金鳳大餐廳 (山林道)

營業中

休息中

下午茶餐 2:30 开始, 很抵, 全部 $20 ~ (但我們最終叫了三个餐, 因不夠飽 )menu 上全部款色, 一定有款啱你胃口 ~ 还可叫外賣, 凍熱價錢一樣 ^^1) 芝士雞絲焗螺絲粉 - 其實份量也算少, 如遇上大胃皇, 就唔夠食了 ~ 2) 乾蔥 豬扒撈公仔麵 - 味道咸左少少, 都可接受 !!! 3) 吉列魚柳沙律 - 魚柳很咸, 沙律麻麻地

同朋友叫左兩個鐵板 1.羊腿扒 2.豬牛雞雜扒餐羊腿扒就幾好食, 不過羊酥味都幾重。個雜扒餐就離哂大舖! 塊雞扒入面生的! 一口咬左入去就嘔返出黎個陣廚房已經收左爐, 所以同阿姐反映, 點知阿姐仲死撐哩塊係牛扒。。。成晚個口都血淋淋呀...諗返起都心有餘悸食物負分，服務態度零分！

金鳳的大名已聽過不少次，往時6:00pm許在那長沙灣舖已見大排長龍 『係咪咁正呀』: 心諗 這天中午不期然行過山林道，又見到金鳳了，但呢次係無人的，好奇怪；兼且午餐價錢竟然只須$30大元，一間咁出名而坐落尖咀地區嘅餐廳竟会如此便宜，我當然唔會放過此機會喇 。7成滿座，入去無侍應招呼，無所謂便找個位坐下去。望望Menu，見有牛仔柳餐，lum 住大餐廳的牛仔柳一定唔差，so 便 order 一份。眼見待應手腳非常〝那西〞，餐具排都不排好，一手一渣放哂係枱，枱面又唔抹，好不乾淨呢 有野食了，個餐其實好豐富 : 餐包、羅宋湯、牛仔柳薯菜、凍Lemon Tea 餐包 - 全餐最好，估唔到超軟又熱辣辣，好味羅宋湯 - 味可以，材料亦十足，但敗筆在唔夠熱，及唔夠濃，一般牛仔柳薯菜 - 賣相好吸引，但牛仔柳肉一切落去已覺唔掂；霉霉淋淋的，一啲肉質感也無，味道還接受到，但點可以上抬架 。薯條偏淋、無味又唔脆；大白菜整得過耐，好 un 呀！呢間真的傳說中的金鳳？點解會咁差勁架 ，可能真的一分$$一分貨，「糊口可以」，但我真的 prefer 賣貴o的做好o的喇，呢間無下次 law。

呢晚約番哂d舊同事來個晚飯聚一聚. 正當大家苦惱緊食咩又飽肚又好食好平之制, 男同事彈出一句: 不如据排啦. 好! 橫店好耐都未据過排. 不過依家既西餐廳据塊排閒閒地都百幾二百蚊,唯獨有一間港式老字號西餐廳依然逆市而行, 重要係出名好食夾大件. 我諗全港只有佢做得到: 金鳳大餐廳.不過叫得老字號, 重要平夾正, 去到就梗係要守下規距架啦: 人數未過半唔準入座.好彩我地6個人叫左其中3位去等位先, 所以好快就有位坐. 眼見成場full哂,仲有幾枱人係門口等緊, 睇睇餐牌, 嘩~~真係令我想番起以前住係灣仔去灣仔個間分店食既童年回憶~~最難得係佢既價錢仲係做緊幾十蚊一個餐, 配菜都係十多蚊, 真係去邊度搵.同朋友來呢度最好, 一人一個餐,唔洗share唔洗爭.餐包上枱時巳經凍了,最重要既得分環節巳經扣哂, 好在面包仍然軟熟.餐湯 - 酥皮海鮮周打湯酥皮麻麻地,好厚有點硬.個湯好'傑'好濃忌廉,材料普通,內裡既雜菜條比較多. 不過加10蚊有個酥皮仲想點....蒜蓉蘇格蘭牛排餐 呢個餐簡直可以用'大堆頭'來形容. 塊排仲差d大過塊鐵板,仲要成吋幾厚. 但係唔好以為咁厚好硬, 一切落去好'淋'

