金鳳大餐廳 (山林道)

營業中

休息中

特登出去食金鳳，叫了一個帶子牛柳鐵板，肉質太差，好散，完全無口感，無牛味，無肉味，放入口有股酸及梅的味道，這也是我不會再去的原因了，早前食過銅鑼灣店都可以，尖沙咀店真的太差了

睇Ekin演唱會之前，先去山林道鋸個靚扒。叫左招牌牛柳同西冷牛扒🐮🐮，兩份都加上生蒜。 今晚紅、白兩湯都好鹹，而且白湯太傑，有d似糊仔！兩份扒餐，一份鉄板，一份碟上，賣相都唔錯 🤗 生熟程度跟order啲五成及七成相若，讚！另外，雖然招牌牛柳size比西冷差不多細一半，但口感較有彈性及牛味；而且西冷肉質偏淋，肉味不太重，感覺水準下降了，不過加上黑椒汁同生蒜後，尚算惹味。食後感：一百蚊左右就有大件牛扒餐，整體黎講：抵食👍

情人節唔想比人搵笨 又唔想食中餐 所以諗起 由細食到大嘅金鳳 睇完餐牌 本身都想試情人節餐 應下景 但係我哋唔好紅酒 又食唔到咁多 都係繼續 叫 食慣嘅牛柳餐就算!享用完足料的羅宋湯，同傳統的餐飽 ( 唔記得咗影相) 到熱辣辣嘅主菜上枱唔薄又唔厚，咬落啱啱好，又juicy嘅牛柳，配埋粗薯條 同蔬菜， 感覺好和諧 🤤非常抵食夾大件加 生蒜蓉 都係收多兩蚊另外，畀多三蚊加大杯凍檸茶加埋一都係$200幾 落樓 快樂原來好簡單☺

一入去去無人招呼同拿飛等位，坐底無人幫忙落單，員工只顧著聊天，加單無人跟進，牛扒放低後直至鐵板都唔熱，都未有人過來淋汁，最後自己做埋佢個份，食咗成餐飯得一肚氣，毫無服務可言。。。

尖沙咀餐廳雖然多但人均消費真係較貴，無計啦旺區租貴人流多。。。呢間餐廳可算係我地嘅飯堂，下午茶時間大大塊扒撈丁凍飲都係30蚊有找！crazy呢日第一次lunch time幫襯，原來午市都好抵喎！日式有扒當然都有啦～一人一份餐好快上菜先嚟餐湯一貫茶記水平，餐包熱辣辣加埋牛油，正！食完都已經飽咗3，4成啦哈哈扒餐上檯真係大得嚇人，切極都仲有，薯菜都脆；日式飯大碗到男伴都食唔晒哈哈哈，飲埋餐茶捧住個肚埋單，正！

Lunch同班同事去食飯，叫左一碟牛扒意粉。個份量好多，牛扒都唔算難切，但係味道就真係一般。雖然佢有包埋湯同餐包，個價錢都算平同抵食。但係服務同環境就真係差少少。

兩個麻甩仔，唔係食氣氛，又想平，又想鋸扒，即刻諗到去金鳳，因為考慮到唔想排隊關係，放棄去太子店，改去山林道嚟間當日星期五，我哋八點半左右到，一到門口仲以為要排，原來人們只係在外面煲煙，行入去，不用等就有位無論紅白湯都很濃，正我order左蘇格蘭牛扒加左蒜蓉，年扒超淋，淋到唔覺得食牛扒咁，口感有點像茶餐廳d滑牛，但整體味道也不錯加左蒜蓉令味道提升很多，我份超抵，$88，蒜蓉另加$2，仲要係有湯有嘢飲友人order左個金鳯牛扒，除了牛扒外，還有蛋有蝦有火腿，但要加$20轉餐才有湯有嘢飲，相對而言，我果份更抵總結，此店可算平靚正

