金鳳大餐廳

營業中

休息中

環境屬於舊式嘅香港扒房，樓底高，燈光偏黃較暗。今日嗌左個雪花牛扒 + 招牌牛柳。加錢轉酥皮海鮮周打湯，再嗌多碟芝士焗西蘭花。落單後大概5分鐘就送上酥皮湯，酥皮夠熱夠脆，不過比較薄，跟餐另加$23黎講就唔算抵，因為裡面嘅周打海鮮湯同唔洗加錢嘅忌廉湯差唔多味。芝士焗西蘭花一般般，份量算多，但無咩芝士，汁比較杰，杰到一舊舊咁。重頭戲！鐵板雪花牛扒 加蒜！一定要加蒜加蒜加蒜！惹味好多。有黑椒汁/蒜汁選擇，足足有兩大塊雪花牛扒，底下仲有雜菜同薯條，不過被油浸到淋哂。講返牛扒，雪花牛扒比起招牌牛柳或者其他牛扒肥，但咬落好淋好嫩，無筋。招牌牛柳就大大件，起碼有3,4cm厚，相比雪花，牛味肉味濃好多。

夜晚八點幾九點本來想去波士頓鋸扒，點知已經截龍，好傷心的說！朋友提議不如去金鳳鋸扒，都係差唔多價位一去到門口就feel到果種時代氣息好濃烈！昏黃燈光，舊式挨pen椅，玻璃水杯，黃枱布上再舖有透明膠墊，中文menu就印係紙餐墊上面。相對今日物價，價錢亦非常相宜，最平約$100就食到一個港式鐵板全餐（牛油餐包、湯、鐵板扒配薯條、餐飲）我叫左鐵板雞扒，份量比想像中更大。單是塊扒都有兩塊，大到遮住鐵板咁滯。朋友叫左T骨扒，塊扒更大到完全跌出鐵扒，有夠誇張。雞扒好軟冧，好食；薯條就油左啲，其實唔駛食都得因爲我連兩塊雞扒都食唔曬！係呢度食鐵板餐有兩個秘技：1. 加蒜蓉。佢會係你塊扒度加一湯匙蒜，好香，我好後悔無加，因為醬汁得燒汁同黑椒汁揀，無蒜蓉汁2. 凍飲加大。跟餐飲品個杯係普通水杯size，加大就會變返茶餐廳檸茶size。當然以上兩項都要加錢啦！最後，真係好鐘意間餐廳好有態度講真又平又好食你仲想要求啲乜？

不起眼又破舊的門面，如非被食物吸引也不會要排隊近半小時也要等;祖孫三代共五人到此品嚐了一頓豐富晚餐，八歲的孫女開懷大嚼，說未吃過這樣好味的牛扒(是招牌牛柳)，因為是小孩子就覺得羅宋湯較辣，各自點了T骨牛柳、安格斯牛扒、羊扒、三文魚扒，結論是招牌牛柳最好吃，羊扒最鮮味，三文魚扒伴了沙津上碟最吸引，食物整體而言質素與味道俱佳，但外出的門面、室內裝修和設備就強差人意，招乎方面不過不失，一個字"快"，因為很多人在等位。

剛好跟朋友上完堂, 時間已是晚上9點多, 想著銅鑼灣沒什麼想吃的, 走著走著便來了鵝頸橋的舊金鳳. 想著已有2,3年沒來, 雖然不太想在快宵夜的時間鋸扒, 不妨一去. 內裡燈光稍昏暗, 是舊式扒房的一貫氣氛. 看了餐牌扒類套餐的一欄, 全部是百元起跳, 但心想反正來了, 便點份5成熟的巨人T骨扒餐試試. 舊式扒房的紅湯比白湯要好, 這個湯味道做得不錯, 不會水汪汪. 例牌地跟上餐包及牛油, 口感尚算鬆軟, 合格. 點了牛扒後, 不用5分鐘便上桌, 時間快得有點驚人. 伙計會問需要燒汁或黑椒汁再即場加上. 我點的5成熟T骨牛扒, 一刀鋸下去的感覺已有點不妙. 鋸了十數下才勉強將筋鋸斷. 入口的味道, 牛肉已給梳打粉弄至全無肉味. 只剩下黑椒味. 用了十多分鐘苦戰, 肉的部份有1/3是筋位吃不了的. 底下墊了的薯條是比麥當勞更幼身的薯條. 炸出來的口感像是吃柴枝, 連麥當勞薯條也不如. 朋友點的是凍檸茶, 我看看那個呎吋只有普通茶餐廳的3/4左右, 難怪伙計會問需不需要加大. 但以每樣扒餐收過百元的價格來說, 這個份量十分小氣. 埋單的價格連加一, 我的T骨牛扒要$132, 以價格及質素而