今日行街, 由尖沙咀行過去佐敦, 行到3 點左右, 就同個朋友入左金鳳食個下午茶. 一睇個下午茶餐牌, 就見到幾多選擇, 價錢亦很平. 最後我選擇左個 "火腿焗肉醬意粉", 真係好平, 仲包凍飲, 只是$20. $20 去一間餐廳食一餐仲有野飲, 仲想點呀!味道真係好普通, 或者可以話係無乜味, 但因為肚餓, 都差不多食晒.食完後, 有點意想不到的事. 伙計先收左碟意粉, 再收我用完隻叉, 但我隻匙就未用過的. 我估唔到個伙計把隻匙放回未用過的匙箱內!! 真係估佢唔到呀!! 我唸呢間野真係無下次啦.

幫完朋友手，佢要請食飯，去到山林道，好多日本餐廳，但係唔想食咗人隻"車"，又趕時間，去咗呢間。服務人手不太足，,不過都做足最低要求。環境好一般，茶餐廳feel(不過暗咗啲)食品大家都叫套餐紅白例湯 ~ 一般水準，都夠熱。餐飽 ~ 熱熱地，都ok。鐵板牛柳 ~ 我要五成，來到九成，加埋鐵板，十足十......，不過，太腍, 冇乜味。牛仔肉 ~ 朋友話好ok。加個炸洋蔥圈 ~ 即炸，夠熱，脆，好過burger king嗰啲多多聱。飲品 ~ 涷奶茶少甜 ~ 又唔錯，夠茶味。正所謂，好又一餐，唔好又一餐，不過，貴咗啲。

T 骨扒餐 (加蒜茸) $90比想飲中差, 又肥又硬 白酒浸青口五隻 $26要襯熱食, 凍左味道差左 下午茶餐都好平西多士(半份)配炸雞中翼 $20 下午茶選擇都有好多, 因為夠晒低食關係, 人流十分多, 不易有位

爸爸生日, 佢最鍾意食又平又抵又大大件肉~ 佢話想懷舊下, 想去太子金鳳, 但因太子金鳳冇得BOOK, 唯有BOOK左尖沙咀呢間~我都會相信, 爸媽的年代會來拍拖吃飯, 港式扒房~ 食個扒, 飲杯茶~ 雖有條骨阻住切, 但牛味最濃~ 我們點的牛扒來計, 牛味排第二濃, 偏腍~爸媽最愛的羊, 這羊脾看似很乾, 但原來肉內很滑, 羊味濃~ 爸爸還加了生蒜, 味更濃郁, 每件羊脾都有條骨, 可以讓爸爸像野人吃東西............ 牛柳太腍, 牛味最淡~羊扒反而羊味淡, 偏腍, 適合怕羊羶的人吃, 但對於我爸媽是不夠羊味~ 吃得很開心, 也很飽, 因在短時間內, 又飲餐湯, 又吃餐包, 又飲餐飲~ 仲要吃大大件肉, 對於爸爸是大滿足~ 對於我地個肚皮, 真係捨命陪君子~

LUNCH過佐敦食，叫咗個午餐焗雞排飯白湯︰水味幾重，唔算好好味，有啲細個嗰陣飲嗰啲白湯感覺。餐包︰凍咗，麻麻。焗雞排飯︰幾好，雖然少少唔夠咸，但喺雞排脆脆地，洋葱夠腍，加埋好好味，個份量唔喺勁多，女仔嚟講啱啱好。凍檸茶︰甜得濟，搞到蓋過咗茶味。下次叫少甜會好啲。整體唔錯，價錢喺尖沙咀附近嚟講算平，加埋1都喺$30(凍飲唔使加錢)，會再幫襯。