記得小時候，每逢大日子，如聖誕節、家人生日，都會到外面餐廳慶祝，某年的聖誕節就去了金鳳餐廳。n年後的今日，又去食金鳳，味道好像失色了，不知道是否人大了，吃過的好東西多，享受過貼心的服務，餐廳的質素頓然下降了。然而，扒的份量依然巨大，整塊鐵板都被肉佔據，而扒亦十分厚，如果從飽腹的角度看，金鳳不會令你失望，但論肉質和肉味，它不稱職，肉的質地有點鬆散，扒的肉味淡，味道主要來自黑椒汁。要知道它的價錢只是約一百元，不求什麼的話，便不會失望。

成日都係啲平台見到人地介紹啲懷舊餐廳食排 見咁耐冇食 就專登揸車出去尖沙咀食下 去到9點幾都要等位 等左大約15分鐘左右就有位了 入到去有卡位坐 燈光比較陰暗 入面都幾多位下 不過正當諗住坐低既時候 有隻曱甴喺部牆到 fxxk😫 好彩唔係係啲野食到解決左佢之後就叫野食 叫左一個牛柳餐 一個蘇格蘭牛扒餐 加左2個意粉個牛扒可以加蒜蓉 2個都7成先黎左個餐湯同餐包 個羅宋湯都幾好味好多料有少少辣 個忌廉湯就一般般啦個牛扒好快就黎到不過佢將我個蒜蓉加錯左係第二個餐度唯有自己調返轉佢啦 個人就鍾意個牛柳多啲 比較有牛味 配埋個蒜蓉都幾正 而另一個蘇格蘭牛扒就麻麻地 同埋太熟了 個底燶左 食落好大陣燶味 另外個餐飲加大左 加大左先係正常size 如果唔係就得勁細杯 整體黎講都ok 啦 係衛生差啲

垃圾都暈都唔知食緊乜嘢 牛扒毫無味道 咬落去啲牛扒用食粉乸到冇晒質感 雖然塊鐵板都夠熱 個羅宋湯唔知做乜鬼好鬼甜 可能成間餐廳最好食嘅淨係得返個餐包 服務方面完全冇禮貌態度差 好似好唔願做 淨係叫佢攞張紙巾都好唔願意 仲有成間鋪頭啲抽風系統好差 勁重鐵板D煙 多到唔散 最奇怪嘅事如果額外再叫甜品 就一定要餐前落單 餐後落單仲要加貴5蚊 咁好啦都照嗌啦 點知等極都等左成20分鐘杯雪糕仲未黎 叫夥計去跟進又唔去跟 咁唯有埋單走人唔會再有下次 唔會再有下次

通常想食平價又大份既鋸扒都會去花園餐廳，貪佢連鎖店多分店。朋友介紹下先識呢間金鳳，聽個名似茶記多啲，但原來都係平民化既西餐廳。呢日平日7點鐘去到都仲有半數空位，唔洗等齊人可以先入座。西冷/牛柳大部份都$100有找，雙拼都係一百鬆啲，包餐湯餐包野飲。我揀左呢款帶子牛柳，三成熟，凍飲唔洗加錢，但朋友話呢度包既餐飲size同出面唔同，大約係一隻茶餐廳水杯咁大，可以加錢加大。落單後唔洗五分鐘餐包餐湯到羅宋湯熱辣辣有煙出，煲得幾好，夠濃味，帶辣勁，唔似出面果啲得茄膏蓄茄加水。餐飲認真的骰，比起個餐包高身少少，對餐飲有要求既記得加大主角黎啦～～～鐵板燒熱上枱，侍應會拎埋醬汁過黎即倒，正宗jar jar聲份量唔算好大，大約一隻半手掌，呢個價錢算係咁。切開有啲失望，因為完全唔係我要既三成熟，睇顏色至少五成肉質幾軟嫩，一切就開，入口都係軟身，感覺加左唔少鬆肉粉，同埋牛味唔重。帶子都算結實唔散，幾大粒，但配埋黑椒汁就食唔到鮮唔鮮甜，感覺唔係太夾～建議想揀雙拼既可以揀其他～整體質素以呢個價錢黎講性價比都算高，但如果就腳我會寧願去返荃灣莎樂美，排耐少少都制～～～

