢啲係老細故意要嘅特色啦。雖然係禮拜二但係都好多人朋友話唔係中午姐如果係中午坐到爆曬冇位坐咁濟，點嘅係西冷牛扒，原本係鐵板上的，朋友嚟食開知道原來可以另外叫用蝶裝的！比起坐在我隔離台位的用鐵板上嘅真係靚超多，哈哈😄份量真係大狗配燒汁，尼個價錢算抵吃，好吃就要保留少少都OK唔算難吃

三幾好友齊齊出黎行街睇戲，食餐飯係最不可少的事情亦是最重要的⋯⋯有位好朋友提議話WhatsApp裏邊有人鋪個金鳳大餐廳嘅大大嚿扒好似幾抵食嚟到呢附近可以試下⋯⋯聽到佢咁話咁大舊又咁抵食梗係去試吓啦，點嘅係美國雪花牛扒終於知道人哋所講嘅驚喜係咩嚟㗎！係天花板嘅黑色一大片嘅蛛蛛網咁樣嘅嘢黑黑感覺邊吃一邊要跌落來加配料！使唔使真係舊到要咁呀。份量真係幾大舊嘅要嘅係三成熟選嘅係燒汁，大家要注意吓因為係鐵板上溫度實在太高燒汁加上去會賤到周圍都係小心啲衫簡單來講得個價便要咁大件，味道就麻麻，薯條軟軟唔好吃，牛肉好普通燒汁還可以唔會鹹

出街朋友仔行行街，談談情，拉近距離吃大大舊牛扒！話說我才第一次光顧金鳳大餐廳首先老店果真夠老，爛爛咁嚇一跳最艱難的還是道門超級無敵大力才能大開，好鬼嚇人價錢唔算貴，點了黑椒西冷牛扒餐上餐都算好快先吃個麵包先，點番茄忌廉湯酸酸蕃茄味點暖笠笠的麵包，包吸著番茄湯別有感覺！湯裡的紅蘿蔔軟軟啲不錯一大舊，賣相就不想提了，實在好隨便，無賣相只見到薯條的樣，牛扒下面有壓著熟透的白菜底下的所有沒有動過，牛扒加黑椒汁鹹味突出，牛肉太熟了，硬到吃一半已經覺得咬到好辛苦

朋友仔叫出來請吃飯，當然要出來吃！過來銅鑼灣行街順便體戲，話請吃飯，而且還係一間老店！覺得有咩太驚喜，一直心掛掛會到底係邊吃D咩一直在打秘密！終於行左下話去吃飯。一路不停拐來拐去兜來兜去，最終行到橋底停在金鳳大餐廳門口果然夠老，真的老到漆都掉爛爛，門要用全力拉開跟餐送的餐，點番茄湯點酸酸OK西冷黑椒牛扒7成熟，果然夠熟，熟到硬，一舊咁黑硬硬唔會形容，配菜墊底壓到一堆咁，醬汁好鹹，牛扒咬到牙都酸。環境真的夠老，價錢係到係咁囉

9點幾收工食咩好呢，唔知點解突然好想鋸扒，但好多都就黎收鋪。行行下諗起有間老店，抵食夾大件。即刻狗衝黎食先。店內環境一睇就知有番間上下歷史啦，但今日黎唔係食環境，係食味道既。牛柳五成熟加蒜，凍檸茶多甜加大，紅湯。轉眼間個湯就到喇。味道極之濃郁，十分足料。岩岩飲完個湯，個扒都到埋。今日就試下個黑椒汁啦。正阿，個扒仲大過我個頭，岩曬我呢個食肉獸。啖啖肉之餘黑椒同蒜既味道不斷濃入我既味蕾。真係不得之了👍🏻👍🏻👍🏻👍🏻

同男朋友去食飯見到呢間野歷史悠久諗住試吓去到見唔係好多人都知應該會中伏諗住行一陣來都到咗不如入去試吓點知惡夢就出現啦⋯首先講咗佢收費個價錢都算正常嘅佢冇蒜蓉汁 剩係得燒汁 要蒜蓉就另加＄3跟住嘢飲就平時茶餐廳我哋浸餐具嗰啲杯咁大飲仲要加兩蚊加大就$5所以我哋見到嗰陣都呆左。我叫左個七成熟嘅招牌牛扒男朋友叫左五成熟嘅雪花牛扒先講佢嘅配菜只係啲千年嘅薯條食落去剩係得油 同埋油之後加少少菜就係所謂嘅薯菜啦-_- 跟住講嗰啲牛真係難食到不得了我未試過食牛可以覺得難食過大家樂嗰啲超級難咬 咬咗好多啖 都係咬唔爛比百幾蚊 訓練牙力咩講完佢啲牛我講佢啲伙記都係唔好期待咁多 都係兩個字 垃圾。如果大家有多餘錢嘅都可以黎試吓嘅哈哈

