金鳳大餐廳 (山林道)

營業中

休息中

金鳳据扒...係我同男朋友嘅Favorite...點知>隔咗一排冇去,諗住開開心心又据下扒啦,一入去座低,見到翻新過,又換晒新Menu,一揭開,嘩~~~全部加晒價,仲要加咗廿蚊有多,有冇搞錯算啦,局住食,想叫以前飲開嘅牛尾湯,蒜蓉焗青口,炒菜,百冇(因為改晒Menu)我地就唯有淨係叫咗兩個餐,西冷同T骨...餐飽: 不嬲都唔熱嘅,仍然係咁,冇改善...餐湯: 羅宋湯,好稀,冇乜味,差咗好多...主角: 西冷,一上枱,超失望,又薄又細塊,以前唔係咁架... T骨,男朋友食,見佢食到個樣都黑黑地...總括嚟講,質數差咗好多,價錢又貴咗,二百幾蚊,都有好多選擇囉...

以前一大班朋友黎食過，個次覺得好好架，但今次同朋友黎食，唔知點解同之前食既感覺差左點了！個湯冇龍蝦味既，唔知仲乜事，冇乜鮮味，好普通既湯！個肉眼扒我明明叫五成，我都預鐵板上會變6-7成熟，但我食既時候都接近8成熟！返而友人點既牛扒就有6-7成熟，而且上左枱好耐先淋汁，冇左"咋"一聲既鐵板效果！啲侍應好求其，比餐飲隔離枱仲整濕我電話........朋友個大蝦拼牛扒，個牛扒就有6-7成熟，點知連蝦都係.... 唔熟既....我都唔知仲唔仲黎食好了！不過以呢個價錢又確係幾抵食既

同同學一齊去左金鳳試一試, 因為見到有扒餐都係$27, 相對同區餐廳黎講都幾難得食左２次, 因為食完第一次之後都覺得幾好, 幾抵食!12:45 前埋單就可以免加一！由於我地星期５放11:45飯, 所以可以趕得到免加一>v<!!第一次去既時候, 可能真係比較早, 餐包好脆又熱辣辣!!好正!!到我既英皇汁豬扒意粉黎啦, 都好大塊豬排呀!初初唔知英皇汁係咩黎架, 黎到就知道係火腿蛋絲加洋蔥汁！好味道！！野飲無論凍熱都唔使加錢！又有紅白湯跟, 我剩係飲過紅湯, 呢到既紅湯係辣辣地既, 但冇肉$27係TST黎講真係抵架!服務方面都唔係太差, 不過侍應多數係講廣東話唔正的嬸嬸都幾有耐性既!不過第2次去食既時候..係星期３...我地放一點半...今次要加一啦...同埋唔知係咪過左食飯時間啦..今次既餐包唔脆又唔熱辣辣啦..好似只係叮左一下俾我地咁..而且等既時間重好耐tim呀...不過２日都唔同餐牌架！大家唔會話今次食呢樣, 下次又再食咁樣有多d 選擇環境都黑黑地架, 有卡位同大台, 食飯時間都好多人等位架另外, 上次見到金鳳重sell佢既勁抵下午茶, 真係幾抵架18蚊有個乾炒牛河等

成個同學分別係上個星期五同今個星期三食金鳳呢個間既原因係每次經過都見到D扒餐好平,LUNCH只係$27學生12:45PM前離座唔洗+$1,唔係就加一,即係$30~講左上個星期五個餐先我地總共有12個同學食~分開兩張台個日有咩餐我記唔哂全部~但我略略講下A)白菌汁牛扒B)英皇豬扒C)唔知咩雞扒F)?定G)?蛋白蟹肉炒飯H)乾炒牛河D牛扒豬扒都好大塊,我食塊牛扒就好LUM,但有人個D就好血LUMLUM同埋好UN豬扒呢佢上面係有d蛋碎火腿個d,好得意~個白菌汁我以為係白汁,原來係好似goo飯d色咁啡啡地,都幾好味~今個星期三喇A)蒜蓉汁牛仔骨B)泰式汁豬仔骨C)英皇雞扒個雞扒我冇影低呀,但係佢係超大塊,好似塊面咁大!!!!!!!!!塊皮仲好脆!!!!!!!牛仔骨同牛扒好似冇乜分別咁,不過都幾好味~豬骨仔就比較UN~不過味道上比牛仔骨好味~D泰式汁都好正~相比起上星期五,星期三既係好味過上星期五食既野!!!!!!!!最好係凍飲唔洗+$~好好呀!都好大杯!!!!!不過.........佢地D態度真係好麻麻喇~~佢D WAITER WAITRESS主要都係中年~星期三去有個比較後生D既女仔~幫我地