原本諗住去 steak house...但係無啦啦落大雨又塞車然後又趕時間,於是求其食諗住快D 填飽個肚就算,然後就去咗食金鳳...都有幾年無食,發現裝修都變哂,無哂以前懷舊感...不過又唔係食裝修, 所以問題不大,只要食物維持到舊有水平就足夠!!ordered 之前食開嘅:-羅宋湯-蘇格蘭肉眼扒 (5成熟)-薯菜-熱檸水-罹宋湯: 得好假嘅蕃茄味, -配料: 椰菜...就只有椰菜, 無落肉煮-醬汁: 黑椒, 蒜蓉 half half-肉眼扒: 驟眼望係覺得煎得幾靚, 但係cut 開就見到唔單止係5成熟*****係完全唔熟*****職員都有誠意道歉同 fix the problem...overall 係失望, 因為都生得幾過份,而且感覺到金鳳經已變哂,無咗以前舊式裝修, 而且食物質素亦不及以往!!

論餐廳鋸扒比較，講到抵食，金鳳無得輸，試問一百蚊至二百蚊樓下，以平民價錢食一個鐵板牛扒豬扒餐，有湯有扒有飲品，價錢相比其他快餐連鎖店，絕對超值！只可惜地點只有太子，和尖沙嘴，要食只能夠專程去這兩店舖光顧。食品質數，自問在吉吉島買牛扒回家煮食，在沒有醃製下，還需要看買牛扒那部份，如牛柳，肉眼，牛肩，T 骨，西冷等等，一般情況用煎pan 煎出來的牛扒，肉質和口感都不能像街外那種感覺，雖然沒有使用鬆肉粉下的肉質，但始終欠缺專業廚師處理手法後的質感。 而金鳳餐廳處理過的牛扒和豬扒及其它的扒，在醃制過程中，使用的醃制份量有其專業一面，不重手，不會令食家覺得把肉質變得霉霉，不像其它連鎖店，使用較重粉把肉質變得像好彈口，如吃膠肉感，更加沒有吃到一陣粉味，好像亞摩尼亞一樣！今次試了豬扒，感覺很好，沒有跟牛扒比下去，但可惜吃到有骨肉部份時，連骨肉未煮得全熟，這部份是最嫩口，因有少量肥脂，口感最好部份，這裏需要扣分！整體而言，以一間大餐廳所質數，價錢，地方，質量，絕對抵食，值90分，扣10是分店少，算是殘忍過份嗎？再者，假如全港三間連鎖快餐和金鳳在面前，顧客如想吃扒的話，以價錢，質數，質量，抵食，必定金鳳

去左尖沙咀行街又想鋸扒，就去左山林道嘅金鳳餐廳，好耐冇黎過鋸扒，唔知仲係咪咁好食呢我同男朋友都揀左呢個晚餐set餐包中規中矩啦～冇乜特別-羅宋湯，雜菜入晒味，啖啖茄味-忌廉湯，男朋友就話好普通煙鴨胸沙律鴨胸好乾，食落唔新鮮下面個沙律好難食原全唔知自己食緊咩西冷牛扒揀五成熟是常識吧！牛扒肉味濃郁，肉質鮮美，配上黑椒汁同蒜蓉冇得輸帶子就正正常常冇特別，沾上黑椒汁食都唔錯意大利配方雪糕開頭聽到個名都覺得幾得意，但食落口要奶味冇奶味，要甜味冇甜味，好奇怪嘅雪糕

午飯時間幫襯 正常先上餐包同湯點知漏左湯20分鐘食完仲未有餐飲 問職員追單15分鐘後仲未有再問另一個職員 佢粗聲粗氣講：落左單就沖緊啦再15分鐘都仲未有 分明漏左單 附近枱後上嘅都到哂連隔離個客都幫我出聲催單食個快餐 唔通係自助餐咩趕住走 連飲品都等唔切同個收銀員講 啲野未黎齊佢答 一係你飲埋嘩 用半個鐘催你單都唔夠？！最後仲要鬧我痴線打開門咁做生意俾錢買難受咩無下次！