生日壽星仔要据扒，要香港區，吾要港式豉油扒，又吾要過$100人頭，花X平時已成日去，好啦，一行5人，同少爺來了這裡，雖然微過$100/人，但這裡的T骨超大件，CWB喎，抵食夾大件之外，仲要好味加招乎不錯，仲想點?我要招牌牛柳五成熟，牛柳夠厚，真系五成，冇過熟，外表封煎左，微焦香，裡面肉嫩多汁無渣微暖，也夠牛味。2位男士要丅骨，超大件，幾乎鐵板也不夠大，肉夠厚，朋友要5成，的確5成，2位男士眨眼便K0了成份丅骨，這是menu中最貴的，應該不錯。紅湯是真材實料煲的，美中不足是缺乏香草。麵包應是嘉X的衛星包，熱辣辣上台，軟綿綿的，再加上高級傳統牛油，正!服務也要讚讚讚。730是繁忙時間，我和友人先到排隊取了4人檯，坐下オ知要5人檯，店員沒有黑面，有禮貌請旁邊檯稍移一張檯，再在我旁移來一張檯，勞師動眾，卻非常helpful.

叫咗個招牌牛柳餐，羅宋湯普通正常咁，牛柳大大件但真係好淋，我加咗蒜蓉，其實都係預咗食汁，個人意見其實一百蚊個餐，你會期望係乜，耐唔耐嚟吓食ok吖。不過環境真係要裝修吓。

食牛扒我最中意係食拒個餐包同飲拒個羅宋湯。呢到嘅羅宋湯一如既往，味夠重，又夠多料，飲飲下仲食到有檸檬肉，原來加左會好飲d嘅。個餐包就係我嘅主角，攞出嚟軟淋淋，微熱，又甜甜地。再加一整舊牛油，天作之合。以前最鍾意食呢度嘅牛扒係因為佢夠大件，同埋佢嗰個生蒜，雖然會食到個口好臭，但好味無計。今次食佢個T骨牛扒反而就好失望，大塊依然，但就薄身左好多而且食落去似係佳寶買嗰啲牛扒咁樣，完全唔覺得好食。牛柳我就中意食拒夠淋，但今次就淋到離唒大譜，唔係用刀切開嘅，一壓落去淋到一絲絲甘，d纖維完全破壞唒。真係用梳打粉用得過左頭，原本嘅肉質變唒。其他嘅配菜有薯條，紅蘿蔔，椰菜，都一如既往，無變到嘅。講下拒嘅服務，真係好谷氣。叫拒落單時就叫極唔嚟，餐牌都要我自己攞。叫攞杯水想話叫我大聲d，老實講我唔算細聲加喇，係咪要全店望住我丫大佬！落杯餐飲，整左出嚟5分鐘完全無人攞過嚟，叫拒攞又話餐飲係耐加喇，主餐後嘅嘢要就早d叫喎。成間店樓面得兩個人，唔係話想怪拒，想明白好忙，但係態度好小小都得掛，嘢又差左，服務又差左，點再幫襯呢？

牛扒加上大量梳打粉，黑豚豬扒簡直不知所謂干到離晒譜，服務簡直冇得講差到⋯，不停問你食完未，點解會去因為個仔叫我們去食，抱着懷舊心態，懷舊就冇塵埃就好多，店舖衛生環境實在太差，店舖外觀都可以污糟成咁何況廚房衛生情況，因為去洗手間時可以見到廚房內情況，比客人食嘅菜都可以成枱都係，我只可以用恐怖餐廳來形容，一生都不會再去。（人生第一次寫食評)（唔寫安樂）

以前中午成日食，做野之後都無時間去食中午。有日夜晚諗唔到食咩，咁岩又經過就同班朋友入左去，個門面都係殘殘地，好好彩入面唔多人唔洗等位，上菜都好快，識食一定係食5成熟，等左一陣個招牌牛柳就到。塊扒比想像中大同埋好淋，咬落有肉汁，味道就普通，但$103算係低食，大食既我食完都會覺得飽。唯一唔好就果杯凍檸荼唔加$5加大就會好細，飲兩啖無左。黎個唔係好中意，加多少少茶加多少少糖就要收$5。如果下次想食扒都可以考慮再去。

裝修好舊，用嘅餐具都係，帶有舊香港嘅扒房餐室風味。同朋友黎食最出名嘅牛柳同西冷牛扒。有鬆軟餐包同紅白湯，紅白湯都有飲，紅湯好甜，少少辣，偏杰身。白湯好稀，加胡椒粉好飲d。鐵板上，再淋汁，蒜/洋葱/黑椒。配薯菜，好幼嘅薯條，係新鮮同脆嘅，們有菜。金鳳馳名牛柳好林，好似無晒筋嘅肉咁，不過成塊肉勁厚。西冷舊肉好長，薄少少，林左好重味嘅黑椒汁，好野惹味！左邊厚d,都乾d,中間就好林，右邊好多筋。牛扒嘅刀唔夠利囉！d筋好難切斷。

差不多十年沒去。今次偶爾路過，希望能夠緬懷過去之味道。不過排隊依舊，但味道就變得很一般。羅宋湯是普通貨色，黑椒牛柳也沒有甚麼驚喜。這些港式梳打牛扒，重點不是肉質，因為處理過後都是一個味。亮點而是那個黑椒或蒜蓉燒汁！很可惜這家餐廳已變得很普通，沒有當年吹捧得上天的味道。他已淪為平時打工仔的午餐飯堂！不求美味，只求飽肚扁的檔次，所以不值一去。