一個字 - 劣! including food quality, service and decor. Few friends and I had dinner here the first time in TST 金鳳. ho disappointed. First of all, our sizzling steaks(西冷扒 and 羊扒) were not sizzy whatsoever. The steaks were soaked with soda powder which I could barely taste the real meat! feels like eating soda powder...ah waitress was impolite...service was so slow. We had to call them like 1000 times so we could order. maybe they are low on budget to brighten the lights. it seems to be quite dark in

聽朋友講話呢度ｄ下午茶餐都幾抵食，夠平同款式夠多，價錢都係＄12-＄18，仲要唔收加一。今日同ＢＦ行開呢頭就入去試試，我地叫左個干炒牛河同西多士，味道唔錯，份量正常，加埋兩杯凍飲，埋單都係＄30，真係幾抵食，不過就麻麻地好坐，有Ｄ迫狹既感覺，服務一般。總括黎講，都算okay，有機會都會再來。　　　　

是日找男友午餐，要近他工作的地方，男友帶了我來這裡。$27一個午餐，有餐包、湯、主菜、飲品，加一後只需$30，很抵食啦。餐湯選了羅宋湯，稀稀的，蔬菜比較少。餐包不夠軟熟，沒什麼吃頭。主菜選了鴨胸拼牛仔骨，兩者都幾好味，牛仔骨仔不會過咸，算是交足功課了。餐後的凍檸茶正常，服務都算快手，難怪午市全場滿座了。

我都係常客之一, 鍾意佢d 扒有好多種,雖然都知冇可能有好高quality,但都算是可接受啦~~不過一次要話的就係個扒既成熟我同個fd掉轉左......我們要的有1. 肉眼扒, 六成熟 $70我一向食扒都不加汁的, 因為覺得可以食到肉汁的味道,而且叫六成左右加鐡板上最好, 上到食緊大約都有七八成,不過佢上到黎都有八成了, 那我吃的都有點'鞋'了2. 特級西冷, 八成熟 $108侍應生說最好用碟上, 那都沒所謂啦,不過佢上碟時都發覺太生了, 我就覺得ok lor, 朋友不吃太生的,最後我地交換左一半...........同埋我好鍾意佢有菜, 即係中式個d炒菜呀仲有次次都叫3. 蒜蓉焗青口 $18有5隻呀, 好抵食, 都幾新鮮架, 上面仲有好香的蒜蓉呢都不錯的呀~~咁既價錢, 有扒鋸, 算係咁啦

金鳳 - 太子道個間, 由細食到大, 品質不錯.今日去佐敦個間, 失望失望好失望同家人點左三個午餐, 要忌廉湯忌廉湯無味, 得紅蘿蔔粒及麵包粒, 但啲炸麵包粒係 "益" 既.三個餐 :一個係腸仔雞肶沙律 -- 雞肶無味, 沙律係青瓜薯仔 一個係洋蔥牛扒意粉, 牛扒開始變壞, 味度很 "雪" 添.最後一個係豉椒班腩飯 -- ok. Just ok 三個餐中最好係佢.一個西餐廰, 竟然係中餐好過兩個西餐.........無言.

想平平地据個ok 既扒, 金鳳系必然首選. 每次來都會食頭圍. 6 點左右. 鐘意無 mug 人. 無咁油煙, 無咁嘈.飲紅湯千奇唔好飲白湯. 白湯好面粉水feel .個飽熱夠軟, 牛油香濃. ok. 我每次都會叫 T- Bone, 鍾意佢有肉味得來又唔肕.呢度 D 扒無 mug 落松肉粉的.我個friend 要蠬利柳, 唔腥. 幾香.我地每次都 + 蒜蓉(+$2). 用牛油抄過. 加左落扒度勁香. 重有 +$10 有碗茄汁意粉 tim. 講真~比幾拾蚊, 塊扒 ok 又大大件, 食飽飽行出門口. 大家要求唔好高過付出先得 ga. P.S. + 蒜蓉 +蒜蓉.......會再來, 再來........