金鳳茶餐廳，一間保留有香港80年代特色既舊式扒房。一入門口就聞到好香既黑椒汁味，聞到都已經流晒口水。菜單一早已經印哂係餐紙上面，唔洗再慢慢揭Menu。兩個人點左一份鐵板T骨扒同一份鐵板紐西蘭肉眼扒，加$2仲可以加蒜容。依種傳統扒房都會配一個甜餐包同餐湯，我就點左個羅宋湯，羅宋湯小小辣好開胃，我就鍾意用個餐包浸少少湯嚟食。到個T骨扒送上枱真係嚇一跳，塊扒大過你塊面，好彩冇另外加飯或者意粉，如果唔係一定食唔晒。紐西蘭肉眼扒雖然冇咁大塊，不過肉質好嫩滑，咬落去仲好多汁。依種傳統扒房係香港已經買少見少，雖然質素黎講一定唔係最高級，但係都不坊支持下。

記得以前想不到吃什麼時，往往都會和家人到銅鑼灣吃金鳳，勝在價錢實惠，食物也不錯，今日難得再和家人一起吃這間餐廳，我想也有七至八年了，童年回憶都回來了。今日中午和家人到金鳳吃午餐，時間差不多三點，餐廳外放著一部維修中的扒爐，以為餐廳內部裝修之制，侍應都出來招待我們入內，餐廳仍然保持原有風格，殘殘舊舊。餐牌只有數個餐，我們分別點了鮮茄焗雞扒飯、免翁鑊仔牛柳、炸雞中翼拼珍寶腸。鮮茄焗雞扒飯 - 鮮茄味重，雞扒份量足免翁鑊仔牛柳 - 份量少，味道普通炸雞中翼拼珍寶腸 - 沙律多料，不過不失總評：餐廳客源大不如前，真的要裝修一下才可再吸客源。

平時去開銅鑼灣金雀食港式牛排但自從佢裝修之後 無左個地方男友就建議去金鳳試一試 聽聞價錢更加平一截添！今日係平日連位都唔駛等佢既裝修無金雀咁靚 但多左陣舊式扒房既味道一檯一凳都好似有好多年歷史咁我叫左個招牌牛柳餐 5成熟佢係未上扒之之前其實有個餐包同餐湯餐包微熱 搽番個牛油入去 牛油介乎少少融但又未融哂之間 好正佢既羅宋湯 亦都幾足料 好重蕃茄味我加左生蒜係牛柳上面 加埋燒汁 好香而牛柳5成熟放係鐵板上面 一d都無過熟 切出黎仲有少少血水 牛柳幾林 但略嫌欠左少少牛味而男友點既係5成熟既美國頂級安格斯肉眼排原本佢想點既係美國雪花牛排點知個侍應話安格斯會好食d就說服左佢首先講佢跟個個忌廉湯 麻麻地 好淡 而且無乜料係湯入面而個排 佢食左第一啖就後悔 因為個排勁大陣雪味 一d都唔好食 衰過茶餐廳平時午餐B上面塊薄牛排！PS 跟個餐飲十分細杯 如果要番個正常size既是要加錢的！

金鳳係香港數一數二既懷舊扒房，其實都有普通set lunch既，不過小編還是想試鐵板餐😌有西冷、雜扒、牛仔骨等等，最後選擇左💕招牌牛柳餐💕首先有傳統既忌廉湯同餐包🍞，打左好多芡汁既湯和軟綿綿、熱辣辣既麵包是常識吧🤣主菜來了！上枱前已經淋上黑椒汁，只淨返少少咋咋聲。🥩愛牛柳既原因係鐘意佢既厚身，厚得黎永遠唔會韌，啖啖肉味濃既感覺好正🤤大份到要分享一部分比朋友食🙈薯菜有薯條同椰菜，薯條🍟幼身唔緊要，但係就整到勁硬，唔好食啊😨

今晚放工同個女去金鳳大餐廳鋸扒。叫份黑椒西冷扒加勁多蒜蓉响面簡直好食到唔停得口! 我平時對乸過嘅牛扒好抗拒, 唯獨係呢一間啲味道做得好好尤其係黑椒汁! 亦可以選擇加大堆蒜蓉, 完全蓋過咗梳打乸過嗰陣味! 咁大塊扒加埋餐湯(羅宋湯好足料好好味)仲有餐飲加一服務費都係$120有找! 呢餐食得好滿足好開心! 滿口蒜香咁行出門口以後去親灣仔一定會再幫襯! Definitely will go back for more steaks!!