講到金鳳, 對香港人黎講應該係一個幾熟悉的餐廳,如果想平平地又想頂下鋸扒癮其他呢度都唔錯.六十幾蚊就有一扒餐, 都真係好過響快餐店度食個扒架~平時我諗都唔使諗, 一坐低就T骨扒餐, 但竟然今日呀姐話賣晒....無奈地我就叫左蘇格蘭肉眼扒餐. (跟餐仲有一個包, 湯, 同埋飲品)<<< 個扒會有薯仔跟, 通常我地會叫佢分開上, 唔使比D汁攪到林晒>>>本人覺得個包同個湯都合格, 其實唔係特別好味, 只不過唔會係難食,個包丁熱黎到記得即刻搽牛油食. 我就覺得好香好好食.份量小左, 以前只賣廿蚊既金銀蛋波菜依家要成28蚊. 貴....貴.....雖然話就話貴...相比響其他餐廳的話, 其實價錢差不多.我最鐘意食D 蒜頭粒. 勁正!!!今日既主角, 配左黑椒汁<<< 今日個黑椒汁勁黑椒, 唔係太食得辣既人點返燒汁會好D>>>2隻手掌咁大塊既肉眼扒, 冇錯食落真係好柔軟, 冇根, 唔痴牙,但我就覺得好唔似牛扒....真係唔知佢點解可以整到咁林.....我都係鐘意食返T骨...真係有牛肉味好多!!!餐飲

我頂,真係好唔掂叫左個雞扒炒公仔面D味好DRY,D肉好有雪味,好唔掂,食完反哂胃,食完有種回甘但係價錢OK,27蚊加1=29.7凍飲一D味都無,同飲水無分別白湯OK無下次

每次一想据扒就諗到金鳳而且每次都會叫牛柳呵呵金鳳仲要唔貴....一個set$50-1xx今晚同左BB去金鳳食~~佢D牛柳又LAM又有牛味~~叫6成熟岩岩好, 唔太生唔太熟~咁好味....叫我點戒牛WOR...

呢日陪朋友去尖沙咀試衫, 試完行陣街街就開始肚仔餓...朋友話忽然好想去据扒, 於是就去左附近既金鳳~我要左一份: 鐵板燒羊肶餐 配 餐包仔 跟 白湯朋友要左一份: 鐵板西冷餐 配 餐包仔 跟 紅湯然後仲要左一份: 炸雞軟骨小食 鐵板燒羊肶餐:哇! 嚇呆左, 大大份既羊肶肶, 帶少少騷味, 肉質有咬口, 讚! 鐵板西冷餐:無咩特別, 大大份正常樣一個, 味道一般. 炸雞軟骨小食:彈! 炸粉太厚, 有粉粉既感覺.呢餐絕對超飽...XD

就快萬勝節…所以就出左去搵d南瓜映相tst 一帶都有好多南瓜人,好得意xdd”映完相就諗緊去邊到食扒…..不過tst 好似得2個經濟choice…金x同埋花園~~???最後我地選左金x..因為食完可以行番過海旁搭車消化下~去到本來有位架,不過想坐卡位,所以就等一陣啦^^終於都有得order啦xdd叫左一個牛柳..一個肉眼um…都係牛柳好味d…. 叫左9成熟但一點都不”un”肉眼扒都係食唔番好耐次前係酒店食個種味道..相比之下就變得一般了另外再叫左碟菜..都算大碟lu!!!味道不錯..唔會話太咸^^

做完工作，四時多未吃飯，行行下來到山林道，見到下午茶餐＄１２起，炒粉麵都係＄１９，即刻入內，都有很多人，但幸好又有位，那督坐好快快叫吃的．３人都選了＜焗芝士火腿肉醬意粉＞，以為好細的，但卻算適中，也算夠飽肚．味道可以，肉醬也多，又有飲品，叫了奶茶，不及茶記的好味，但勝在平宜，凍飲又唔要加錢，低食啊！