在尖沙咀上班...可選擇的食店多不勝數...為何要選擇此店?就是因為平同近...卡位又多...返夜時...我是必選此店的下午茶餐...即炒粉麵飯很值得推介...侍應態度積極...很主動落單...又不會作出趕客舉動...我曾試過午餐及下午茶時段來光顧...午餐雖人多...但通常都不用等位...通常是八、九成滿...氣氛熱鬧...下午茶餐時間通常是卡位滿...偶然有大夥人會坐中間位置的枱...午餐對女孩子來說份量太多...下午茶餐就OKAY...要彈就是該店的桌布、椅套又舊又髒...不知多久沒有清潔過...惹人反感...不過向來只要食物稍有不潔便有腸胃反應的我...多次進餐後都沒有問題...可見食物是OKAY的...味道：即炒粉麵飯OK。環境：燈光稍暗，是放鬆傾計的好氣氛。服務：服務態度良好。衛生：桌布及椅套清潔急需改善。抵食：下午茶餐十分抵食。總結：桌布及椅套的清潔再不改善，會是趕客的因素。

第一次去,睇雜誌話好食,差唔多九點幾先去所以唔洗等.侍應招呼都ok, 3個人, 一人一個餐見餐牌推介,其中2個叫 "美國雙降雪花牛扒($98)", 1個叫" 美國小牛排($88)"餐包一般, 羅宋湯完全唔得 (真係似溝左水,或者蕃茄水+菜)其中一個餐加左$6轉洋蔥湯...等左好耐終於黎, 但係似忌廉湯多d囉....main course 一黎, 我地都"哇"左出黎... 我地個"美國雙降雪花牛扒($98)" 好大塊呀! 仲有兩塊tim(好似男人手掌咁大塊). 點知出事!!!味道好一般,超多筋, 相信用刀切唔開ga,要用剪刀先剪到果隻.佢比左兩款汁我地. 一款辣黑淑汁(合格), 一款唔知咩(凍ga,落左仲難食)食左大約25%已經唔想食因為牙"餃" 已經好攰!!!!同埋有10個%係吐左出黎因為吞唔到.......因為肚餓所以都係食哂d西蘭花同薯角就算,塊牛扒係冇乜點食過ga同返果d 侍應反映, 點知佢話我地叫果款美國雙降雪花牛扒唔o岩香港人食wo 哈哈咁o岩邊個食呀?真係吹脹呀! 早知落旺角食pepper lunch/ 大家樂都好食好多仲要唔洗咁貴囉!!!!!!!!!

今次係第3次食金鳳,頭2次都係係灣仔果間食,兩次都係覺得好好味.不過今次食tst店就覺得唔多好..食之前都知道哩間係無咁好,不過估唔到差咁遠.8點3去到,要等,都係等15分鐘左右就有位.坐卡位,比灣仔無咁逼.不過坐低後無人理囉,無menu無水咩都無.好在我地一早諗好左食咩野. 嗌完野先黎兩個餐包,不過之後等成5分鐘先俾埋個紅湯(溝水果種),唔係應該一齊出架咩??可能佢地要等齊10個湯先一齊出掛,個waiter係拎住十幾碗湯行埋黎問我地係咩湯.. =.=到個扒啦,一個西冷一個牛柳,兩個都三成.肉係好食,不過又係等左一陣先有人黎問你要咩汁,同埋個黑椒汁無味,似係溝左水,上次灣仔果f好香,香到食完都仲香緊架嘛!仲要左個白汁西蘭花,都係唔好食,白汁又係無味..西蘭花更加無味啦!overall都係灣仔果間比較好食,不過如果講坐得舒服就tst哩間啦. d waiter都係灣仔好d,快手快腳, tst果d好慢..慢到嗌兩杯水都要10分鐘先到,嗌佢又扮聽唔到..聽日講tst果間係阿叔果女主理,灣仔果間係阿叔自己理返,唔同兩代差咁遠?!

同2 個朋友去食...叫左2個紅湯1個白湯...個紅湯都ok..冇咩野...但個白湯就唔係好夠料..好淡""之後黎左個T骨,,,牛柳,,同什排,,,(全部都係7成)個T骨好難切....好多筋....牛柳就似6成熟...叫左個白汁焗西蘭花...個白汁好鬼淡....芝士味都冇乜個服務員不停叫人落餐茶...好煩...檸水...D檸檬冇咩味...成杯似糖加水...檸茶...都係咁...哎...好鬼迫....""

同三幾個朋友約左去山林道食飯,因為遲到關係,咁就無得揀去邊度食,去到佢地已經黎左呢度坐低左.個個等我開餐咁我就好快決定要個牛柳餐.60幾蚊,真係ok.佢個temperature都ok 架,但係因為塊扒一邊厚d一邊薄d,所以薄0個邊就overcook左.都soft & tender gei,加埋個黑椒汁實在唔錯!抵~因為本人比較細食,食到飽finish唔到成塊扒自己都覺得可惜!個餐飲都ok,不過如果叫凍飲我就覺得細杯左d啦...朋友叫左羊扒話都ok,但因為之前食左兩個餐飽所以都食唔晒~地方比較窄同舊少少啦,所以坐得唔係好舒服架咋.而服務都係一般.不過不失.諗唔到食咩去食吓都幾好~