都有好多年冇嚟呢度食野，入去重臨舊地食下野&懷緬下。 坐低睇下餐牌，冇人理。。跟住唯有呼叫"唔該".... 有把大陸婆聲音叫"你食咩叫就得㗎喇，得我一個人做架咋"( 好晦氣的) 明明見到佢坐喺度打牙骹，極度冇禮貌。 我落完嘢食仲要叫我"快D"嗌埋嘢飲啦!？， 唔畀你諗要即刻落單？，咩料吖？？ 都未食嘢已經好似要嚟受氣咁，好差囉!!! 都算喇。。 咁就下佢 我哋嗌埋餐飲， 點不知D嘢食都食完啦 先見到位樓面原來都系佢行入去沖野飲嘅。。其實我體諒一人工作， 你又要追人快落單，但原來都唔係落單？？，係有人追先入去沖野飲。。 沖完嘢飲仲要離遠呼叫啲客自己行去吧頭拎，有冇搞錯吖!! 感覺好差😤

第一次知道呢間餐廳係因為屋企人介紹食過之後已經變左銅鑼灣必食既晚餐 因為又平又飽肚 又大份 男女都一定會飽一入去係好舊式既豉油西餐既格局 去親我都係嗌佢地既招牌牛柳餐 $116跟餐會有餐包 湯 同野飲個人覺得佢地既紅湯🌟🌟🌟係一流絶頂好飲 超級濃稠唔會似水咁 勁足料次次都好多菜起入面而個扒上左枱後先有人淋汁 有燒汁同黑椒汁揀扒既份量極大 西冷有時會成塊面咁大但牛柳好嫩口 岩晒我呢啲唔鐘意咬野又想鋸扒既人 個人習慣叫5成 仲會有小小紅 同好少既血水 如果唔食得生叫6/7成比較好中意食蒜既人可以加一大pat生蒜起上面 屋企人極度讚好 不過我就麻麻但整體真係性價比好高而已有質素既餐廳

老字號一百蚊有找，有湯有野飲，叫左五成熟，岩岩好！夠林好好味呀！😍重點係要加生蒜蓉！整個美味正到直線飆升啊😚😚😚缺點就係間鋪實在太細，成間鋪充滿住牛扒炸炸聲既煙，坐嘅位置好迫，枱與枱之間可以話係完全連行嘅位都唔夠😂不過我唔食服務既！繼續比高分！

男朋友係港島人，佢講左好多次帶我黎食舊金鳳食扒餐，今次終於真係食到🤣。如果單憑店外既樣，應該係吸引唔到我入去食🤣。因為間舖開左好多年，所以店內既裝修都已經好舊。加上燈光比較暗，睇落好似有啲污糟咁🙈。我同男朋友一人嗌左一個餐，我食招牌牛柳餐，佢食串燒牛柳餐，仲嗌多左個香煎日本廣島蠔。每個餐都有跟餐包、紅／白湯，同埋一杯野飲。野飲既size係茶記水杯既size🤣，飲三四啖就無曬個種，如果有需要就可以嗌加大+$5。侍應上菜既時候會問埋你要燒汁定黑椒汁，啲汁一淋入去「渣」一聲，仲要超香🤤。舊金鳳既扒餐份量真係好足，夠你食飽有突。餐包、湯同野飲都係正常，無咩特別。而牛扒真係超大份，啖啖肉，而且仲幾嫩👍🏻。除左舊牛扒之外，仲有菜同薯條做配菜。而個個香煎廣島蠔，menu寫五隻，不過唔知點解我地個碟有七隻😂，但味道就一般，唔推薦。

抵食！ $112 大大份扒餐，舊式扒餐既味道，仲可以加多幾蚊加大杯，好抵食呀！有好多唔同種既扒可以揀，仲加多蒜容，加上黑椒汁，勁惹味。如果下次黎開灣仔，絕對推薦過黎食，最唔好既就係唔近地鐵站，要行五至十分鐘先到。

今日行過突然想据扒但又太熱 懶得再行同搵就入左去喇~好 “懷舊” 的一間餐廳 😶我叫左 >>美國雪花肥牛<< 124$個羅宋湯 我覺得辣左啲 不過都還好嘅。以呢個價錢黎講個扒都吾算吾錯丫,, 生熟都控制得幾好 😁軟淋淋咁 😆不過叫餐飲時,佢問我洗吾洗加大 我都覺得怪怪的…平時喺第二度食吾加大都飲吾灑所以都冇要加大lu~點知道佢嚟到 我就明白點解佢咁問呀…因為真係好細杯😂不過整體黎講都幾掋食嘅環境 服務 就唔好有咩期望啦😊